iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

உங்கள் iPadஇல் இருந்து AirPlay மூலம் வீடியோ மற்றும் ஆடியோவை ஸ்ட்ரீம் செய்தல்

AirPlay மூலம், உங்கள் iPadஇல் இருந்து அருகில் உள்ள Mac அல்லது டிவிக்கு வீடியோவையும் ஆடியோவையும் ஸ்ட்ரீம் செய்யலாம். உங்கள் iPad திரையில் உள்ளவற்றையும் மிரர் செய்யலாம்.

உங்கள் iPad மற்றும் Mac, Apple TV அல்லது மற்றொரு டிவியில் AirPlayஐப் பயன்படுத்தலாம்.

தொடங்கும் முன்

பின்வருவனவற்றை உறுதிசெய்யவும்:

  • இரண்டு சாதனங்களிலும் Wi-Fi ஆன் செய்யப்பட்டு அவை ஒரே நெட்வொர்க்கில் இணைக்கப்பட்டிருக்க வேண்டும்.

  • உங்களின் சொந்த Apple சாதனங்களுக்கு இடையே ஸ்ட்ரீம் செய்தால், ஒரே Apple கணக்கில் உள்நுழைவது உதவிகரமாக இருக்கும்.

  • Macஇல் உள்ளடக்கத்தை ஸ்ட்ரீம் செய்வதற்கு AirPlayஐப் பயன்படுத்த, இரண்டு சாதனங்களும் குறைந்தபட்ச சிஸ்டம் தேவைகளைக் கொண்டுள்ளன என்பதை உறுதிசெய்யவும்.

  • டிவியில் உள்ளடக்கத்தை ஸ்ட்ரீம் செய்வதற்கு AirPlayஐப் பயன்படுத்த, நீங்கள் Apple TV அல்லது AirPlay 2 செயல்படுத்தப்பட்ட ஸ்மார்ட் டிவியைப் பயன்படுத்துவதை உறுதிசெய்யவும்.

நீங்கள் VPN பயன்படுத்தினால், சில கன்டினியுட்டி அம்சங்களை அது பாதிக்கக்கூடும் என்பதால் அதன் உள்ளமைவு உள்ளூர் நெட்வொர்க்கிற்கு இடையூறு செய்யாத வகையில் உள்ளதை உறுதிப்படுத்திக் கொள்ளுங்கள்.

உங்கள் iPadஇல் இருந்து ஸ்ட்ரீமிங்கை அனுமதிக்க Macஐ அமைத்தல்

  1. Macஇல், Apple மெனு  > சிஸ்டம் அமைப்புகள் என்பதைத் தேர்வுசெய்து சைடுபாரில் உள்ள “பொது அமைப்புகள்” என்பதை கிளிக் செய்த பிறகு “AirDrop & Handoff” என்பதை கிளிக் செய்யவும். (நீங்கள் கீழே ஸ்க்ரால் செய்ய வேண்டியிருக்கலாம்.)

    குறிப்பு: macOS 12.5 அல்லது அதற்கு முந்தைய பதிப்பைக் கொண்ட Macஐ நீங்கள் பயன்படுத்தினால், Apple மெனு  > சிஸ்டம் விருப்பத்தேர்வுகள் என்பதைத் தேர்வுசெய்து “பகிர்தல்” என்பதை கிளிக் செய்யவும்.

  2. AirPlay ரிசீவரை ஆன் செய்யவும்.

  3. “இதற்கு AirPlayஐ அனுமதி” என்பதற்கு அடுத்துள்ள பாப்-அப் மெனுவை கிளிக் செய்து இந்த Macஇல் உள்ளடக்கத்தை ஸ்ட்ரீம் செய்ய AirPlayஐப் பயன்படுத்தும் சாதனங்களைத் தேர்வுசெய்யவும்.

    • உங்கள் சாதனங்களை மட்டும் அனுமதித்தல்: ஒரே Apple கணக்கில் நீங்கள் உள்நுழைந்துள்ள சாதனங்களில் உள்ள AirPlayஐ மட்டும் அனுமதிக்க விரும்பினால், “தற்போதைய பயனர்” என்பதைத் தேர்ந்தெடுக்கவும்.

    • எந்தவொரு சாதனத்தையும் அனுமதித்தல்: “அதே நெட்வொர்க்கில் உள்ள எந்த நபரும்” அல்லது “அனைவரும்” என்பதைத் தேர்ந்தெடுக்கவும்.

