iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ൽ Safari ഉപയോഗിച്ച് വെബ് ബ്രൗസ് ചെയ്യൂ

നിങ്ങൾക്ക് വെബ് ബ്രൗസ് ചെയ്യാനും വെബ്സൈറ്റുകൾ കാണാനും വെബ്സൈറ്റ് ലിങ്കുകൾ പ്രിവ്യൂ ചെയ്യാനും വെബ് പേജുകൾ വിവർത്തനം ചെയ്യാനും നീക്കംചെയ്യപ്പെട്ടാൽ Safari ആപ്പ് നിങ്ങളുടെ ഹോം സ്ക്രീനിലേക്ക് വീണ്ടും ചേർക്കാനും കഴിയും. നിങ്ങളുടെ എല്ലാ ഡിവൈസുകളിലും ഒരേ Apple അക്കൗണ്ട് ഉപയോഗിച്ച് iCloud-ൽ സൈൻ ഇൻ ചെയ്താൽ, നിങ്ങൾ മറ്റ് ഡിവൈസുകളിൽ തുറന്ന പേജുകൾ കാണാനും നിങ്ങളുടെ ബുക്ക്മാർക്കുകൾ, ചരിത്രം, വായന ലിസ്റ്റ് എന്നിവ നിങ്ങളുടെ എല്ലാ ഡിവൈസുകളിലും അപ് ടു ഡേറ്റ് ആയി സൂക്ഷിക്കാനുമാകും.

ഒരു തുറന്ന വെബ്പേജ്. മുകളിൽ, ഇടത്തുനിന്ന് വലത്തോട്ട്, സൈഡ്ബാർ ബട്ടൺ, നിലവിലുള്ള തുറന്ന ടാബ് ഗ്രൂപ്പിന്റെ ടൈറ്റിൽ, ‘മുൻപത്തേത്’ ‘പിന്നിലേക്ക്’ ബട്ടണുകൾ, തിരയൽ ഫീൽഡ്, ‘പങ്കിടൂ’ ബട്ടൺ,’ പുതിയ ടാബ്’ ബട്ടൺ, ‘ടാബ് അവലോകനം’ ബട്ടൺ എന്നിവയുണ്ട്.

ഒരു വെബ്പേജിലേക്ക് പോകാൻ

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. തിരയൽ ഫീൽഡിൽ വെബ്പേജിന്റെ പേരോ വെബ് വിലാസമോ (URL) നൽകൂ.

Safari ഉപയോഗിച്ച് വെബ്സൈറ്റുകൾ കാണാൻ

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. താഴെപ്പറയുന്നവയിൽ ഏതെങ്കിലും ചെയ്യൂ:

    • ഏറ്റവും മുകളിലേക്ക് മടങ്ങാൻ: ഒരു നീണ്ട പേജിന്റെ ഏറ്റവും മുകളിലേക്ക് വേഗത്തിൽ മടങ്ങാൻ സ്ക്രീനിന്റെ മുകളിലെ അറ്റത്ത് ഇരട്ട-ടാപ്പ് ചെയ്യൂ.

    • പേജിന്റെ കൂടുതൽ ഭാഗങ്ങൾ കാണാൻ: iPad ലാൻഡ്സ്കേപ്പ് ഓറിയന്റേഷനിലേക്ക് തിരിക്കൂ.

    • പേജ് റിഫ്രഷ് ചെയ്യാൻ: പേജിന്റെ മുകളിൽ നിന്ന് താഴേക്ക് വലിക്കൂ.

    • ലിങ്കുകൾ പങ്കിടാൻ: പേജിന്റെ മുകളിൽ വലത് വശത്തുള്ള ‘പങ്കിടൂ’ ബട്ടൺ ടാപ്പ് ചെയ്യൂ.

