iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ‘ਤੇ ਤਸਵੀਰਾਂ ਅਤੇ ਵੀਡੀਓ ਦਾ ਸੰਪਾਦਨ ਕਰਨਾ

ਤੁਹਾਡੇ ਵੱਲੋਂ ਕੋਈ ਤਸਵੀਰ ਜਾਂ ਵੀਡੀਓ ਲੈਣ ਤੋਂ ਬਾਅਦ, ਇਸਨੂੰ ਆਪਣੇ iPhone ‘ਤੇ ਸੋਧ ਕਰਨ ਲਈ ਤਸਵੀਰਾਂ ਐਪ ਵਿੱਚ ਟੂਲਾਂ ਦੀ ਵਰਤੋਂ ਕਰੋ। ਤੁਸੀਂ ਰੌਸ਼ਨੀ ਅਤੇ ਰੰਗ ਨੂੰ ਵਧਾ ਘਟਾ ਸਕਦੇ ਹੋ, ਫ਼ਿਲਟਰ ਸ਼ਾਮਲ ਕਰ ਸਕਦੇ ਹੋ ਅਤੇ ਹੋਰ ਵੀ ਬਹੁਤ ਕੁਝ ਕਰ ਸਕਦੇ ਹੋ।

ਜਦੋਂ ਤੁਸੀਂ iCloud ਤਸਵੀਰਾਂ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਡੀਆਂ ਤਸਵੀਰਾਂ ਅਤੇ ਵੀਡੀਓ ਵਿੱਚ ਕੀਤਾ ਗਿਆ ਕੋਈ ਵੀ ਸੰਪਾਦਨ ਤੁਹਾਡੇ ਸਾਰੇ ਡਿਵਾਈਸਾਂ ਵਿੱਚ ਸੁਰੱਖਿਅਤ ਕੀਤੇ ਜਾਂਦੇ ਹਨ।

ਸਲਾਹ: ਸੰਪਾਦਨ ਮੋਡ ਦਾ ਬੈਕਗ੍ਰਾਊਂਡ ਰੰਗ ਚੁਣਨ ਲਈ—ਉਦਾਹਰਨ ਲਈ, ਇਸਨੂੰ ਹਮੇਸ਼ਾ ਗੂੜ੍ਹਾ ‘ਤੇ ਸੈੱਟ ਕਰਨਾ—“ਸੋਧ ਕਰੋ” ਮੋਡ ਦਾ ਬੈਕਗ੍ਰਾਊਂਡ ਰੰਗ ਸੈੱਟ ਕਰਨਾ ਦੇਖੋ।

ਰੌਸ਼ਨੀ ਅਤੇ ਰੰਗ ਨੂੰ ਅਡਜਸਟ ਕਰਨਾ

  1. ਆਪਣੇ iPhone ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਇਸ ਨੂੰ ਖੋਲ੍ਹਣ ਲਈ ਕਿਸੇ ਤਸਵੀਰ ਜਾਂ ਵੀਡੀਓ ‘ਤੇ ਟੈਪ ਕਰੋ, ਫਿਰ “ਸੋਧ ਕਰੋ” ਬਟਨ ‘ਤੇ ਟੈਪ ਕਰੋ।

  3. ਰੌਸ਼ਨੀ ਸੰਬੰਧੀ ਵਿਵਸਥਾਵਾਂ ਨੂੰ ਦੇਖਣ ਲਈ ਤਸਵੀਰ ਦੇ ਹੇਠਾਂ ਖੱਬੇ ਪਾਸੇ ਵੱਲ ਸਵਾਈਪ ਕਰੋ ਜੋ ਤੁਸੀਂ ਕਰ ਸਕਦੇ ਹੋ—ਉਦਾਹਰਨ ਲਈ, ਐਕਸਪੋਜ਼ਰ, ਚਮਕ, ਹਾਈਲਾਈਟ ਅਤੇ ਪਰਛਾਵੇਂ।

