iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

तुमची वर्कस्पेस कस्टमाइझ करणे

एकाच वेळी अनेक ॲपसह काम करण्यासाठी तुम्ही iPad मल्टीटास्किंग फीचरचा वापर करू शकता आणि त्यांच्यादरम्यान त्वरित स्विच करू शकता. सपोर्ट करणाऱ्या iPad मॉडेलवर, तुम्ही तुमच्या स्क्रीनवरील ॲप विंडोचा आकार बदलण्यासाठी, ओव्हरलॅप करण्यासाठी आणि त्यांना गटबद्ध करण्यासाठी ‘स्टेज मॅनेजर’ चा वापर देखील करू शकता.

अलीकडे वापरलेले अनेक ॲप दाखवणारे ‘ॲप स्विचर’.

iPad वर ॲपमध्ये स्विच करणे

जेव्हा तुम्ही एका ॲपमध्ये काम करता, तेव्हा तुम्ही Dock वापरून होम स्क्रीनवर न जाता दुसरे ॲप उघडू शकता. तुमच्या सध्याच्या ॲपमधून, स्क्रीनच्या तळाशी असलेले Dock उघड करण्यासाठी स्क्रीनच्या अगदी दूरच्या खालच्या कडेवरून ‘वर’ स्वाइप करा, नंतर तुम्हाला वापरायचे असलेल्या ॲपवर टॅप करा.

तुम्ही उघडलेल्या ॲपमध्ये त्वरित स्विच करण्यासाठी, स्क्रीनच्या खालच्या काठावर डावीकडे किंवा उजवीकडे स्वाइप करा.

Keynote ॲप स्क्रीनच्या डाव्या बाजूला उघडे आहे आणि नकाशा ॲप उजव्या बाजूला उघडे आहे. ॲपच्या दरम्यान ॲडजस्ट करण्यायोग्य डिव्हायडर आहे जे Split View चा आकार बदलण्यासाठी वापरले जाते.

दोन ॲप एकत्र बघणे

जेव्हा तुम्ही एका ॲपमध्ये काम करता, तेव्हा तुम्ही स्क्रीनवर त्याच्या पुढे दुसरे ॲप उघडू शकता. स्क्रीनच्या शीर्षस्थानी ‘मल्टीटास्किंग कंट्रोल’ बटण वर टॅप करा, Split View वर टॅप करा, नंतर जेव्हा होम स्क्रीन दिसेल तेव्हा तुम्हाला उघडायच्या असलेल्या दुसऱ्या ॲपवर टॅप करा. दुसरे ॲप पहिल्या ॲपच्या बरोबर दिसते.

स्क्रीनवरील दोन ॲप्सचा आकार ॲडजस्ट करण्यासाठी, ॲप डिव्हायडरवर टच आणि होल्ड करा, नंतर ते डावीकडे किंवा उजवीकडे मूव्ह करा.

Keynote ॲप स्क्रीन व्यापते. स्क्रीनच्या उजव्या बाजूला Slide Over विंडोमध्ये नकाशा ॲप उघडे आहे.

दुसऱ्या ॲपवर एक ॲप बघणे

जेव्हा तुम्ही एका ॲपमध्ये काम करता आणि तुम्हाला दुसरे ॲप उघडायचे असते, तेव्हा तुम्ही पहिल्या ॲप विंडोचा आकार कमी करू शकता जेणेकरून ती दुसऱ्या ॲपवर फ्लोट होईल. स्क्रीनच्या शीर्षस्थानी ‘मल्टीटास्किंग कंट्रोल’ बटण वर टॅप करा, Slide Over वर टॅप करा, नंतर जेव्हा होम स्क्रीन दिसेल तेव्हा ती उघडण्यासाठी दुसऱ्या ॲपवर टॅप करा. दुसरे ॲप फुल स्क्रीनमध्ये दिसते आणि पहिले ॲप त्याच्या वर तरंगताना दिसते.

Slide Over विंडो स्क्रीनच्या दुसऱ्या बाजूला मूव्ह करण्यासाठी, विंडोच्या वरच्या डाव्या किंवा उजव्या बाजूला ‘मल्टीटास्किंग कंट्रोल’ बटण वर ड्रॅग करा.

‘स्टेज मॅनेजर’ सह iPad डिस्प्ले चालू आहे. सध्याच्या विंडो स्क्रीनच्या मध्यभागी आहेत आणि इतर अलीकडील ॲप स्क्रीनच्या डाव्या बाजूला असलेल्या यादीत आहेत.

‘स्टेज मॅनेजर’ सह अधिक पहाणे

सपोर्ट करणाऱ्या iPad मॉडेल वर, तुमचे उघडे ॲप एकाच वेळी स्क्रीनवर बघण्यासाठी आणि त्यांच्यात सहजपणे नॅव्हिगेट करण्यासाठी तुम्ही ‘स्टेज मॅनेजर’ वापरू शकता.

‘स्टेज मॅनेजर’ चालू करण्यासाठी, ‘कंट्रोल सेंटर’ उघडण्यासाठी वरच्या उजव्या कोपऱ्यातून खाली स्वाइप करा, त्यानंतर ‘स्टेज मॅनेजर’ बटण वर टॅप करा.

अधिक जाणून घ्यायचे आहे का?

सर्व iPad मॉडेलसाठी सर्व फीचर उपलब्ध नाहीत.
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.