iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ’ਤੇ Apple TV ਐਪ ਵਿੱਚ ਦੇਖਣਾ ਸ਼ੁਰੂ ਕਰਨਾ ਅਤੇ ਪਲੇਬੈਕ ਕੰਟਰੋਲ ਕਰਨਾ

Apple TV ਐਪ ਵਿੱਚ, ਤੁਸੀਂ TV ਸ਼ੋਅ, ਫ਼ਿਲਮਾਂ, ਖੇਡਾਂ ਅਤੇ ਹੋਰ ਬਹੁਤ ਕੁਝ ਸਟ੍ਰੀਮ ਕਰ ਸਕਦੇ ਹੋ। ਤੁਸੀਂ TV ਸ਼ੋਅ ਦੀਆਂ ਫ਼ਿਲਮਾਂ ਅਤੇ ਐਪੀਸੋਡਾਂ ਨੂੰ ਵੀ ਡਾਊਨਲੋਡ ਕਰ ਸਕਦੇ ਹੋ। iOS 18.2 ਜਾਂ ਇਸ ਤੋਂ ਬਾਅਦ ਦੇ ਸੰਸਕਰਨ ਵਿੱਚ, ਤੁਸੀਂ TV ਸ਼ੋਅ ਦਾ ਪੂਰਾ ਸੀਜ਼ਨ ਡਾਊਨਲੋਡ ਕਰ ਸਕਦੇ ਹੋ।

Apple TV+ ਅਤੇ Apple TV ਚੈਨਲਾਂ ਦਾ ਕੰਟੈਂਟ Apple TV ਐਪ ਵਿੱਚ ਚੱਲਦਾ ਹੈ, ਜਦੋਂ ਕਿ ਹੋਰ ਪ੍ਰਦਾਤਾਵਾਂ ਦਾ ਕੰਟੈਂਟ ਉਹਨਾਂ ਦੇ ਵੀਡੀਓ ਐਪ ਵਿੱਚ ਚੱਲਦਾ ਹੈ। ਪਲੇਬੈਕ ਕੰਟਰੋਲ ਦੀ ਵਰਤੋਂ ਕਰ ਕੇ ਤੁਸੀਂ ਜੋ ਦੇਖ ਰਹੇ ਹੋ ਉਸ ਨੂੰ ਚਲਾ ਸਕਦੇ ਹੋ ਜਾਂ ਰੋਕ ਸਕਦੇ ਹੋ, ਸਕਿੱਪ ਕਰਕੇ ਪਿੱਛੇ ਜਾਂ ਅੱਗੇ ਜਾ ਸਕਦੇ ਹੋ ਅਤੇ ਹੋਰ ਬਹੁਤ ਕੁਝ।

ਜਦੋਂ ਤੁਸੀਂ SharePlay ਦੀ ਵਰਤੋਂ ਕਰ ਕੇ ਆਪਣੇ ਦੋਸਤਾਂ ਨਾਲ ਕੁਝ ਦੇਖਦੇ ਹੋ, ਤਾਂ FaceTime ਕਾਲ ’ਤੇ ਹਰੇਕ ਵੱਲੋਂ ਕੰਟਰੋਲ ਸਾਂਝੇ ਕੀਤੇ ਜਾਂਦੇ ਹਨ। Apple TV ਐਪ ਵਿੱਚ SharePlay ਦੀ ਵਰਤੋਂ ਕਰਨ ਬਾਰੇ ਹੋਰ ਜਾਣਨ ਲਈ, FaceTime ਵਿੱਚ ਕੰਟੈਂਟ ਦੇਖਣ, ਸੁਣਨ ਅਤੇ ਇਕੱਠੇ ਖੇਡਣ ਲਈ SharePlay ਦੀ ਵਰਤੋਂ ਕਰੋ ਦੇਖੋ।

