iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் FaceTime அழைப்புகளைச் செய்தல்

இணைய இணைப்பு மற்றும் Apple கணக்கு மூலம் FaceTime செயலியில் அழைப்புகளைச் செய்யலாம், பெறலாம்.

குறிப்பு: நீங்கள் அழைப்புகளைச் செய்வதற்கு அல்லது பெறுவதற்கு முன், FaceTimeஐ அமைக்க வேண்டும்.

iPadஇன் Wi-Fi + Cellular மாடல்களில், நீங்கள் மொபைல் டேட்டா இணைப்பு மூலமும் FaceTime அழைப்புகளையும் செய்யலாம், இதற்குக் கூடுதல் கட்டணம் விதிக்கப்படலாம். இந்த அம்சத்தை ஆஃப் செய்ய, “அமைப்புகள்  > மொபைல் சேவை” என்பதற்குச் சென்று FaceTimeஐ ஆஃப் செய்யவும். iPadஇல் (Wi-Fi + cellular மாடல்கள்) மொபைல் டேட்டா அமைப்புகளைப் பார்த்தல் அல்லது மாற்றுதல் என்பதைப் பார்க்கவும்.

குறிப்பு: நேரலை வாய்ஸ்மெயில் அம்சம் சில மொழிகள் அல்லது வட்டாரங்களில் கிடைப்பதில்லை. iOS மற்றும் iPadOS அம்சங்களின் கிடைக்கும் தன்மை குறித்த இணையதளத்தைப் பார்க்கவும்.

FaceTime அழைப்பைச் செய்தல்

  1. உங்கள் iPadஇல் FaceTime செயலியைத் திறந்து, திரையின் மேற்புறத்திற்கு அருகில் உள்ள “புதிய FaceTime” என்பதைத் தட்டவும்.

  2. மேலே உள்ள நுழைவுப் புலத்தில் நீங்கள் அழைக்க விரும்பும் நபரின் பெயர் அல்லது எண்ணை டைப் செய்து, வீடியோ அழைப்பைச் செய்ய “FaceTime” பட்டன் அல்லது FaceTime ஆடியோ அழைப்பைச் செய்ய “அழைப்பு” பட்டன்-ஐத் தட்டவும் (எல்லா நாடுகளிலும் அல்லது வட்டாரங்களிலும் இந்த வசதி கிடைப்பதில்லை).

    மாற்றாக, தொடர்புகளைத் திறந்து அதிலிருந்து அழைப்பைத் தொடங்க “தொடர்பைச் சேர்” பட்டன் மீது தட்டவும்; அல்லது பரிந்துரைக்கப்பட்ட தொடர்பு மீது தட்டி விரைவாக அழைப்பைச் செய்யலாம்.

பலரை அழைக்க, iPadஇல் குழு FaceTime அழைப்பைச் செய்தல் என்பதைப் பார்க்கவும்.

நீங்கள் Siriஐப் பயன்படுத்தலாம். இதைப் போல் ஏதாவது சொல்லுங்கள்: “Make a FaceTime call” அல்லது “Call Eliza’s mobile.” Siriஐப் பயன்படுத்துவது எப்படி என அறிக.

உதவிக்குறிப்பு: FaceTime வீடியோ அழைப்பின்போது மேலும் பார்க்க, iPadஐத் திருப்பி கிடைமட்ட திசையமைவில் பயன்படுத்தவும். திரைத் திசையமைப்பை மாற்றுதல் அல்லது லாக் செய்தல் என்பதைப் பார்க்கவும்.

வீடியோ மெசேஜைப் பதிவுசெய்தல்

உங்கள் FaceTime வீடியோ அழைப்பிற்கு யாராவது பதிலளிக்கவில்லை என்றால், நீங்கள் தெரிவிக்க விரும்புவதைத் தெரிவிக்க வீடியோ மெசேஜைப் பதிவுசெய்யலாம்.

  1. “வீடியோவைப் பதிவுசெய்” என்பதைத் தட்டி, 5 முதல் 1 வரையிலான கவுண்ட்டவுன் முடிந்தவுடன் உங்கள் மெசேஜைப் பதிவுசெய்யவும்.

