iPadOS 26
iPadOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPadରେ ଇମେଲ୍ ଆକାଉଣ୍ଟ୍‌ ଯୋଡ଼ନ୍ତୁ ଓ କାଢ଼ନ୍ତୁ

Mail ଆପ୍ , ବ୍ଯବହାର କରି ଇମେଲ୍ ପଠାଇବା ଏବଂ ଗ୍ରହଣ କରିବା ପାଇଁ ଆପଣ ବ୍ଯବହାର କରିବାକୁ ଚାହୁଁଥିବା ଇମେଲ୍ ଆକାଉଣ୍ଟ୍‌ଗୁଡ଼ିକୁ ଯୋଡ଼ିବା ଆବଶ୍ଯକ। ଯେତେବେଳେ ଆପଣ ପ୍ରଥମ ଥର ପାଇଁ Mail ଖୋଲନ୍ତି, ଆପଣଙ୍କୁ ଏକ ଆକାଉଣ୍ଟ୍ ସେଟ୍ ଅପ୍ କରିବା ପାଇଁ କୁହାଯାଏ। ଯେକୌଣସି ସମୟରେ, ଆପଣ ନିଜ iPadରେ ଅତିରିକ୍ତ ଇମେଲ୍ ଆକାଉଣ୍ଟ୍‌ ଯୋଡ଼ିପାରିବେ କିମ୍ବା ଆପଣଙ୍କର ଆଉ ଦରକାର ନଥିବା ଇମେଲ୍ ଆକାଉଣ୍ଟ୍‌କୁ କାଢ଼ିପାରିବେ।

ଏକ ଇମେଲ୍ ଆକାଉଣ୍ଟ୍ ଯୋଡ଼ନ୍ତୁ

ଆପଣ Mail ଆପ୍‌ରେ ଗୋଟିଏ କିମ୍ବା ଅଧିକ ଇମେଲ୍ ଆକାଉଣ୍ଟ୍‌କୁ ଯୋଡ଼ିପାରିବେ ଯାହା ଦ୍ୱାରା ଆପଣ ଆପଣଙ୍କର ସମସ୍ତ ଇମେଲ୍ ଗୋଟିଏ ସ୍ଥାନରେ ପ୍ରାପ୍ତ କରିପାରିବେ ଏବଂ ଆପଣଙ୍କ ଯେକୌଣସି ଆକାଉଣ୍ଟ୍‌ରୁ ସହଜରେ ଇମେଲ୍ ପଠାଇପାରିବେ।

  1. ସେଟିଂସ୍‌  > ଆପ୍‌ > Mailକୁ ଯାଆନ୍ତୁ।

  2. Mail ଆକାଉଣ୍ଟ୍‌ରେ ଟାପ୍‌ କରନ୍ତୁ, ତା’ପରେ “ଆକାଉଣ୍ଟ୍‌ ଯୋଡ଼ନ୍ତୁ”ରେ ଟାପ୍‌ କରନ୍ତୁ।

  3. ଆପଣ ବ୍ଯବହାର କରିବାକୁ ଚାହୁଁଥିବା ଇମେଲ୍ ସେବାରେ ଟାପ୍ କରନ୍ତୁ—ଉଦାହରଣ ସ୍ୱରୂପ, iCloud, Microsoft Exchange, କିମ୍ବା Gmail (Google)—ତା’ପରେ ଆପଣଙ୍କ ଇମେଲ୍ ଆକାଉଣ୍ଟ୍‌ ସମ୍ବନ୍ଧୀୟ ସୂଚନା ଲେଖନ୍ତୁ।

    ଯଦି ଆପଣଙ୍କ ଇମେଲ୍ ସେବା ଲିଷ୍ଟ୍ ହୋଇନାହିଁ, ତେବେ “ଅନ୍ଯ”ରେ ଟାପ୍ କରନ୍ତୁ, “Mail ଆକାଉଣ୍ଟ୍‌ ଯୋଡ଼ନ୍ତୁ”ରେ ଟାପ୍ କରନ୍ତୁ, ତା’ପରେ ଆପଣଙ୍କ ଇମେଲ୍ ଆକାଉଣ୍ଟ୍‌ ସୂଚନା ଲେଖନ୍ତୁ।

