iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर गाण्याचे श्रेय आणि बोल दाखवणे

जेव्हा तुम्ही Apple Music ची सदस्यता घेता, तेव्हा तुम्ही गाण्याचे श्रेय दाखवू शकता आणि गाण्याचे बोल बघू आणि शेअर करू शकता.

गाण्याचे श्रेय दाखवणे

तुम्ही गाण्याचे श्रेय बघू शकता ज्यात कलाकार, रचना आणि गाण्याचे बोल, निर्मिती आणि अभियांत्रिकी भूमिका आणि उपलब्ध ऑडिओ गुणवत्ता ह्यांचा समावेश आहे.

  1. तुमच्या iPad वर संगीत ॲपवर जा.

  2. खालीलपैकी कोणतेही एक करा :

    • गाणे प्ले होत असताना, ‘आता प्ले होत आहे’ स्क्रीन उघडण्यासाठी मिनीप्लेअरवर टॅप करा, अधिक बटण वर टॅप करा, त्यानंतर ’श्रेय दाखवा’ वर टॅप करा.

    • यादीतील गाण्याच्या बाजूला अधिक बटण वर टॅप करा, त्यानंतर ’श्रेय दाखवा’ वर टॅप करा.

वेळेशी सिंक केलेले गाण्याचे बोल दाखवणे आणि लपवणे

Apple Music मध्ये अनेक गाण्यांसाठी वेळेशी सिंक केलेले गाण्याचे बोल दिसतात.

  1. तुमच्या iPad वर संगीत ॲपवर जा.

  2. गाणे प्ले होत असताना, ‘आता प्ले होत आहे’ स्क्रीन उघडण्यासाठी मिनीप्लेअरवर टॅप करा, त्यानंतर ‘गाण्याचे बोल’ बटण वर टॅप करा.

    टिप : गाण्याच्या त्या भागावर जाण्यासाठी गाण्याच्या विशिष्ट बोलावर टॅप करा—उदाहरणार्थ, कोरसची पहिली ओळ.

  3. गाण्याचे सर्व बोल पाहण्यासाठी, अधिक बटण वर टॅप करा, ‘श्रेय दाखवा’ वर टॅप करा, त्यानंतर ‘गाण्याचे बोल बघा’ वर टॅप करा.

  4. गाण्याचे बोल लपवण्यासाठी, ‘गाण्याचे बोल’ बटण वर टॅप करा.

गाण्याचे बोल शेअर करणे

जर वेळेशी सिंक केलेले गाण्याचे बोल उपलब्ध असतील तर तुम्ही गाण्याच्या बोलाचे जास्तीत जास्त 150 वर्ण शेअर करू शकता.

  1. तुमच्या iPad वर संगीत ॲपवर जा.

  2. गाणे प्ले होत असताना, ‘आता प्ले होत आहे’ स्क्रीन उघडण्यासाठी मिनीप्लेअरवर टॅप करा.

  3. अधिक बटण वर टॅप करा, त्यानंतर ‘गाण्याचे बोल शेअर करा’ वर टॅप करा.

    शेअरिंग स्क्रीन उघडण्यासाठी तुम्ही गाण्याच्या ओळीवर टच आणि होल्ड देखील करू शकता.

  4. तुम्हाला शेअर करायचे असलेल्या पहिल्या आणि शेवटच्या गाण्याच्या बोलावर टॅप करा, त्यानंतर शेअरिंग पर्याय निवडा.

समस्या कळवणे

वेळेशी सिंक केलेल्या गाण्याच्या बोलाबद्दल समस्या कळविण्यासाठी, अधिक बटण वर टॅप करा, त्यानंतर ‘समस्या कळवा’ वर टॅप करा.

हे देखील पहाiPad वर संगीत प्ले करणेiPad वर ‘संगीत’ मध्ये ध्वनी ॲडजस्ट करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.