  4. ਉਸ ਰੌਸ਼ਨੀ ਸੈਟਿੰਗ ‘ਤੇ ਟੈਪ ਕਰੋ ਜਿਸ ਨੂੰ ਤੁਸੀਂ ਅਡਜਸਟ ਕਰਨਾ ਚਾਹੁੰਦੇ ਹੋ, ਫਿਰ ਸਹੀ ਐਡਜਸਟਮੈਂਟ ਕਰਨ ਲਈ ਸਲਾਈਡਰ ਨੂੰ ਡ੍ਰੈਗ ਕਰੋ।

    ਹਰ ਰੌਸ਼ਨੀ ਸੰਬੰਧੀ ਸੈਟਿੰਗ ਲਈ ਤੁਹਾਡੇ ਵੱਲੋਂ ਕੀਤੀ ਐਡਜਸਟਮੈਂਟ ਦਾ ਪੱਧਰ ਬਟਨ ਦੇ ਆਲੇ ਦੁਆਲੇ ਦੀ ਆਊਟਲਾਈਨ ਰਾਹੀਂ ਦਰਸਾਇਆ ਜਾਂਦਾ ਹੈ, ਤਾਂ ਜੋ ਤੁਸੀਂ ਇੱਕ ਨਜ਼ਰ ਵਿੱਚ ਦੇਖ ਸਕੋ ਕਿ ਕਿਹੜੀਆਂ ਰੌਸ਼ਨੀ ਸੈਟਿੰਗਾਂ ਨੂੰ ਵਧਾਇਆ ਜਾਂ ਘਟਾਇਆ ਗਿਆ ਹੈ। ਸੰਪਾਦਿਤ ਤਸਵੀਰ ਜਾਂ ਵੀਡੀਓ ਅਤੇ ਮੂਲ ਵਿਚਕਾਰ ਸਵਿੱਚ ਕਰਨ ਲਈ ਰੌਸ਼ਨੀ ਬਟਨ ‘ਤੇ ਟੈਪ ਕਰੋ ਤਾਂ ਜੋ ਤੁਸੀਂ ਆਪਣੇ ਸੰਪਾਦਨਾਂ ਵਿੱਚ ਆਇਆ ਅੰਤਰ ਦੇਖ ਸਕੋ।

    ਕੇਂਦਰ ਵਿੱਚ ਤਸਵੀਰ ਵਾਲੀ “ਸੋਧ ਕਰੋ” ਸਕਰੀਨ। ਸਕਰੀਨ ਦੇ ਹੇਠਾਂ ਖੱਬੇ ਤੋਂ ਸੱਜੇ, “ਅਡਜਸਟ ਕਰੋ”, “ਫ਼ਿਲਟਰ” ਅਤੇ “ਕ੍ਰੌਪ ਕਰੋ” ਬਟਨ ਹਨ। “ਅਡਜਸਟ ਕਰੋ” ਬਟਨ ਚੁਣਿਆ ਗਿਆ ਹੈ ਅਤੇ ਤਸਵੀਰ ਦੀ ਚਮਕ ਨੂੰ ਵੱਧ-ਘੱਟ ਕਰਨ ਲਈ ਸਲਾਈਡਰ ਹੈ। “ਰੱਦ ਕਰੋ” ਬਟਨ ਸਕਰੀਨ ਦੇ ਸਿਖਰ ‘ਤੇ-ਖੱਬੇ ਕੋਨੇ ਵਿੱਚ ਹੈ ਅਤੇ “ਹੋ ਗਿਆ” ਬਟਨ ਸਕਰੀਨ ਦੇ ਸਿਖਰ ‘ਤੇ-ਸੱਜੇ ਕੋਨੇ ਵਿੱਚ ਹੈ।