ଧ‍୍ୟାନ ଦିଅନ୍ତୁ: ଯଦି ଆପଣ ଏକାଧିକ ଆକାଉଣ୍ଟ୍‌ ସେଟ୍ ଅପ୍ କରିଛନ୍ତି, ତେବେ ଆପଣ ନିଜ ଇମେଲ୍ ମେସେଜ୍ କମ୍ପୋଜ୍ କରିବା ସମୟରେ ଆପଣ କେଉଁ ଆକାଉଣ୍ଟ୍‌ରୁ ପଠାଇବାକୁ ଚାହୁଁଛନ୍ତି ତାହା ବାଛିପାରିବେ। Mailରେ ଇମେଲ୍ ପଠାନ୍ତୁ ଦେଖନ୍ତୁ।

ଇମେଲ୍ ଆକାଉଣ୍ଟ୍‌କୁ ବ୍ୟବହାର କରିବା ଅସ୍ଥାୟୀ ଭାବେ ବନ୍ଦ କରନ୍ତୁ

ଯଦି ଆପଣ ନିଜ iPadରେ ଏକ ଆକାଉଣ୍ଟ୍‌ରୁ ଇମେଲ୍ ପଠାଇବା ଏବଂ ଗ୍ରହଣ କରିବା ଅସ୍ଥାୟୀ ଭାବରେ ବନ୍ଦ କରିବାକୁ ଚାହୁଁଛନ୍ତି, ତେବେ ଆପଣ ସେଟିଂସ୍‌ରେ ଏହାକୁ ବନ୍ଦ କରିପାରିବେ। ଆପଣ ଏହାକୁ ଯେକୌଣସି ସମୟରେ ସହଜରେ ପୁନଃ ଚାଲୁ କରିପାରିବେ।

  1. ସେଟିଂସ୍‌  > ଆପ୍‌ > Mailକୁ ଯାଆନ୍ତୁ।

  2. Mail ଆକାଉଣ୍ଟ୍‌ରେ ଟାପ୍ କରନ୍ତୁ, ଆପଣ ବନ୍ଦ କରିବାକୁ ଚାହୁଁଥିବା ଇମେଲ୍ ଆକାଉଣ୍ଟ୍‌ରେ ଟାପ୍ କରନ୍ତୁ, ତା’ପରେ ନିମ୍ନଲିଖିତ ମଧ୍ଯରୁ ଗୋଟିଏ କରନ୍ତୁ:

    • ଏକ iCloud ଇମେଲ୍ ଆକାଉଣ୍ଟ୍ ବନ୍ଦ କରନ୍ତୁ: “ଏହି iPadରେ ବ୍ୟବହାର କରନ୍ତୁ” ବନ୍ଦ କରନ୍ତୁ।

    • ଅନ୍ୟ ଏକ ଇମେଲ୍ ଆକାଉଣ୍ଟ୍ ବନ୍ଦ କରନ୍ତୁ: Mail ବନ୍ଦ କରନ୍ତୁ।

ଟିପ୍‌: ଆପଣ ଏହି ଆକାଉଣ୍ଟ୍ ମାଧ୍ଯମରେ—କଣ୍ଟାକ୍ଟ୍‌, କ୍ଯାଲେଣ୍ଡର୍‌ ଏବଂ ରିମାଇଣ୍ଡର୍ ସମେତ ଅନ୍ଯ ଆପ୍ ବ୍ଯବହାର କରିବା ଜାରି ରଖିବାକୁ ଚାହୁଁଛନ୍ତି କି ନାହିଁ ତାହା ଆପଣ ବାଛିପାରିବେ। ପ୍ରତ୍ୟେକ ଆପ୍‌ ଅନ୍ କିମ୍ବା ଅଫ୍ କରନ୍ତୁ।

