iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर गटाची छायाचित्रे शोधणे

छायाचित्र ॲप अनेकदा चित्रांमध्ये आणि व्हिडिओमध्ये एकत्र दिसणाऱ्या लोकांचे आणि पाळीव प्राण्यांचे गट ओळखते आणि त्यांना गटांच्या संग्रहांमध्ये क्रमवार लावते. उदाहरणार्थ, तुमच्याकडे तुमच्या कुटुंबाच्या किंवा मित्रांच्या गटाची अनेक छायाचित्रे असल्यास, ‘छायाचित्र’ त्या प्रत्येक गटासाठी संग्रह तयार करते.

छायाचित्र ॲपच्या ‘लोक व पाळीव प्राणी’ विभागात ‘गट’ उघडलेले आहेत, ज्यात गटामध्ये समाविष्ट असलेल्या लोकांच्या नावांच्या लेबलसह संग्रहांची यादी दाखवली जाते.

गटाची छायाचित्रे आणि व्हिडिओ शोधणे

  1. तुमच्या iPhone वर छायाचित्र ॲपवर जा.

  2. ‘लोक व पाळीव प्राणी’ वर टॅप करा.

  3. गटांच्या खाली, गट शोधण्यासाठी स्वाइप करा, त्यानंतर त्या गटासह तुमची सर्व छायाचित्रे पाहण्यासाठी त्यावर टॅप करा.

    टिप : गटातील सदस्य आणि इतर लोकांबरोबरची छायाचित्रे पाहण्यासाठी, फिल्टर बटण वर टॅप करा, ‘पर्याय बघा’ वर टॅप करा, नंतर ‘इतर लोकांना समाविष्ट करा’ वर टॅप करा.

गटामध्ये छायाचित्रे शेअर करण्यासाठी, अधिक बटण वर टॅप करा, त्यानंतर ’छायाचित्रे शेअर करा’ वर टॅप करा.

गट तयार करणे

तुम्ही ‘लोक व पाळीव प्राणी’ संग्रहातून लोकांच्या आणि पाळीव प्राण्यांच्या कोणत्याही संयोजनासह गट तयार करू शकता.

  1. तुमच्या iPhone वर छायाचित्र ॲपवर जा.

  2. ‘लोक व पाळीव प्राणी’ वर टॅप करा.

  3. गटांच्या उजवीकडे, ‘तयार करा’ वर टॅप करा.

  4. गटातील तुम्हाला हवे असलेले लोक आणि पाळीव प्राणी सिलेक्ट करा, त्यानंतर ’समाविष्ट करा’ वर टॅप करा.

  5. डिफॉल्ट नावावर टॅप करा आणि गटासाठी कस्टम नाव टाइप करा, त्यानंतर ‘झाले’ वर टॅप करा.

गट संपादित करणे किंवा हटवणे

  1. तुमच्या iPhone वर छायाचित्र ॲपवर जा.

  2. ‘लोक व पाळीव प्राणी’ वर टॅप करा.

  3. गटांच्या खाली, तुम्हाला संपादित करायचे असलेल्या गटावर टच आणि होल्ड करा, त्यानंतर खालीलपैकी कोणतेही एक करा :

    • गटाचे नाव बदला : ‘नाव आणि लोक संपादित करा’ वर टॅप करा, त्यानंतर नवीन नाव टाइप करा.

    • लोकांना समाविष्ट करा किंवा काढून टाका : ‘नाव आणि लोक संपादित करा’ वर टॅप करा. एखाद्या व्यक्तीला काढून टाकण्यासाठी, त्यांच्या चित्राच्या वरच्या डाव्या कोपऱ्यातील ‘काढून टाका’ बटण वर टॅप करा. एखाद्या व्यक्तीला समाविष्ट करण्यासाठी ‘लोक व पाळीव प्राणी समाविष्ट करा’ वर टॅप करा.

    • गटाचे छायाचित्र संपादित करा : ‘नाव आणि लोक संपादित करा’ वर टॅप करा, त्यानंतर ‘मुख्य छायाचित्र संपादित करा’ वर टॅप करा.

    • गट हटवा : ‘हा गट हटवा’ वर टॅप करा.

गटांची क्रमवारी बदलणे

  1. तुमच्या iPhone वर छायाचित्र ॲपवर जा.

  2. ‘लोक व पाळीव प्राणी’ वर टॅप करा.

  3. गटावर टच आणि होल्ड करा, नंतर त्याला नवीन स्थानावर ड्रॅग करा.

हे देखील पहाiPhone वरील ‘छायाचित्र’ मध्ये लोक आणि पाळीव प्राणी शोधणे आणि त्यांना नाव देणेiPhone वर छायाचित्रे आणि व्हिडिओ शेअर करणेiPhone वर ‘छायाचित्र’ मध्ये शेअर केलेले अल्बम तयार करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.