iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर ‘संदेश’ मध्ये तुमचे स्थान शेअर करणे

तुम्ही स्थान शेअरिंगचा वापर करून इतरांना तुम्ही कुठे आहात हे कळवू शकता (किंवा ते कुठे आहेत हे जाणून घेऊ शकता).

तुमचे स्थान ऑटोमॅटिकली शेअर आणि अपडेट करणे

जेव्हा तुम्ही ‘संदेश’ संभाषणात तुमचे स्थान शेअर करता, तेव्हा ते थेट संभाषणातच रिअल टाइममध्ये अपडेट होते. एखाद्या व्यक्तीने तुम्ही कुठे आहात हे विचारले असता तुम्ही सध्याचे स्थान (कीबोर्डच्या वर) टॅप करून तुमचे स्थान शेअर करू शकता किंवा पुढील गोष्टी करू शकता :

  1. तुमच्या iPad वर संदेश ॲपवर जा.

  2. नवीन संदेश सुरू करा किंवा संभाषण उघडा, ॲप बटण वर टॅप करा, 'स्थान' वर टॅप करा, नंतर ’शेअर करा’ वर टॅप करा.

  3. तुम्हाला तुमचे स्थान किती वेळ शेअर करायचे आहे ते ठरवा.

    जोपर्यंत तुम्ही तुमचे स्थान मॅन्युअली शेअर करणे थांबवत नाही तोपर्यंत तुम्हाला ते शेअर करायचे असल्यास ‘अनिश्चित कालावधीसाठी’ वर टॅप करा.

  4. तुमचे स्थान पाठवण्यासाठी पाठवा बटण वर टॅप करा. (किंवा तुम्ही तुमचा विचार बदलल्यास ‘’संदेश’ मधून ॲप काढून टाका’ बटण वर टॅप करा.)

तुम्ही संभाषणाच्या शीर्षस्थानी असलेल्या व्यक्तीच्या किंवा गटाच्या नावावर टॅप करून, नंतर ’माझे स्थान शेअर करा’ वर टॅप करून देखील तुमचे स्थान शेअर करू शकता. जर तुम्ही ते एखाद्या गटामध्ये शेअर केले आणि नंतर इतर लोकांना गटामध्ये समाविष्ट केले, तर तुम्ही कुठे आहात हे सर्वांना दाखवण्यासाठी तुम्ही तुमचे स्थान पुन्हा शेअर करू शकता.

जेव्हा SMS च्या संभाषणात तुम्हाला तुमचे स्थान शेअर करायचे असेल, तेव्हा त्याऐवजी पिन केलेले स्थान पाठवा.

तुम्ही तुमचे स्थान शेअर करता तेव्हा ‘संदेश’ शोधाशोध ॲपचा वापर करते. तुमचे स्थान शेअर कसे करायचे आणि एखाद्या व्यक्तीला कसे शोधायचे ह्याविषयी जाणून घ्या.

पिन केलेले स्थान पाठवणे

  1. तुमच्या iPad वर संदेश ॲपवर जा.

  2. नवीन संदेश सुरू करा किंवा संभाषण उघडा, ॲप बटण वर टॅप करा, त्यानंतर ‘स्थान’ वर टॅप करा.

  3. नकाशामध्ये वरच्या डाव्या बाजूला ‘नकाशा पिन’ बटण वर टॅप करा, नंतर पिन योग्य ठिकाणी येईपर्यंत नकाशा ड्रॅग करा.

  4. ‘पिन पाठवा’ वर टॅप करा, त्यानंतर तुमचा पिन पाठवण्यासाठी पाठवा बटण वर टॅप करा.

तुम्ही मूव्ह करता तेव्हा ’पिन केलेली स्थाने’ अपडेट होत नाहीत.

दुसऱ्या व्यक्तीचे स्थान विचारणे

  1. तुमच्या iPad वर संदेश ॲपवर जा.

  2. नवीन संदेश सुरू करा किंवा दुसऱ्या इतर व्यक्तीबरोबर संभाषण उघडा, त्यानंतर खालीलपैकी एक करा :

    • ॲप बटण वर टॅप करा, ‘स्थान’ वर टॅप करा, त्यानंतर ‘विनंती करा’ वर टॅप करा.

    • “तुम्ही कुठे आहात?” ह्या प्रश्नासह समाप्त होणारा संदेश पाठवा त्यानंतर ‘स्थानाची विनंती करा’ (कीबोर्डच्या वर) वर टॅप करा.

    • त्या व्यक्तीचे नाव टॅप करा जिचे स्थान तुम्हाला संभाषणाच्या शीर्षस्थानी हवे आहे, त्यानंतर ’स्थानाची विनंती करा’ वर टॅप करा.

  3. तुमची विनंती पाठवण्यासाठी पाठवा बटण वर टॅप करा.

कोणीतरी त्यांचे स्थान तुमच्याबरोबर शेअर केल्यानंतर, त्यांचे स्थान संभाषणाच्या शीर्षस्थानी त्यांच्या नावाच्या खाली दिसते. ते नकाशावर कुठे आहेत हे पाहण्यासाठी त्यांच्या नावावर टॅप करा. नकाशा मोठा करण्यासाठी त्यावर टॅप करा.

तुमचे स्थान शेअर करणे थांबवणे

  1. तुमच्या iPad वर संदेश ॲपवर जा.

  2. संभाषण उघडा, त्यानंतर खालीलपैकी एक करा :

    • तुमच्या शेअर केलेल्या स्थानासह संदेशावर टॅप करा, त्यानंतर ‘माझे स्थान शेअर करणे थांबवा’ वर टॅप करा.

    • संभाषणाच्या शीर्षस्थानी तुम्ही ज्या व्यक्तीबरोबर तुमचे स्थान शेअर करत आहात, त्याच्या नावावर टॅप करा, त्यानंतर ’शेअर करणे थांबवा’ किंवा ’माझे स्थान शेअर करणे थांबवा’ वर टॅप करा.

संभाषणातील मागील बबल आता नकाशा प्रदर्शित करणार नाहीत.

नोट : ‘स्थान शेअरिंग’ सह लोकांना शोधणे सर्व देश किंवा प्रदेशात उपलब्ध नाही. तुम्ही ‘स्थान शेअरिंग’ सेट अप केलेले असल्यास आणि इतरांना अजूनही तुमचे स्थान दिसत नसल्यास, तुम्ही ॲक्सेस करण्याची अनुमती दिल्याची खात्री करा. सेटिंग  > गोपनीयता व सुरक्षा > स्थान सेवा > ‘शोधाशोध’ वर जा, त्यानंतर पर्याय निवडा. तुम्ही शेअर करत असलेली स्थान माहिती नियंत्रित करा पहा.

हे देखील पहाiPad वर ‘संदेश’ मध्ये iMessage ॲप वापरणेiPad वर ‘शोधाशोध’ मध्ये तुमचे स्थान शेअर करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.