iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Ç'të reja ka në iOS 26

Lock Screen. Ora e përshtat në mënyrë dinamike pozicionin e saj bazuar në fotografinë ose sfondin e ekranit Lock Screen dhe e mban gjithmonë subjektin në pamje. Kur e lëvizni telefonin iPhone, fotografia e ekranit Lock Screen merr jetë me një efekt të ri 3D. Shikoni Krijoni një ekran të personalizuar Lock Screen në iPhone.

Ekrani Lock Screen i iPhone.

Home Screen. Ikonat e aplikacioneve në ekranin Home Screen kanë një pamje të re që mund ta ndryshoni me ngjyra të ndryshme ose ta bëni më të ndritshme, më të errët ose më të qartë. Shikoni Personalizoni aplikacionet dhe miniaplikacionet në ekranin Home Screen në iPhone.

Ekrani Home Screen i telefonit iPhone me ikonat e aplikacioneve me nuanca.

Apple Intelligence.* Krijoni Genmoji të personalizuara duke përdorur emoji ekzistuese, kombinime emoji-sh ose tekst përshkrues. Ndryshoni pamjen dhe shprehjet e krijimeve të Genmoji dhe Image Playground që bazohen në njerëzit në bibliotekën tuaj të Photos. Krijoni sfonde të personalizuara për bisedat tuaja në Messages. Live Translation përkthen automatikisht tekstet në Messages, shfaq titrat e përkthyer drejtpërdrejt në telefonatat e FaceTime dhe ofron përkthime me zë për telefonatat në Phone. Përdorni inteligjencën vizuale për të mësuar më shumë për ato shikoni në telefonin tuaj iPhone. Shikoni Krijoni imazhe origjinale me Image Playground në iPhone, Krijoni emoji-n tuaj me Genmoji në iPhone, Krijoni dhe modifikoni sfondet origjinale me Image Playground, Përktheni mesazhet, telefonatat dhe bisedat në iPhone dhe Mësoni më shumë rreth përmbajtjes në ekranin e iPhone.

Një telefonatë në aplikacionin Phone që tregon një bisedë të përkthyer nga gjermanishtja në anglisht.

Camera. Një dizajn i thjeshtuar nxjerr në pah modalitetet Photo dhe Video për akses me shpejtësi, ndërsa modalitetet e tjera të kamerës janë vetëm një rrëshqitje larg. Kontrollet e kamerës janë të grupuara tani së bashku në ekran, duke e bërë më të lehtë rregullimin e cilësimeve të kamerës në çast. Shikoni Ndërrimi i modaliteteve të kamerës dhe Përdorni mjetet e kamerës së iPhone për të konfiguruar fotografinë tuaj.

Camera në modalitetin Photo. Në fund të ekranit janë butonat për kontrollet e mëposhtme të kamerës. Flash, Live, Timer, Exposure, Styles dhe Aspect.

Phone. Shmangni shpërqendrimet e padëshiruara nga numra të panjohur me Call Screening, një veçori që mbledh informacionet e nevojshme përpara se të bjerë zilja e telefonit, që të mund të merrni një vendim të informuar nëse do të përgjigjeni, do ta refuzoni apo do të kërkoni më shumë informacione. Përdorni Hold Assist që të presë në vendin tuaj dhe t’ju dërgojë më pas një njoftim kur të jetë koha për t'u kthyer në telefonatë. Shikoni Filtroni dhe bllokoni telefonatat në iPhone dhe Merrni një njoftim kur nuk jeni më në pritje.

Aplikacioni Phone shfaq një telefonatë në vazhdim në ekranin e iPhone. Në mes të ekranit është një njoftim që ju pyet nëse duhet ta vendosni në pritje telefonatën dhe të njoftoheni kur të përgjigjeni. Brenda njoftimit është një buton Hold dhe një buton Close.

Messages. Mesazhet nga numra të panjohur filtrohen në një zonë të veçantë të listës suaj të bisedave që ju t'i rishikoni dhe miratoni. Sfondet ju lejojnë të personalizoni bisedat që të gjithë t'i shijojnë duke përdorur sfonde dinamike, fotografitë tuaja ose sfondet që krijoni në Image Playground. Në bisedat në grup, mund të krijoni anketa për t'ju ndihmuar të merrni vendime, të dërgoni para duke përdorur Apple Cash dhe të shikoni treguesit e shkrimit. Shikoni Kontrolloni dhe filtroni mesazhet me tekst në iPhone, Shtoni sfondet në Messages në iPhone, Dërgoni, kërkoni dhe merrni pagesa me Apple Cash në Messages dhe Anketoni njerëzit në Messages në iPhone.