TV ਸ਼ੋਅ ਜਾਂ ਫ਼ਿਲਮ ਨੂੰ ਚਲਾਉਣਾ

ਹੋਮ ਟੈਬ, “ਦੇਖਣਾ ਜਾਰੀ ਰੱਖੋ” ਕਤਾਰ ਦੇ ਉੱਪਰ, ਕੇਂਦਰ ਵਿੱਚ ਸੁਝਾਈ ਗਈ Apple Original ਦਿਖਾ ਰਿਹਾ ਹੈ। ਹੇਠਾਂ, ਖੱਬੇ ਤੋਂ ਸੱਜੇ, ਹੋਮ, Apple TV+, ਸਟੋਰ, ਲਾਇਬ੍ਰੇਰੀ ਅਤੇ ਖੋਜੋ ਟੈਬਾਂ ਹਨ।
Apple TV ਐਪ ’ਤੇ ਸਬਸਕ੍ਰਿਪਸ਼ਨ ਨਾਲ Prime Target ਨੂੰ ਸਟ੍ਰੀਮ ਕਰੋ

  1. ਆਪਣੇ iPhone ’ਤੇ Apple TV ਐਪ ’ਤੇ ਜਾਓ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਫ਼ੀਚਰ ਕੀਤੀਆਂ ਗਈਆਂ ਆਈਟਮਾਂ ਨੂੰ ਬ੍ਰਾਊਜ਼ ਕਰਨ ਲਈ ਸਕਰੀਨ ਦੇ ਸਿਖਰ ’ਤੇ ਖੱਬੇ ਜਾਂ ਸੱਜੇ ਸਵਾਈਪ ਕਰੋ, ਫਿਰ “ਚਲਾਓ” ਬਟਨ (ਜੇਕਰ ਉਪਲਬਧ ਹੋਵੇ) ’ਤੇ ਟੈਪ ਕਰੋ।

    • “ਘਰ” ’ਤੇ ਟੈਪ ਕਰੋ, ਫਿਰ ਜਿੱਥੋਂ ਤੁਸੀਂ ਛੱਡਿਆ ਸੀ, ਉਥੋਂ ਤੁਰੰਤ ਦੇਖਣਾ ਸ਼ੁਰੂ ਕਰਨ ਲਈ “ਦੇਖਣਾ ਜਾਰੀ ਰੱਖੋ” ਕਤਾਰ ਵਿੱਚ ਕਿਸੇ ਆਈਟਮ ’ਤੇ ਟੈਪ ਕਰੋ।

    • ਹੋਰ ਕਤਾਰਾਂ ਦੇਖਣ ਲਈ ਹੇਠਾਂ ਸਕ੍ਰੌਲ ਕਰੋ, ਫਿਰ ਉਸ ਆਈਟਮ ’ਤੇ ਟੈਪ ਕਰੋ, ਜਿਸ ਨੂੰ ਤੁਸੀਂ ਦੇਖਣਾ ਚਾਹੁੰਦੇ ਹੋ। ਜਦੋਂ ਉਸ ਆਈਟਮ ਦਾ ਪੰਨਾ ਖੁੱਲਦਾ ਹੈ, ਤਾਂ ਚਲਾਓ ਬਟਨ (ਜੇਕਰ ਉਪਲਬਧ ਹੋਵੇ) ’ਤੇ ਟੈਪ ਕਰੋ ਜਾਂ ਕਿਸੇ ਖ਼ਾਸ ਐਪੀਸੋਡ ਜਾਂ ਟ੍ਰੇਲਰ ’ਤੇ ਟੈਪ ਕਰੋ, ਜਿਸ ਨੂੰ ਤੁਸੀਂ ਦੇਖਣਾ ਚਾਹੁੰਦੇ ਹੋ।

