iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर विजेट समाविष्ट करणे, संपादित करणे आणि काढून टाकणे

iPhone होम स्क्रीनवर हवामान, रिमाइंडर आणि होम विजेट. रिमाइंडर आणि होम विजेट संवादात्मक फीचर डिस्प्ले करतात.

विजेट काय आहेत?

विजेट तुम्हाला सध्याची माहिती एका दृष्टिक्षेपात पाहण्याचा एक सोपा मार्ग देतात—आजच्या हेडलाइन, हवामान, रिमाइंडर, बॅटरी पातळी आणि बरेच काही. ही माहिती तुमच्या वापरानुसार ठेवण्यासाठी तुम्ही ‘आजचा व्ह्यू’ मध्ये विजेट पाहू शकता आणि त्यांना तुमच्या होम स्क्रीन किंवा लॉक स्क्रीनवर समाविष्ट करू शकता.

तुम्ही ॲप न उघडता होम स्क्रीन किंवा लॉक स्क्रीनवर विजेटसह इंटरॅक्ट करू शकता—तुम्ही विजेटवर संगीत, पॉडकास्ट, Safari, होम, संपर्क आणि बऱ्याच गोष्टींसाठी कृती करू शकता. उदाहरणार्थ, सिलेक्शन प्ले करण्यासाठी संगीत किंवा पॉडकास्ट विजेटवर ‘प्ले करा’ बटण वर टॅप करा.

टिप : स्मार्ट स्टॅक (शेजारी डॉट्स असलेला) हा एकत्रित केलेल्या विजेटचा असा संच आहे जो वेळ, तुमचे स्थान आणि ॲक्टिव्हिटी ह्यासारख्या माहितीचा वापर तुमच्या दिवसभरातील योग्य वेळी सर्वात संबंधित विजेट ऑटोमॅटिकली डिस्प्ले करण्यासाठी करतो. तुम्ही होम स्क्रीनवर विजेट गॅलरीमधून ‘स्मार्ट स्टॅक’ समाविष्ट करू शकता, नंतर त्यात असलेले विजेट पाहण्यासाठी त्यावर ‘वर’ आणि ‘खाली’ स्वाइप करा.

तुमच्या होम स्क्रीनवर विजेट समाविष्ट करणे

  1. होम स्क्रीनवर जा.

  2. होम स्क्रीन पृष्ठ शोधा जिथे तुम्हाला विजेट समाविष्ट करायचे आहे, नंतर ॲप हलायला लागेपर्यंत स्क्रीन बॅकग्राउंडवर टच आणि होल्ड करा.

  3. स्क्रीनच्या शीर्षस्थानी ‘संपादित करा’ वर टॅप करा, नंतर विजेट गॅलरी उघडण्यासाठी ‘विजेट समाविष्ट करा’ वर टॅप करा.

  4. विजेट शोधण्यासाठी स्क्रोल करा किंवा सर्च करा, त्यावर टॅप करा आणि नंतर ‘आकार पर्याय’ वर स्वाइप करा.

    वेगवेगळे आकार वेगवेगळी माहिती डिस्प्ले करतात.

  5. जेव्हा तुम्हाला हवा असलेला आकार दिसेल, तेव्हा ‘विजेट समाविष्ट करा’ वर टॅप करा.

  6. ॲप अजूनही हलत असताना, स्क्रीनवर तुम्हाला हव्या त्या ठिकाणी विजेट मूव्ह करा, नंतर ‘पूर्ण’ वर टॅप करा.

तुमच्या लॉक स्क्रीनवर विजेट कसे समाविष्ट करायचे हे जाणून घेण्यासाठी, नवीन लॉक स्क्रीन वैयक्तिकृत करणे पहा.

विजेटशी संवाद साधणे

तुम्ही तुमच्या होम स्क्रीन, लॉक स्क्रीन, किंवा StandBy वर ‘विजेट’ वर टॅप करून टाक्स सक्रिय करू शकता. ‘रिमाइंडर’ विजेटमधील आयटम बंद आहे का हे तपासण्यासाठी त्यावर टॅप करा, एपिसोड प्ले करण्यासाठी ‘पॉडकास्ट’ विजेटमधील ‘प्ले’ बटणावर टॅप करा किंवा तुमच्या लिव्हिंग रूमचे दिवे चालू करण्यासाठी ‘होम’ विजेटवर टॅप करा—सर्वकाही ॲप न उघडता.

