iOS 26
iOS 18
iOS 17
iOS 16
Modifikimi i kontrollit e përditëson automatikisht faqen

Ndarja e funksioneve me familjen tuaj

Ka disa funksione të veçanta që ju dhe familja juaj mund t'i përdorni për të ndarë blerjet, për të qëndruar në lidhje dhe për të mbrojtur të dhënat tuaja. Nëse keni fëmijë, mund të konfiguroni gjithashtu kontrollet prindërore për të menaxhuar mënyrën se si i përdorin fëmijët tuaj pajisjet e tyre Apple.

Ekrani Family te Settings. Janë listuar pesë anëtarë të familjes. Nën emrat e tyre janë rekomandimet për familjen dhe opsionet Subscriptions dhe Purchase Sharing.

Konfigurimi i Family Sharing

Ju dhe anëtarët e familjes sate mund të ndani blerjet dhe abonimet e pranueshme. Të gjithë përdorin Apple Account dhe pajisjen e vet, por hapësira ruajtëse e iCloud, abonimet (për shërbimet si Apple Music dhe Apple Arcade) dhe përmbajtje të tjera ndahen me të gjithë.

Për të filluar, shkoni te Settings  > [emri juaj] > Family.

Ekrani Find My që tregon listën People dhe vendndodhjet e tyre në një hartë.

Ndani vendndodhjet me Find My

Kur ju dhe anëtarët e familjes suaj ndani vendndodhjen tuaj, mund të ndihmoni njëri-tjetrin të gjeni pajisjet e humbura në aplikacionin Find My . Gjithashtu mund të ndani vendndodhjen e etiketave AirTag që përdorni për të monitoruar artikujt e rëndësishëm, si p.sh. çantat e shpinës ose çelësat e shtëpisë.

Për të konfiguruar ndarjen e vendndodhjes, shkoni te Settings  > [emri juaj] > Family dhe më pas prekni Location Sharing. Aktivizoni ndarjen për anëtarët e familjes. Pasi të ndani vendndodhjen tuaj me anëtarët e familjes, ata mund të shikojnë gjithashtu vendndodhjen e pajisjeve tuaja në Find My.

Ekrani Sharing në aplikacionin Health.

Konfiguroni kontaktet e urgjencës

Pasi të kryeni një telefonatë urgjence, telefoni juaj iPhone mund t'i njoftojë automatikisht kontaktet tuaja të urgjencës me një mesazh me tekst që përfshin vendndodhjen tuaj aktuale. Nëse vendndodhja juaj ndryshon, kontaktet tuaja të urgjencës marrin informacione të përditësuar për vendndodhjen.

Kontaktet e urgjencës ruhen te Medical ID. Për të konfiguruar Medical ID, hapni aplikacionin Health , prekni llogarinë tuaj në këndin e sipërm djathtas, prekni Medical ID dhe më pas prekni Get Started.

Një foto është e hapur në aplikacionin Photos. Në pjesën e sipërme të djathtë të ekranit, është një opsion për të zhvendosur fotografinë te Shared Library.

Nisja e një biblioteke fotografish të familjes

Mund të përdorni iCloud Shared Photo Library për të ndarë fotografi dhe video me deri në pesë anëtarë të tjerë të familjes. Të gjithë mund të shtojnë, të modifikojnë dhe të emërtojnë fotografitë dhe të shijojnë fotografitë e përbashkëta në kujtimet e tyre, fotografitë e spikatura dhe miniaplikacionin Photos.

Për të filluar, shkoni te Settings  > [emri juaj] > iCloud > Photos, aktivizoni Sync this iPhone dhe më pas prekni Shared Library.

Ekrani Add Recovery Contact që tregon kontaktet e sugjeruara për t'u zgjedhur si kontakt rikuperimi dhe opsionin për të zgjedhur dikë tjetër.

Për çdo rast

Mund të shtoni anëtarët e familjes dhe njerëz të tjerë të besuar si kontakte rikuperimi për t'ju ndihmuar të rifitoni qasjen në llogarinë tuaj nëse bllokoheni ndonjëherë jashtë saj. Gjithashtu mund të caktoni dikë si një kontakt trashëgimie për të aksesuar të dhënat e ruajtura në llogarinë tuaj në rast të vdekjes suaj.

Për të shtuar këto kontakte, shkoni te Settings  > [emri juaj] > Sign-In & Security dhe më pas prekni Recovery Contacts ose Legacy Contact.

Dëshironi të mësoni më shumë?

Jo të gjitha funksionet janë të disponueshme në të gjitha shtetet apo rajonet.
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.