Një bisedë në Messages me një sfond dinamik.

Photos. Një dizajn i përditësuar e bën më të lehtë kalimin midis Library dhe Collections. Tani mund të personalizoni mënyrën se si shfaqen Collections - rirenditini ato, zgjidhni cilat do të mbërtheni dhe zgjidhni nga tre madhësi të paraqitjes: pllakëza më të mëdha, një rrjetë më e dendur ose një strukturë që thekson rreshtin e sipërm. Shikoni Shfletoni bibliotekën tuaj të fotografive në iPhone dhe Shfletoni koleksionet e fotografive në iPhone.

Ekrani Library në aplikacionin Photos.

Maps. Maps mëson itineraret tuaja të preferuara për në vendet ku shkoni shpesh, si puna ose shtëpia. Maps do t'ju njoftojnë për kushtet për itinerarin tuaj të preferuar, si p.sh. vonesat në trafik ose rrugët e mbyllura, përpara se të niseni dhe do t'ju ofrojë një itinerar alternativ. Përdorni Visited Places për të ruajtur vendet ku keni qenë, në mënyrë që t'i kujtoni ato më vonë dhe t'i ndani me miqtë ose familjen. Shikoni Marrja e udhëzimeve të drejtimit të makinës te Maps në iPhone dhe Shikoni dhe menaxhoni Visited Places në Maps në iPhone.

Ekrani Visited Places në aplikacionin Maps.

Games. Një aplikacion i ri ku mund të ndiqni të gjitha lojërat që luani, të zbuloni lojëra të reja, të merrni rekomandime të personalizuara dhe të filloni sfida me miqtë. Shikoni Filloni me aplikacionin Apple Games në iPhone.

Aplikacioni Apple Games që tregon skedën Home, e cila shfaq një ngjarje të veçantë, lojëra për të vazhduar të luani dhe publikimet e reja.

Audio recording. Regjistroni audio dhe video me cilësi të lartë gjatë telefonatave konferencë me video dhe me Camera. Një zgjedhës i ri i të dhënave hyrëse e bën të lehtë për krijuesit të zgjedhin mikrofonin e duhur për çdo aplikacion. Shikoni Regjistroni audio dhe video në iPhone.

Kontrollet për zgjedhjen e një burimi të hyrjes së audios për një telefonatë në FaceTime.

Music. AutoMix përzien pa ndërprerje një këngë me tjetrën në vijim njësoj si një DJ. Shikoni Rregulloni cilësinë e zërit në Music në iPhone.

Reminders. (iOS 26.2) Shënoni një rikujtesë si urgjente për të caktuar një alarm që ju njofton kur është koha e duhur. Shikoni Shtoni detaje në Reminders në iPhone.

Wallet. Kartat e imbarkimit që ruani në Wallet ofrojnë qasje në informacioninet përkatëse në lidhje me fluturimin dhe aeroportin, si dhe në veçoritë e aplikacionit të linjës ajrore. Shikoni Përdorni lejekalimet në Wallet në iPhone.

Një biletë fluturimi në aplikacionin Wallet që tregon informacionin e fluturimit dhe kodin QR në fund.

Digital ID. (iOS 26.1) Në Wallet, krijoni një Digital ID - një ID e verifikuar me pasaportën që mund ta paraqisni në pika të caktuara të kontrollit të Administratës për Sigurinë e Transportit (TSA) në aeroporte për udhëtimet lokale, ose në aplikacione ose sajte uebi të mbështetura që kërkojnë verifikim moshe. Shikoni Shtoni një dokument identifikimi (vetëm në SHBA).

Preview. Aplikacioni Preview është i disponushëm tani në iPhone që të mund të shikoni, modifikoni dhe ndani me lehtësi imazhe dhe dokumente PDF. Skanoni dokumente nga Preview, përdorni Autofill në Preview për të plotësuar me shpejtësi formularët dhe eksportoni imazhet dhe dokumentet PDF në lloje ose madhësi të ndryshme skedarësh. Shikoni Filloni me Preview në iPhone.

Document Browser në Preview. Në mes të ekranit janë butonat New Document, Scan Documents, More dhe Search. Në fund të ekranit janë butonat Recents, Shared dhe Browse

Clock. Caktoni një kohë të personalizuar shtyrjeje për alarmin tuaj që të përputhet me zakonet e tua të preferuara të gjumit. Shikoni Caktimi i një alarmi.