      ਸਲਾਹ: ਕਿਸੇ ਸ਼੍ਰੇਣੀ ਵਿੱਚ ਸਾਰੀਆਂ ਆਈਟਮਾਂ ਦੇਖਣ ਜਾਂ ਸੰਗ੍ਰਹਿ ਬਾਰੇ ਵਧੇਰੇ ਜਾਣਕਾਰੀ ਦੇਖਣ ਲਈ ਕਤਾਰ ਸਿਰਲੇਖ ’ਤੇ ਟੈਪ ਕਰੋ।

ਕੰਟੈਂਟ ਡਾਊਨਲੋਡ ਕਰਨਾ

Apple TV + ਟੈਬ ਵਿੱਚ Apple Original ਦੇ ਐਪੀਸੋਡਾਂ ਦੀ ਸੂਚੀ ਦਿਖਾਈ ਜਾ ਰਹੀ ਹੈ। ਪੂਰੇ ਸੀਜ਼ਨ ਨੂੰ ਡਾਊਨਲੋਡ ਕਰਨ ਲਈ ਬਟਨ ਅਤੇ ਹਰੇਕ ਐਪੀਸੋਡ ਸਕਰੀਨ ਦੇ ਸੱਜੇ ਪਾਸੇ ਦਿਖਾਈ ਦਿੰਦਾ ਹੈ।
Apple TV ਐਪ ਦੀ ਸਬਸਕ੍ਰਿਪਸ਼ਨ ਲੈ ਕੇਹਾਈਜੈਕ ਸਟ੍ਰੀਮ ਕਰੋ

Apple TV ਐਪ ਵਿੱਚ, ਤੁਸੀਂ TV ਸ਼ੋਅ ਦੀਆਂ ਫ਼ਿਲਮਾਂ ਅਤੇ ਐਪੀਸੋਡਾਂ ਨੂੰ ਡਾਊਨਲੋਡ ਕਰ ਸਕਦੇ ਹੋ। iOS 18.2 ਜਾਂ ਇਸ ਤੋਂ ਬਾਅਦ ਦੇ ਸੰਸਕਰਨ ਵਿੱਚ, ਤੁਸੀਂ TV ਸ਼ੋਅ ਦਾ ਪੂਰਾ ਸੀਜ਼ਨ ਡਾਊਨਲੋਡ ਕਰ ਸਕਦੇ ਹੋ।

  1. ਆਪਣੇ iPhone ’ਤੇ Apple TV ਐਪ ’ਤੇ ਜਾਓ।

  2. ਕਿਸੇ ਆਈਟਮ ਦੇ ਵੇਰਵੇ ਦੇਖਣ ਲਈ ਉਸ ’ਤੇ ਟੈਪ ਕਰੋ।

  3. ਹੇਠ ਲਿਖੇ ਵਿਕਲਪਾਂ ਵਿੱਚੋਂ ਕੋਈ ਵੀ ਵਿਕਲਪ ਚੁਣੋ (ਸਾਰੇ ਸਿਰਲੇਖਾਂ ਲਈ ਸਾਰੇ ਵਿਕਲਪ ਉਪਲਬਧ ਨਹੀਂ ਹਨ):

    • ਫ਼ਿਲਮਾਂ ਡਾਊਨਲੋਡ ਕਰੋ: “ਡਾਊਨਲੋਡ ਕਰੋ” ਬਟਨ ’ਤੇ ਟੈਪ ਕਰੋ।

    • TV ਸ਼ੋਅ ਦਾ ਐਪੀਸੋਡ ਡਾਊਨਲੋਡ ਕਰੋ: “ਡਾਊਨਲੋਡ ਕਰੋ” ਬਟਨ ’ਤੇ ਟੈਪ ਕਰੋ, ਸੀਜ਼ਨ ’ਤੇ ਟੈਪ ਕਰੋ, ਫਿਰ ਉਸ ਐਪੀਸੋਡ ਦੇ ਅਗਲੇ ਪਾਸੇ “ਡਾਊਨਲੋਡ ਕਰੋ” ਬਟਨ ’ਤੇ ਟੈਪ ਕਰੋ ਜਿਸ ਨੂੰ ਤੁਸੀਂ ਡਾਊਨਲੋਡ ਕਰਨਾ ਚਾਹੁੰਦੇ ਹੋ।

