iOS 26
iOS 18
iOS 17
iOS 16
iOS 15
iOS 14
iOS 13
Modifikimi i kontrollit e përditëson automatikisht faqen

Sign in with Apple në iPhone

Me anë të Sign in with Apple, mund të identifikoheni në sajtet e uebit dhe aplikacionet pjesëmarrëse me Apple Account. Nuk është e nevojshme të krijoni dhe të mbani mend fjalëkalimet e reja dhe llogaria juaj është e mbrojtur me vërtetimin me dy faktorë. Mund të ndani aksesin tuaj të Sign in with Apple me anëtarët e familjes dhe kontaktet e besuara.

Sign in with Apple është menduar për t'ju respektuar privatësinë. Aplikacionet dhe faqet e internetit mund të kërkojnë vetëm për emrin dhe adresën tuaj të emailit për t'ju konfiguruar llogarinë, ndërsa Apple nuk ju gjurmon kur i përdorni.

Sign in with Apple kërkon vërtetimi me dy faktorë për Apple Account. Kjo ju mbron Apple Account, llogaritë e aplikacioneve dhe përmbajtjen e aplikacioneve tuaja.

Konfigurimi dhe përmirësimi i një llogarie me Sign in with Apple

Kur një uebsajt ose aplikacion pjesëmarrës ju kërkon të konfiguroni ose përmirësoni një llogari, veproni si më poshtë:

  1. Prekni Sign in with Apple.

  2. Ndiqni udhëzimet në ekran.

Disa aplikacione dhe faqe interneti nuk kërkojnë emër dhe adresë emaili. Në këto raste, thjesht autentikohuni me Face ID ose Touch ID (në varësi të modelit tuaj), pastaj nisni të përdorni aplikacionin.

Të tjera mund t'ju kërkojnë emrin dhe një adresë emaili për t'ju krijuar një llogari të personalizuar. Kur një aplikacion kërkon për informacione të tilla, Sign in with Apple shfaq emrin dhe adresën tuaj personale të emailit nga llogaria juaj Apple Account që të mund t'i shqyrtoni.

Për të modifikuar emrin, prekeni dhe pastaj përdorni tastierën për të kryer ndryshimet.

Për të përcaktuar një adresë emaili, kryeni një nga sa më poshtë:

  • Për të përdorur adresën personale të emailit: Prekni Share My Email.

    Nëse keni disa adresa emaili të lidhura me Apple Account, zgjidhni adresën që dëshironi.

  • Për të fshehur adresën tuaj të emailit: Prekni Hide My Email.

    Ky opsion ju bën të mundur marrjen e emaileve nga aplikacioni pa dhënë adresën tuaj personale të emailit. Kur zgjidhni këtë opsion, Apple krijon një adresë unike e të rastësishme për ju dhe çfarëdo emaili i dërguar nga aplikacioni drejt kësaj adrese i përcillet adresës suaj personale.

Pasi ta shqyrtoni informacionin dhe të zgjidhni një opsion emaili, prekni Continue, autentikohuni me Face ID ose Touch ID (në varësi të modelit tuaj), pastaj nisni përdorimin e aplikacionit.

Identifikimi për të hapur llogarinë tuaj

Pas konfigurimit të një llogarie me një sajt uebi ose aplikacion duke përdorur Sign in with Apple, zakonisht nuk është e nevojshme të identifikoheni më në të nga iPhone. Por nëse qëllon t'ju kërkohet të identifikoheni (për shembull nëse jeni çidentifikuar nga ndonjë llogari), veproni si më poshtë:

  1. Prekni Sign in with Apple.

  2. Shqyrtoni Apple Account që shfaqet, pastaj prekni Continue.

  3. Autentikohuni me Face ID ose Touch ID (në varësi të modelit tuaj).

Ndryshimi i adresës së përdorur për të përcjellë emailet

Nëse zgjodhët ta fshihni adresën tuaj të emailit kur krijuat një llogari, dhe nëse keni më shumë se një adresë të ndërlidhur me Apple Account, mund të ndryshoni adresën që do të marrë emailet e përcjella.

  1. Shkoni tek aplikacioni Settings në iPhone.

  2. Prekni emrin tuaj, prekni Sign-In & Security, pastaj prekni Forward To.

  3. Zgjidhni një adresë tjetër emaili, pastaj prekni butonin Save.

Rishikoni ose ndryshoni cillësimin Sign in with Apple për aplikacionet

  1. Shkoni tek aplikacioni Settings në iPhone.

  2. Prekni emrin tuaj, pastaj prekni Sign in with Apple.

  3. Për të ndryshuar një cilësim për një aplikacion, prekeni dhe më pas kryeni një nga sa më poshtë:

    • Çaktivizimin e përcjelljes së emaileve: Prekni Manage Hide My Email, prekni aplikacionin dhe më pas çaktivizoni Forward To. Nuk do të merrni më emaile nga aplikacioni.

    • Ndalimin e përdorimit të Sign in with Apple: Prekni Delete, më pas prekni Stop Using. Mund t'ju kërkohet të krijoni një llogari të re herës tjetër që do të provoni të identifikoheni me aplikacionin.

Ndani aksesin tuaj të Sign in with Apple

  1. Shkoni tek aplikacioni Passwords në iPhone.

  2. Prekni All, më pas gjeni dhe prekni llogarinë ku përdorni Sign in with Apple.

  3. Prekni Group dhe më pas prekni New Group.

  4. Shkruani një emër për grupin dhe më pas prekni Add People.

  5. Shkruani emrin, adresën e emailit ose numrin e telefonit të personit ose personave që dëshironi të shtoni dhe më pas prekni Add.

    Shënim: Për të shtuar dikë në grupin tuaj, ai duhet të jetë në aplikacionin tuaj Contacts dhe të ketë një pajisje që përdor iOS 17, iPadOS 17, macOS 14 ose versione më të reja. Nëse mund të shtohen në grup, informacionet e kontaktit për të shfaqen me ngjyrë blu. Nëse shfaqen në gri, iPhone, iPad ose Mac i tij mund të mos i mbështetë grupet e fjalëkalimeve të ndara.

  6. Prekni butonin Create.

Sign in with Apple funksionin edhe në pajisjet e tjera të tuaja - iPad, Apple Watch, Mac, Apple TV 4K dhe iPod touch - kur jeni i identifikuar me të njëjtën Apple Account.

Për t’u identifikuar nga një aplikacion i Android, i Windows apo çfarëdo shfletuesi interneti, prekni Sign in with Apple, pastaj vendosni fjalëkalimin e Apple Account.

Për më shumë informacione, shikoni artikullin Çfarë është Sign in with Apple? tek Apple Support.

Shiko gjithashtuPërdorni çelësat e kalimit për t'u identifikuar në sajte uebi dhe aplikacione në iPhonePlotësoni automatikisht e verifikimit njëpërdorimëshe në iPhone
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.