  4. Macஇல் AirPlayஐப் பயன்படுத்த பாஸ்வேர்டை உள்ளிடும் வகையில் அமைக்க, விருப்பத்தைத் தேர்ந்தெடுத்து பாஸ்வேர்டை உள்ளிடவும்.

உங்கள் iPadஇல் இருந்து Mac அல்லது டிவியில் புகைப்படங்கள் அல்லது வீடியோக்களை ஸ்ட்ரீம் செய்தல்

உங்கள் iPadஇல் இருந்து Mac, Apple TV அல்லது AirPlay 2 செயல்படுத்தப்பட்ட ஸ்மார்ட் டிவியில் புகைப்படங்களையும் வீடியோக்களையும் ஸ்ட்ரீம் செய்யலாம்.

  1. உங்கள் iPadஇல், நீங்கள் ஸ்ட்ரீம் செய்ய விரும்பும் புகைப்படம் அல்லது வீடியோவைக் கண்டறியவும்.

  2. “AirPlay” பட்டன் என்பதைத் தட்டவும்.

    குறிப்பு: சில செயலிகளில், நீங்கள் முதலில் வேறு பட்டனைத் தட்ட வேண்டியிருக்கலாம்.

    திரையில் பிளே ஆகும் திரைப்படம். திரையின் நடுவில் பிளேபேக் கட்டுப்பாடுகள் உள்ளன. மேல் இடதுபுறத்தில் உள்ள “AirPlay” பட்டன்.

  3. பட்டியலில் உங்கள் Mac அல்லது TVஐத் தேர்வுசெய்யவும்.

  4. Macஇல் பிளேபேக் கட்டுப்பாடுகளைப் பார்க்க, Mac திரையில் பிளே ஆகும் வீடியோ மீது பாயின்டரை வைத்து நகர்த்தவும்.

  5. ஸ்ட்ரீமிங்கை நிறுத்த உங்கள் iPadஇல், நீங்கள் ஸ்ட்ரீமிங் செய்யும் செயலியில் உள்ள AirPlayஐத் தட்டி, பட்டியலில் உங்கள் iPadஐத் தட்டவும்.

    உதவிக்குறிப்பு: வழக்கமாகப் பயன்படுத்தும் செயலிகளில் இருந்து AirPlay மூலம் நீங்கள் உள்ளடக்கத்தை பிளே செய்யும்போது, நீங்கள் அடிக்கடி பயன்படுத்தும் Apple TV அல்லது ஸ்மார்ட் டிவியில் அது கண்டறியப்பட்டு தானாக இணைக்கப்படும்படி உங்கள் iPadஐ அமைக்கலாம். உங்கள் iPadஇல் இந்த அம்சத்தை ஆன் அல்லது ஆஃப் செய்ய, அமைப்புகள்  > பொது அமைப்புகள் > AirPlay & கன்டினியுட்டி என்பதற்குச் சென்று “தானாக இணை”, “வேண்டாம்”, “இணையும் முன் கேள்” ஆகியவற்றில் ஒன்றைத் தேர்ந்தெடுக்கவும்.

உங்கள் iPadஐ Mac அல்லது டிவியில் மிரர் செய்தல்

  1. உங்கள் iPadஇல் கட்டுப்பாட்டு மையத்தைத் திறக்கவும்.

  2. “ஸ்கிரீன் மிரரிங்” பட்டன்-ஐத் தட்டி உங்கள் Mac அல்லது டிவியை பிளேபேக் சாதனமாகத் தேர்வுசெய்யவும்.

மீண்டும் மாற, கட்டுப்பாட்டு மையத்தைத் திறந்து, “ஸ்கிரீன் மிரரிங்” பட்டன்-ஐத் தட்டிய பிறகு “மிரரிங்கை நிறுத்து” என்பதைத் தட்டவும்.

உங்கள் iPadஇல் இருந்து Mac அல்லது டிவியில் ஆடியோவை பிளே செய்தல்

உங்கள் iPadஇல் இருந்து Mac அல்லது டிவிக்கு ஆடியோவை ஸ்ட்ரீம் செய்ய AirPlayஐப் பயன்படுத்தலாம். உங்கள் Macஇல் ஸ்ட்ரீம் செய்தால், மற்றொரு சாதனத்தில் இருந்து ஸ்ட்ரீம் செய்வதை அனுமதிக்கும் வகையில் Macஐ நீங்கள் அமைத்திருப்பதை முதலில் உறுதிசெய்துகொள்ளவும் மற்றொரு சாதனத்தில் இருந்து ஸ்ட்ரீமிங் செய்வதை அனுமதித்தல் என்ற பிரிவைப் பார்க்கவும்.

