iPad-ലെ ഫോട്ടോസ് ആപ്പ് ഇഷ്ടാനുസൃതമാക്കൂ

നിങ്ങൾക്ക് ആവശ്യമുള്ള രീതിയിൽ ഓർഗനൈസ് ചെയ്യാനായി ശേഖരങ്ങൾ നീക്കംചെയ്യാനും പുനക്രമീകരിക്കാനും പിൻ ചെയ്യാനുമാകും.

ശേഖരങ്ങൾ പുനഃക്രമീകരിക്കുകയോ മറയ്ക്കുകയോ ചെയ്യൂ

നിങ്ങൾ ഏറ്റവും കൂടുതൽ ഉപയോഗിക്കുന്ന ശേഖരങ്ങൾ ആദ്യം ഫോട്ടോ ഗ്രിഡിന് താഴെ ദൃശ്യമാകുന്ന തരത്തിൽ ഫോട്ടോസ് ആപ്പിൽ ശേഖരങ്ങളുടെ ക്രമം മാറ്റാം. ഉദാഹരണത്തിന്, നിങ്ങൾ ഇടയ്ക്കിടെ നിങ്ങളുടെ പങ്കിട്ട ആൽബങ്ങൾ കാണുന്നുണ്ടെങ്കിൽ, അവ മറ്റ് ശേഖരങ്ങൾക്ക് മുകളിലേക്ക് നീക്കാൻ നിങ്ങൾക്കാകും. നിങ്ങൾ പ്രദർശിപ്പിക്കാൻ ആഗ്രഹിക്കാത്ത ഏതെങ്കിലും ശേഖരങ്ങളും നിങ്ങൾക്ക് മറയ്ക്കാനാവും.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. സ്ക്രീനിന്റെ താഴേക്ക് സ്ക്രോൾ ചെയ്യൂ, തുടർന്ന് ‘ഇഷ്ടാനുസൃതമാക്കി പുനഃക്രമീകരിക്കൂ’ എന്നതിൽ ടാപ്പ് ചെയ്യൂ.

  3. ഒരു ശേഖരം ഒരു പുതിയ സ്ഥാനത്തേക്ക് വലിച്ചിടുകയോ മറയ്ക്കാൻ അത് ഡീസെലക്റ്റ് ചെയ്യുകയോ ചെയ്യൂ.

    നിങ്ങളുടെ മാറ്റങ്ങൾ പഴയപടിയാക്കാൻ, ‘റീസെറ്റ് ചെയ്യൂ’ ടാപ്പ് ചെയ്യൂ.

  4. ക്ലോസ് ടാപ്പ് ചെയ്യൂ.

ഒരു ശേഖരം പിൻ ചെയ്യൂ

കണ്ടെത്താൻ എളുപ്പമാക്കുന്നതിന്, പിൻ ചെയ്ത ശേഖരങ്ങളിൽ ഏതൊക്കെ ആൽബങ്ങളും ശേഖരങ്ങളും ദൃശ്യമാകണമെന്ന് നിങ്ങൾക്ക് തിരഞ്ഞെടുക്കാം.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. താഴേക്ക് സ്ക്രോൾ ചെയ്യൂ, എന്നിട്ട് ‘പിൻ ചെയ്ത ശേഖരങ്ങ’ളുടെ അടുത്തുള്ള ‘മാറ്റം വരുത്തൂ’ ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ചെയ്യൂ:

    • ഒരു പിൻ ചെയ്ത ശേഖരം നീക്കം ചെയ്യാൻ: നീക്കം ചെയ്യൂ ബട്ടൺ ടാപ്പ് ചെയ്ത്, ഡിലീറ്റ് ചെയ്യൂ ടാപ്പ് ചെയ്യൂ.

    • ഒരു ശേഖരം പിൻ ചെയ്യാൻ: നിങ്ങൾ ചേർക്കാൻ ആഗ്രഹിക്കുന്ന നിർദേശിക്കപ്പെട്ട ശേഖരത്തിൽ ടാപ്പ് ചെയ്യൂ, അല്ലെങ്കിൽ കൂടുതൽ ഓപ്ഷനുകൾ കാണാൻ ‘ഏതെങ്കിലും ശേഖരമോ ആൽബമോ’ ടാപ്പ് ചെയ്യൂ.

    • പിൻ ചെയ്ത ശേഖരങ്ങൾ പുനഃക്രമീകരിക്കാൻ: പിൻ ചെയ്ത ഒരു ശേഖരത്തിൽ തൊട്ടുപിടിച്ചതിന് ശേഷം അതിനെ പുതിയ സ്ഥാനത്തേക്ക് വലിച്ചിടൂ.