  5. ਆਪਣੇ ਸੰਪਾਦਨਾਂ ਨੂੰ ਸੰਭਾਲਣ ਲਈ “ਹੋ ਗਿਆ” ‘ਤੇ ਟੈਪ ਕਰੋ ਜਾਂ ਜੇਕਰ ਤੁਹਾਨੂੰ ਆਪਣੀਆਂ ਤਬਦੀਲੀਆਂ ਪਸੰਦ ਨਹੀਂ ਹਨ, ਤਾਂ “ਰੱਦ ਕਰੋ” ‘ਤੇ ਟੈਪ ਕਰੋ, ਫਿਰ “ਤਬਦੀਲੀਆਂ ਨੂੰ ਖ਼ਾਰਜ ਕਰੋ” ‘ਤੇ ਟੈਪ ਕਰੋ।

ਸਲਾਹ: ਤਸਵੀਰ ਜਾਂ ਵੀਡੀਓ ਵਿੱਚ ਆਟੋਮੈਟਿਕਲੀ ਰੌਸ਼ਨੀ ਅਤੇ ਰੰਗ ਨੂੰ ਬਿਹਤਰ ਬਣਾਉਣ ਲਈ “ਬਿਹਤਰ ਬਣਾਓ” ਬਟਨ ‘ਤੇ ਟੈਪ ਕਰੋ।

ਤਸਵੀਰ ਦੇ ਫ਼ੋਟੋਗ੍ਰਾਫ਼ਿਕ ਸਟਾਇਲ ਵਿੱਚ ਸੋਧ ਕਰਨੀ

ਆਪਣੇ ਡਿਫ਼ੌਲਟ ਫ਼ੋਟੋਗ੍ਰਾਫਿਕ ਸਟਾਇਲ ਦੀ ਚੋਣ ਕਰਨ ਤੋਂ ਬਾਅਦ, ਤੁਸੀਂ ਆਪਣੀ ਲਾਇਬ੍ਰੇਰੀ ਵਿੱਚ ਸਟਾਇਲ ਵਿੱਚ ਸੋਧ ਕਰ ਸਕਦੇ ਹੋ ਜਾਂ ਤਸਵੀਰਾਂ ’ਤੇ ਨਵਾਂ ਸਟਾਇਲ ਲਾਗੂ ਕਰ ਸਕਦੇ ਹੋ। (iPhone 16, iPhone 16 Plus, iPhone 16 Pro ਅਤੇ iPhone 16 Pro Max ’ਤੇ ਉਪਲਬਧ ਹੈ।)

ਨੋਟ: ਤਸਵੀਰਾਂ ਐਪ ਵਿੱਚ ਫ਼ੋਟੋਗ੍ਰਾਫ਼ਿਕ ਸਟਾਇਲ ਵਿੱਚ ਸੋਧ ਕਰਨ ਲਈ, ਕੈਮਰੇ ਵਿੱਚ ਉੱਚ ਕੁਸ਼ਲਤਾ ਵਾਲੇ ਚਿੱਤਰ ਕੈਪਚਰ ਨਾਲ ਤਸਵੀਰਾਂ ਖਿੱਚਣੀਆਂ ਹੁੰਦੀਆਂ ਹਨ। ਉੱਚ ਕੁਸ਼ਲਤਾ ਨੂੰ ਚਾਲੂ ਕਰਨ ਲਈ, ਸੈਟਿੰਗਾਂ > ਕੈਮਰਾ > ਫ਼ਾਰਮੈਟ ’ਤੇ ਜਾਓ, ਫਿਰ ਉੱਚ ਕੁਸ਼ਲਤਾ ’ਤੇ ਟੈਪ ਕਰੋ।

  1. ਆਪਣੇ iPhone ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਫ਼ੋਟੋਗ੍ਰਾਫਿਕ ਸਟਾਇਲ ਨਾਲ ਖਿੱਚੀ ਗਈ ਤਸਵੀਰ ਖੋਲ੍ਹੋ, ਫਿਰ “ਸੋਧ ਕਰੋ” ਬਟਨ ’ਤੇ ਟੈਪ ਕਰੋ।