Split View എന്നതിൽ രണ്ട് പേജുകൾ വശങ്ങളിലായി കാണൂ

രണ്ട് Safari പേജുകൾ വശങ്ങളിലായി തുറക്കാൻ Split View ഉപയോഗിക്കൂ.

ക്രമപ്പെടുത്താവുന്ന ഡിവൈഡർ ഉപയോഗിച്ച് വേർതിരിച്ചിരിക്കുന്ന രണ്ട് വ്യത്യസ്ത വെബ്പേജുകൾ സ്ക്രീൻ കാണിക്കുന്നു. മൾട്ടിടാസ്കിങ് കൺട്രോളുകളുടെ ഐക്കൺ ആണ് ഓരോ വെബ്പേജിന്റെയും മുകളിൽ ഉള്ളത്.

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. താഴെപ്പറയുന്നവയിൽ ഏതെങ്കിലും ചെയ്യൂ:

    • Split View-ൽ ഒരു ശൂന്യ പേജ് തുറക്കാൻ: ‘ടാബുകൾ’ ബട്ടൺ തൊട്ടുപിടിച്ചതിന് ശേഷം 'പുതിയ വിൻഡോ'യിൽ ടാപ്പ് ചെയ്യൂ.

    • Split View-ൽ ഒരു ലിങ്ക് തുറക്കാൻ: ലിങ്ക് തൊട്ടുപിടിച്ച ശേഷം 'പുതിയ വിൻഡോയിൽ തുറക്കൂ' എന്നതിൽ ടാപ്പ് ചെയ്യൂ.

    • Split View-ന്റെ മറുവശത്തേക്ക് ഒരു വിൻഡോ നീക്കാൻ: വിൻഡോയുടെ മുകളിൽ Safari ‘മൾട്ടിടാസ്കിങ് കൺട്രോളുകൾ’ ബട്ടൺ അമർത്തിപ്പിടിക്കൂ, എന്നിട്ട് ഇടത്തോട്ടോ വലത്തോട്ടോ വലിക്കൂ.

    • Split View വിൻഡോയിൽ ടാബുകൾ അടയ്ക്കാൻ: ‘ടാബുകൾ’ ബട്ടൺ തൊട്ടുപിടിക്കൂ.

    • Split View വിട്ടുപോകാൻ: നിങ്ങൾ അടയ്ക്കാൻ ആഗ്രഹിക്കുന്ന വിൻഡോയ്ക്ക് മുകളിലൂടെ ഡിവൈഡർ വലിക്കൂ.

വെബ്സൈറ്റ് ലിങ്കുകൾ പ്രിവ്യൂ ചെയ്യാൻ

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. പേജ് തുറക്കാതെ തന്നെ ലിങ്കിന്റെ പ്രിവ്യൂ കാണാൻ Safari-യിലെ ഒരു ലിങ്കിൽ തൊട്ടുപിടിക്കൂ.

    ലിങ്ക് തുറക്കാൻ പ്രിവ്യൂവിൽ ടാപ്പ് ചെയ്യൂ അല്ലെങ്കിൽ ‘തുറക്കൂ’ ടാപ്പ് ചെയ്യൂ. പ്രിവ്യൂ അടയ്ക്കാനും നിലവിലെ പേജിൽ തുടരാനും പ്രിവ്യൂവിന് പുറത്ത് എവിടെയെങ്കിലും ടാപ്പ് ചെയ്യൂ.

    ഒരു വെബ്സൈറ്റിനുള്ള പ്രിവ്യൂ. പ്രിവ്യൂവിന്റെ വലതുവശത്ത് ’തുറക്കൂ’, ’പശ്ചാത്തലത്തിൽ തുറക്കൂ’, ’പുതിയ വിൻഡോയിൽ തുറക്കൂ’ മുതലായവ ഉൾപ്പെടെയുള്ള ഓപ്ഷനുകൾ കാണിക്കുന്ന ഒരു മെനു ഉണ്ട്.