तुमच्या होम स्क्रीनवर विजेट संपादित करणे

तुम्ही तुमच्या होम स्क्रीनवरून बहुतेक विजेट कस्टमाइझ करू शकता जेणेकरून ते तुम्हाला पहायची असलेली माहिती प्रदर्शित करतील. उदाहरणार्थ, Mail विजेटसाठी, विजेटमध्ये दाखवलेल्या मेलबॉक्सवर तुम्ही टॅप करू शकता, नंतर वेगळा मेलबॉक्स निवडू शकता जेणेकरून मेलबॉक्समधील संदेश विजेटमध्ये डिस्प्ले केले जातील. किंवा तुम्ही तुमच्या ॲक्टिव्हिटी, तुमचे स्थान, दिवसाची वेळ इत्यादींच्या आधारे स्मार्ट स्टॅक त्याच्या विजेटमधून रोटेट करण्यासाठी कस्टमाइझ करू शकता.

  1. होम स्क्रीनवर जा.

  2. क्विक ॲक्शन मेन्यू उघडण्यासाठी विजेटवर टच आणि होल्ड करा.

  3. ‘विजेट संपादित करा’ वर टॅप करा (किंवा स्टॅक संपादित करा, तो स्मार्ट स्टॅक असल्यास), नंतर पर्याय निवडा.

    स्मार्ट स्टॅकसाठी, तुम्ही ‘स्मार्ट रोटेट’ किंवा ‘विजेट सूचना’ (विजेटच्या खाली) चालू किंवा बंद करू शकता, विजेटना स्टॅकमध्ये ड्रॅग करून रीऑर्डर करू शकता, स्मार्ट स्टॅकवरून होम स्क्रीनवर विजेट ड्रॅग करू शकता, किंवा ‘काढून टाका’ बटण वर वरील डाव्या कोपऱ्यात टॅप करून विजेट काढून टाकू शकता.

    जेव्हा तुम्ही विजेट सूचना चालू करता, तेव्हा तुम्ही आधीपासून ऑटोमॅटिकली ॲपसाठी वापरत असलेले विजेट तुमच्या मागील ॲक्टिव्हिटीच्या आधारावर योग्य वेळी तुमच्या ‘स्मार्ट स्टॅक’ मध्ये दिसतात. ‘पर्याय’ तुम्हाला तुमच्या स्टॅकमध्ये विजेट समाविष्ट करण्याची अनुमती देते जेणेकरून तुम्हाला गरज असेल तेव्हा ते नेहमी उपलब्ध असेल.

    स्टॅकमध्ये विजेटच्या वरील डाव्या कोपऱ्यातील ‘काढून टाका’ बटणासह ‘स्मार्ट स्टॅक’ संपादित केले जात आहे. स्टॅकमध्ये विजेट समाविष्ट करण्यासाठी खाली ‘स्मार्ट रोटेट’ बटण आणि ‘विजेट सूचना’ बटण आहे.

  4. ‘पूर्ण’ वर टॅप करा.

होम स्क्रीनवरून विजेट काढून टाकणे

  1. होम स्क्रीनवर जा.

  2. क्विक ॲक्शन मेन्यू उघडण्यासाठी विजेटवर टच आणि होल्ड करा.

  3. पुढीलपैकी कोणतेही एक करा :

    • विजेट काढून टाका : ‘विजेट काढून टाका’ वर टॅप करा.

    • स्मार्ट स्टॅक काढून टाका : ‘स्टॅक काढून टाका’ वर टॅप करा.

‘आजचा व्ह्यू’ मध्ये विजेट बघणे

‘आजचा व्ह्यू’ मध्ये विजेट बघण्यासाठी, होम स्क्रीनच्या डाव्या बाजूने उजवीकडे स्वाइप करा, नंतर ‘वर’ आणि ‘खाली’ स्क्रोल करा.

रिमाइंडर, छायाचित्रे, बॅटरी, दिनदर्शिका आणि टिप्स विजेट आणि बऱ्याच गोष्टींसह ‘आजचा व्ह्यू’ मध्ये दिसणारे विजेट.

नोट : तुम्ही होम स्क्रीनवर उजव्या बाजूला स्वाइप केल्यावर विजेट दिसत नसल्यास, पुढील टास्क पहा, आजचे व्ह्यूमध्ये विजेट बघा आणि iPhone लॉक असेल तेव्हा सर्च करा.

iPhone लॉक असताना ‘आजचा व्ह्यू’ आणि ‘सर्च’ मध्ये विजेट बघणे

  1. सेटिंग  > ‘Face ID व पासकोड’ (Face ID सह iPhone वर) किंवा ‘Touch ID व पासकोड’ (इतर iPhone मॉडेलवर) वर जा.

  2. तुमचा पासकोड प्रविष्ट करा.

  3. ‘आजचे दृश्य’ आणि ‘सर्च’ चालू करा (‘लॉक केलेले असताना ॲक्सेसला अनुमती द्या’ च्या खाली).

हे देखील पहाकस्टम iPhone लॉक स्क्रीन तयार करणेiPhone होम स्क्रीनवर ॲप आणि विजेट मूव्ह करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.