iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वरील ‘रिमाइंडर’ मध्ये याद्या शेअर करा आणि सहयोग करा

रिमाइंडर ॲपमध्ये, तुम्ही कामांच्या याद्या शेअर करण्यासाठी iCloud वापरू शकता. iCloud चा वापर करणाऱ्या इतर लोकांबरोबरही तुम्ही सहयोग करू शकता आणि त्यांना कामे असाइन करू शकता.

नोट : जेव्हा तुम्ही iCloud मधील अपडेट केलेले रिमाइंडर वापरता तेव्हा ह्या गाइडमध्ये वर्णन केलेले सर्व ‘रिमाइंडर’ फीचर उपलब्ध असतात. इतर अकाउंटचा वापर करताना काही फीचर उपलब्ध नसतात.

iCloud वापरून यादीवर सहयोग करणे

तुम्ही iCloud वापरणाऱ्या लोकांबरोबर यादी शेअर करू शकता आणि सहयोग करू शकता. जे लोक आमंत्रण स्वीकारतात ते आयटम समाविष्ट आणि संपादित करू शकतात, आयटम ‘पूर्ण झाले’ म्हणून चिन्हांकित करू शकतात आणि सर्व सहभागी प्रत्येकाने केलेले बदल पाहू शकतात. तुम्ही सहयोग करत असलेल्या प्रत्येक व्यक्तीने त्यांच्या Apple अकाउंटमध्ये साइन इन केलेले असणे आवश्यक आहे आणि iCloud सेटिंगमध्ये ‘रिमाइंडर’ चालू केलेले असणे आवश्यक आहे.

  1. तुमच्या iPhone वरील रिमाइंडर ॲप वर जा.

  2. तुम्हाला शेअर करायची असलेली यादी बघा, त्यानंतर ‘शेअर करा’ बटण वर टॅप करा.

    ‘रिमाइंडर’ स्क्रीन, खाली शेअर करण्याच्या पर्यायांसह किराणा यादी दाखवते.

  3. डिफॉल्टनुसार, यादीतील सहभागी इतर लोकांना आमंत्रित करू शकतात. शेअरिंग निर्बंधित करण्यासाठी, “तुम्ही आमंत्रित केलेले लोक इतरांना समाविष्ट करू शकतात” वर टॅप करा, त्यानंतर “इतरांना आमंत्रित करण्याची अनुमती द्या” बंद करा.

  4. तुमचे आमंत्रण कसे पाठवायचे ते निवडा (उदाहरणार्थ, ‘संदेश’ किंवा ‘Mail’ वापरून).

    तुम्ही ‘संदेश’ मध्ये आमंत्रण पाठवल्यास, जेव्हा एखादी व्यक्ती शेअर केलेल्या यादीमध्ये बदल करते तेव्हा तुम्हाला ’संदेश’ संभाषणामध्ये ॲक्टिव्हिटी अपडेट मिळतात. शेअर केलेल्या यादीवर जाण्यासाठी ‘अपडेट’ वर टॅप करा.

शेअर केलेल्या यादीमध्ये आयटम असाइन करणे

तुम्ही स्वतःसह यादीतील कोणत्याही व्यक्तीला कार्य असाइन करू शकता.

  1. तुमच्या iPhone वरील रिमाइंडर ॲप वर जा.

  2. शेअर केलेल्या यादीमध्ये, रिमाइंडर तयार करा किंवा संपादित करा, त्यानंतर पुढीलपैकी एक करा :

    • ‘@‘ आणि त्यानंतर व्यक्तीचे नाव टाइप करा किंवा कीबोर्डच्या वर असलेल्या मेन्यूमधून ‘व्यक्ती’ निवडा.

    • व्यक्ती बटण वर टॅप करा, त्यानंतर व्यक्ती निवडा.

टिप : तुम्हाला असाइन केलेले सर्व आयटम त्वरित पाहण्यासाठी, ’मला असाइन केलेली स्मार्ट यादी’ वापरा.

शेअर केलेल्या यादीसाठी नोटिफिकेशन चालू किंवा बंद करणे

  1. तुमच्या iPhone वरील रिमाइंडर ॲप वर जा.

  2. शेअर केलेल्या यादीमध्ये, ‘सहयोग करा’ बटण वर टॅप करा, त्यानंतर ‘शेअर केलेली यादी मॅनेज करा’ वर टॅप करा.

  3. खाली सूचित करा की, पुढीलपैकी कोणतेही काम कधी चालू किंवा बंद करायचे :

    • आयटम समाविष्ट केले जात आहेत : जेव्हा एखादी व्यक्ती यादीत आयटम समाविष्ट करते तेव्हा अलर्ट प्राप्त करा.

    • पूर्ण होत असलेले आयटम : जेव्हा एखादी व्यक्ती यादीतील आयटम पूर्ण करते तेव्हा अलर्ट प्राप्त करा.

हे देखील पहाiPhone वरील ‘रिमाइंडर’ मध्ये किराणा यादी तयार कराiPhone वरील ‘संदेश’ सह प्रोजेक्टवर सहयोग करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.