ഒരു വെബ്പേജ് വിവർത്തനം ചെയ്യൂ

മറ്റൊരു ഭാഷയിലുള്ള ഒരു വെബ്പേജ് കാണുമ്പോൾ, അത് വിവർത്തനം ചെയ്യാൻ നിങ്ങൾക്ക് Safari ഉപയോഗിക്കാം (എല്ലാ ഭാഷകളിലും പ്രദേശങ്ങളിലും ലഭ്യമല്ല).

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. പേജ് ക്രമീകരണം ബട്ടൺ ടാപ്പ് ചെയ്യൂ, ശേഷം ‘വിവർത്തനം ചെയ്യൂ’ ബട്ടൺ ടാപ്പ് ചെയ്യൂ (വിവർത്തനം ലഭ്യമാണെങ്കിൽ).

ഡൗൺലോഡുകൾ മാനേജ് ചെയ്യൂ

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. നിങ്ങൾ ഡൗൺലോഡ് ചെയ്യാൻ ആഗ്രഹിക്കുന്ന ഫയലോ ലിങ്കോ തൊട്ടുപിടിച്ച ചെയ്ത ശേഷം ’ലിങ്ക് ചെയ്ത ഫയൽ ഡൗൺലോഡ് ചെയ്യൂ’ എന്നതിൽ ടാപ്പ് ചെയ്യൂ.

    നിങ്ങൾ ഡൗൺലോഡ് ചെയ്യുന്ന ഒരു ഫയലിന്റെ സ്റ്റാറ്റസ് പരിശോധിക്കുന്നതിനും ഡൗൺലോഡ് ചെയ്ത ഫയലുകൾ വേഗത്തിൽ ആക്സസ് ചെയ്യുന്നതിനും അല്ലെങ്കിൽ ഡൗൺലോഡ് ചെയ്ത ഫയൽ മറ്റൊരു ഫയലിലേക്കോ നിങ്ങൾ പ്രവർത്തിക്കുന്ന ഒരു ഇ-മെയിലിലേക്കോ വലിക്കുന്നതിനും ഡൗൺലോഡുകൾ ബട്ടൺ ടാപ്പ് ചെയ്യൂ.

നുറുങ്ങ്: Safari ഉപയോഗിക്കുന്നത് തുടർന്നുകൊണ്ട് നിങ്ങൾക്ക് പശ്ചാത്തലത്തിൽ ഫയലുകൾ ഡൗൺലോഡ് ചെയ്യാം.

Safari നിങ്ങളുടെ ഹോം സ്ക്രീനിലേക്ക് തിരികെ ചേർക്കൂ

നിങ്ങളുടെ ഹോം സ്ക്രീനിൽ Safari കാണുന്നില്ലെങ്കിൽ, നിങ്ങൾക്ക് ആപ്പ് ലൈബ്രറിയിൽ അത് കണ്ടെത്താനും അത് വീണ്ടും ചേർക്കാനും കഴിയും.

  1. ഹോം സ്ക്രീനിൽ, ആപ്പ് ലൈബ്രറി കാണുന്നതുവരെ ഇടത്തേക്ക് സ്വൈപ്പ് ചെയ്യൂ.

  2. തിരയൽ ഫീൽഡിൽ ‘Safari’ എന്ന് നൽകൂ.

  3. Safari ആപ്പ് ഐക്കൺ അമർത്തി പിടിക്കൂ, തുടർന്ന് ‘ഹോം സ്ക്രീനിലേക്ക് ചേർക്കൂ’ എന്നതിൽ ടാപ്പ് ചെയ്യൂ.

ഇതും കാണൂiPad-ൽ Safari ഉപയോഗിക്കുന്ന വെബ്സൈറ്റുകൾക്കായി തിരയൂiPad-ലെ Safari-യിൽ ലേഔട്ട് മാറ്റൂiPad-ലെ നിങ്ങളുടെ കാഷും കുക്കികളും മായ്ക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.