    • TV ਸ਼ੋਅ ਦਾ ਪੂਰਾ ਸੀਜ਼ਨ ਡਾਊਨਲੋਡ ਕਰੋ: “ਡਾਊਨਲੋਡ ਕਰੋ” ਬਟਨ ’ਤੇ ਟੈਪ ਕਰੋ, ਸੀਜ਼ਨ ’ਤੇ ਟੈਪ ਕਰੋ, ਫਿਰ ਸਕਰੀਨ ਦੇ ਸਿਖਰ ’ਤੇ ਸੀਜ਼ਨ ਬਟਨ ’ਤੇ ਟੈਪ ਕਰੋ।

ਤੁਸੀਂ ਆਪਣੀ ਲਾਇਬ੍ਰੇਰੀ ਵਿੱਚ ਡਾਊਨਲੋਡ ਕੀਤੀ ਆਈਟਮ ਲੱਭ ਸਕਦੇ ਹੋ ਅਤੇ ਉਸ ਨੂੰ ਉਦੋਂ ਵੀ ਦੇਖ ਸਕਦੇ ਹੋ ਜਦੋਂ iPhone ਇੰਟਰਨੈੱਟ ਨਾਲ ਕਨੈਕਟ ਨਾ ਹੋਵੇ।

ਕਿਰਾਏ ’ਤੇ ਲਈ ਮੂਵੀ ਹੋਈ ਦੇਖੋ

  1. ਆਪਣੇ iPhone ’ਤੇ Apple TV ਐਪ ’ਤੇ ਜਾਓ।

  2. “ਲਾਇਬ੍ਰੇਰੀ” ‘ਤੇ ਟੈਪ ਕਰੋ, “ਕਿਰਾਏ ਦੀਆਂ ਆਈਟਮਾਂ” ਤੇ ਟੈਪ ਕਰੋ, ਫਿਰ ਕਿਸੇ ਮੂਵੀ ਨੂੰ ਟੈਪ ਕਰੋ।

  3. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਮੂਵੀ ਚਲਾਓ: “ਚਲਾਓ” ਬਟਨ ’ਤੇ ਟੈਪ ਕਰੋ। ਕਿਰਾਏ ਦੀ ਮਿਆਦ ਵਿੱਚ ਬਾਕੀ ਰਹਿੰਦਾ ਸਮਾਂ ਦਿਖਾਇਆ ਜਾਂਦਾ ਹੈ।

    • ਮੂਵੀ ਡਾਊਨਲੋਡ ਕਰੋ: ਜਦੋਂ iPhone ਇੰਟਰਨੈੱਟ ਨਾਲ ਕਨੈਕਟ ਨਾ ਹੋਵੇਂ ਤਾਂ ਬਾਅਦ ਵਿੱਚ ਆਈਟਮ ਦੇਖਣ ਲਈ “ਡਾਊਨਲੋਡ ਕਰੋ” ਬਟਨ ’ਤੇ ਟੈਪ ਕਰੋ।

