iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर ‘घड्याळ’ मध्ये गजर सेट करणे

तुम्ही तुमचा iPhone गजराच्या घड्याळात रुपांतरित करू शकता. तुम्ही Siri ला तुमच्यासाठी गजर सेट करायला सांगू शकता. दिवसाच्या कोणत्याही वेळेसाठी गजर सेट करा आणि आठवड्यातील एका किंवा अधिक दिवशी त्याची पुनरावृत्ती करा.

Siri : असे काहीतरी म्हणा: “Set an alarm for 7 a.m.” Siri कसे वापरायचे ते जाणून घ्या.

नोट : तुम्ही ’आरोग्य’ ॲपमध्ये संपूर्ण झोपेच्या शेड्यूल चा (झोपेच्या वेळा, उठण्याच्या वेळा आणि इतर गोष्टींसह) भाग म्हणून ’उठवण्यासाठी गजर’ देखील सेट करू शकता. जर तुम्हाला झोपेचे शेड्यूल सेट करायचे नसेल, तर तुम्हाला ज्या वेळी उठायचे असेल, त्या वेळेसाठी तुम्ही ‘घड्याळ’ मध्ये नियमित गजर सेट करू शकता.

गजराची वेळ बदलण्यासाठी, गजराची पुनरावृत्ती करायची आहे किंवा नाही, हे ठरवण्यासाठी, गजराचे लेबल समाविष्ट करण्यासाठी, गजराचा ध्वनी सिलेक्ट करण्यासाठी आणि स्नूझ चालू करण्यासाठी असलेल्या सेटिंगसह गजर बदलण्यासाठीची स्क्रीन.

गजर सेट करणे

तुम्ही कोणत्याही वेळेसाठी गजर सेट करू शकता, ह्यात तुमच्या उठण्याच्या वेळेचाही समावेश होऊ शकतो. तुम्ही ‘घड्याळ’ मध्ये सेट केलेला कोणताही गजर झोपेच्या शेड्यूलशी संबंधित नसतो.

  1. तुमच्या iPhone वर घड्याळ ॲपवर जा.

  2. ‘गजर’ वर टॅप करा, त्यानंतर ‘समाविष्ट करा’ बटण वर टॅप करा.

  3. वेळ सेट करा, नंतर पुढीलपैकी कोणताही एक पर्याय निवडा :

    • पुनरावृत्ती करा : तुम्हाला आठवड्याच्या ज्या दिवशी गजराची पुनरावृत्ती करायची आहे, ते दिवस निवडा.

    • लेबल : “झाडांना पाणी घाला” ह्यासारखे गजराला काहीतरी नाव द्या.

    • ध्वनी : व्हायब्रेशन, गाणे किंवा रिंगटोन निवडा.

    • स्नूझ करा : तुमच्या गजराचे ‘स्नूझ करा’ बटण पाहण्यासाठी चालू करा. (ह्यामुळे गजर नऊ मिनिटांसाठी तात्पुरता थांबवला जातो.)

  4. ‘जतन करा’ वर टॅप करा.

गजराची वेळ बदलण्यासाठी, गजराच्या वेळेवर टॅप करा. किंवा शीर्षस्थानी डाव्या बाजूला असलेल्या ‘संपादित करा’ वर टॅप करा, नंतर गजराच्या वेळेवर टॅप करा.

गजराचा व्हॉल्यूम बदलणे

  1. सेटिंग  > ‘ध्वनी व हॅप्टिक्स’ वर जा.

  2. रिंगटोन आणि अलर्ट व्हॉल्यूमच्या खाली, स्लायडर ड्रॅग करा.

टिप : गजराचा व्हॉल्यूम बदलण्यासाठी तुमच्या डिव्हाइसवरील व्हॉल्यूम बटणांचा वापर करण्यासाठी, ‘बटणे वापरून बदला’ चालू करा.

तुम्ही ह्या परिस्थितीत असतानाही तुमचा गजर वाजतो :

  • सायलेंट मोड चालू करा.

  • ‘डू नॉट डिस्टर्ब’ (किंवा दुसरा फोकस) चालू करा.

  • तुमच्या iPhone ला हेडफोन कनेक्ट करा. गजर तुमच्या iPhone आणि तुमच्या हेडफोनवरील बिल्ट-इन स्पीकरद्वारे सेट व्हॉल्यूमनुसार वाजतो.

गजर बंद करणे

  1. तुमच्या iPhone वर घड्याळ ॲपवर जा.

  2. ‘गजर’ वर टॅप करा.

  3. गजराच्या वेळेच्या पुढे असलेल्या बटणावर टॅप करा.

गजर काढून टाकणे

  1. तुमच्या iPhone वर घड्याळ ॲपवर जा.

  2. ‘गजर’ वर टॅप करा.

  3. गजरावर डावीकडे स्वाइप करा, नंतर ‘हटवा’ वर टॅप करा.

हे देखील पहाiPhone वरील ‘घड्याळ’ मध्ये तुम्ही झोपेतून जागे होण्यासाठीचा गजर बदलणेतुमचे पहिले झोपेचे आवर्ती शेड्यूल सेट अप करणेiPhone वर ’आरोग्य’ मध्ये गजर बंद करणे आणि झोपेचे शेड्यूल हटवणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.