iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் மெசேஜ்களை வரைதல் மற்றும் கையால் எழுதுதல்

நீங்கள் கையால் எழுதிய, டூடில் செய்த, மேலும் பலவற்றுடன் கூடிய மெசேஜ்களை அனுப்பலாம்.

வரையப்பட்ட அல்லது கையால் எழுதப்பட்ட மெசேஜ்களைப் பரிமாறிக்கொள்ள உங்களுக்கு iMessage தேவை.

டிஜிட்டல் டச் எஃபெக்ட்டை அனுப்புதல்

Digital Touch மூலம், அனிமேட் செய்யப்பட்ட ஓவியங்கள், தட்டுதல்கள், முத்தங்கள், இதயத்துடிப்புகள், மேலும் பலவற்றைத் தனித்தோ ஒரு புகைப்படம் அல்லது வீடியோவில் எஃபெக்ட்டாகவோ நீங்கள் அனுப்பலாம்.

  1. உங்கள் iPadஇல் உள்ள மெசேஜஸ் செயலிக்குச் செல்லவும்.

  2. “செயலிகள்” பட்டன்-ஐத் தட்டி, மேல்நோக்கி ஸ்வைப் செய்து Digital Touchஐத் தட்டவும்.

  3. பின்வரும் ஒன்றைச் செய்யவும்:

    • அனிமேட் செய்யப்பட்ட சைகையை அனுப்புதல்: ஒன்று அல்லது இரண்டு விரல்களால் தட்டவும் அல்லது தொட்டுப் பிடிக்கவும். அதை முடித்ததும் உங்கள் சைகை தானாக அனுப்பப்படும்.

      ஒரு விரல் தட்டுதலுக்கான நிறத்தைத் தேர்வுசெய்ய நிறப் புள்ளியைத் தொட்டுப் பிடிக்கவும்.

      குறிப்பு: இதயத்துடிப்புத் தரவைப் பதிவுசெய்யும் Apple Watch அல்லது வேறு சென்சார் உங்களிடம் இருந்தால், இதயத்துடிப்புத் தரவை அனுப்ப இரண்டு விரல்களால் தொட்டுப் பிடிக்கும்போது, பதிவுசெய்யப்பட்ட தரவை மெசேஜஸ் பயன்படுத்தக்கூடும்.

    • அனிமேட் செய்யப்பட்ட வரைபடத்தை அனுப்புதல்: ஒரு விரலால் வரையவும்.

      நீங்கள் நிறத்தை மாற்றி, மீண்டும் வரைவதைத் தொடங்கலாம்.

    • புதிய படத்தில் எஃபெக்ட்டைச் சேர்த்தல்: கேமரா பட்டன்-ஐத் தட்டி, புகைப்படம் எடுக்க "படமெடு” பட்டன்-ஐத் தட்டவும் அல்லது வீடியோவைப் பதிவுசெய்ய “வீடியோவைப் பதிவுசெய்” பட்டன்-ஐத் தட்டவும்.

      புதிய புகைப்படத்தையோ வீடியோவையோ படமெடுக்க அல்லது உங்கள் முன்னோட்டத்தில் நீங்கள் வரைந்ததை அழிக்க, “முன்னோட்டத்திற்கு மீண்டும் செல்” பட்டன்-ஐத் தட்டவும்.

  4. உங்கள் வரைபடத்தையோ படத்தையோ அனுப்ப “அனுப்பு” பட்டன்-ஐத் தட்டவும் அல்லது அதை நீக்க “மூடுக” பட்டன்-ஐத் தட்டவும்.

வெள்ளை பின்னணியில் அனிமேட் செய்யப்பட்ட டூடுலை அனுப்ப, கையால் எழுதப்பட்ட மெசேஜ் அல்லது டூடுலை அனுப்புதல் என்பதைப் பார்க்கவும்.

கையால் எழுதப்பட்ட மெசேஜ் அல்லது டூடுலை அனுப்புதல்

மெசேஜை எழுத அல்லது டூடுலை வரைய உங்கள் விரலைப் பயன்படுத்தவும். நீங்கள் எழுதியதையோ வரைந்ததையோ பெறுநர்கள் பார்ப்பார்கள், அவர்கள் அதைப் பார்க்கும்முன் அதற்கு மறுவடிவம் கொடுங்கள்.

  1. உங்கள் iPadஇல் உள்ள மெசேஜஸ் செயலிக்குச் செல்லவும்.

  2. உரையாடலின்போது, iPadஐக் கிடைமட்ட திசையமைவுக்குச் சுழற்றவும்.

  3. கீபோர்டில் கையெழுத்து கீ-ஐத் தட்டவும்.

  4. உங்கள் விரலால் ஒரு மெசேஜை எழுதவும் அல்லது கீழே இருக்கும் சேமித்த மெசேஜைத் தேர்ந்தெடுத்து “முடிந்தது” என்பதைத் தட்டவும்.

  5. உங்கள் மெசேஜை அனுப்ப “அனுப்பு” பட்டன்-ஐத் தட்டவும் அல்லது ரத்துசெய்ய “அகற்று” பட்டன்-ஐத் தட்டவும்.

    கையால் எழுதப்பட்ட மெசேஜை கம்போஸ் செய்வதற்கான கேன்வாஸ். சேமிக்கப்பட்ட மெசேஜ்களைக் காட்ட கீழ் இடதுபுறத்தில் ஒரு பட்டனும், கீபோர்டைக் காட்ட கீழ் வலதுபுறத்தில் ஒரு பட்டனும் உள்ளன.

நீங்கள் கையால் எழுதப்பட்ட மெசேஜை உருவாக்கி அனுப்பிய பிறகு, அந்த மெசேஜ் கையெழுத்து திரையின் அடிப்பகுதியில் சேமிக்கப்படும். சேமித்த மெசேஜை மீண்டும் பயன்படுத்த, அதைத் தட்டவும். சேமித்த மெசேஜை நீக்க, அந்த மெசேஜ்களை ஜிகிள் ஆகும் வரை தொட்டுப் பிடித்து, “நீக்கு” பட்டன்-ஐத் தட்டவும்.

கருப்புப் பின்னணியில் ஒரு டூடுலை அனுப்ப, டிஜிட்டல் டச் எஃபெக்ட்டை அனுப்புதல் என்பதைப் பார்க்கவும்.

இவற்றையும் பாருங்கள்iPadஇல் இருந்து மெசேஜ்களை அனுப்புதல், அவற்றுக்குப் பதிலளித்தல்iPadஇல் மெசேஜஸ் செயலியில் ஸ்டிக்கர்களை அனுப்புதல்iPadஇல் மெசேஜஸ் செயலியில் புகைப்படங்கள் அல்லது வீடியோக்களை எடுத்தல் மற்றும் திருத்துதல்iPadஇல் மெசேஜஸ் செயலியில் iMessage செயலிகளைப் பயன்படுத்துதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.