iOS 26
iOS 18
iOS 17
iOS 16
iOS 15
iOS 14
iOS 13
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် Switch Control ကိုစီမံခြင်းနှင့် ဖွင့်ခြင်း

Switch Controlကို စီမံရန် ခလုတ်တစ်ခု သို့မဟုတ် တစ်ခုထက်ပိုသေ ခလုတ်များကို ချိတ်ဆက်ပြီး ထည့်သွင်းထားရန် လိုအပ်ပြီး ခလုတ်တစ်ခုစီကို လုပ်ဆောင်မှုတစ်ခုစီ သတ်မှတ်ထားရမည်။ သင်၏ လိုအပ်ချက်နှင့် ကိုက်ညီစေရန် စကန်ဖတ်ခြင်းပုံစံ ရွေးချယ်ခြင်းနှင့် အခြားချိန်ညှိချက်များကို အသေးစိတ်ချိန်ညှိခြင်းများ ပြုလုပ်နိုင်သည်။ သင် Switch Control ကို ဖွင့်ပြီးပါက သတ်မှတ်ထားသော လုပ်ဆောင်မှုများကို ပြောင်းလဲရန် သို့မဟုတ် ချန်ညှိချက်များကို ပြန်လည်ပြင်ဆင်ရန် လိုအပ်နိုင်သည်။ ဤစီမံမှုအဆင့်များကို လုပ်ဆောင်ရာတွင် အခက်အခဲရှိပါက သင်၏ အနီးဆုံး Apple Store တွင် သီးသန့်အကူအညီ ရယူနိုင်ပါသည်။

အဆင့် 1၊ ပြင်ပခလုတ်တစ်ခုကို ချိတ်ဆက်ခြင်း (စိတ်ကြိုက်ရွေးချယ်နိုင်သည်)

Switch Control အတွက် ချိတ်ဆက်နိုင်သော ဆက်စပ်ပစ္စည်း၊ ဂိမ်းထိန်းချုပ်တံ၊ ဂိမ်းခလုတ် သို့မဟုတ် MFi ကိရိယာတစ်ခုကို အသုံးပြုလိုပါက ၎င်းကို ထုတ်လုပ်သည့်ကုမ္ပဏီ၏ လမ်းညွှန်များအတိုင်း iPhone တွင် ဦးစွာချိတ်ဆက်ရန် လိုအပ်သည်။ အကယ်၍ ထိုခလုတ်သည် Bluetooth® ကိုအသုံးပြု၍ ချိတ်ဆက်ရပါက ၎င်းကို ဖော်ပြပါအတိုင်း ပြုလုပ်၍ iPhone ဖြင့် ချိတ်ဆက်ရန်လိုသည်။

  1. ခလုတ်ကိုဖွင့်ပါ။

  2. Settings > Bluetooth သို့သွားပါ၊ Bluetooth ကိုဖွင့်ပါ၊ ခလုတ်၏အမည်ကို နှိပ်ပါ၊ ထို့နောက်ဖန်သားပြင်ပေါ်ရှိလမ်းညွှန်ချက်များအတိုင်းလုပ်ပါ။

အဆင့် 2၊ ခလုတ်များကိုထည့်ပြီး လုပ်ဆောင်မှုများကို သတ်မှတ်ခြင်း

သင်သည် ခလုတ်တစ်ခုတည်းကိုသာ အသုံးပြုနိုင်သည် သို့မဟုတ် မတူညီသော လုပ်ဆောင်မှုများနှင့် လိုက်လျော ညီထွေရှိစေရန် ခလုတ်များစွာကို အသုံးပြုနိုင်ပါသည်။ ခလုတ်တစ်ခုစီသည် အမျိုးအစားတစ်ခုကို ရွေးချယ်ခြင်း စို့မဟုတ် အညွှန်းမြားတံကို နောက်ထပ်အမျိုးအစားတစ်ခုဘေးသို့ရွှေ့ခြင်းကဲ့သို့ သတ်မှတ်ထားသည့် လုပ်ဆောင်မှုတစ်ခုစီကို လုပ်နိုင်သည်။