    കുറിപ്പ്: അവയ്ക്ക് അടുത്തുള്ള നീക്കം ചെയ്യൂ ബട്ടൺ അടങ്ങിയ ശേഖരങ്ങൾ നിലവിൽ നിങ്ങളുടെ പിൻ ചെയ്ത ശേഖരങ്ങളിലാണ്. അവയ്ക്ക് അടുത്തുള്ള ‘ചേർക്കൂ’ ബട്ടൺ അടങ്ങിയ ശേഖരങ്ങൾ ഇതുവരെ പിൻ ചെയ്തിട്ടില്ല.

  4. ക്ലോസ് ടാപ്പ് ചെയ്യൂ.

ഫോട്ടോ ഗ്രിഡ് ഇഷ്ടാനുസൃതമാക്കൂ

നിങ്ങൾക്ക് ഫോട്ടോ ഗ്രിഡിലെ ലഘുചിത്രങ്ങളുടെ രൂപം മാറ്റാനാകും.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ഫോട്ടോ ഗ്രിഡിൽ താഴേക്ക് സ്വൈപ്പ് ചെയ്യൂ.

  3. ഫിൽട്ടർ ബട്ടൺ ടാപ്പ് ചെയ്ത് ’ഓപ്ഷനുകൾ കാണൂ’ എന്നതിൽ ടാപ്പ് ചെയ്യൂ.

  4. താഴെപ്പറയുന്നവയിൽ ഒന്ന് തിരഞ്ഞെടുക്കൂ:

    • സൂം ഇൻ: ഫോട്ടോ, വീഡിയോ ലഘുചിത്രങ്ങളുടെ വലിപ്പം കൂട്ടൂ.

    • സൂം ഔട്ട്: ഒരേ സമയം കൂടുതൽ കാണുന്നതിന് ഫോട്ടോയുടെയും വീഡിയോയുടെയും ലഘുചിത്രങ്ങളുടെ വലിപ്പം കുറയ്ക്കൂ.

    • ആസ്പെക്റ്റ് റേഷ്യോ ഗ്രിഡ്: ഓരോ ഫോട്ടോയും വീഡിയോ ലഘുചിത്രവും അത് ക്യാപ്ചർ ചെയ്ത മാനത്തിൽ കാണൂ. സ്ക്വയർ ലഘുചിത്രങ്ങളിലേക്ക് മടങ്ങാൻ സ്ക്വയർ ഫോട്ടോ ഗ്രിഡ് ടാപ്പ് ചെയ്യൂ.

എഡിറ്റ് മോഡിന്റെ പശ്ചാത്തല നിറം സജ്ജമാക്കൂ

ഡിഫോൾട്ടായി, എഡിറ്റ് മോഡിന്റെ പശ്ചാത്തലം iPad-ന്റെ ലൈറ്റ് അല്ലെങ്കിൽ ഡാർക്ക് ദൃശ്യരീതിയുമായി പൊരുത്തപ്പെടുന്നു. എഡിറ്റ് മോഡിന്റെ പശ്ചാത്തല നിറം നിങ്ങൾക്ക് മാറ്റാനാവും, ഉദാഹരണത്തിന്, ഡാർക്ക് പശ്ചാത്തലത്തിൽ ഫോട്ടോകൾ എഡിറ്റ് ചെയ്യാൻ നിങ്ങൾ ആഗ്രഹിക്കുന്നുവെങ്കിൽ അത് എല്ലായ്പ്പോഴും ഡാർക്ക് ആയി ദൃശ്യമാകാൻ നിങ്ങൾക്ക് സജ്ജമാക്കാവുന്നതാണ്.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ഒരു ഫോട്ടോയോ വീഡിയോയോ തുറക്കാൻ അതിൽ ടാപ്പ് ചെയ്യൂ, തുടർന്ന് എഡിറ്റ് ചെയ്യൂ ബട്ടൺ ടാപ്പ് ചെയ്യൂ.

  3. ‘കൂടുതൽ’ ബട്ടൺ ടാപ്പ് ചെയ്ത് 'ദൃശ്യരീതി' ടാപ്പ് ചെയ്യൂ, തുടർന്ന് താഴെപ്പറയുന്നവയിൽ ഒന്ന് ചെയ്യൂ:

    • നിങ്ങളുടെ iPad-ന്റെ ലൈറ്റ് അല്ലെങ്കിൽ ഡാർക്ക് ദൃശ്യരീതിയുമായി എഡിറ്റ് മോഡ് പൊരുത്തപ്പെടുത്താൻ: ‘സിസ്റ്റം’ ടാപ്പ് ചെയ്യൂ.

    • എഡിറ്റ് മോഡിനെ എപ്പോഴും ഡാർക്ക് ആയി ദൃശ്യമാക്കാൻ: ‘ഡാർക്കി’ൽ ടാപ്പ് ചെയ്യൂ.

    • എഡിറ്റ് മോഡിൽ എല്ലായ്പ്പോഴും ലൈറ്റ് ആയി ദൃശ്യമാക്കാൻ: ‘ലൈറ്റി’ൽ ടാപ്പ് ചെയ്യൂ.

