iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ‘ਤੇ ਸੰਗੀਤ ਐਪ ਵਿੱਚ ਰੇਡੀਓ ਸਟੇਸ਼ਨ ਸੁਣੋ

Apple Music ਵਿੱਚ ਛੇ ਵਿਸ਼ਵ ਪੱਧਰੀ ਰੇਡੀਓ ਸਟੇਸ਼ਨ ( Apple Music 1, Apple Music ਹਿੱਟ, Apple Music ਕੰਟਰੀ, Apple Music ਕਲੱਬ, Apple Music ਯੂ.ਐੱਨ.ਓ., ਅਤੇ Apple Music ਚਿੱਲ) ਦੇ ਨਾਲ-ਨਾਲ ਵੱਖ-ਵੱਖ ਸ਼ੈਲੀਆਂ ’ਤੇ ਅਧਾਰਤ ਸਟੇਸ਼ਨਾਂ ਦਾ ਸੰਗ੍ਰਹਿ ਹੈ। ਇਹ ਸਟੇਸ਼ਨ ਨਵੇਂ ਸੰਗੀਤ ਦੀ ਪੜਚੋਲ ਕਰਨ ਅਤੇ ਅਨੰਦ ਲੈਣ ਜਾਂ ਆਪਣੇ ਮਨਪਸੰਦਾਂ ਨਾਲ ਜੁੜੇ ਰਹਿਣ ਦਾ ਵਧੀਆ ਤਰੀਕਾ ਪ੍ਰਦਾਨ ਕਰਦੇ ਹਨ।

Siri: ਇਸ ਤਰ੍ਹਾਂ ਦਾ ਕੁਝ ਕਹੋ: “Play Apple Music Country.” Siri ਦੀ ਵਰਤੋਂ ਕਰਨ ਦਾ ਤਰੀਕਾ ਸਿੱਖੋ

ਤੁਸੀਂ ਆਪਣੀ ਪਸੰਦ ਦੇ ਕਲਾਕਾਰ, ਗੀਤ ਜਾਂ ਸ਼ੈਲੀ ਦੇ ਆਧਾਰ ‘ਤੇ ਆਪਣੇ ਖੁਦ ਦੇ ਵਿਉਂਤੇ ਸਟੇਸ਼ਨ ਵੀ ਬਣਾ ਸਕਦੇ ਹੋ।

ਰੇਡੀਓ ਤੋਂ ਇਲਾਵਾ, ਤੁਸੀਂ Apple Music TV ਨੂੰ ਚਲਾ ਸਕਦੇ ਹੋ, ਜੋ ਕਿ ਪ੍ਰਸਿੱਧ ਨਵੇਂ ਸੰਗੀਤ ਵੀਡੀਓ ਦਾ ਮੁਫ਼ਤ, 24-ਘੰਟੇ ਦੀ ਤਿਆਰ ਕੀਤੀ ਲਾਈਵ ਸਟ੍ਰੀਮ ਹੈ ਜਿਸ ਵਿੱਚ ਵਿਸ਼ੇਸ਼ ਪ੍ਰੀਮੀਅਰ, ਸੰਗੀਤ ਵੀਡੀਓ ਬਲਾਕ, ਲਾਈਵ ਸ਼ੋਅ ਅਤੇ ਇਵੈਂਟ, ਉਲਟ ਗਿਣਤੀ ਸੰਬੰਧੀ ਚਾਰਟ ਅਤੇ ਹੋਰ ਬਹੁਤ ਕੁਝ ਸ਼ਾਮਲ ਹੈ।

Apple Music ਰੇਡੀਓ ਚਲਾਓ

ਤੁਹਾਡਾ ਆਪਣੇ Apple ਖਾਤੇ ਵਿੱਚ ਸਾਈਨ ਇਨ ਕੀਤਾ ਹੋਣਾ ਲਾਜ਼ਮੀ ਹੈ ਪਰ ਲਾਈਵ Apple Music ਰੇਡੀਓ ਸਟੇਸ਼ਨ ਅਤੇ Apple Music TV ਚਲਾਉਣ ਲਈ ਤੁਹਾਨੂੰ Apple Music ਨੂੰ ਸਬਸਕ੍ਰਾਈਬ ਕਰਨ ਦੀ ਲੋੜ ਨਹੀਂ ਹੈ।

