iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Kryerja e një telefonate FaceTime në grup në iPhone

Në aplikacionin FaceTime , mund të ftoni deri në 32 pjesëmarrës në një telefonatë Group FaceTime (nuk është në dispozicion në të gjitha rajonet; iOS 12.1.4 ose version më i lartë).

Shënim: iPhone 5s, iPhone 6 dhe iPhone 6 Plus mbështesin vetëm telefonatat me audio të FaceTime në grup.

Nisja e një telefonate FaceTime në grup

  1. Në FaceTime, prekni butoni Add djathtas lart.

  2. Shkruani emrat ose numrat e personave që dëshironi të telefononi në fushën e hyrjes në krye.

    Mund dhe të prekni butonin Add Contact për të hapur Contacts dhe për t’i shtuar personat atje.

  3. Prekni Video për të kryer një telefonatë me video ose prekni Audio për të kryer një telefonatë me audio me FaceTime.

Një telefonatë FaceTime në grup me katër pjesëmarrës, duke përfshirë organizatorin. Çdo pjesëmarrës shfaqet në një pllakëz më vete, me pllakëzat më të mëdha që tregojnë pjesëmarrësit më aktivë.

Çdo pjesëmarrës shfaqet në një pllakëz në ekran. Kur një pjesëmarrës flet ose prekni pllakëzën, ajo pllakëz kalon përpara dhe bëhet më e dallueshme. Pllakëzat që nuk mund të përshtaten në ekran shfaqen në një rresht në fund. Për të gjetur një pjesëmarrës që nuk e shikoni, rrëshqitni në rresht. (Inicialet e pjesëmarrësit mund të shfaqen në pllakëz nëse një imazh nuk është i disponueshëm.)

Nisja e një telefonate FaceTime në grup nga një bisedë me Messages në grup

Në bisedën me Messages në grup, mund të nisni një telefonatë FaceTime në grup me të njëjtët persona me të cilët po bisedoni te biseda e Messages.

  1. Në bisedën e Messages, prekni fotografitë e profilit ose butoni My Account, në krye të bisedës.

  2. Prekni FaceTime.

Shtimi i një personi tjetër në një telefonatë

Çdo pjesëmarrës mund të shtojë një person tjetër në çdo kohë gjatë një telefonate Group FaceTime.

  1. Gjatë një telefonate me FaceTime, prekni tek ekrani për të hapur kontrollet, rrëshqitni lart nga kreu i kontrolleve dhe më pas prekni Add Person.

  2. Shkruani emrin, Apple ID ose numrin e telefonit të personit që dëshironi të shtoni në fushën e hyrjes në krye.

    Ose prekni butoni Add për të shtuar dikë nga Contacts.

  3. Prekni Add Person to FaceTime.

Përfshirja në një telefonatë FaceTime në grup

Kur dikush ju fton të bashkoheni në një telefonatë Group FaceTime, ju do të shikoni telefonatën hyrëse. Nëse e refuzoni telefonatën, ju do të merrni një njoftim se mund të prekni për t’u bashkuar te telefonata në çdo kohë kur ajo është aktive.

Dalja nga telefonata Group FaceTime

Për të dalë nga një telefonatë në grup në çdo kohë, prekni butonin Leave call.

Telefonata mbetet aktive nëse ka dy a më shumë pjesëmarrës.

Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.