  3. ਯਕੀਨੀ ਬਣਾਓ ਕਿ ਸਟਾਇਲ ਨੂੰ ਸਕਰੀਨ ਦੇ ਹੇਠਾਂ ਚੁਣਿਆ ਗਿਆ ਹੈ, ਫਿਰ ਹੇਠ ਲਿਖਿਆਂ ਵਿੱਚੋਂ ਇੱਕ ਕੰਮ ਕਰੋ:

    • ਨਵਾਂ ਸਟਾਇਲ ਚੁਣੋ: ਚਿੱਤਰ ਦੇ ਹੇਠਲੇ ਪਾਸੇ ਸਟਾਇਲ ਵਿਕਲਪਾਂ ’ਤੇ ਖੱਬੇ ਜਾਂ ਸੱਜੇ ਪਾਸੇ ਸਵਾਈਪ ਕਰੋ।

    • ਟੋਨ ਅਤੇ ਰੰਗ ਨੂੰ ਅਡਜਸਟ ਕਰੋ: ਸਟਾਇਲ ਚੋਣਕਾਰ ’ਤੇ ਟੈਪ ਕਰੋ, ਫਿਰ ਟੋਨ ਅਤੇ ਰੰਗ ਨੂੰ ਇੱਕੋ ਸਮੇਂ ਅਡਜਸਟ ਕਰਨ ਲਈ ਆਪਣੀ ਉਂਗਲ ਨੂੰ ਡ੍ਰੈਗ ਕਰੋ। ਤੀਬਰਤਾ ਦੇ ਪੱਧਰ ਨੂੰ ਅਡਜਸਟ ਕਰਨ ਲਈ ਹੇਠਾਂ ਸਲਾਈਡਰ ‘ਤੇ ਆਪਣੀ ਉਂਗਲ ਨੂੰ ਡ੍ਰੈਗ ਕਰੋ। ਜਦੋਂ ਤੁਸੀਂ ਅਡਜਸਟਮੈਂਟ ਕਰ ਲੈਂਦੇ ਹੋ, ਤਾਂ ਚਿੱਤਰ ’ਤੇ ਟੈਪ ਕਰੋ।

      ਨੋਟ: ਜਿਵੇਂ ਹੀ ਤੁਸੀਂ ਵਿਵਸਥਾਵਾਂ ਕਰਦੇ ਹੋ, ਟੋਨ, ਰੰਗ ਅਤੇ ਤੀਬਰਤਾ ਦੇ ਮੁੱਲ ਸਕਰੀਨ ਦੇ ਸਿਖਰ ‘ਤੇ ਦਿਖਾਏ ਜਾਂਦੇ ਹਨ। ਇਹਨਾਂ ਮੁੱਲਾਂ ਨੂੰ ਰੀਸੈੱਟ ਕਰਨ ਲਈ ਗੋਲ ਤੀਰ ‘ਤੇ ਟੈਪ ਕਰੋ।

  4. “ਹੋ ਗਿਆ” ‘ਤੇ ਟੈਪ ਕਰੋ।

ਫ਼ਿਲਟਰ ਇਫ਼ੈਕਟ ਲਾਗੂ ਕਰਨਾ

iPhone 16e, iPhone 15 ਜਾਂ ਇਸ ਤੋਂ ਪਹਿਲਾਂ ਵਾਲੇ ਮਾਡਲਾਂ ‘ਤੇ, ਤੁਸੀਂ ਤਸਵੀਰ ਦਾ ਰੰਗ ਬਦਲਣ ਲਈ ਫ਼ਿਲਟਰ ਪ੍ਰਭਾਵ ਲਾਗੂ ਕਰ ਸਕਦੇ ਹੋ।

ਨੋਟ: iPhone 16, iPhone 16 Plus, iPhone 16 Pro ਅਤੇ iPhone 16 Pro Max ’ਤੇ ਆਪਣੀਆਂ ਤਸਵੀਰਾਂ ਨੂੰ ਵਿਉਂਤਬੱਧ ਦਿੱਖ ਦੇਣ ਲਈ ਫ਼ਿਲਟਰਾਂ ਦੀ ਵਰਤੋਂ ਕਰਨ ਦੀ ਬਜਾਏ ਨਵੀਨਤਮ ਜਨਰੇਸ਼ਨ ਦੇ ਫ਼ੋਟੋਗ੍ਰਾਫ਼ਿਕ ਸਟਾਇਲ ਦੀ ਵਰਤੋਂ ਕਰੋ।