ഓർമ്മകൾ, അവധിദിനങ്ങൾ, മറ്റ് ഫീച്ചർ ചെയ്ത ഉള്ളടക്കം എന്നിവ മറയ്ക്കൂ

നിങ്ങൾക്ക് മെമ്മറികളോ ഫീച്ചർ ചെയ്ത ഫോട്ടോകളോ മറയ്ക്കാനും അവധിക്കാല ഇവന്റുകൾ ഓഫാക്കാനും കഴിയും. ഫീച്ചറുകൾ കുറയ്ക്കാൻ നിങ്ങൾ നേരത്തെ തിരഞ്ഞെടുത്ത ഓർമ്മകളും ആളുകളുടെയും വളർത്തുമൃഗങ്ങളുടെയും നിർദേശങ്ങളും നിങ്ങൾക്ക് റീസെറ്റ് ചെയ്യാനും കഴിയും.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. മുകളിൽ വലത് കോണിലുള്ള നിങ്ങളുടെ അക്കൗണ്ടിൽ ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ചെയ്യൂ:

    • ഫീച്ചർ ചെയ്ത ഉള്ളടക്കവും ഓർമകളും മറയ്ക്കാൻ: ഫീച്ചർ ചെയ്ത ഫോട്ടോകളും ഓർമകളും ഓട്ടോമാറ്റിക്കായി ജനറേറ്റ് ചെയ്യുന്നതിൽ നിന്ന് ഫോട്ടോസിനെ തടയാൻ ’ഫീച്ചർ ചെയ്ത ഉള്ളടക്കം കാണിക്കൂ’ ഓഫ് ചെയ്യൂ.

    • ഒഴിവുദിന ഇവന്റുകൾ ഓഫ് ചെയ്യാൻ: ഒഴിവുദിനത്തെക്കുറിച്ചുള്ള ഓർമകളും ഫീച്ചർ ചെയ്ത ഉള്ളടക്കവും സൃഷ്ടിക്കുന്നതിൽ നിന്ന് ഫോട്ടോസിനെ തടയാൻ ‘ഒഴിവുദിന ഇവന്റുകൾ കാണിക്കൂ’ ഓഫ് ചെയ്യൂ.

    • ഓർമകൾ റീസെറ്റ് ചെയ്യാൻ: നിങ്ങൾ മാറ്റം വരുത്തുകയോ കുറവായി ഫീച്ചർ ചെയ്യുകയോ ചെയ്ത ഏതെങ്കിലും ഓർമകൾ തിരികെ കൊണ്ടുവരാൻ ‘നിർദേശിക്കപ്പെട്ട ഓർമകൾ റീസെറ്റ് ചെയ്യൂ’ എന്നതിൽ ടാപ്പ് ചെയ്യൂ.

    • ‘ആളുകളും പെറ്റുകളും’ റീസെറ്റ് ചെയ്യാൻ: നിങ്ങൾ കുറവായി ഫീച്ചർ ചെയ്ത ആളുകളെയോ പെറ്റുകളെയോ തിരികെ കൊണ്ടുവരാൻ ‘ആളുകളും പെറ്റുകളും നിർദേശങ്ങൾ റീസെറ്റ് ചെയ്യൂ’ എന്നതിൽ ടാപ്പ് ചെയ്യൂ.

വീഡിയോകൾ, Live Photos എന്നിവയുടെ ഓട്ടോപ്ലേ ഓഫ് ചെയ്യൂ

നിങ്ങൾ ശേഖരങ്ങളും ആൽബങ്ങളും തുറക്കുമ്പോൾ, ഡിഫോൾട്ടായി വീഡിയോകൾ, Live Photos എന്നിവ ഓട്ടോമാറ്റിക്കായി പ്ലേ ചെയ്യും. നിങ്ങൾക്ക് ഓട്ടോപ്ലേ ഓണാക്കാനോ ഓഫാക്കാനോ കഴിയും.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. മുകളിൽ വലത് കോണിലുള്ള നിങ്ങളുടെ അക്കൗണ്ടിൽ ടാപ്പ് ചെയ്യൂ.

  3. ഓട്ടോ-പ്ലേ മോഷൻ, ലൂപ്പ് വീഡിയോകൾ എന്നിവ ഓഫാക്കൂ.

ഇതും കാണൂiPad-ലെ ‘ഫോട്ടോസി’ൽ ഒരു വ്യക്തിയെയോ ഒഴിവുദിനങ്ങളെയോ കുറച്ചുമാത്രം ഫീച്ചർ ചെയ്യൂiPad-ലെ ആൽബങ്ങളിൽ ഫോട്ടോകളും വീഡിയോകളും ഫിൽട്ടർ ചെയ്ത് തരംതിരിക്കൂനിങ്ങളുടെ iPad നിങ്ങളുടെ സ്വന്തമാക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.