  1. Settings  > Accessibility > Switch Control > Switches သို့သွားပါ။

  2. Add New Switch ကိုနှိပ်ပါ၊ ထို့နောက် External၊ Screen၊ Camera၊ Back Tap သို့မဟုတ် Sound ကို ရွေးချယ်ပါ။

    အကယ်၍ သင်သည် ပြင်ပခလုတ်တစ်ခုကို ထည့်သွင်းရန် လုပ်ဆောင်နေသော်လည်း စာရင်းထဲတွင် မဖော်ပြထားပါက ၎င်းသည် အဆင့် 1၊တွင် ဖော်ပြထားသည့်အတိုင်း သင်၏ iPhone နှင့် ချိတ်နေစေရန် ပြုလုပ်ပါ ပြင်ပခလုတ်တစ်ခုကို ချိတ်ဆက်ခြင်း (စိတ်ကြိုက်ရွေးချယ်နိုင်သည်)

  3. ယင်းခလုတ်အတွက်လုပ်ဆောင်ချက်တစ်ခုကိုသတ်မှတ်ပါ။

    ခလုတ်၏ လုပ်ဆောင်မှုသည် သင့်တွင်ရှိသော ခလုတ်များ၏ အရေအတွက်နှင့် သင် အဆင့် 3၊တွင် ရွေးချယ်ခဲ့သော စကန်ဖတ်ခြင်းပုံစံ အပေါ်တွင် မူတည်သည်အဆင့် 3၊ စကန်ဖတ်ခြင်းပုံစံ တစ်ခုကို ရွေးချယ်ခြင်းအောက်တွင် စကန်ဖတ်ခြင်းပုံစံ တစ်ခုကို ရွေးချယ်ပါ။ မည်သည့်လုပ်ဆောင်မှု သတ်မှတ်ရမည်ကို မသိပါက Auto Scanning (ပုံသေ စကန်ဖတ်ခြင်းပုံစံ) ဖြင့်တွဲဖက်သုံးနိုင်သော Select Item ကို ရွေးချယ်ပါ။ နောက်ပိုင်းတွင် သတ်မှတ်ထားသော လုပ်ဆောင်မှုများကို ပြန်လည်ပြင်ဆင်ရန် ဤချိန်ညှိချက်တွင် ပြုလုပ်နိုင်သည်။

    အကြံပြုချက် သင်၏ iPhone ကို ရှာဖွေထိန်းချုပ်သည့် တူညီသောခလုတ် (သို့မဟုတ် အစားထိုးထည့်သွင်းနည်းလမ်း) ကဲ့သို့ သင်စီစဥ်သတ်မှတ်ထားသော လက်ဟန်များကိုအသုံးပြုသည့် ဂိမ်းခလုတ်တစ်ခုအဖြစ် သင့် iPhone ကိုပြောင်းလဲလိုက်ပါ။ သို့မဟုတ် သင်၏ Back Tap လက်ဟန်များကိုလည်း အစားထိုးအသုံးပြုရန် ဆုံးဖြတ်နိုင်ပါသည်။

အဆင့် 3၊ စကန်ဖတ်ခြင်းပုံစံ တစ်ခုကို ရွေးချယ်ခြင်း

ပုံသေအားဖြင့် သတ်မှတ်ထားသည့်ကာလပြီးသည့်နောက်ထိုအညွှန်းမြားတံသည် အမျိုးအစားတစ်ခုမှ နောက်တစ်ခုသို့အလိုအလျောက်ရွေ့သွားသည်။ သင်သည် အညွှန်းမြားတံကို ကိုယ်တိုင်ရွှေ့လိုပါက မတူညီသောစကန်ဖတ်ခြင်းပုံစံကို ရွေးချယ်နိုင်ပါသည်။

Settings  > Accessibility > Switch Control > Scanning Style သို့သွားကာ အောက်ပါတို့မှ တစ်ခုခုကိုရွေးချယ်ပါ၊

  • အလိုအလျောက်စကန်ဖတ်ခြင်း၊ သတ်မှတ်ထားသည့်ကာလပြီးသည့်နောက်ထိုအညွှန်းမြားတံသည်နောက်အမျိုးအစားသို့အလိုအလျောက်ရွေ့သွားသည်။ ဤပုံစံသည် ပုံသေစကန်ဖတ်ခြင်းပုံစံ ဖြစ်သည်။

    သင်သည် ခလုတ်တစ်ခုတည်းဖြင့်သာ Auto Scanning ကို အသုံးပြုပါက Select Item လုပ်ဆောင်မှုကို ခလုတ်တွင် သတ်မှတ်ထားခြင်း ရှိစေရန် ပြုလုပ်ပါ။