  1. ਆਪਣੇ iPhone ‘ਤੇ ਸੰਗੀਤ ਐਪ ‘ਤੇ ਜਾਓ।

  2. ਰੇਡੀਓ ‘ਤੇ ਟੈਪ ਕਰੋ, ਫਿਰ ਮੌਜੂਦਾ ਚੱਲ ਰਹੇ Apple Music ਰੇਡੀਓ ਸਟੇਸ਼ਨਾਂ ਵਿੱਚੋਂ ਕਿਸੇ ਇੱਕ ‘ਤੇ ਟੈਪ ਕਰੋ।

    ਨੋਟ: ਕਿਉਂਕਿ Apple Music ਰੇਡੀਓ ਸਟੇਸ਼ਨ ਲਾਈਵ ਰੇਡੀਓ ਹਨ, ਤੁਸੀਂ ਗੀਤਾਂ ਨੂੰ ਰੀਵਾਈਂਡ ਜਾਂ ਸਕਿੱਪ ਨਹੀਂ ਕਰ ਸਕਦੇ।

ਸ਼ੈਲੀ ਮੁਤਾਬਕ ਰੇਡੀਓ ਸਟੇਸ਼ਨ ਚੁਣੋ

ਤੁਹਾਨੂੰ ਤਿਆਰ ਕੀਤੇ ਰੇਡੀਓ ਸਟੇਸ਼ਨਾਂ ਨੂੰ ਚਲਾਉਣ ਲਈ Apple Music ਦੀ ਸਬਸਕ੍ਰਿਪਸ਼ਨ ਦੀ ਲੈਣੀ ਚਾਹੀਦੀ ਹੈ, ਜਿਵੇਂ ਕਿ ਸ਼ੈਲੀ ਮੁਤਾਬਕ ਸਟੇਸ਼ਨ।

  1. ਆਪਣੇ iPhone ‘ਤੇ ਸੰਗੀਤ ਐਪ ‘ਤੇ ਜਾਓ।

  2. ਰੇਡੀਓ ‘ਤੇ ਟੈਪ ਕਰੋ, ਹੇਠਾਂ ਸਕ੍ਰੌਲ ਕਰੋ, ਫਿਰ ਸ਼ੈਲੀ ਮੁਤਾਬਕ ਸਟੇਸ਼ਨ ਹੇਠਾਂ ਸੂਚੀਬੱਧ ਸ਼ੈਲੀ ‘ਤੇ ਟੈਪ ਕਰੋ।

  3. ਸੁਝਾਏ ਗਏ ਸਟੇਸ਼ਨ ‘ਤੇ ਟੈਪ ਕਰੋ।

ਸਟੇਸ਼ਨ ਬਣਾਓ

ਤੁਸੀਂ ਕਿਸੇ ਖਾਸ ਕਲਾਕਾਰ ਜਾਂ ਗੀਤ ਦੇ ਅਧਾਰ ‘ਤੇ ਰੇਡੀਓ ਸਟੇਸ਼ਨ ਬਣਾ ਸਕਦੇ ਹੋ। ਸੰਭਾਵਨਾ ਹੈ ਕਿ ਜੇਕਰ ਤੁਸੀਂ ਉਸ ਕਲਾਕਾਰ ਜਾਂ ਗੀਤ ਨੂੰ ਪਸੰਦ ਕਰਦੇ ਹੋ, ਤਾਂ ਤੁਹਾਨੂੰ ਉਸ ਸਟੇਸ਼ਨ ਦਾ ਸੰਗੀਤ ਪਸੰਦ ਆਵੇਗਾ।