ਪਲੇਬੈਕ ਕੰਟਰੋਲਾਂ ਦੀ ਵਰਤੋਂ ਕਰੋ

ਪਲੇਬੈਕ ਦੌਰਾਨ, ਕੰਟਰੋਲ ਦੇਖਣ ਲਈ ਸਕਰੀਨ ’ਤੇ ਟੈਪ ਕਰੋ।

TV ਸ਼ੋਅ ਚੱਲ ਰਿਹਾ ਹੈ ਅਤੇ ਕੰਟਰੋਲ ਦਿਖਾਈ ਦੇ ਰਹੇ ਹਨ। ਬੰਦ ਕਰੋ, ਪਿਕਚਰ ਇਨ ਪਿਕਚਰ, AirPlay ਅਤੇ ਸਾਂਝਾ ਕਰੋ ਬਟਨ ਉੱਪਰ ਖੱਬੇ ਪਾਸੇ ਹਨ। ਆਵਾਜ਼ ਸਲਾਈਡਰ ਉੱਪਰ ਸੱਜੇ ਪਾਸੇ ਹੈ। ਕੇਂਦਰ ਵਿੱਚ 10 ਸਕਿੰਟ ਪਿੱਛੇ ਸਕਿੱਪ ਕਰਨ, ਰੋਕਣ ਅਤੇ 10 ਸਕਿੰਟ ਅੱਗੇ ਸਕਿੱਪ ਕਰਨ ਦੇ ਬਟਨ ਹਨ। ਹੇਠਲੇ ਕੇਂਦਰ ‘ਤੇ ਇੱਕ ਸਲਾਈਡਰ ਹੈ ਜਿਸ ਨੂੰ ਡ੍ਰੈਗ ਕਰ ‘ਤੇ ਤੁਸੀਂ ਵੀਡੀਓ ਦੀ ਸਥਿਤੀ ਨੂੰ ਅਡਜਸਟ ਕਰ ਸਕਦੇ ਹੋ; ਬੀਤਿਆ ਸਮਾਂ ਅਤੇ ਬਾਕੀ ਬਚਿਆ ਸਮਾਂ ਸਲਾਈਡਰ ਦੇ ਦੋਵੇਂ ਪਾਸੇ ਦਿਖਾਈ ਦਿੰਦਾ ਹੈ। ਹੇਠਾਂ ਸੱਜੇ ਪਾਸੇ “ਜਾਣਕਾਰੀ”, “ਇਨਸਾਈਟ” ਅਤੇ “ਦੇਖਣਾ ਜਾਰੀ ਰੱਖੋ” ਬਟਨ ਹਨ।
Apple TV ਐਪ ਦੀ ਸਬਸਕ੍ਰਿਪਸ਼ਨ ਲੈ ਕੇਹਾਈਜੈਕ ਸਟ੍ਰੀਮ ਕਰੋ