  • ကိုယ်တိုင်စကန်ဖတ်ခြင်း၊ သင်၏ Move to Next Item ခလုတ်ကို ဖွင့်လိုက်ပါက အညွှန်းမြားတံသည် နောက်ထပ်အမျိုးအစားတစ်ခုသို့ ရွေ့သွားမည်ဖြစ်သည်။

    Manual Scanning သည် အနည်းဆုံး ခလုတ်နှစ်ခု လိုအပ်သည်။ Move to Next Item လုပ်ဆောင်မှုကို ခလုတ်တစ်ခုတွင် သတ်မှတ်ထားပြီး Select Item လုပ်ဆောင်မှုကို ကျန်ခလုတ်တွင် သတ်မှတ်ထားခြင်း ရှိစေရန် ပြုလုပ်ပါ။

  • Single Switch Step စကန်ဖတ်ခြင်း၊ Move to Next Item ခလုတ်ကို ဖွင့်လိုက်ပါက အညွှန်းမြားတံသည် နောက်ထပ်အမျိုးအစားသို့ရွေ့သွားသည်- သတ်မှတ်ထားသည့်ကာလတစ်ခုအတွင်း လုပ်ဆောင်ချက်မရှိပါက လက်ရှိအမျိုးအစားသည်အလိုအလျောက်ရွေးချယ်သွားမည်ဖြစ်သည်။

    ဤစကန်ဖတ်ခြင်းပုံစံသည် ခလုတ်တစ်ခုသာ လိုသည်။ Move to Next Item လုပ်ဆောင်မှုကို ခလုတ်တွင် သတ်မှတ်ထားခြင်း ရှိစေရန် ပြုလုပ်ပါ။

အဆင့် 4၊ Fine-tune Switch Control ချိန်ညှိချက်များ

သင့် သီးသန့်လိုအပ်ချက်များနှင့် ပုံစံနှင့်ကိုက်ညီရန် Switch Control ၏ ပြုမူချက်များကို နည်းလမ်းအမျိုးမျိုးဖြင့် ချိန်ညှိနိုင်သည်။ ဥပမာအားဖြင့် သင်သည် စကန်ဖတ်ခြင်း မြန်နှုန်းကို ပြောင်းလဲခြင်း သို့မဟုတ် ဦးစားပေးဖော်ပြထားသောအရာများကို iPhone အား ပြောခိုင်းခြင်းတို့ ပြုလုပ်နိုင်ပါသည်။

Settings  > Accessibility > Switch Control သို့သွား၍ အောက်ပါအတိုင်း ချိန်ညှိပါ၊

  • အလိုအလျောက်စကန်ဖတ်သည့်အချိန်၊ ၎င်းအမျိုးအစားစကန်ဖတ်သည့်နှုန်းကိုညှိပါ။

  • ပထမတစ်မျိုးတွင် ရပ်ခြင်း၊ အုပ်စုထဲရှိပထမဆုံးအမျိုးအစားတွင်ရပ်ထားရန် စကန်ဖတ်ခြင်းခြင်းကိုလုပ်ဆောင်ပါ။

  • ထပ်ကျော့ခြင်းများ၊ Switch Control ကိုမကွယ်ဝှက်မီဖန်သားပြင်မှတစ်ဆင့် အဝိုင်းပတ်မည့် အကြိမ်ရေကို ရွေးချယ်ပါ။

  • ထပ်တလဲလဲကျော့ခြင်းသို့ ပြောင်းခြင်း၊ ယခင်အမျိုးအစား သို့မဟုတ် နောက်လာမည့်အမျိုးအစားသို့ ပြောင်းရွေ့ခလုတ်နှိပ်ပြီးချိန်တွင် ချက်ချင်းမပြောင်းရန် စီစဥ်ပါ။

  • ကြာမြင့်စွာနှိပ်ထားခြင်း၊ ခလုတ်တစ်ခုကို သင်နှိပ်ပြီး ထိန်းထားသည့်အခါ မတူညီသောလုပ်ဆောင်ချက်ကို လုပ်ဆောင်မည် နှင့် ၎င်းလုပ်ဆောင်မှုကိုမလုပ်ဆောင်မီ စောင့်ဆိုင်းရမည့်အချိန်ကို စီမံပါ။

  • Behavior နှိပ်ရန်၊ Scanner စာရင်းကို ပြသရန် ဒုတိယခလုတ်လုပ်ဆောင်မှုအတွက် နှိပ်မည့်ပုံစံတစ်ခုကိုရွေးချယ်ပြီး ကြားချိန်ကို သတ်မှတ်ပါ။

