Organizimi i emaileve te Mail në iPhone

Në aplikacionin Mail , përdorni kutitë postare për të menaxhuar emailet tuaja.

Menaxhimi i emaileve me një rrëshqitje

Kur shikoni listën e emaileve, mund të përdorni një rrëshqitje të vetme për të zhvendosur emailet individuale te koshi, t’i shënoni si të lexuara dhe më shumë.

Për të zbuluar një listë të veprimeve, rrëshqitni ngadalë majtas te një email deri sa të shikoni menynë dhe më pas prekni një artikull. Për të përdorur veprimin e parë, rrëshqitni shpejt majtas deri në fund.

Rrëshqitni djathtas për të zbuluar një veprim tjetër.

Për të zgjedhur veprimet që dëshironi të shfaqen nëpër meny, shkoni te Settings > Mail > Swipe Options.

Organizimi i postës me kutitë postare

Prekni Edit te lista e kutive postare për të krijuar një të re ose për të riemërtuar apo fshirë ndonjë. (Disa kuti postare nuk mund të ndryshohen.)

Ka disa kuti postare inteligjente, si p.sh. Unread, që shfaqin emaile nga të gjitha llogaritë tuaja. Prekni ato që doni të përdorni.

Vendosja e një kutie postare si të preferuar

Kutitë e preferuara postare shfaqen në krye të listës Mailboxes në mënyrë që të mund t'i hapni me lehtësi. Për ta përcaktuar një kuti postare si të preferuar, ndiqni këta hapa:

Prekni Edit kur shikoni listën për Mailboxes.
Prekni Add Mailbox, pastaj zgjidhni kutinë postare për ta shtuar.

Lëvizja ose shënimi i disa emaileve

Kur shihni një listë emailesh, prekni Edit.
Zgjidhni disa emaile, pastaj zgjidhni një veprim.
Nëse ndryshoni mendje, tundni menjëherë iPhone për t'i rikthyer.

Shfaqja e emaileve draft nga të gjitha llogaritë tuaja

Kur shikoni listën për Mailboxes, prekni Edit.
Prekni Add Mailbox, pastaj aktivizoni kutinë postare për All Drafts.

I dobishëm?

Manuali i përdorimit të iPhone