  1. ਆਪਣੇ iPhone ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਤਸਵੀਰ ਜਾਂ ਵੀਡੀਓ ਖੋਲ੍ਹੋ, ਫਿਰ “ਸੋਧ ਕਰੋ” ਬਟਨ ‘ਤੇ ਟੈਪ ਕਰੋ।

  3. ਵਿਵਿਡ ਜਾਂ ਡ੍ਰਾਮੈਟਿਕ ਵਰਗੇ ਫ਼ਿਲਟਰ ਇਫ਼ੈਕਟ ਲਾਗੂ ਕਰਨ ਲਈ “ਫ਼ਿਲਟਰ” ਬਟਨ ‘ਤੇ ਟੈਪ ਕਰੋ।

    ਤੁਹਾਡੇ ਵੱਲੋਂ ਤਸਵੀਰ ਖਿੱਚਣ ਸਮੇਂ ਵਰਤੇ ਗਏ ਫ਼ਿਲਟਰ ਨੂੰ ਹਟਾਉਣ ਲਈ “ਮੂਲ” ‘ਤੇ ਟੈਪ ਕਰੋ।

    ਕੇਂਦਰ ਵਿੱਚ ਤਸਵੀਰ ਵਾਲੀ “ਸੋਧ ਕਰੋ” ਸਕਰੀਨ। ਸਕਰੀਨ ਦੇ ਹੇਠਾਂ ਖੱਬੇ ਤੋਂ ਸੱਜੇ, “ਅਡਜਸਟ ਕਰੋ”, “ਫ਼ਿਲਟਰ” ਅਤੇ “ਕ੍ਰੌਪ ਕਰੋ” ਬਟਨ ਹਨ। ਫ਼ਿਲਟਰ ਬਟਨ ਚੁਣਿਆ ਗਿਆ ਹੈ ਅਤੇ ਫ਼ਿਲਟਰ ਦੀ ਤੀਬਰਤਾ ਨੂੰ ਅਡਜਸਟ ਕਰਨ ਲਈ ਸਲਾਈਡਰ ਹੈ।

  4. ਫ਼ਿਲਟਰ ‘ਤੇ ਟੈਪ ਕਰੋ, ਫਿਰ ਪ੍ਰਭਾਵ ਨੂੰ ਅਡਜਸਟ ਕਰਨ ਲਈ ਸਲਾਈਡਰ ਨੂੰ ਡ੍ਰੈਗ ਕਰੋ।

    ਸੰਪਾਦਿਤ ਤਸਵੀਰ ਦੀ ਮੂਲ ਤਸਵੀਰ ਨਾਲ ਤੁਲਨਾ ਕਰਨ ਲਈ, ਤਸਵੀਰ ‘ਤੇ ਟੈਪ ਕਰੋ।

  5. ਆਪਣੇ ਸੰਪਾਦਨਾਂ ਨੂੰ ਸੰਭਾਲਣ ਲਈ “ਹੋ ਗਿਆ” ‘ਤੇ ਟੈਪ ਕਰੋ ਜਾਂ ਜੇਕਰ ਤੁਹਾਨੂੰ ਆਪਣੀਆਂ ਤਬਦੀਲੀਆਂ ਪਸੰਦ ਨਹੀਂ ਹਨ, ਤਾਂ “ਰੱਦ ਕਰੋ” ‘ਤੇ ਟੈਪ ਕਰੋ, ਫਿਰ “ਤਬਦੀਲੀਆਂ ਨੂੰ ਖ਼ਾਰਜ ਕਰੋ” ‘ਤੇ ਟੈਪ ਕਰੋ।

