iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Organizimi i emaileve në kuti postare në iPhone

Tek aplikacioni Mail , mund të menaxhoni emailet në kutitë postare.

Menaxhimi i emaileve me një rrëshqitje

Kur shikoni një listë emailesh, mund të përdorni një rrëshqitje të thjeshtë për të lëvizur emailet individuale te Trash, për t’i shënuar si të lexuara etj. Kryeni një nga më poshtë:

  • Për të zbuluar një listë të veprimeve, zvarritni ngadalë majtas një email derisa të shfaqet menyja dhe më pas prekni një artikull.

  • Për të përdorur me shpejtësi veprimin e parë djathtas, rrëshqitni shpejt majtas deri në fund.

  • Rrëshqitni shpejt djathtas për të zbuluar veprime të tjera.

Për të zgjedhur veprimet që dëshironi të shfaqen nëpër meny, shkoni te Settings > Mail > Swipe Options (nën Message List).

Organizimi i postës me kutitë postare

Mund të zgjidhni kutitë postare që do të shikoni, të renditni përsëri kutitë postare, të krijoni kuti postare të reja ose të riemërtoni apo të fshini kutitë postare. (Disa kuti postare nuk mund të ndryshohen.)

Ekrani i redaktimit të Mailboxes. Kutitë postare opsionale renditen nga lart poshtë me një kuti kontrolli në të majtë të çdo opsioni. Në këndin e poshtëm djathtas të ekranit ka një buton të emërtuar New Mailbox.

Për të organizuar kutitë tuaja postare, prekni butonin Back në këndin lart majtas derisa të shikoni Mailboxes. Prekni Edit, pastaj kryeni njërën nga sa më poshtë:

  • Shikoni kutitë postare: Zgjidhni kutitë e zgjedhjes në krah të kutive postare që dëshironi të përfshini në listën e kutive postare.

  • Renditni përsëri kutitë postare: Prekni dhe mbani shtypur butonin Reorder në krah të një kutie postare derisa të ngrihet, pastaj zvarriteni në pozicionin e ri.

  • Krijoni një kuti të re postare: Prekni New Mailbox në këndin poshtë djathtas dhe më pas ndiqni udhëzimet në ekran.

  • Riemërtoni një kuti postare: Prekni kutinë postare dhe më pas prekni titullin. Fshini emrin dhe më pas shkruani një emër të ri.

  • Fshini një kuti postare: Prekni kutinë postare dhe më pas prekni Delete Mailbox.

Lëvizja ose shënimi i disa emaileve

  1. Kur shihni një listë emailesh, prekni Edit.

  2. Zgjidhni emailet që dëshironi të lëvizni apo të shënoni duke u prekur kutitë përzgjedhëse.

    Këshillë: Për të zgjedhur me të shpejtë disa emaile së bashku, rrëshqisni poshtë përgjatë kutive përzgjedhëse.

  3. Prekni Mark, Move ose Trash në fund të ekranit.

Shikimi i emaileve nga një llogari e vetme

Nëse përdorni disa llogari emaili me aplikacionin Mail, mund të përdorni listën e kutive postare për të shikuar emailet nga secila llogari.

Prekni butonin Back në këndin lart majtas derisa të shikoni Mailboxes dhe më pas prekni një kuti postare nën llogarinë e emailit që dëshironi të hapni.

Çdo kuti postare e listuar nën një llogari të veçantë emaili shfaq vetëm emailet nga ajo llogari. Për shembull, për të parë vetëm emailet e dërguara nga llogaria juaj e iCloud, prekni iCloud dhe më pas prekni Sent.

Zhvendoseni një email tek emailet e padëshiruara

Për ta lëvizur një email në dosjen Junk, hapeni, prekni butoni Reply, pastaj prekni Move to Junk.

Shiko gjithashtuRaportimi i emaileveFiltrimi i emailevePërdorimi i Hide My Email
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.