  1. ਆਪਣੇ iPhone ‘ਤੇ ਸੰਗੀਤ ਐਪ ‘ਤੇ ਜਾਓ।

  2. ਕਿਸੇ ਕਲਾਕਾਰ ਜਾਂ ਗੀਤ ਨੂੰ ਟੱਚ ਕਰ ਕੇ ਰੱਖੋ।

  3. “ਸਟੇਸ਼ਨ ਬਣਾਓ” ‘ਤੇ ਟੈਪ ਕਰੋ।

“ਹੁਣ ਚੱਲ ਰਿਹਾ ਹੈ” ਸਕਰੀਨ ‘ਤੇ ਸਟੇਸ਼ਨ ਬਣਾਉਣ ਲਈ, “ਹੋਰ” ਬਟਨ ‘ਤੇ ਟੈਪ ਕਰੋ, ਫਿਰ “ਸਟੇਸ਼ਨ ਬਣਾਓ” ‘ਤੇ ਟੈਪ ਕਰੋ।

ਸਿੱਧਾ ਰੇਡੀਓ ਪ੍ਰਸਾਰਣ ਸਟੇਸ਼ਨ ਚਲਾਓ

  1. ਆਪਣੇ iPhone ‘ਤੇ ਸੰਗੀਤ ਐਪ ‘ਤੇ ਜਾਓ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • Siri ਦੀ ਵਰਤੋਂ ਕਰੋ: Siri ਨੂੰ ਕਿਰਿਆਸ਼ੀਲ ਕਰੋ, ਫਿਰ “Play Wild 94.9” ਜਾਂ “Tune in to ESPN Radio” ਵਰਗੇ ਵਾਕ ਬੋਲੋ।

    • ਸਟੇਸ਼ਨ ਲਈ ਖੋਜ ਕਰੋ: “ਖੋਜੋ” ’ਤੇ ਟੈਪ ਕਰੋ, ਖੋਜ ਖੇਤਰ ਵਿੱਚ ਸਟੇਸ਼ਨ ਭਰੋ, ਫਿਰ ਸਟੇਸ਼ਨ ਨੂੰ ਚਲਾਉਣ ਲਈ ਨਤੀਜੇ ’ਤੇ ਟੈਪ ਕਰੋ।

      ਤੁਸੀਂ ਨਾਮ, ਕਾਲ ਚਿੰਨ੍ਹ, ਬਾਰੰਬਾਰਤਾ ਅਤੇ ਉਪਨਾਮ ਅਨੁਸਾਰ ਸਟੇਸ਼ਨ ਦੀ ਖੋਜ ਕਰ ਸਕਦੇ ਹੋ।

    • ਰੇਡੀਓ ਟੈਬ ਵਿੱਚ ਸਟੇਸ਼ਨ ਚੁਣੋ: ਰੇਡੀਓ ‘ਤੇ ਟੈਪ ਕਰੋ, ਉੱਪਰ ਸਕ੍ਰੌਲ ਕਰੋ, ਫਿਰ ਸਥਾਨਕ ਪ੍ਰਸਾਰਕ ਜਾਂ ਅੰਤਰਰਾਸ਼ਟਰੀ ਪ੍ਰਸਾਰਕ ਸਿਰਲੇਖ ਦੇ ਹੇਠਾਂ ਕੋਈ ਸਟੇਸ਼ਨ ਚੁਣੋ।

ਨੋਟ: ਤੁਹਾਨੂੰ ਸਿੱਧਾ ਰੇਡੀਓ ਪ੍ਰਸਾਰਨ ਚਲਾਉਣ ਲਈ Apple Music ਦੀ ਸਬਸਕ੍ਰਿਪਸ਼ਨ ਦੀ ਲੋੜ ਨਹੀਂ ਹੈ। ਸਿੱਧਾ ਰੇਡੀਓ ਪ੍ਰਸਾਰਨ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹੈ ਅਤੇ ਸਾਰੇ ਸਟੇਸ਼ਨ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ।

ਇਹ ਵੀ ਦੇਖੋiPhone ’ਤੇ ਸੰਗੀਤ ਚਲਾਓiPhone ‘ਤੇ ਸੰਗੀਤ ਵਿੱਚ ਧੁਨੀ ਨੂੰ ਘੱਟ-ਵੱਧ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.