iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ’ਤੇ ਕਾਲ ਕਰਦੇ ਸਮੇਂ

ਜਦੋਂ ਤੁਸੀਂ iPhone ‘ਤੇ ਕਿਸੇ ਫ਼ੋਨ ਕਾਲ ‘ਤੇ ਹੁੰਦੇ ਹੋ, ਤਾਂ ਤੁਸੀਂ ਆਡੀਓ ਨੂੰ ਸਪੀਕਰ ਜਾਂ Bluetooth® ਡਿਵਾਈਸ ‘ਤੇ ਸਵਿੱਚ ਕਰ ਸਕਦੇ ਹੋ।

ਕਾਲ ਦੇ ਦੌਰਾਨ ਆਡੀਓ ਨੂੰ ਅਡਜਸਟ ਕਰੋ

ਆਵਾਜ਼ ਬਦਲਣ ਲਈ, iPhone ਦੇ ਪਾਸੇ ਵਾਲੇ ਆਵਾਜ਼ ਬਟਨ ਦਬਾਓ। ਜਾਂ ਕਾਲ ਬੈਨਰ ’ਤੇ ਹੇਠਾਂ ਵੱਲ ਸਵਾਈਪ ਕਰੋ, ਫਿਰ ਇਹਨਾਂ ਵਿੱਚੋਂ ਕੋਈ ਵੀ ਕੰਮ ਕਰੋ:

  • ਮਿਊਟ ਕਰੋ: “ਮਿਊਟ” ਬਟਨ ‘ਤੇ ਟੈਪ ਕਰੋ।

  • ਕਾਲ ਨੂੰ ਹੋਲਡ ’ਤੇ ਰੱਖੋ: “ਮਿਊਟ” ਬਟਨ ਨੂੰ ਟੱਚ ਕਰ ਕੇ ਰੱਖੋ।

  • ਹੈਂਡਸਫ਼੍ਰੀ ਗੱਲ ਕਰੋ: “ਆਡੀਓ” ਬਟਨ ‘ਤੇ ਟੈਪ ਕਰੋ, ਫਿਰ ਕੋਈ ਆਡੀਓ ਟਿਕਾਣਾ ਚੁਣੋ।

ਕਾਲ ਦੌਰਾਨ ਕਿਸੇ ਹੋਰ ਐਪ ਦੀ ਵਰਤੋਂ ਕਰੋ

  1. ਹੋਮ ਸਕਰੀਨ ’ਤੇ ਜਾਓ, ਫਿਰ ਐਪ ਖੋਲ੍ਹੋ।

  2. ਕਾਲ ’ਤੇ ਵਾਪਸ ਜਾਣ ਲਈ, ਸਕਰੀਨ ਦੇ ਸਿਖਰ ’ਤੇ ਹਰੇ ਰੰਗ ਦੇ ਕਾਲ ਇੰਡੀਕੇਟਰ ‘ਤੇ ਟੈਪ ਕਰੋ।

ਇਸੇ ਲਾਈਨ ’ਤੇ ਦੂਜੀ ਕਾਲ ਦਾ ਜਵਾਬ ਦਿਓ

ਜੇਕਰ ਤੁਸੀਂ ਕਾਲ ’ਤੇ ਹੋ ਅਤੇ ਤੁਹਾਨੂੰ ਦੂਜੀ ਕਾਲ ਆ ਜਾਂਦੀ ਹੈ, ਤਾਂ ਹੇਠ ਲਿਖਿਆਂ ਵਿੱਚੋਂ ਕੋਈ ਇੱਕ ਕਰੋ:

  • ਕਾਲ ਨੂੰ ਨਜ਼ਰ-ਅੰਦਾਜ਼ ਕਰ ਕੇ ਇਸ ਨੂੰ ਵੌਇਸਮੇਲ ’ਤੇ ਭੇਜੋ: “ਨਜ਼ਰ-ਅੰਦਾਜ਼ ਕਰੋ” ‘ਤੇ ਟੈਪ ਕਰੋ।

  • ਪਹਿਲੀ ਕਾਲ ਸਮਾਪਤ ਕਰੋ ਅਤੇ ਨਵੀਂ ਕਾਲ ਦਾ ਜਵਾਬ ਦਿਓ: GSM ਨੈੱਟਵਰਕ ਦੀ ਵਰਤੋਂ ਕਰਦੇ ਸਮੇਂ, “ਸਮਾਪਤ ਕਰ ਕੇ ਸਵੀਕਾਰ ਕਰੋ” ’ਤੇ ਟੈਪ ਕਰੋ। CDMA ਨੈੱਟਵਰਕ ਨਾਲ, “ਸਮਾਪਤ ਕਰੋ” ‘ਤੇ ਟੈਪ ਕਰੋ; ਜਦੋਂ ਦੂਜੀ ਕਾਲ ਦੀ ਵਾਪਸ ਘੰਟੀ ਵੱਜਦੀ ਹੈ, “ਸਵੀਕਾਰ ਕਰੋ” ‘ਤੇ ਟੈਪ ਕਰੋ, ਜਾਂ iPhone ਲੌਕ ਹੋਣ ‘ਤੇ ਸਲਾਈਡਰ ਨੂੰ ਡ੍ਰੈਗ ਕਰੋ।