  1. iPadஇல் பாட்காஸ்ட்கள் அல்லது இசை போன்ற ஓர் ஆடியோ செயலிக்குச் சென்று, ஒரு ஐட்டத்தைத் தேர்ந்தெடுத்து பிளே செய்யவும்.

  2. “AirPlay” பட்டன்-ஐத் தட்டி பிளேபேக் சாதனத்தைத் தேர்வுசெய்யவும்.

    திரையின் அடிப்பகுதியில் உள்ள “பிளேபேக் சாதனம்” பட்டன் உட்பட, பாடலுக்கான பிளேபேக் கட்டுப்பாடுகள்.

உங்கள் iPadஇல் இருந்து HomePodக்கு ஆடியோவை ஸ்ட்ரீம் செய்ய AirPlayஐயும் நீங்கள் பயன்படுத்தலாம். மேலும் தெரிந்துகொள்ள, OS அல்லது iPadOS சாதனத்தைப் பயன்படுத்தி HomePodஇல் ஆடியோவை பிளே செய்தல் என்ற பிரிவைப் பார்க்கவும்.

உங்கள் ஹோட்டல் அறையில் AirPlayஐப் பயன்படுத்துதல்

AirPlayஐ ஆதரிக்கும் டிவியுடன் கூடிய ஹோட்டல் அறையில் நீங்கள் தங்கியிருந்தால், உங்கள் iPadஇல் இருந்து திரைப்படங்கள், டிவி நிகழ்ச்சிகள், இசை மற்றும் பலவற்றை பிளே செய்ய அதைப் பயன்படுத்தலாம்.

  1. உங்கள் iPadஇல் கேமரா செயலியைத் திறக்கவும்.

  2. அது ஏற்கெனவே ஆன் செய்யப்பட்டிருக்கவில்லை எனில், அறையின் டிவியை ஆன் செய்து AirPlay QR குறியீட்டைக் கண்டறியவும்.

  3. உங்கள் iPad கேமரா மூலம் QR குறியீட்டை ஸ்கேன் செய்து, ஹோட்டல் Wi-Fi (நீங்கள் ஏற்கெனவே இணைத்திருக்கவில்லை எனில்) மற்றும் அறையின் டிவியுடன் இணைக்க, திரையில் காட்டப்படும் வழிமுறைகளைப் பின்பற்றவும்.

  4. புகைப்படங்கள் அல்லது வீடியோவை ஸ்ட்ரீமிங் செய்வது, உங்கள் ஸ்கிரீனை மிரரிங் செய்வது அல்லது ஆடியோவை பிளே செய்வதன் மூலம் டிவி திரையில் உள்ளடக்கத்தைக் காட்ட உங்கள் iPadஐப் பயன்படுத்தலாம். ஹோட்டல் டிவியை பிளேபேக் சாதனமாகத் தேர்வுசெய்யவும்.

  5. ஸ்ட்ரீமிங் அல்லது மிரரிங்கை நிறுத்த, உங்கள் iPadஇல் உள்ள “AirPlay” அல்லது “ஸ்கிரீன் மிரரிங்” (“AirPlay” பட்டன் அல்லது “ஸ்கிரீன் மிரரிங்” பட்டன்) பட்டனைத் தட்டி, பட்டியலில் உள்ள உங்கள் iPadஐத் தட்டவும் அல்லது “மிரரிங்கை நிறுத்து” என்பதைத் தட்டவும்.

குறிப்பு: ஹோட்டல்களில் AirPlay வசதி குறிப்பிட்ட நாடுகள் மற்றும் வட்டாரங்களில் கிடைக்கிறது.

AirPlay வேலை செய்யவில்லை என்றால் என்ன செய்வது?

இவற்றையும் பாருங்கள்Apple சாதனங்களுக்கு இடையே வேலை செய்ய கன்டினியுட்டியைப் பயன்படுத்துதல்iPadஇல் இருந்து Apple TV அல்லது ஸ்மார்ட் டிவிக்கு வயர்லெஸ் முறையில் வீடியோக்களையும் புகைப்படங்களையும் ஸ்ட்ரீம் செய்தல்iPadஇல் இருந்து HomePod மற்றும் பிற வயர்லெஸ் ஸ்பீக்கர்களில் ஆடியோவை பிளே செய்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.