ਕਈ ਤਸਵੀਰਾਂ ਵਿੱਚ ਸੰਪਾਦਨਾਂ ਨੂੰ ਕਾਪੀ ਕਰ ਕੇ ਪੇਸਟ ਕਰੋ

ਤੁਸੀਂ ਕਿਸੇ ਤਸਵੀਰ (ਜਾਂ ਵੀਡੀਓ) ਵਿੱਚ ਤੁਹਾਡੇ ਵੱਲੋਂ ਕੀਤੇ ਗਏ ਸੰਪਾਦਨਾਂ ਨੂੰ ਕਾਪੀ ਕਰ ਸਕਦੇ ਹੋ ਅਤੇ ਉਹਨਾਂ ਨੂੰ ਕਿਸੇ ਹੋਰ ਤਸਵੀਰ ਜਾਂ ਕਿਸੇ ਬੈਚ ਜਾਂ ਤਸਵੀਰਾਂ ‘ਤੇ ਇੱਕੋ ਸਮੇਂ ਪੇਸਟ ਕਰ ਸਕਦੇ ਹੋ।

  1. ਆਪਣੇ iPhone ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਉਹ ਤਸਵੀਰ ਜਾਂ ਵੀਡੀਓ ਖੋਲ੍ਹੋ ਜਿਸ ਵਿੱਚ ਉਹ ਸੰਪਾਦਨ ਸ਼ਾਮਲ ਹਨ ਜੋ ਤੁਸੀਂ ਕਾਪੀ ਕਰਨਾ ਚਾਹੁੰਦੇ ਹੋ।

  3. “ਹੋਰ” ਬਟਨ ‘ਤੇ ਟੈਪ ਕਰੋ, ਫਿਰ ਸੰਪਾਦਨਾਂ ਕਾਪੀ ਕਰੋ ‘ਤੇ ਟੈਪ ਕਰੋ।

  4. ਜੋ ਵੀ ਸੰਪਾਦਨ ਤੁਸੀਂ ਕਾਪੀ ਨਹੀਂ ਕਰਨਾ ਚਾਹੁੰਦੇ, ਉਹਨਾਂ ਦੀ ਸਮੀਖਿਆ ਕਰੋ ਅਤੇ ਉਹਨਾਂ ਨੂੰ ਬੰਦ ਕਰੋ, ਫਿਰ ਕਾਪੀ ਕਰੋ ’ਤੇ ਟੈਪ ਕਰੋ।

  5. ਆਪਣੀ ਲਾਇਬ੍ਰੇਰੀ ‘ਤੇ ਵਾਪਸ ਜਾਣ ਲਈ “ਬੰਦ ਕਰੋ” ਬਟਨ ‘ਤੇ ਟੈਪ ਕਰੋ।

  6. “ਚੁਣੋ” ‘ਤੇ ਟੈਪ ਕਰੋ, ਫਿਰ ਉਹਨਾਂ ਤਸਵੀਰਾਂ ਦੇ ਥੰਬਨੇਲ ‘ਤੇ ਟੈਪ ਕਰੋ ਜਿਨ੍ਹਾਂ ‘ਤੇ ਤੁਸੀਂ ਸੰਪਾਦਨਾਂ ਨੂੰ ਪੇਸਟ ਕਰਨਾ ਚਾਹੁੰਦੇ ਹੋ ਜਾਂ ਤਸਵੀਰ ਜਾਂ ਵੀਡੀਓ ਖੋਲ੍ਹੋ।

  7. “ਹੋਰ” ਬਟਨ ‘ਤੇ ਟੈਪ ਕਰੋ, ਫਿਰ ਸੰਪਾਦਨ ਪੇਸਟ ਕਰੋ ‘ਤੇ ਟੈਪ ਕਰੋ।

ਨੋਟ: ਤਸਵੀਰਾਂ ਐਪ ਬਿਹਤਰ ਮੇਲ ਬਣਾਉਣ ਅਤੇ ਤਸਵੀਰਾਂ ਨੂੰ ਹੋਰ ਸਮਾਨ ਦਿਸਣ ਲਈ ਸੰਪਾਦਿਤ ਤਸਵੀਰਾਂ ਦੇ ਸਫ਼ੈਦ ਸੰਤੁਲਨ ਅਤੇ ਐਕਸਪੋਜ਼ਰ ਨੂੰ ਆਟੋਮੈਟਿਕਲੀ ਵਿਵਸਥਿਤ ਕਰਦੀ ਹੈ।