  • ਪਹਿਲੀ ਕਾਲ ਨੂੰ ਹੋਲਡ ’ਤੇ ਰੱਖੋ ਅਤੇ ਨਵੀਂ ਕਾਲ ਦਾ ਜਵਾਬ ਦਿਓ: “ਹੋਲਡ ਕਰ ਕੇ ਸਵੀਕਾਰ ਕਰੋ” ’ਤੇ ਟੈਪ ਕਰੋ।

    ਜਦੋਂ ਤੁਸੀਂ ਕੋਈ ਕਾਲ ਹੋਲਡ ਕੀਤੀ ਹੋਵੇ ਤਾਂ ਕਾਲਾਂ ਵਿਚਕਾਰ ਸਵਿੱਚ ਕਰਨ ਲਈ, ਕਾਲਾਂ ਵਿਚਕਾਰ ਸਵਿੱਚ ਕਰਨ ਵਾਸਤੇ “ਸਵੈਪ ਕਰੋ” ‘ਤੇ ਟੈਪ ਕਰੋ ਜਾਂ ਦੋਵਾਂ ਧਿਰਾਂ ਨਾਲ ਇੱਕੋ ਸਮੇਂ ਗੱਲ ਕਰਨ ਲਈ “ਕਾਲਾਂ ਮਿਲਾਓ” ‘ਤੇ ਟੈਪ ਕਰੋ। ਕਾਨਫਰੰਸ ਜਾਂ ਥ੍ਰੀ-ਵੇਅ ਕਾਲ ਸ਼ੁਰੂ ਕਰੋ ਦੇਖੋ।

ਨੋਟ: CDMA ਨਾਲ, ਜੇਕਰ ਦੂਜੀ ਕਾਲ ਆਊਟਗੋਇੰਗ ਸੀ, ਤਾਂ ਤੁਸੀਂ ਕਾਲਾਂ ਵਿਚਕਾਰ ਸਵਿੱਚ ਨਹੀਂ ਕਰ ਸਕਦੇ ਪਰ ਤੁਸੀਂ ਕਾਲਾਂ ਨੂੰ ਮਿਲਾ ਸਕਦੇ ਹੋ। ਜੇਕਰ ਦੂਜੀ ਕਾਲ ਆ ਰਹੀ ਹੋਵੇ ਤਾਂ ਤੁਸੀਂ ਕਾਲਾਂ ਨੂੰ ਮਿਲਾ ਨਹੀਂ ਸਕਦੇ। ਜੇਕਰ ਤੁਸੀਂ ਦੂਜੀ ਕਾਲ ਜਾਂ ਮਿਲਾਈ ਹੋਈ ਕਾਲ ਨੂੰ ਸਮਾਪਤ ਕਰ ਦਿੰਦੇ ਹੋ, ਤਾਂ ਦੋਵੇਂ ਕਾਲਾਂ ਸਮਾਪਤ ਹੋ ਜਾਂਦੀਆਂ ਹਨ।

ਡੂਅਲ SIM ਵਾਲੇ ਮਾਡਲਾਂ ‘ਤੇ, ਹੇਠ ਲਿਖੀਆਂ ਗੱਲਾਂ ਨੋਟ ਕਰੋ:

