iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

“வழிகாட்டப்பட்ட அணுகல்” அம்சத்தின் மூலம் ஒரு செயலியை மட்டும் பயன்படுத்த முடியும் வகையில் iPadஐ அமைக்கலாம்

“வழிகாட்டப்பட்ட அணுகல்” அம்சத்தின் மூலம், ஒரே ஒரு செயலியை மட்டும் பயன்படுத்த முடியும் வகையில் iPadஐ நீங்கள் தற்காலிகமாகக் கட்டுப்படுத்தலாம். உங்கள் iPadஐப் பயன்படுத்த பிள்ளையை அனுமதிக்கும்போது அல்லது ஒரு பணியில் கவனம் செலுத்த விரும்பும்போது இது பயனுள்ளதாக இருக்கும். நேர வரம்பை நீங்கள் அமைக்கலாம், மேலும் திரையின் எந்தெந்த அம்சங்கள், வன்பொருள் பட்டன்கள் மற்றும் பகுதிகள் கிடைக்க வேண்டும் என்பதைப் பிரத்தியேகப்படுத்தலாம்.

வழிகாட்டப்பட்ட அணுகல் அமைக்கப்படுவதை iPad திரை காட்டுகிறது. அதில், கால்குலேட்டர் செயலியை மட்டும் பயன்படுத்தும் வகையில் iPad அமைக்கப்பட்டுள்ளது. செயலில் உள்ள பட்டன்களில் ஒன்று முடக்கப்பட்டுள்ளது.

வழிகாட்டப்பட்ட அணுகலை அமைத்தல்

  1. அமைப்புகள்  > அணுகல்தன்மை > வழிகாட்டப்பட்ட அணுகல் என்பதற்குச் சென்று, வழிகாட்டப்பட்ட அணுகலை ஆன் செய்யவும்.

  2. வழிகாட்டப்பட்ட அணுகல் அமர்வுகளுக்கு, பின்வருவனவற்றில் ஒன்றைச் செய்யவும்:

    • பாஸ்கோடு மூலம் அமர்வை முடிக்க: “பாஸ்கோடு அமைப்புகள்” என்பதைத் தட்டி, “வழிகாட்டப்பட்ட அணுகல் பாஸ்கோடை அமை” என்பதைத் தட்டி, பாஸ்கோடை உள்ளிடவும்.

    • Face ID அல்லது Touch ID மூலம் அமர்வை முடிக்க: “பாஸ்கோடு அமைப்புகள்” என்பதைத் தட்டி, Face IDஐ (Face ID உள்ள iPadஇல்) அல்லது Touch IDஐ (மற்ற iPad மாடல்களில்) ஆன் செய்யவும்.

    • நேர வரம்புகளை அறிவிப்பதற்கு ஒலியை பிளே செய்ய: “நேர வரம்புகள்” என்பதைத் தட்டி, “ஒலி” என்பதைத் தட்டி, ஒலியைத் தேர்ந்தெடுக்கவும் அல்லது மற்ற விருப்பங்களைத் தேடிப் பார்க்க “டோன் ஸ்டோர்” என்பதைத் தட்டவும்.

    • நேர வரம்புகள் சொல்லப்படுவதைக் கேட்க: “நேர வரம்புகள்” என்பதைத் தட்டி, “வழிகாட்டப்பட்ட அணுகல் அமர்வு முடிவடைவதற்கு முன்பு மீதமுள்ள நேரம் சொல்லப்படுவதைக் கேட்டல்” என்பதை ஆன் செய்யவும்.

    • அமர்வின்போது அணுகல்தன்மைச் சுருக்கவழியை அனுமதிக்க: அணுகல்தன்மைச் சுருக்கவழியை ஆன் செய்யவும்.

    • iPad தானாக லாக் செய்யப்படுவதற்கு எடுக்கக்கூடிய நேரத்தை அமைத்தல்: “ஆட்டோ லாக் கட்டுப்பாட்டைக் காட்டு” என்பதைத் தட்டி ஒரு விருப்பத்தைத் தேர்ந்தெடுக்கவும்.

