iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर Apple intelligence सह इमेज वॉण्ड वापरणे

Apple intelligence सह,* तुम्ही तयार केलेल्या रफ स्केचेसवर आधारित इमेज तयार करण्यासाठी नोट्स ॲपमध्ये तुम्ही इमेज वॉण्ड वापरू शकता. आजूबाजूच्या भागातील शब्द आणि इमेजेसवर आधारित इमेज तयार करण्यासाठी तुम्ही रिकामी जागा देखील सिलेक्ट करू शकता.

नोट : Apple Intelligence सर्व iPhone मॉडेल्सवर किंवा सर्व भाषा किंवा प्रदेशात उपलब्ध नाही. ** सर्वात अलीकडील उपलब्ध फीचर्स ॲक्सेस करण्यासाठी, तुम्ही iOS चे नवीनतम व्हर्जन वापरत असल्याची आणि Apple Intelligence सुरू केलेले असल्याची खात्री करा.

रफ स्केचवरून इमेज तयार करणे

  1. तुमच्या iPhone वर नोट्स ॲपवर जा.

  2. सध्याची नोट उघडा किंवा नवीन नोट सुरू करण्यासाठी ‘नवीन नोट’ बटण वर टॅप करा.

  3. ‘हस्तलेखन टूल’ बटण वर टॅप करा, तुमच्या बोटाने स्केच तयार करा, त्यानंतर ’इमेज वॉण्ड’ वर टॅप करा.

  4. तुमच्या स्केचभोवती वर्तुळ करा, वर्णन प्रविष्ट करा, नंतर पाठवा बटण वर टॅप करा.

  5. तुम्हाला आवडणारी इमेज शोधण्यासाठी तयार केलेल्या इमेजेसमधून स्वाइप करा.

  6. ‘ॲनिमेशन’, ‘चित्रण’ किंवा ‘स्केच’ ही वेगळी शैली निवडण्यासाठी ‘समाविष्ट करा’ बटण वर टॅप करा.

तुमची इमेज सुधारित करण्यासाठी, वर्णनावर टॅप करा आणि नंतर ते संपादित करा. ते जतन करण्यासाठी, ’पूर्ण’ वर टॅप करा.

आजूबाजूच्या कॉण्टेण्टमधून इमेज तयार करणे

Apple Intelligence त्याच्या सभोवतीचे शब्द आणि इमेजवर आधारित इमेजेस तयार करू शकते.

  1. तुमच्या iPhone वर नोट्स ॲपवर जा.

  2. नोट उघडा, ‘हस्तलेखन टूल’ बटण वर टॅप करा, नंतर ‘इमेज वॉण्ड’ वर टॅप करा.

  3. तुम्ही चित्रण करू इच्छित असलेल्या कॉण्टेण्टच्या जवळपासच्या भागाभोवती वर्तुळ करा.

तुम्ही हायलाइट केलेल्या टेक्स्टवरून इमेजदेखील तयार करू शकता. ‘इमेज वॉण्ड’ वर टॅप करा, टेक्स्टचा ब्लॉक सिलेक्ट करा, ‘फॉरवर्ड करा’ बटण वर टॅप करा, नंतर ‘इमेज तयार करा’ निवडा.

सध्याची इमेज पुन्हा तयार करणे

जेव्हा तुम्ही Image Playground सह इमेज तयार करता, तेव्हा ती तयार करण्यासाठी वापरलेले सर्व घटक—स्केच, वर्णने, वर्ण आणि लोक—जतन केले जातात. तुम्ही सध्या तयार केलेल्या इमेजमधील घटक बदलू शकता, समाविष्ट करू शकता किंवा काढू शकता.

  1. तयार केलेल्या इमेजवर टॅप करा.

  2. ‘पुन्हा तयार करणे’ बटण वर टॅप करा.

    इमेज तयार करण्यासाठी वापरलेले घटक दर्शवते.

  3. पुढीलपैकी कोणतेही एक करा :

    • नवीन घटक समाविष्ट करणे : वर्णन प्रविष्ट करा, त्यानंतर पाठवा बटण वर टॅप करा.

    • घटक सुधारित करणे : वर्णनावर टॅप करा, टेक्स्ट संपादित करा, नंतर पाठवा बटण वर टॅप करा.

    • घटक काढून टाकणे : वजा बटण वर टॅप करा.

  4. तुमचे काम झाल्यावर, ’पूर्ण’ वर टॅप करा.

*Apple Intelligence जनरेटिव्ह मॉडेलचा वापर करते आणि आउटपुट बदलू शकतात. अचूकतेसाठी महत्त्वाची माहिती तपासा.
**Apple Intelligence सर्व iPhone 16 मॉडेल्स, iPhone 15 Pro, आणि iPhone 15 Pro Max वर बीटामध्ये उपलब्ध आहे, तसेच Siri आणि डिव्हाइसवर चीनी (सरलीकृत), इंग्रजी (ऑस्ट्रेलिया, कॅनडा, भारत, आयर्लंड, न्यूझीलंड, सिंगापूर, दक्षिण आफ्रिका, यूके किंवा यू.एस.), फ्रेंच, जर्मन, इटालियन, जपानी, कोरियन, पोर्तुगीज (ब्राझील) किंवा स्पॅनिशमध्ये सेट केलेले आहे. काही फीचर्स कदाचित सर्व प्रदेश किंवा भाषांमध्ये उपलब्ध नसतील. अधिक माहितीसाठी, Apple Intelligence कसे प्राप्त करावे ह्यावर Apple सपोर्ट लेख पहा.
हे देखील पहाiPhone वर Image Playground सह मूळ इमेज तयार करणेiPhone वरील डॉक्युमेंटमध्ये टेक्स्ट, आकार, स्टिकर आणि बरेच काही समाविष्ट करण्यासाठी मार्कअप वापरणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.