  • ਜਦੋਂ ਇੱਕ ਲਾਈਨ ਕਾਲ ਲਈ ਵਰਤੋਂ ਵਿੱਚ ਹੋਵੇ ਤਾਂ ਦੂਜੀ ਲਾਈਨ ‘ਤੇ ਕਾਲ ਪ੍ਰਾਪਤ ਕਰਨ ਲਈ Wi-Fi ਕਾਲਿੰਗ ਨੂੰ ਚਾਲੂ ਕਰਨਾ ਲਾਜ਼ਮੀ ਹੈ। ਜੇ ਤੁਹਾਨੂੰ ਇੱਕ ਲਾਈਨ ‘ਤੇ ਕਾਲ ਆਉਂਦੀ ਹੈ ਜਦ ਕਿ ਦੂਜੀ ਲਾਈਨ ਕਿਸੇ ਕਾਲ ਲਈ ਵਰਤੀ ਜਾ ਰਹੀ ਹੋਵੇ ਅਤੇ Wi-Fi ਕਨੈਕਸ਼ਨ ਉਪਲਬਧ ਨਾ ਹੋਵੇ, ਤਾਂ iPhone ਵੱਲੋਂ ਦੂਜੀ ਲਾਈਨ ਦੀ ਕਾਲ ਪ੍ਰਾਪਤ ਕਰਨ ਵਾਸਤੇ ਉਸ ਲਾਈਨ ਦਾ ਮੋਬਾਈਲ ਡੇਟਾ ਵਰਤਿਆ ਜਾਂਦਾ ਹੈ, ਜੋ ਕਾਲ ਲਈ ਵਰਤੋਂ ਵਿੱਚ ਹੁੰਦੀ ਹੈ। ਖ਼ਰਚੇ ਲਾਗੂ ਹੋ ਸਕਦੇ ਹਨ। ਦੂਜੀ ਲਾਈਨ ਦੀ ਕਾਲ ਪ੍ਰਾਪਤ ਕਰਨ ਲਈ ਕਾਲ ਲਈ ਵਰਤੀ ਜਾ ਰਹੀ ਲਾਈਨ ਨੂੰ ਤੁਹਾਡੀਆਂ ਮੋਬਾਈਲ ਡੇਟਾ ਸੈਟਿੰਗਾਂ (ਡਿਫ਼ੌਲਟ ਲਾਈਨ ਵਜੋਂ ਜਾਂ “ਮੋਬਾਈਲ ਡੇਟਾ ਸਵਿੱਚ ਕਰਨ ਨੂੰ ਆਗਿਆ ਦਿਓ” ਵਾਲੀ ਵਾਲੀ ਗ਼ੈਰ- ਡਿਫ਼ੌਲਟ ਲਾਈਨ ਵਿੱਚੋਂ ਕਿਸੇ ਇੱਕ) ਵਿੱਚ ਡੇਟਾ ਦੀ ਵਰਤੋਂ ਦੀ ਆਗਿਆ ਦੇਣੀ ਲਾਜ਼ਮੀ ਹੈ।

  • ਜੇਕਰ ਤੁਸੀਂ ਕਿਸੇ ਲਾਈਨ ਲਈ Wi-Fi ਕਾਲਿੰਗ ਚਾਲੂ ਨਹੀਂ ਕਰਦੇ, ਤਾਂ ਉਸ ਲਾਈਨ ’ਤੇ ਕੋਈ ਵੀ ਇਨਕਮਿੰਗ ਫ਼ੋਨ ਕਾਲ (ਐਮਰਜੈਂਸੀ ਸੇਵਾਵਾਂ ਤੋਂ ਕਾਲਾਂ ਸਮੇਤ) ਸਿੱਧੇ ਵੌਇਸਮੇਲ (ਜੇਕਰ ਤੁਹਾਡੇ ਨੈੱਟਵਰਕ ਪ੍ਰਦਾਤਾ ਵੱਲੋਂ ਉਪਲਬਧ ਹੋਵੇ) ’ਤੇ ਚਲੀ ਜਾਂਦੀ ਹੈ ਜਦੋਂ ਦੂਜੀ ਲਾਈਨ ਵਰਤੋਂ ਵਿੱਚ ਹੋਵੇ; ਤੁਹਾਨੂੰ ਮਿਸਡ ਕਾਲ ਸੂਚਨਾਵਾਂ ਪ੍ਰਾਪਤ ਨਹੀਂ ਹੋਣਗੀਆਂ।

    ਜਦੋਂ ਲਾਈਨ ਵਿਅਸਤ ਹੋਵੇ ਜਾਂ ਸੇਵਾ ਵਿੱਚ ਨਾ ਹੋਵੇ ਤਾਂ ਜੇਕਰ ਤੁਸੀਂ ਇੱਕ ਲਾਈਨ ਤੋਂ ਦੂਜੀ ਲਾਈਨ ਤੱਕ ਸ਼ਰਤਬੱਧ ਕਾਲ ਫ਼ਾਰਵਰਡਿੰਗ ਦਾ (ਜੇਕਰ ਤੁਹਾਡੇ ਨੈੱਟਵਰਕ ਪ੍ਰਦਾਤਾ ਵੱਲੋਂ ਉਪਲਬਧ ਹੋਵੇ) ਸੈੱਟ ਅੱਪ ਕਰਦੇ ਹੋ, ਤਾਂ ਕਾਲਾਂ ਵੌਇਸਮੇਲ ’ਤੇ ਨਹੀਂ ਜਾਂਦੀਆਂ; ਸੈੱਟਅੱਪ ਜਾਣਕਾਰੀ ਲਈ ਆਪਣੇ ਨੈੱਟਵਰਕ ਪ੍ਰਦਾਤਾ ਨਾਲ ਸੰਪਰਕ ਕਰੋ।

ਇਹ ਵੀ ਦੇਖੋiPhone ’ਤੇ ਆਪਣੀ ਵੌਇਸਮੇਲ ਦਾ ਸੈੱਟ ਅੱਪ ਕਰੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.