Ekrani Add Alarm ë aplikacionin Clock. Butoni Snooze është i aktivizuar dhe Snooze Duration është vendosur në një kohë të personalizuar prej 12 minutash.

Accessibility. Braille Access prezanton një eksperiencë tërësisht të re të projektuar për përdoruesit e shkrimit breil me një ekran të lidhur breil që bën të mundur mbajtjen e shënimeve, leximin e dokumenteve, qasjen në Live Captions dhe më shumë. Vehicle Motion Cues ndihmon për të minimizuar të përzierat nga lëvizja për pasagjerët në automjete në lëvizje. Mund t’i përdorni përkohësisht cilësimet e Accessibility edhe në pajisjen e dikujt tjetër. Shikoni Përdorni Braille Access me një ekran braille në iPhone, Përdorni iPhone me më shumë lehtësi kur jeni në një automjet dhe Ndani cilësimet e Accessibility me një pajisje tjetër në iPhone.

Një iPhone me menynë Braille Access të hapur, që shfaq opsionet e mëposhtme: Launch App, Choose Item, Braille Notes, BRF Files, Calculator, Live Captions dhe Time.

Family. Gjatë konfigurimit të pajisjes, prindërit mund të specifikojnë nëse po konfigurojnë një pajisje për një fëmijë më të madh, të moshës 13–17 vjeç, dhe mbrojtjet e përshtatshme për moshën aktivizohen automatikisht. Shikoni Ndani grupmoshën me aplikacionet në iPhone.

Ekrani i prezantimit për veçoritë e Age-Appropriate Experiences in Apps.

Journal. Krijoni ditarë të shumtë për aspekte të ndryshme të jetës suaj. Ndërsa shkruani, përfshini vizatime të integruara në tekst dhe më pas shikoni vendndodhjen e shënimeve të ditarit tuaj në një hartë. Shikoni Krijoni shumë ditarë, Shtoni formatimin, fotografitë dhe më shumë në Journal në iPhone dhe Shikoni dhe kërkoni te regjistrimet e ditarit në iPhone.

Aplikacioni Journal që tregon një regjistrim në ditar. Në krye të regjistrimit është një rrjetë që përfshin disa fotografi dhe një hartë.

CarPlay. Dizajni i ri e bën CarPlay një mënyrë më të lehtë dhe më të sigurt për të përdorur telefonin tuaj iPhone kur drejtoni makinën. Reagimet me prekje në Messages e bëjnë të lehtë të përgjigjeni me shpejtësi për mesazhet që merrni gjatë drejtimit të makinës. Miniaplikacionet ju lejojnë të qëndroni në kontakt me aplikacionet tuaja të preferuara me një shikim dhe Live Activities në panelin e kontrollit ju lejojnë t’i ndiqni ngjarjet në kohë reale. Shikoni Reagoni me Tapbacks, Shtoni një miniaplikacion për CarPlay dhe Shikoni Live Activities në CarPlay.

Weather. Shtoni një miniaplikacion të Weather në Smart Stack për një destinacion të ardhshëm. Regjistrohuni për të marrë sinjalizime për motin e ashpër për atë vendndodhje. Shikoni Merr njoftime për motin për një vendndodhje të sugjeruar.

Mësoni sugjerime për iOS 26. Aplikacioni Tips shton sugjerime të reja rregullisht në mënyrë që të mund të merrni maksimumin nga iPhone. Shikoni Marrja e këshillave.

Shënim: Funksionet dhe aplikacionet e reja mund të ndryshojnë në varësi të modelit tuaj të iPhone, rajonit, gjuhës dhe operatorit.

*Apple Intelligence është i disponueshëm në versionin beta me mbështetje për gjuhët e mëposhtme: anglisht, danisht, holandisht, frëngjisht, gjermanisht, italisht, norvegjisht, portugalisht, spanjisht, suedisht, turqisht, kinezisht (e thjeshtuar), kinezisht (tradicionale), japonisht, koreanisht dhe vietnamisht. Disa veçori mund të mos jenë të disponueshme në të gjitha gjuhët ose rajonet. Për më shumë informacione për disponueshmërinë e veçorive dhe gjuhës dhe kërkesat e sistemit, shihni artikullin Si të merrni Apple Intelligence të Apple Support.
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.