iOS 26
iOS 18
Modifikimi i kontrollit e përditëson automatikisht faqen

Regjistroni një shtatzëni në Health në iPhone

Kur regjistroni një shtatzëni në aplikacionin Health, mund të shikoni moshën e shtatzënisë dhe të regjistroni simptomat e përjetuara shpesh gjatë shtatzënisë. Aplikacioni Health në iPhone dhe aplikacioni Cycle Tracking në Apple Watch mund t'ju ndihmojnë të kuptoni më mirë të dhënat tuaja gjatë shtatzënisë. Të dyja aplikacionet bëjnë rregullime dhe rekomandime për të pasqyruar ndryshimet në shëndetin tuaj fizik dhe mendor.

Ekrani Cycle Tracking me kronologjinë e shtatzënisë për një javë në krye të ekranit. Format vezake me ngjyrë jeshile të lehtë dhe pikat me ngjyrë vjollcë shënojnë 5 ditët e para te vija kohore. Format e tjera vezake me ngjyrë jeshile të lehtë me viza shënojnë ditët e tjera te vija kohore. Nën vijën kohore është përmbledhja e shtatzënisë që tregon moshën e shtatzënisë, datën e fillimit dhe datën e parashikuar të lindjes. Nën përmbledhjen e shtatzënisë janë opsionet për të shtuar informacione në lidhje me gjakderdhjen gjatë shtatzënisë, simptomat dhe më shumë.

Regjistroni një shtatzëni

  1. Shkoni tek aplikacioni Health në iPhone.

  2. Prekni butonin Search në këndin poshtë djathtas dhe më pas prekni Cycle Tracking.

  3. Lëvizni poshtë, prekni Factors dhe më pas prekni butonin Add.

  4. Prekni Pregnancy, pastaj prekni Begin.

  5. Kryeni një nga më poshtë:

    • Regjistroni ditën e parë të periodave të fundit: Prekni Last Menstrual Period.

    • Regjistroni një datë të parashikuar për lindjen: Prekni Estimated Due Date.

    • Regjistroni sa larg është shtatzënia në javë: Prekni Estimated Gestational Age.

    • Regjistroni kur embrioni u transferua në IVF: Prekni Embryo Transfer Date.

    Shënim: Për të regjistruar një shtatzëni të mëparshme, prekni Log a Past Pregnancy.

  6. Prekni Next, ndiqni udhëzimet në ekran, pastaj prekni Next.

  7. Prekni Next, pastaj kryeni si më poshtë:

    • Aktivizoni rikujtesat e pyetësorit të shëndetit mendor (opsionale): Prekni Turn On Notifications.

    • Shtoni shtatzëninë tuaj te Medical ID (opsionale): Prekni Turn On Notifications.

    • Rishikoni informacionet tuaja për ilaçet: Prekni Learn More poshtë një ilaçi për të mësuar rreth çdo ndikimi të mundshëm në shtatzëninë tuaj, pastaj prekni Next.

  8. Rishikoni Cycle Timeline dhe më pas prekni Done.

Shënim: Gjithashtu mund të regjistroni një shtatzëni te Health Details. Prekni Summary, prekni foton ose inicialet tuaja lart djathtas, prekni Health Details dhe më pas prekni Set Up Pregnancy te Cicle Tracking.

Kur regjistroni një shtatzëni, ju merrni një sërë rekomandimesh për njoftimet që duhet të aktivizohen ose çaktivizohen gjatë dhe pas shtatzënisë:

  • Walking Steadiness: Rekomandohet të aktivizohet. Walking Steadiness mund t'ju paralajmërojë më shpejt gjatë tremujorit të tretë, kur rreziku i rënies mund të rritet.

  • High Heart Rate (vetëm në Apple Watch): Nëse pragu për njoftimet për rrahjet e larta të zemrës është vendosur nën 120 rrahje në minutë (bpm), ju kërkohet ta rishikoni dhe ta rregulloni atë.

  • Cardio Fitness (vetëm në Apple Watch): Njoftimet e Cardio Fitness rekomandohet të çaktivizohen gjatë dhe deri në 12 javë pas përfundimit të shtatzënisë.

Për të rishikuar cilësimet e njoftimeve shëndetësore, shikoni Rishikimi i Health Checklist.

Regjistroni gjakderdhjet dhe simptoma të tjera

  1. Shkoni tek aplikacioni Health në iPhone.

  2. Prekni butonin Search në këndin poshtë djathtas dhe më pas prekni Cycle Tracking.

  3. Rrëshqitni për të zgjedhur një ditë dhe më pas kryeni një nga më poshtë:

    • Regjistroni gjakderdhjet: Prekni Bleeding During Pregnancy, prekni Had Bleeding, zgjidhni një nivel gjakderdhjeje dhe më pas prekni Done.