  • နှိပ်ပြီးနောက် အလေးပေးမည့်အမျိုးအစား၊ သင်နှိပ်လိုက်သည့် အမျိုးအစားတစ်ခု စကန်ဖတ်ခြင်းကို ပြန်စမည် သို့မဟုတ် အစမှပြန်စမည် စသည်အတွက် Switch Control ကို ရွေးချယ်ပါ။

  • ကြာမြင့်ချိန်ကို ရပ်ထားခြင်း၊ ခလုတ်လုပ်ဆောင်ချက်အဖြစ်လက်မခံမီ ခလုတ်ကိုမည်မျှကြာကြာနှိပ်၍ ဖိထားရမည်ကို သတ်မှတ်ပါ။

  • ထပ်တလဲလဲကျော့ခြင်းကို လျစ်လျူရှုခြင်း၊ မတော်တဆတိုက်ဆိုင်သောထပ်တလဲလဲဖြစ်သည့်ခလုတ်နှိပ်မိခြင်းများကိုလျစ်လျူရှုပါ။

  • အသံပြုလုပ်ချက်များ၊ အသံပြုလုပ်ချက်များကိုဖွင့်ပါ။

  • မိန့်ခွန်း၊ ၎င်းတို့စကန်ဖတ်ထားသည့်အတိုင်း အမျိုးအစားများကိုပြောဆိုပါ။

  • အမျိုးအစားများစာရင်း၊ စကန်ဖတ်သည့်စာရင်းနှင့်၎င်းတို့ပေါ်လာသည့်အစဉ်လိုက်အတိုင်းယင်းလုပ်ဆောင်ချက်များကိုရွေးချယ်ပါ။

  • အမျိုးအစားများ အုပ်စုဖွဲ့ခြင်း၊ ရှာဖွေရာတွင်ပိုမိုမြန်ဆန်ရန် အမျိုးအစားကို အုပ်စုခွဲပါ။

  • အညွှန်းမြှားတံအကြီး၊ ဦးစားပေးဖော်ပြချက်များကို ပိုမိုပေါ်လွင်ရန် ပြုလုပ်ပါ။

  • ညွှန်းမြားတံအရောင်၊ အတူညီသောအရောင်တစ်ခုကို ရွေးချယ်ပါ။

အဆင့် 5၊ Switch Control ကိုဖွင့်ခြင်း

အရေးကြီးသော Switch Control ဖွင့်ထားပါက Switch Control ကိုထွက်ရန် touchscreen ပေါ်ရှိ ပုံမှန်သတ်မှတ်ထားသည့် လက်ဟန်များကို အသုံးပြု၍ရမည် မဟုတ်ပါ။

Settings  > Accessibility > Switch Control သို့သွားပါ၊ ထို့နောက် Switch Control ကိုဖွင့်ပါ။

အကြံပြုချက် Switch Control ကို Accessibility အလွယ်သုံးပုံစံ သို့ ပေါင်းထည့်နိုင်ပြီး (Face IDပါသည့် iPhone တစ်လုံးတွင်) ဘေးခလုတ်ကို သုံးကြိမ်ဆက်နှိပ်ခြင်း သို့မဟုတ် (အခြား iPhone အမျိုးအစားများပေါ်တွင်) Home ခလုတ်ကို သုံးချက်ဆက်တိုက်နှိပ်ခြင်းဖြင့် ၎င်းကိုအမြန်ဖွင့်နိုင်သည် သို့မဟုတ် ပိတ်နိုင်သည်။

ဒါကိုလည်းကြည့်ပါiPhone တွင် Switch Control ကိုစီစဉ်ခြင်းiPhone တွင် အမျိုးအစားများကိုရွေးချယ်ရန်၊ လုပ်ဆောင်မှုများဆောင်ရွက်ရန်နှင့် အစရှိသည်တို့ကိုလုပ်ရန် Switch Control ကိုအသုံးပြုခြင်းiPhone ရှိ Platform Switching ဖြင့် အခြားစက်ပစ္စည်းများမှ ခလုတ်တစ်ခုကို အသုံးပြုခြင်းရွေ့လျားမှုနှင့်ပတ်သက်သည့် အသုံးပြုရလွယ်ကူသောလုပ်ဆောင်မှုများကို iPhone တွင်စီစဥ်သတ်မှတ်ပါ
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.