ਤਸਵੀਰ ਵਿੱਚ ਸਟਿੱਕਰ, ਟੈਕਸਟ ਅਤੇ ਹੋਰ ਬਹੁਤ ਕੁਝ ਜੋੜੋ

  1. ਆਪਣੇ iPhone ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਤਸਵੀਰ ਨੂੰ ਖੋਲ੍ਹਣ ਲਈ ਇਸ ‘ਤੇ ਟੈਪ ਕਰੋ।

  3. “ਸੋਧ ਕਰੋ” ਬਟਨ ‘ਤੇ ਟੈਪ ਕਰ ਕੇ ਫਿਰ “ਮਾਰਕਅੱਪ” ਬਟਨ ‘ਤੇ ਟੈਪ ਕਰੋ।

  4. ਸਟਿੱਕਰ, ਕੈਪਸ਼ਨ, ਟੈਕਸਟ, ਆਕਾਰ ਜਾਂ ਇੱਥੋਂ ਤੱਕ ਕਿ ਆਪਣੇ ਦਸਤਖ਼ਤਾਂ ਨੂੰ ਸ਼ਾਮਲ ਕਰਨ ਲਈ “ਐਨੋਟੇਸ਼ਨਾਂ ਜੋੜੋ” ਬਟਨ ‘ਤੇ ਟੈਪ ਕਰੋ।

  5. ਆਪਣੇ ਸੰਪਾਦਨਾਂ ਨੂੰ ਸੰਭਾਲਣ ਲਈ “ਹੋ ਗਿਆ” ‘ਤੇ ਟੈਪ ਕਰੋ ਜਾਂ ਜੇਕਰ ਤੁਹਾਨੂੰ ਆਪਣੀਆਂ ਤਬਦੀਲੀਆਂ ਪਸੰਦ ਨਹੀਂ ਹਨ, ਤਾਂ “ਰੱਦ ਕਰੋ” ‘ਤੇ ਟੈਪ ਕਰੋ।

ਇਹ ਵੀ ਦੇਖੋiPhone ‘ਤੇ ਤਸਵੀਰਾਂ ਅਤੇ ਵੀਡੀਓ ਨੂੰ ਕ੍ਰੌਪ ਕਰਨਾ, ਘੁਮਾਉਣਾ, ਫ਼ਲਿੱਪ ਕਰਨਾ ਜਾਂ ਸਿੱਧਾ ਕਰਨਾiPhone ‘ਤੇ ਤਸਵੀਰ ਸੰਪਾਦਨਾਂ ਨੂੰ ਪਹਿਲਾਂ ਵਰਗਾ ਅਤੇ ਰਿਵਰਟ ਕਰੋiPhone ‘ਤੇ ਦਸਤਾਵੇਜ਼ਾਂ ਵਿੱਚ ਟੈਕਸਟ, ਆਕਾਰ, ਦਸਤਖ਼ਤ ਅਤੇ ਹੋਰ ਬਹੁਤ ਕੁਝ ਸ਼ਾਮਲ ਕਰਨ ਲਈ ਮਾਰਕਅੱਪ ਦੀ ਵਰਤੋਂ ਕਰੋApple ਸਹਾਇਤਾ ਲੇਖ: ਤਸਵੀਰਾਂ ਵਿੱਚ ਤੀਜੀ-ਧਿਰ ਦੀਆਂ ਐਪਾਂ ਅਤੇ ਐਕਸਟੈਂਸ਼ਨਾਂ ਨਾਲ ਕਿਵੇਂ ਸੋਧ ਕਰਨੀ ਹੈ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.