      Shënim: Kur regjistroni gjakderdhje gjatë shtatzënisë, ju merrni një njoftim që ju rekomandon të kontaktoni me mjekun tuaj ose ekipin e kujdesit.

    • Regjistroni simptomat ose informacione të tjera: Rrëshqitni në vijën kohore për të zgjedhur një ditë, prekni një kategori (nën Other Data), jepni informacionet dhe më pas prekni Done.

Për të shtuar kategoritë në ekranin e regjistrimit të të dhënave, prekni Options pranë Log dhe më pas zgjidhni nga kategoritë nën Log.

Shikoni vijën kohore të ciklit të shtatzënisë

Prekni butonin Search në këndin poshtë djathtas dhe më pas prekni Cycle Tracking.

Në krye të ekranit, një vijë kohore tregon ikonat e mëposhtme:

Ikona

Përshkrimi

Një formë vezake me ngjyrë jeshile të lehtë

Një ditë kur keni regjistruar një shtatzëni.

Një formë veyake me ngjyrë jeshile të lehtë me viza

Një ditë në të ardhmen kur mund të jeni ende shtatzënë.

Një formë vezake me ngjyrë jeshile të errët

Dita e datës së parashikuar të lindjes.

Për të zgjedhur ditë të tjera, rrëshqitni vijën kohore.

Modifikoni detajet e shtatzënisë

  1. Shkoni tek aplikacioni Health në iPhone.

  2. Prekni butonin Search në këndin poshtë djathtas dhe më pas prekni Cycle Tracking.

  3. Prekni zonën Pregnancy, pastaj bëni një nga më poshtë:

    • Ndryshoni metodën e përllogaritjes Prekni Change, më pas prekni një metodë vlerësimi.

    • Modifikoni metodën tuaj të përllogaritjes: Prekni një fushë për të bërë një ndryshim.

    • Fshini informacionet tuaja të shtatzënisë: Prekni Delete Factor from Health.

  4. Kur të përfundoni, prekni butonin Done.

Rreth të dhënave tuaja shëndetësore dhe privatësisë

Informacionet që shtoni për veten tuaj në Health janë për ju për t'i përdorur dhe ndarë. Mund të vendosni se çfarë informacionesh ruhen në Health, si dhe se kush mund të ketë akses në të dhënat tuaja.

Nëse zgjidhni të shtoni një shtatzëni në Medical ID, statusi juaj i shtatzënisë do të jetë i aksesueshëm në ekranin Lock Screen nëse është aktivizuar Show When Locked. Statusi juaj i shtatzënisë do të ndahet gjithashtu me personat e parë që përgjigjen gjatë një telefonate urgjente nëse është aktivizuar Share During Emergency Call. Mund t'i ndryshoni cilësimet e Medical ID në çdo kohë duke shkuar te Profili i aplikacionit Health. Mund ta hiqni ose përditësoni statusin tuaj të shtatzënisë te Medical ID nëse statusi juaj ndryshon.

Kur iPhone është i kyçur me Face ID, Touch ID ose një kod kalimi, të gjitha të dhënat tuaja të shëndetit dhe të fitnesit në Health, përveç Medical ID, janë të enkriptuara. Të dhënat shëndetësore të sinkronizuara me iCloud janë të enkriptuara si në transferim, ashtu edhe në serverët e Apple. Dhe nëse keni një version të iOS, iPadOS dhe watchOS (nëse jeni duke përdorur iPad dhe Apple Watch për monitorimin e ciklit) me vërtetimin e parazgjedhur me dy faktorë dhe një kod kalimi, të dhënat tuaja shëndetësore dhe aktiviteti ruhen në një mënyrë që Apple nuk mund t'i lexojë ato.

Kjo do të thotë që kur përdorni veçorinë Cycle Tracking dhe vërtetimin me dy faktorë, të dhënat tuaja shëndetësore të sinkronizuara me iCloud jantë ttë enkriptuara nga skaji në skaj dhe Apple nuk e ka çelësin për të deshifruar të dhënat dhe, për këtë arsye, nuk mund t'i lexojë ato.

Shiko gjithashtuPlotësoni detajet te Health Details në Health në iPhoneKonfigurimi dhe shfaqja e Medical IDKryerja e një vlerësimi të shëndetit mendor te Health në iPhone
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.