வழிகாட்டப்பட்ட அணுகல் அமர்வைத் தொடங்குதல்

  1. நீங்கள் பயன்படுத்த விரும்பும் செயலியைத் திறக்கவும்.

  2. வழிகாட்டப்பட்ட அணுகலை ஆன் செய்ய, பின்வருவனவற்றில் ஒன்றைச் செய்யவும்:

    Siri: இவற்றைச் சொல்லிப் பாருங்கள்: “Turn on Guided Access.” Siriஐ எப்படிப் பயன்படுத்துவது என அறிக.

  3. நீங்கள் முடக்க விரும்பும் திரையின் எந்தப் பகுதியையும் வட்டமிடவும். மாஸ்க்கை ஒரு நிலைக்கு இழுக்கவும் அல்லது அதன் அளவை சரிசெய்ய ஹேண்டில்களைப் பயன்படுத்தவும்.

  4. “விருப்பங்கள்” என்பதைத் தட்டி, பின்வருவனவற்றில் ஒன்றை ஆன் அல்லது ஆஃப் செய்யவும்:

    • மேல் பட்டன்

    • ஒலியளவு பட்டன்கள்

    • நகர்வு (iPad செங்குத்துப் பயன்முறையில் இருந்து கிடைமட்டப் பயன்முறைக்கு மாறுவதையோ பிற நகர்வுகளுக்குப் பதிலளிப்பதையோ தவிர்க்க)

    • மென்பொருள் கீபோர்டு

    • தொடுதல்

    • கால வரம்பு

  5. “தொடங்குக” என்பதைத் தட்டவும்.

வழிகாட்டப்பட்ட அணுகல் அமர்வை முடித்தல்

வழிகாட்டப்பட்ட அணுகலை அமைக்கும்போது நீங்கள் தேர்ந்தெடுத்த பாஸ்கோடு விருப்பங்களைப் பொறுத்து, பின்வருவனவற்றில் ஒன்றைச் செய்யவும்:

  • பாஸ்கோடைப் பயன்படுத்துதல்: மேல் பட்டனை (Face IDஐக் கொண்ட iPadஇல்) அல்லது முகப்பு பட்டனை (மற்ற iPad மாடல்களில்) மூன்று முறை கிளிக் செய்து வழிகாட்டப்பட்ட அணுகல் பாஸ்கோடை உள்ளிடவும். வழிகாட்டப்பட்ட அணுகலுக்கான பாஸ்கோடை நீங்கள் அமைத்திருக்கவில்லை என்றால், உங்கள் iPad பாஸ்கோடை உள்ளிடவும்.

  • Face ID அல்லது Touch IDஐப் பயன்படுத்துதல்: வழிகாட்டப்பட்ட அணுகலுக்கான பாஸ்கோடு அமைப்புகளில் Face ID அல்லது Touch ID விருப்பத்தை நீங்கள் ஆன் செய்திருந்தால், மேல் பட்டனையோ முகப்பு பட்டனையோ இருமுறை கிளிக் செய்து iPadஐ Face ID (உங்கள் iPad மாடலைப் பொறுத்து) அல்லது Touch ID மூலம் அன்லாக் செய்யவும்.

எளிய பயனர் இடைமுகம் மற்றும் பிரத்தியேகமாக்கக்கூடிய முக்கிய அம்சங்களின் தொகுப்புடன் iPadஐ அமைக்க, உதவிகரமான அணுகல் பயனர் வழிகாட்டியைப் பார்க்கவும்.

இவற்றையும் பாருங்கள்iPadஇல் ஃபோகஸை அமைத்தல்iPadஇல் உள்ள Safari செயலியில் கட்டுரைகளைப் வாசிக்கும்போது கவனச்சிதறல்களை மறைத்தல்iPadஇல் திரையின் நகர்வை நிறுத்துதல் அல்லது குறைத்தல்iPadஇல் உள்ள அறிவாற்றல் சார்ந்த அணுகல் அம்சங்கள்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.