iPadOS 26
iPadOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhoneରେ “ସ୍ବାସ୍ଥ୍ଯ” ଆପ୍‌ ମାଧ୍ଯମରେ ବ୍ଯବହାର ଆରମ୍ଭ କରନ୍ତୁ

iPadରେ ଥିବା ସ୍ବାସ୍ଥ୍ଯ ଆପ୍ ବିଭିନ୍ନ ଉତ୍ସରୁ ସ୍ବାସ୍ଥ୍ଯ ଡେଟା ଷ୍ଟୋର୍ କରିଥାଏ: ଆପଣଙ୍କ iPhone, iPad, Apple Watch ଏବଂ ସୁସଙ୍ଗତ ଆପ୍ ଏବଂ ତୃତୀୟ-ପକ୍ଷ ଡିଭାଇସ୍। ଆପଣ କେତେବେଳେ ଔଷଧ ଖାଇବେ, ହେଡ୍‌ଫୋନ୍‌ ସ୍ତର ଯାଞ୍ଚ କରିପାରିବେ, ମାସିକ ଋତୁଚକ୍ର ଟ୍ରାକ୍ ଇତ୍ଯାଦି କରିପାରିବେ।

“ସ୍ବାସ୍ଥ୍ଯ” ଆପ୍‌ରେ ସାରାଂଶ ସ୍କ୍ରୀନ୍‌। କାର୍ଯ୍ଯକଳାପ, ମାନସିକ ସ୍ଥିତି, ଭାଇଟଲ୍‌, ନିଦ୍ରା, ହୃଦସ୍ପନ୍ଦନ ହାର ଏବଂ ଦିବାଲୋକ ସମୟର ସୂଚନା ପିନ୍ ହୋଇଥିବା ତଳେ ଦେଖାଯିବ।

ଗୋଟିଏ ସ୍ଥାନରେ ଆପଣଙ୍କ ସ୍ବାସ୍ଥ୍ଯ ଡେଟା ଖୋଜନ୍ତୁ

iPad ସ୍ବୟଂଚାଳିତ ଭାବରେ ମୂଲ୍ଯବାନ ସ୍ୱାସ୍ଥ୍ଯ ବିବରଣୀ ଷ୍ଟୋର୍ ଏବଂ ବିଶ୍ଳେଷଣ କରିଥାଏ, ଯେଉଁଥିରେ ଆପଣଙ୍କ ମେଡିକଲ୍‌ ପ୍ରଦାନକାରୀଙ୍କ ସ୍ୱାସ୍ଥ୍ଯ ରେକର୍ଡ, ହେଡ୍‌ଫୋନ୍‌ ଅଡିଓ ସ୍ତର ଇତ୍ଯାଦି ଅନ୍ତର୍ଭୁକ୍ତ। ଆପଣ ଖାଉଥିବା ଔଷଧ, ଆପଣଙ୍କ ମାସିକ ଋତୁଚକ୍ର ଏବଂ ଅନ୍ଯାନ୍ଯ ବିଷୟରେ ସୂଚନା ମଧ୍ଯ ଆପଣ ମାନୁଅଲ୍‌ ଭାବରେ ଯୋଡ଼ିପାରିବେ। ଆପଣଙ୍କ ସମସ୍ତ ସ୍ବାସ୍ଥ୍ଯ ଡେଟା ଡିସ୍‌ପ୍ଲେ କରିବା ପାଇଁ, ସ୍ବାସ୍ଥ୍ଯ ଆପ୍ ଖୋଲନ୍ତୁ ଏବଂ ହାଇଲାଇଟ୍ ଦେଖିବା ପାଇଁ ତଳକୁ ସ୍କ୍ରୋଲ୍ କରନ୍ତୁ।

ସ୍ବାସ୍ଥ୍ଯ ଆପ୍‌ର ବିବରଣୀ ସ୍କ୍ରୀନ୍‌, ଯେଉଁଥିରେ ନାମ, ଜନ୍ମ ତାରିଖ, ଲିଙ୍ଗ, ରକ୍ତ ପ୍ରକାର ଏବଂ ଅନ୍ଯାନ୍ଯ ସୂଚନା ପାଇଁ ଫିଲ୍ଡ୍‌ ଅନ୍ତର୍ଭୁକ୍ତ ଅଛି।