ਕੰਟਰੋਲ ਕਰੋ

ਵਰਣਨ

“ਚਲਾਓ” ਬਟਨ

ਚਲਾਓ

“ਰੋਕੋ” ਬਟਨ

ਰੋਕੋ

“10 ਸਕਿੰਟ ਪਿੱਛੇ ਸਕਿੱਪ ਕਰੋ” ਬਟਨ

10 ਸਕਿੰਟ ਪਿੱਛੇ ਸਕਿੱਪ ਕਰੋ; ਰਿਵਾਈਂਡ ਕਰਨ ਲਈ ਟੱਚ ਕਰ ਕੇ ਰੱਖੋ

“10 ਸਕਿੰਟ ਅੱਗੇ ਸਕਿੱਪ ਕਰੋ” ਬਟਨ

10 ਸਕਿੰਟ ਅੱਗੇ ਸਕਿੱਪ ਕਰੋ; ਫ਼ਾਸਟ-ਫ਼ਾਰਵਰਡ ਕਰਨ ਲਈ ਟੱਚ ਕਰ ਕੇ ਰੱਖੋ

“ਪਲੇਬੈਕ ਗਤੀ” ਬਟਨ

ਪਲੇਬੈਕ ਸਪੀਡ ਬਦਲੋ

“ਆਡੀਓ” ਬਟਨ

ਆਡੀਓ ਟ੍ਰੈਕ ਬਦਲੋ ਅਤੇ ਡਾਇਲੌਗ ਬਿਹਤਰ ਬਣਾਓ

“ਸਬਟਾਈਟਲ” ਬਟਨ

ਸਬਟਾਈਟਲ ਅਤੇ ਬੰਦ ਕੈਪਸ਼ਨਾਂ ਦਿਖਾਓ

“ਸਾਂਝਾ ਕਰੋ” ਬਟਨ

ਕੋਈ ਐਪੀਸੋਡ, ਮੂਵੀ, ਟ੍ਰੇਲਰ ਜਾਂ ਖੇਡ ਇਵੈਂਟ ਸਾਂਝਾ ਕਰੋ

AirPlay ਬਟਨ

ਵੀਡੀਓ ਨੂੰ ਹੋਰ ਡਿਵਾਈਸਾਂ ’ਤੇ ਸਟ੍ਰੀਮ ਕਰੋ

“ਪਿਕਚਰ ਇਨ ਪਿਕਚਰ” ਬਟਨ

“ਪਿਕਚਰ ਇਨ ਪਿਕਚਰ” ਸ਼ੁਰੂ ਕਰੋ—ਤੁਸੀਂ ਕਿਸੇ ਹੋਰ ਐਪ ਦੀ ਵਰਤੋਂ ਕਰਨ ਦੇ ਨਾਲ-ਨਾਲ ਵੀਡੀਓ ਦੇਖ ਸਕਦੇ ਹੋ

“ਬੰਦ ਕਰੋ” ਬਟਨ

ਪਲੇਬੈਕ ਰੋਕੋ

ਜਦੋਂ ਆਡੀਓ ਮਿਊਟ ਕੀਤੀ ਜਾਂਦੀ ਹੈ, ਤਾਂ ਸਬਟਾਈਟਲ ਆਟੋਮੈਟਿਕਲੀ ਦਿਖਾਈ ਦਿੰਦੇ ਹਨ ਅਤੇ ਜੇਕਰ ਤੁਸੀਂ 10 ਸਕਿੰਟ ਪਿੱਛੇ ਸਕਿੱਪ ਕਰਦੇ ਹੋ, ਤਾਂ ਸਬਟਾਈਟਲ ਦਿਖਾਈ ਦਿੰਦੇ ਹਨ। ਸਬਟਾਈਟਲ ਨੂੰ ਬੰਦ ਕਰਨ ਲਈ “ਸਬਟਾਈਟਲ” ਬਟਨ ’ਤੇ ਟੈਪ ਕਰੋ, ਫਿਰ “ਬੰਦ ਕਰੋ” ’ਤੇ ਟੈਪ ਕਰੋ।

ਪਲੇਬੈਕ ਦੌਰਾਨ ਆਡੀਓ ਵਿਕਲਪ ਬਦਲੋ

  1. ਪਲੇਬੈਕ ਦੌਰਾਨ, ਪਲੇਬੈਕ ਕੰਟਰੋਲ ਦਿਖਾਉਣ ਲਈ ਸਕਰੀਨ ’ਤੇ ਟੈਪ ਕਰੋ।

  2. “ਆਡੀਓ” ਬਟਨ ’ਤੇ ਟੈਪ ਕਰੋ, ਫਿਰ “ਡਾਇਲੌਗ ਬਿਹਤਰ ਬਣਾਓ” ’ਤੇ ਟੈਪ ਕਰੋ।

  3. ਹੇਠ ਲਿਖਿਆਂ ਵਿੱਚੋਂ ਕਿਸੇ ਇੱਕ ‘ਤੇ ਟੈਪ ਕਰੋ:

    • ਹੋਰ ਬਿਹਤਰ ਬਣਾਓ: ਡਾਇਲੌਗ ਨੂੰ ਮਿਕਸ ਵਿੱਚ ਵਧੀਆ ਬਣਾਉਂਦਾ ਹੈ।

    • ਬਿਹਤਰ ਬਣਾਓ: ਡਾਇਲੌਗ ਨੂੰ ਮਿਕਸ ਵਿੱਚ ਹੋਰ ਵੀ ਵਧੀਆ ਬਣਾਉਂਦਾ ਹੈ।

    • ਬੰਦ ਕਰੋ: “ਡਾਇਲੌਗ ਬਿਹਤਰ ਬਣਾਓ” ਨੂੰ ਬੰਦ ਕੀਤਾ ਜਾਂਦਾ ਹੈ।

ਸ਼ੋਅ, ਕਿਰਦਾਰ, ਅਦਾਕਾਰਾਂ ਅਤੇ ਸੰਗੀਤ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨਾ

