iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Organizimi i emaileve në kuti postare në iPhone

Mund ta menaxhoni emailin tuaj në kutitë postare.

Menaxhimi i emaileve me një rrëshqitje

Kur shikoni një listë mesazhesh, mund të përdorni një rrëshqitje të thjeshtë për të lëvizur emailet individuale te Trash, për t’i shënuar si të lexuara etj.

  1. Shkoni tek aplikacioni Mail në iPhone.

  2. Në listën e mesazheve, kryeni një nga sa më poshtë:

    • Zbuloni një listë veprimesh: Zvarritni ngadalë majtas një mesazh derisa të shfaqet menyja dhe më pas prekni një artikull.

    • Përdorni me shpejtësi veprimin në të djathtë: Rrëshqisni deri në fund në të majtë.

    • Zbuloni veprime të tjera: Rrëshqitni djathtas.

Për të zgjedhur veprimet që dëshironi të shfaqen nëpër meny, shkoni te Settings > Apps > Mail > Swipe Options (nën Message List).

Organizimi i postës me kutitë postare

Mund të zgjidhni kutitë postare që do të shikoni, të renditni përsëri kutitë postare, të krijoni kuti postare të reja ose të riemërtoni apo të fshini kutitë postare. (Disa kuti postare nuk mund të ndryshohen.)

Ekrani i redaktimit të Mailboxes. Kutitë postare opsionale renditen nga lart poshtë me një kuti kontrolli në të majtë të çdo opsioni. Në këndin e poshtëm djathtas të ekranit ka një buton të emërtuar New Mailbox.

  1. Shkoni tek aplikacioni Mail në iPhone.

  2. Për të organizuar kutitë tuaja postare, prekni butonin Mailboxes në këndin lart majtas derisa të shikoni Mailboxes.

  3. Prekni Edit, pastaj kryeni njërën nga sa më poshtë:

    • Shikoni kutitë postare: Zgjidhni kutitë e zgjedhjes në krah të kutive postare që dëshironi të përfshini në listën e kutive postare.

    • Renditni përsëri kutitë postare: Prekni dhe mbani shtypur butonin Reorder në krah të një kutie postare derisa të ngrihet, pastaj zvarriteni në pozicionin e ri.

    • Krijoni një kuti të re postare: Prekni New Mailbox në këndin poshtë djathtas dhe më pas ndiqni udhëzimet në ekran.

    • Riemërtoni një kuti postare: Prekni kutinë postare dhe më pas prekni titullin. Fshini emrin dhe më pas shkruani një emër të ri.

    • Fshini një kuti postare: Prekni kutinë postare dhe më pas prekni Delete Mailbox.

Zhvendosni emailet në një kuti postare

  1. Shkoni tek aplikacioni Mail në iPhone.

  2. Kryeni një nga më poshtë:

    • Kur shikoni një mesazh te Primary: Prekni butonin Mailbox dhe më pas zgjidhni një kuti postare.

    • Kur shikoni një listë mesazhesh: Prekni Select dhe më pas zgjidhni mesazhet që dëshironi të zhvendosni duke prekur kutitë e tyre të zgjedhjes. Prekni butonin Mailbox në fund të listës së mesazheve dhe më pas zgjidhni një kuti postare.

      E rëndësishme: Kur zgjidhni një mesazh te Transactions, Updates ose Promotions, ju zgjidhni të gjitha mesazhet në atë kategori nga dërguesi.

    • Kur shikoni pamjen e përmbledhur të një dërguesi: Rrëshqitni majtas mbi një mesazh, prekni butonin Reply Actions, prekni Move Message dhe më pas zgjidhni një kuti postare.

Shikimi i emaileve nga një llogari e vetme

Nëse përdorni disa llogari emaili me aplikacionin Mail, mund të përdorni listën e kutive postare për të shikuar mesazhet nga secila llogari.

  1. Shkoni tek aplikacioni Mail në iPhone.

  2. Prekni butonin Mailboxes në këndin lart majtas derisa të shikoni Mailboxes dhe më pas prekni një kuti postare nën llogarinë e emailit që dëshironi të hapni.

    Çdo kuti postare e listuar nën një llogari të veçantë emaili shfaq vetëm mesazhet nga ajo llogari. Për shembull, për të parë vetëm mesazhet e dërguara nga llogaria juaj e iCloud, prekni iCloud dhe më pas prekni Sent.

Zhvendosni emailet te Junk

  1. Shkoni tek aplikacioni Mail në iPhone.

  2. Kryeni një nga më poshtë:

    • Kur shikoni një mesazh te Primary: Prekni butonin Reply dhe më pas prekni Move to Junk.

    • Kur shikoni një listë mesazhesh: Prekni Select dhe më pas zgjidhni mesazhet që dëshironi të zhvendosni duke prekur kutitë e tyre të zgjedhjes. Prekni butonin Mark në fund të listës së mesazheve dhe më pas prekni Move to Junk.

      E rëndësishme: Kur zgjidhni një mesazh te Transactions, Updates ose Promotions, ju zgjidhni të gjitha mesazhet në atë kategori nga dërguesi.

    • Kur shikoni pamjen e përmbledhur të një dërguesi: Rrëshqitni majtas mbi mesazh, prekni butonin Reply Actions dhe më pas prekni Move to Junk.

Shiko gjithashtuKategorizoni automatikisht email-et hyrëse në Mail në iPhoneRaportoni ose bllokoni emailet në Mail në iPhoneFiltrimi i emaileve në Mail në iPhone
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.