ଆପଣଙ୍କ ସ୍ବାସ୍ଥ୍ଯ ସମ୍ବନ୍ଧୀୟ ବିବରଣୀ ପୂରଣ କରନ୍ତୁ

ଆପଣଙ୍କ ଅଭିଜ୍ଞତାକୁ ପର୍ସନଲାଇଜ୍ କରିବାକୁ, ସ୍ବାସ୍ଥ୍ଯ ବିବରଣୀରେ ଆପଣଙ୍କ ନାମ, ଜନ୍ମ ତାରିଖ, ଲିଙ୍ଗ ଏବଂ ଅନ୍ଯାନ୍ଯ ମୌଳିକ ସୂଚନା ଯୋଡ଼ନ୍ତୁ। ଆପଣଙ୍କ ସ୍ୱାସ୍ଥ୍ୟ ସମ୍ବନ୍ଧୀୟ ବିବରଣୀ ଏଡିଟ୍‌ କରିବା ପାଇଁ, ଆପଣଙ୍କ ପିକ୍ଚର୍‌ କିମ୍ବା ଶୀର୍ଷ ବାମ ପାର୍ଶ୍ବରେ ପ୍ରଥମ ଅକ୍ଷର ପାଖରେ ପ୍ରୋଫାଇଲ୍‌ରେ ଟ୍ୟାପ୍ କରନ୍ତୁ, ସ୍ବାସ୍ଥ୍ଯ ସମ୍ବନ୍ଧୀୟ ବିବରଣୀରେ ଟାପ୍ କରନ୍ତୁ, ତା’ପରେ “ଏଡିଟ୍‌ କରନ୍ତୁ”ରେ ଟାପ୍ କରନ୍ତୁ।

ସ୍ବାସ୍ଥ୍ଯ ଆପ୍‌ରେ ଔଷଧ ସ୍କ୍ରୀନ୍‌ ଔଷଧ ପାଇଁ ତାରିଖ ଏବଂ ଲଗ୍ ଦେଖାଉଛି।

ଆପଣଙ୍କ ଔଷଧ ଶେଡ୍ଯୂଲ୍ କରନ୍ତୁ

ଆପଣ ଖାଉଥିବା ଔଷଧଗୁଡ଼ିକର ଏକ ଲିଷ୍ଟ୍ ତିଆରି କରନ୍ତୁ, କେତେବେଳେ ଖାଇବାକୁ ହେବ ତାହା ଶେଡ୍ଯୂଲ୍‌ କରନ୍ତୁ ଏବଂ କଲା ପରେ ତାହା ଲଗ୍ କରନ୍ତୁ। ଏକ ନୂଆ ଔଷଧ ଯୋଡ଼ିବାକୁ ସାଇଡ୍‌ବାର୍ ବଟନ୍‌ରେ ଟାପ୍ କରନ୍ତୁ, “ଔଷଧ”ରେ ଟାପ୍ କରନ୍ତୁ, ତା’ପରେ “ଏକ ଔଷଧ ଯୋଡ଼ନ୍ତୁ”ରେ ଟାପ୍ କରନ୍ତୁ।

ସ୍କ୍ରୀନ୍‌ର ଶୀର୍ଷରେ ଏକ ସପ୍ତାହର ଟାଇମ୍‌ଲାଇନ୍‌ ଦେଖାଉଥିବା ଋତୁଚକ୍ର ଟ୍ରାକିଂ ସ୍କ୍ରୀନ୍। କଠିନ ଲାଲ୍ ବୃତ୍ତ ଏବଂ ବାଇଗଣୀ ବିନ୍ଦୁ ଟାଇମଲାଇନ୍‌ରେ ପ୍ରଥମ 5 ଦିନ ଚିହ୍ନିତ କରେ। ଟାଇମ୍‌ଲାଇନ୍‌ ତଳେ ଋତୁସ୍ରାବ, ଲକ୍ଷଣ ଇତ୍ଯାଦି ବିଷୟରେ ସୂଚନା ଯୋଡ଼ିବାର ବିକଳ୍ପ ଅଛି।

ଆପଣଙ୍କ ମାସିକ ଋତୁଚକ୍ର ଟ୍ରାକ୍ କରନ୍ତୁ

ଋତୁଚକ୍ର ଟ୍ରାକିଂ ଜରିଆରେ ଆପଣ ଋତୁସ୍ରାବ ଲଗ୍ କରିପାରିବେ, ଯନ୍ତ୍ରଣା ଭଳି ଲକ୍ଷଣଗୁଡ଼ିକ ରେକର୍ଡ୍‌ କରିପାରିବେ ଏବଂ ସ୍ତନ୍ଯପାନ ଭଳି କାରକ ଚକ୍ରକୁ ଟ୍ରାକ୍ କରିପାରିବେ। ଆପଣଙ୍କ ପରବର୍ତ୍ତୀ ଋତୁସ୍ରାବ କିମ୍ବା ଫର୍ଟାଇଲ୍‌ ୱିଣ୍ଡୋ କେବେ ଆରମ୍ଭ ହେବ ତାହା ପୂର୍ବାନୁମାନ କରିବାରେ ସହାୟତା କରିବାକୁ ମଧ୍ଯ ଆପଣ ଏହାକୁ ବ୍ଯବହାର କରିପାରିବେ। ଋତୁଚକ୍ର ଟ୍ରାକିଂ ସେଟ୍ ଅପ୍ କରିବାକୁ, ସାଇଡ୍‌ବାର୍ ବଟନ୍‌ରେ ଟାପ୍‌ କରନ୍ତୁ, ଋତୁଚକ୍ର ଟ୍ରାକିଂରେ ଟାପ୍‌ କରନ୍ତୁ, ତା’ପରେ “ଋତୁଚକ୍ର ଟ୍ରାକିଂ ସେଟ୍ ଅପ୍ କରନ୍ତୁ”ରେ ଟାପ୍‌ କରନ୍ତୁ।

ଅଧିକ ଜାଣିବାକୁ ଚାହୁଁଛନ୍ତି କି?

Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.