    அழைக்கப்படும் நபரைத் தொடர்புகொள்ள முடியவில்லை என்பதைக் காட்டும் “வீடியோவைப் பதிவுசெய்” திரை. திரையில் “மீண்டும் அழை” பட்டனும், வீடியோ மெசேஜைப் பதிவுசெய்ய நீங்கள் தட்டக்கூடிய “வீடியோவைப் பதிவுசெய்” பட்டனும் இருக்கும்.

  2. உங்களின் பதிவுசெய்யப்பட்ட மெசேஜை அனுப்ப “மேலே” பட்டன் மீது தட்டவும் அல்லது மெசேஜை மீண்டும் பதிவுசெய்ய “மீண்டும் பதிவுசெய்” என்பதைத் தட்டவும். ஃபோட்டோஸில் சேமிக்க, “சேமி” என்பதைத் தட்டலாம்.

    உங்கள் வீடியோ மெசேஜை நீங்கள் அனுப்பிய பிறகு, பெறுநருக்குத் தெரிவிக்கப்படும்.

    குறிப்பு: சேமிக்கப்பட்ட தொடர்புகள், நீங்கள் அழைத்த நபர்கள், Siri பரிந்துரைத்த நபர்கள் ஆகியோரிடமிருந்து மட்டுமே நீங்கள் வீடியோ மெசேஜ்களைப் பெற முடியும்.

    வீடியோ அல்லது ஆடியோ மெசேஜைக் கேட்டல் என்பதைப் பார்க்கவும்.

வாயிஸ்மெயிலை அனுப்புதல்

உங்கள் FaceTime ஆடியோ அழைப்புக்கு ஒருவர் பதிலளிக்கவில்லை என்றால், நீங்கள் அழைக்கும் நபர் தனது iPadஇல் உள்நுழைந்துள்ள அதே Apple கணக்கில் ஒரு iPhoneஇல் உள்நுழைந்திருந்து, அதில் அமைப்புகள்  > செயலிகள் > ஃபோன் என்பதில் "நேரலை வாய்ஸ்மெயில்" என்பதை ஆன் செய்திருந்தால் வாய்ஸ்மெயில் அனுப்பும்படி கேட்கப்படுவீர்கள்.

மீண்டும் அழைத்தல்

FaceTimeஇல் ஒருவரை மீண்டும் அழைக்க, பின்வரும் ஒன்றைச் செய்யவும்:

  • “வீடியோவைப் பதிவுசெய்” திரையில் உள்ள “மீண்டும் அழை” என்பதைத் தட்டவும்.

  • உங்கள் அழைப்பு வரலாற்றில், நீங்கள் மீண்டும் அழைக்க விரும்பும் நபரின் (அல்லது குழு) பெயர் அல்லது எண் மீது தட்டவும்.

மெசேஜஸ் உரையாடலில் இருந்து FaceTime அழைப்பைத் தொடங்குதல்

iMessage உரையாடலில், நீங்கள் உரையாடுபவருடன் FaceTime அழைப்பைத் தொடங்கலாம்.

  1. மெசேஜஸ் உரையாடலின் மேல் வலதுபுறத்தில் உள்ள “FaceTime” பட்டன்-ஐத் தட்டவும்.

  2. பின்வரும் ஒன்றைச் செய்யவும்:

    • “FaceTime ஆடியோ” என்பதைத் தட்டவும்.

    • “FaceTime வீடியோ” என்பதைத் தட்டவும்.

முக்கியம்: உங்கள் iPadஇல் இருந்து FaceTime செயலியை அகற்றினாலோ, iPadOSஇன் முந்தைய பதிப்பில் இயங்கிய FaceTimeஐ அகற்றினாலோ, செயலியை மீண்டும் பதிவிறக்கும் வரை உங்களால் FaceTime அழைப்புகளைச் செய்யவோ பெறவோ முடியாது, மேலும் உங்கள் iPadஇல் SharePlayஐப் பயன்படுத்த முடியாது. அமைப்புகள் மற்றும் தொடர்பு கார்டுகள் FaceTime விருப்பங்களைக் காட்டாது.

இவற்றையும் பாருங்கள்iPadஇல் உள்ள FaceTime அழைப்பில் “நேரலை கேப்ஷன்கள்” அம்சத்தை ஆன் செய்தல்iPadஇல் FaceTime அழைப்புக்கான இணைப்பை உருவாக்குதல்iPadஇல் உள்ள கேலண்டர் செயலியில் நிகழ்வுகளை உருவாக்குதல் மற்றும் திருத்துதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.