Kryerja e pagesave pa kontakt me anë të Apple Pay në iPhone
Me Apple Cash, kartat tuaja të debitit dhe të kreditit të ruajtura në aplikacionin Wallet 
në iPhone, mund të përdorni Apple Pay për pagesa të sigurta dhe pa kontakt në dyqane, në stacione të transportit publik dhe më shumë.
Gjetja e vendeve që pranojnë Apple Pay
Mund të përdorni Apple Pay kudo ku shikoni një nga këto simbole:
Në Japoni, lexuesit pa kontakt mund të shfaqin dhe simbolet e mëposhtme:
Pyet Siri. Thoni diçka si:
“Where can I use my Apple Pay?”
“Show me coffee shops that take Apple Pay”
“Gas stations that accept Apple Pay”
Paguani me kartën tuaj standarde në iPhone X e lart
Klikoni dy herë mbi butonin anësor.
Kur të shfaqet karta juaj standarde, hidhini një sy iPhone për t'u autentikuar me Face ID ose vendosni kodin.
Mbajeni pjesën e sipërme të iPhone pak centimetra nga aparati lexues pa kontakt derisa të shihni Done dhe shenjën e përzgjedhjes në ekran.
Shikoni demonstrimin për të shikuar se si funksionon.
Paguani me kartën tuaj standarde në iPhone 8 e poshtë
Mbajeni gishtin mbi Touch ID.
Mbajeni pjesën e sipërme të iPhone pak centimetra nga aparati lexues pa kontakt derisa të shihni Done dhe shenjën e përzgjedhjes në ekran.
Shikoni demonstrimin për të shikuar se si funksionon.
Paguani me kartë tjetër në vend të kartës suaj standarde
Kur të shfaqet karta juaj standarde, prekeni, pastaj zgjidhni një kartë tjetër.
Autentikohuni me Face ID, Touch ID ose me kodin tuaj.
Mbajeni pjesën e sipërme të iPhone pak centimetra nga aparati lexues pa kontakt derisa të shihni Done dhe shenjën e përzgjedhjes në ekran.
Përdorimi i kartës së shpërblimeve
Në dyqanet pjesëmarrëse mund të merrni apo të përdorni shpërblime kur përdorni Apple Pay.
Shtoni kartën tuaj të shpërblimeve tek Wallet.
Tek arka e dyqanit paraqisni kartën tuaj të shpërblimeve duke e mbajtur iPhone pranë lexuesit pa kontakt.
Apple Pay kalon pastaj në kartën tuaj standarde për të paguar për blerjen. Në disa dyqane mund t'i kaloni së bashku në një hap kartën e shpërblimeve dhe të pagesës. Në dyqane të tjera mund t'ju duhet të prisni derisa arka apo arkëtari t'ju kërkojë pagesën.
Për ta shfaqur automatikisht kartën tuaj të shpërblimeve kur ndodheni në dyqan, prekni 
në kartë, pastaj aktivizoni Automatic Selection.
Pagesa për transport publik
Mund të paguani për rrugën tuaj me anë të Apple Pay. (Nëse përdorni Express Transit, shihni Paguani për rrugën me Express Transit.)
Sigurohuni që pajisja juaj është e ndezur (nuk ka nevojë të jetë e lidhur me ndonjë rrjet).
Kur afroheni te porta e pagesës apo kur hipni në autobus, kryeni një nga më poshtë:
iPhone X e lart: Klikoni dy herë butonin anësor, pastaj hidhini një shikim iPhone për t'u autentikuar me Face ID ose vendosni kodin.
Modelet e tjera: Klikoni dy herë butonin Home me pajisjen në ekranin Lock, pastaj mbajeni gishtin mbi Touch ID.
Mbajeni pjesën e sipërme të iPhone pak centimetra nga aparati lexues pa kontakt në portën e transportit publik derisa të shihni Done dhe shenjën e përzgjedhjes në ekran.
Shikoni artikullin e Mbështetjes së Apple Lëvizja me transportin publik me Apple Pay.
Paguani për rrugën me Express Transit
Me Express Transit (disponohet në rajone të caktuara), nuk ka nevojë të autentikoheni me Face ID, Touch ID apo kodin tuaj dhe nuk ju duhet të aktivizoni apo shkyçni pajisjen, as të hapni ndonjë aplikacion.
Konfiguroni Express Transit; shikoni artikujt e Mbështetjes së Apple Përdorimi i Suica në iPhone ose në Apple Watch në Japoni dhe Përdorimi i Express Transit me Apple Pay në Pekin dhe në Shangai.
Teksa i afroheni sportelit të pagesës apo kur hipni në autobus, sigurohuni që pajisja juaj është e ndezur (nuk ka nevojë të jetë e lidhur me ndonjë rrjet).
Mbajeni pjesën e sipërme të iPhone pak centimetra nga aparati lexues pa kontakt në portën e transportit publik derisa të shihni Done dhe shenjën e përzgjedhjes në ekran.
Në modelet që mbështesin kartat Express me rezervë energjie, kartat tuaja Express mund të jenë të disponueshme për deri në pesë orë kur telefoni juaj iPhone ka nevojë të karikohet. Për të kontrolluar nëse kartat Express janë të disponueshme kur telefoni juaj iPhone ka nevojë të karikohet, shtypni butonin anësor (kryerja shpesh e këtij veprimi mund të zvogëlojë ndjeshëm rezervën e energjisë për kartat Express). Nëse e fikni iPhone, ky funksion nuk është i disponueshëm.
Përdorimi i Apple Pay në dyqane në Japoni
Ju duhet një model iPhone që mbështet Apple Pay në Japoni dhe një kartë e lëshuar nga një bankë në Japoni.
Tregojini arkëtarit se çfarë karte po përdorni, siç tregon ballina e kartës në Wallet.
Përfundoni pagesën.
Shënim: Nëse keni Location Services aktive, vendndodhja e iPhone tuaj në çastin e blerjes mund t'i dërgohet Apple dhe lëshuesit të kartës për të parandaluar mashtrimet. Shikoni Caktimi se cilat aplikacione e dinë vendndodhjen tuaj në iPhone.