iOS 26
iOS 18
iOS 17
iOS 16
Modifikimi i kontrollit e përditëson automatikisht faqen

Përdorimi i çelësave dixhitalë për t'u identifikuar në llogarinë tuaj të Apple Account në iPhone

Security Keys për Apple Account është një veçori opsionale e sigurisë e krijuar për njerëzit (si p.sh. persona të famshëm, gazetarë dhe anëtarë të qeverisë) që duan mbrojtje shtesë nga sulmet me synim specifik ndaj llogarive të tyre, duke përfshirë skemat e mashtrimit dhe mashtrimet e inxhinierisë sociale.

Një çelës sigurie është një pajisje e vogël harduerike e një pale të tretë që mund ta lidhni me iPhone dhe ta përdorni për të verifikuar identitetin tuaj kur hyni në llogarinë tuaj të Apple Account. Çelësi fizik zëvendëson kodet e verifikimit me gjashtë shifra që përdoren zakonisht në vërtetimin me dy faktorë, gjë që parandalon përgjimin ose kërkesat nga një sulmues për këto informacione.

Për detaje për kërkesat në lidhje me çelësat e sigurisë, shikoni artikullin Rreth çelësave të sigurisë për Apple Account nga Apple Support.

Konfiguroni çelësat e sigurisë

Duhet të konfiguroni të paktën dy çelësa sigurie që të mund ta përdorni një prej tyre si rezervë në rast se njëri humbet, dëmtohet ose vidhet. Mund të çiftoni deri në gjashtë çelësa me llogarinë tuaj.

  1. Shkoni tek aplikacioni Settings në iPhone.

  2. Prekni emrin tuaj dhe më pas prekni Sign-In & Security.

  3. Prekni Two-Factor Authentication, prekni Security Keys dhe më pas prekni Add Security Keys dhe ndiqni udhëzimet në ekran.

Identifikohuni në një pajisje, aplikacion ose sajt uebi duke përdorur një çelës sigurie

  1. Kur të kërkohet, futni çelësin e sigurisë (nëse është një çelës NFC, mbajeni ose vendoseni pranë kreut të telefonit iPhone).

  2. Ndiqni udhëzimet në ekran.

Përdorni një çelës sigurie për të rivendosur fjalëkalimin tuaj të Apple Account.

Nëse e harroni fjalëkalimin tuaj të Apple Account, mund të përdorni një çelës sigurie që çiftohet me llogarinë tuaj për ta rivendosur atë.

  1. Shkoni tek aplikacioni Settings në iPhone.

  2. Prekni emrin tuaj dhe më pas prekni Sign-In & Security.

    Nëse nuk jeni identifikuar tashmë në llogarinë tuaj të Apple Account në iPhone, fillimisht përdorni çelësin tuaj të çiftuar të sigurisë për t'u identifikuar.

  3. Prekni Change Password, pastaj ndiqni udhëzimet në ekran.

Përdorni një çelës sigurie për të shkyçur Apple Account

Nëse përpiqeni pa sukses gjashtë herë rresht që të identifikoheni në llogarinë tuaj të Apple Account ose nëse telefoni juaj iPhone zbulon shenja të tjera aktiviteti të dyshimtë, do të merrni një njoftim në ekran që Apple Account është kyçur. Mund të përdorni çelësin e sigurisë për ta shkyçur atë.

  1. Shkoni tek aplikacioni Settings në iPhone.

  2. Prekni emrin tuaj dhe më pas prekni Sign-In & Security.

  3. Prekni Unlock Account, më pas ndiqni udhëzimet në ekran për të shkyçur Apple Account.

  4. Nëse mendoni se llogaria juaj mund të jetë kyçur sepse dikush tjetër e di fjalëkalimin tuaj, prekni Change Password dhe futni një fjalëkalim të ri.

  5. Prekni Done.

Hiqni çelësat e sigurisë

Mund të çiftoni deri në gjashtë çelësa sigurie me Apple Account. Nëse arrini kufirin dhe duhet të çiftoni çelësa të tjera, mund të hiqni një ose disa nga çelësat e çiftuar. Mund t'i zëvendësoni çelësat që keni hequr në çdo kohë.

  1. Shkoni tek aplikacioni Settings në iPhone.

  2. Prekni emrin tuaj dhe më pas prekni Sign-In & Security.

  3. Prekni Security Keys.

  4. Për të hequr të gjithë çelësat, prekni Remove All Keys dhe më pas prekni Remove.

    Për të hequr çelësa individualë, prekni çelësat që dëshironi të hiqni dhe më pas prekni Remove Key.

Shënim: Nëse hiqni të gjithë çelësat e sigurisë nga një pajisje, pajisja kthehet në përdorimin e kodeve të verifikimit me gjashtë shifra për vërtetimin me dy faktorë.

Shiko gjithashtuPërdorni vërtetimin me dy faktorë për llogarinë tuaj Apple Account në iPhoneMbajeni llogarinë tuaj Apple Account të sigurt në iPhone
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.