ਪਲੇਬੈਕ ਦੇ ਦੌਰਾਨ, ਤੁਸੀਂ ਉਸ ਮੂਵੀ ਜਾਂ TV ਸ਼ੋਅ ਬਾਰੇ ਵਧੇਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ ਜਿਸ ਨੂੰ ਤੁਸੀਂ ਦੇਖ ਰਹੇ ਹੋ ਜਾਂ ਸਿੱਧਾ “ਦੇਖਣਾ ਜਾਰੀ ਰੱਖੋ” ’ਤੇ ਜਾ ਸਕਦੇ ਹੋ।

ਜਦੋਂ ਤੁਸੀਂ Apple TV+ ਮੂਵੀ ਜਾਂ TV ਸ਼ੋਅ (Apple TV+ ਸਬਸਕ੍ਰਿਪਸ਼ਨ ਲੋੜੀਂਦਾ ਹੈ) ਦੇਖ ਰਹੇ ਹੋ, ਤਾਂ “ਇਨਸਾਈਟ” ਨਾਲ ਤੁਸੀਂ ਅਦਾਕਾਰ, ਕਿਰਦਾਰ ਅਤੇ ਇਸ ਸਮੇਂ ਸਕਰੀਨ 'ਤੇ ਚੱਲ ਰਹੇ ਸੰਗੀਤ ਬਾਰੇ ਅਸਲ-ਸਮੇਂ ਵਿੱਚ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ। ਤੁਸੀਂ ਕਿਸੇ ਅਦਾਕਾਰ ’ਤੇ ਟੈਪ ਕਰ ਕੇ ਉਸਦੇ ਬੈਕਗ੍ਰਾਊਂਡ ਅਤੇ ਫ਼ਿਲਮੋਗ੍ਰਾਫ਼ੀ ਪੰਨੇ ਨੂੰ ਦੇਖਣ ਸਕਦੇ ਹੋ ਜਾਂ ਬੈਕਗ੍ਰਾਊਂਡ ਵਿੱਚ ਚੱਲ ਰਹੇ ਗੀਤ ਨੂੰ ਤੇਜ਼ੀ ਨਾਲ ਦੇਖ ਸਕਦੇ ਹੋ ਅਤੇ ਇਸ ਨੂੰ Apple Music ਪਲੇਲਿਸਟ ਵਿੱਚ ਜੋੜ ਸਕਦੇ ਹੋ (Apple ਸੰਗੀਤ ਸਬਸਕ੍ਰਿਪਸ਼ਨ ਲੋੜੀਂਦਾ ਹੈ)।

  1. ਪਲੇਬੈਕ ਦੌਰਾਨ, ਪਲੇਬੈਕ ਕੰਟਰੋਲ ਦਿਖਾਉਣ ਲਈ ਸਕਰੀਨ ’ਤੇ ਟੈਪ ਕਰੋ।

  2. ਹੇਠ ਲਿਖੇ ਵਿਕਲਪਾਂ ਵਿੱਚੋਂ ਕੋਈ ‘ਤੇ ਵੀ ਟੈਪ ਕਰੋ:

