iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Aktivizimi dhe konfigurimi i iPhone

Mund ta aktivizoni dhe konfiguroni telefonin tuaj të ri iPhone me një lidhje interneti. iPhone mund dhe ta konfiguroni duke e lidhur me kompjuterin. Nëse keni një iPhone, iPad apo pajisje me Android, mund t'i transferoni të dhënat drejt iPhone tuaj të ri.

Shënim: Nëse iPhone jepet ose menaxhohet nga një kompani ose organizatë tjetër, takohuni me një administrator për udhëzimet e konfigurimit. Për informacione të përgjithshme, shikoni te faqja e internetit e Apple at Work.

Përgatitja për konfigurimin

Për ta bërë konfigurimin sa më të lehtë që të jetë e mundur, kini gati këta artikuj:

  • Një lidhje interneti nëpërmjet një rrjeti Wi-Fi (mund t’ju duhet emri dhe fjalëkalimi i rrjetit) ose shërbimi i të dhënave celulare nëpërmjet një operatori celular (nuk kërkohet për iPhone 14 dhe modelet e mëvonshme)

  • Apple Account dhe fjalëkalimi juaj; nëse nuk keni Apple Account, mund të krijoni një gjatë konfigurimit

  • Informacioni i kartës suaj të kreditit apo të debitit, nëse dëshironi të shtoni një kartë në Apple Pay gjatë konfigurimit

  • iPhone juaj i mëparshëm apo një kopje rezervë e pajisjes suaj nëse po i transferoni të dhënat në pajisje të re

    Këshillë: Nëse nuk keni hapësirë të mjaftueshme ruajtëse për rezervimin e pajisjes suaj, iCloud do t'ju japë hapësirë ruajtëse të mjaftueshme për të përfunduar një kopje rezervë të përkohshme, pa pagesë, deri në tre javë nga blerja e telefonit tuaj iPhone. Në pajisjen e mëparshme, shkoni te Settings > General > Transfer or Reset [pajisjen]. Prekni Get Started, pastaj ndiqni udhëzimet në ekran.

  • Pajisja juaj me Android, nëse po transferoni përmbajtjen tuaj të Android

Aktivizimi dhe konfigurimi i iPhone

  1. Shtypni dhe mbani butonin anësor derisa të shfaqet logoja e Apple.

    Një shigjetë jeshile që tregon butonin në anën e djathtë të iPhone.

    Nëse iPhone nuk ndizet, mund t'ju duhet të karikoni baterinë. Për më shumë ndihmë, shikoni artikullin Nëse iPhone nuk aktivizohet apo ka ngecur tek Apple Support.

    Këshillë: Nëse jeni i verbër apo keni vështirësi shikimi, për të aktivizuar lexuesin e ekranit VoiceOver, mund të klikoni tri herë në butonin anësor (në iPhone me Face ID) ose të klikoni tri herë në butonin Home (në modelet e tjera të iPhone). Mund dhe ta prekni dy herë ekranin me tre gishta për të aktivizuar Zoom. Shikoni Filloni me funksionet e aksesueshmërisë.

  2. Kryeni një nga më poshtë:

    • Konfiguroni me një pajisje tjetër: Nëse keni një iPhone ose iPad me iOS 11 dhe iPadOS 13 ose version të mëvonshëm, mund ta përdorni për ta konfiguruar automatikisht pajisjen tuaj të re. Afrojini të dyja pajisjet, pastaj ndiqni udhëzimet në ekran për të kopjuar në formë të sigurt shumë prej cilësimeve, preferencave dhe iCloud Keychain. Mund t'i riktheni pjesën tjetër të të dhënave dhe përmbajtjen në pajisjen e re nga kopja rezervë që keni në iCloud.

      Ose, nëse të dyja pajisjet janë me iOS 12.4 ose iPadOS 13 e lart, mund t'i transferoni të gjitha të dhënat përmes lidhjes me valë nga pajisja e vjetër tek e reja. Mbajini pajisjet pranë njëra-tjetrës dhe në prizë derisa të përfundojë procesi i transferimit.

    • Set Up Manually: Nëse nuk keni një pajisje tjetër, prekni Set Up Without Another Device dhe më pas ndiqni udhëzimet e konfigurimit në ekran.

Lëvizja nga një pajisje me Android në iPhone

Nëse keni një pajisje Android, mund t'i transferoni të dhënat tuaja me aplikacionin Move to iOS kur të konfiguroni për herë të parë iPhone tuaj të ri.

Shënim: Nëse e keni përfunduar tashmë konfigurimin dhe dëshironi të përdorni Move to iOS, duhet ta fshini iPhone dhe të filloni nga fillimi ose t'i lëvizni të dhënat tuaja manualisht. Shikoni artikullin Lëvizja manualisht e përmbajtjes nga pajisja Android në iPhone ose iPad në Apple Support.

  1. Në pajisjen tuaj me Android të versionit 4.0 e lart, shikoni artikullin Kalimi nga Android në iPhone ose iPad në Apple Support dhe shkarkoni aplikacionin Move to iOS.

  2. Në iPhone, kryeni si më poshtë:

    • Ndiqni asistentin e konfigurimit.

    • Në ekranin Transfer Your Apps & Data, prekni From Android.

  3. Në pajisjen me Android, kryeni si më poshtë:

    • Aktivizimi i Wi-Fi.

    • Hapja e aplikacionit Move to iOS.

    • Ndiqni udhëzimet në ekran.

PARALAJMËRIM: Për të shmangur lëndimet, lexoni Informacionet e rëndësishme të sigurisë para se të përdorni telefonin tuaj iPhone.

Shiko gjithashtuZgjoni, zhbllokoni dhe kyçni telefonin tuaj iPhoneLidhja e iPhone dhe kompjuterit me një kablloArtikulli i Apple Support: Si të hiqni Activation LockArtikulli i Apple Support: Ndihmojeni fëmijën të konfigurojë një iPhone ose iPad
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.