    • ਜਾਣਕਾਰੀ ਦੇਖੋ: ਤੁਸੀਂ ਜੋ ਦੇਖ ਰਹੇ ਹੋ ਉਸ ਬਾਰੇ ਵਧੇਰੇ ਜਾਣਕਾਰੀ ਦੇਖੋ।

    • ਇਨਸਾਈਟ ਪ੍ਰਾਪਤ ਕਰੋ: ਅਦਾਕਾਰ ਜਾਂ ਕਿਰਦਾਰ ‘ਤੇ ਟੈਪ ਕਰੋ ਕੇ ਵਧੇਰੇ ਜਾਣਕਾਰੀ ਦੇਖੋ। ਜੇਕਰ ਸੰਗੀਤ ਦੀ ਜਾਣਕਾਰੀ ਦਿਖਾਈ ਦਿੰਦੀ ਹੈ, ਤਾਂ ਗੀਤ ਨੂੰ ਸੰਗੀਤ ਐਪ (Apple TV+ ਅਤੇ Apple Music ਸਬਸਕ੍ਰਿਪਸ਼ਨ ਲੋੜੀਂਦਾ ਹੈ) ਵਿੱਚ ਪਲੇਲਿਸਟ ਵਿੱਚ ਜੋੜਨ ਲਈ ਟੈਪ ਕਰੋ।

    • ਦੇਖਣਾ ਜਾਰੀ ਰੱਖੋ: “ਦੇਖਣਾ ਜਾਰੀ ਰੱਖੋ” ’ਤੇ ਸਿੱਧਾ ਜਾਓ, ਫਿਰ ਦੁਬਾਰਾ ਦੇਖਣਾ ਸ਼ੁਰੂ ਕਰਨ ਲਈ ਕਿਸੇ ਆਈਟਮ ’ਤੇ ਟੈਪ ਕਰੋ।

    • ਲਾਈਵ ਖੇਡਾਂ: ਲਾਈਵ ਅਤੇ ਆਉਣ ਵਾਲੇ ਖੇਡ ਇਵੈਂਟ ਦੇਖੋ।

Apple TV+ (ਜਿਸ ਵਿੱਚ Friday Night Baseball, Sunday Night Soccer ਜਾਂ ਕੁਝ ਦੇਸ਼ਾਂ ਅਤੇ ਖੇਤਰਾਂ ਵਿੱਚ ਦੋਵੇਂ ਸ਼ਾਮਲ ਹਨ) ਅਤੇ MLS Season Pass (ਜਿਸ ਵਿੱਚ Sunday Night Soccer ਸ਼ਾਮਲ ਹੈ) ਲਈ ਸਬਸਕ੍ਰਿਪਸ਼ਨਾਂ ਲੋੜੀਂਦੀਆਂ ਹਨ। MLS Season Pass, Sunday Night Soccer ਅਤੇ Friday Night Baseball ਲਈ iOS 16.2 ਜਾਂ ਇਸ ਤੋਂ ਬਾਅਦ ਵਾਲਾ ਸੰਸਕਰਨ ਲੋੜੀਂਦਾ ਹੈ। ਸਾਰੇ ਫ਼ੀਚਰ ਅਤੇ ਕੰਟੈਂਟ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ।
ਇਹ ਵੀ ਦੇਖੋiPhone ’ਤੇ Apple TV ਐਪ ਵਿੱਚ ਸ਼ੋਅ, ਮੂਵੀਆਂ ਅਤੇ ਹੋਰ ਬਹੁਤ ਕੁਝ ਲੱਭੋiPhone ’ਤੇ Apple TV ਐਪ ਵਿੱਚ ਆਈਟਮਾਂ ਨੂੰ ਖ਼ਰੀਦੋ, ਕਿਰਾਏ ‘ਤੇ ਲਵੋ ਜਾਂ ਪ੍ਰੀ-ਆਡਰ ਕਰੋiPhone ’ਤੇ Apple TV ਐਪ ਵਿੱਚ ਆਪਣੀ ਲਾਇਬ੍ਰੇਰੀ ਦਾ ਪ੍ਰਬੰਧਨ ਕਰੋiPhone ‘ਤੇ ਸੰਗੀਤ ਪਲੇਲਿਸਟ ਬਣਾਉਣਾ, ਸੋਧ ਕਰਨਾ ਅਤੇ ਡਿਲੀਟ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.