ଇମେଲ୍ ଆକାଉଣ୍ଟ୍‌କୁ ଡିଲିଟ୍ କରନ୍ତୁ

ଗୋଟିଏ ଇମେଲ୍‌ ଆକାଉଣ୍ଟ୍‌କୁ ଆପଣ Mail ଆପ୍ ଏବଂ ଆପଣଙ୍କ iPadରେ ଏହାକୁ ବ୍ଯବହାର କରୁଥିବା ସମସ୍ତ ଆପ୍‌ରୁ କାଢ଼ିପାରିବେ।

ଧ‍୍ୟାନ ଦିଅନ୍ତୁ: ଏହି କାର୍ଯ୍ଯ ଇମେଲ୍ ଆକାଉଣ୍ଟ୍‌କୁ ବାତିଲ୍‌ କରେ ନାହିଁ; ଏହା କେବଳ ଏହାକୁ ଆପଣଙ୍କ iPadରୁ କାଢ଼ିଦିଏ। ଆକାଉଣ୍ଟ୍‌କୁ ସମ୍ପୂର୍ଣ୍ଣ ରୂପେ ବନ୍ଦ କରିବା ପାଇଁ, ଆପଣଙ୍କ ଇମେଲ୍ ଆକାଉଣ୍ଟ୍‌ ପ୍ରଦାନକାରୀକୁ ଯାଆନ୍ତୁ।

  1. ସେଟିଂସ୍‌  > ଆପ୍‌ > Mailକୁ ଯାଆନ୍ତୁ।

  2. Mail ଆକାଉଣ୍ଟ୍‌ରେ ଟାପ୍ କରନ୍ତୁ, ଆପଣ ନିଜ iPadରୁ କାଢ଼ିବାକୁ ଚାହୁଁଥିବା ଇମେଲ୍ ଆକାଉଣ୍ଟ୍‌ରେ ଟାପ୍ କରନ୍ତୁ, ତା’ପରେ “ସାଇନ୍ ଆଉଟ୍ କରନ୍ତୁ” କିମ୍ବା “ଆକାଉଣ୍ଟ୍‌ ଡିଲିଟ୍ କରନ୍ତୁ”ରେ ଟାପ୍ କରନ୍ତୁ।

    ଧ‍୍ୟାନ ଦିଅନ୍ତୁ: ଯଦି ଆପଣ ପରେ ନିଜର ମନ ପରିବର୍ତ୍ତନ କରନ୍ତି, ତେବେ ଆପଣ ଇମେଲ୍ ଆକାଉଣ୍ଟ୍‌କୁ ନିଜ iPadରେ ପୁଣି ଯୋଡ଼ିପାରିବେ। ଏକ ଇମେଲ୍ ଆକାଉଣ୍ଟ୍ ଯୋଡ଼ନ୍ତୁରେ ଷ୍ଟେପ୍‌ଗୁଡ଼ିକ ଅନୁସରଣ କରନ୍ତୁ।

ଆପଣଙ୍କ ହୋମ୍ ସ୍କ୍ରୀନ୍‌ରେ Mail ଆପ୍‌କୁ ପୁଣି ଯୋଡ଼ନ୍ତୁ

ଯଦି ଆପଣ ନିଜ ହୋମ୍ ସ୍କ୍ରୀନ୍‌ରେ Mail ଆପ୍‌ ଦେଖିପାରୁ ନାହାନ୍ତି, ତେବେ ଆପଣ ଏହାକୁ ଆପ୍ ଲାଇବ୍ରେରୀରେ ପାଇପାରିବେ ଏବଂ ଏହାକୁ ପୁଣି ଯୋଡ଼ିପାରିବେ।

  1. ହୋମ୍ ସ୍କ୍ରୀନ୍‌ରେ, ଆପ୍ ଲାଇବ୍ରେରି ନ ଦେଖାଯିବା ପର୍ଯ୍ଯନ୍ତ ବାମକୁ ସ୍ୱାଇପ୍ କରନ୍ତୁ।

  2. ସର୍ଚ୍ଚ୍‌ ଫିଲ୍ଡରେ “Mail” ଲେଖନ୍ତୁ।

  3. Mail ଆପ୍ ଆଇକନ୍କୁ ସ୍ପର୍ଶ କରି ହୋଲ୍ଡ୍‌ କରନ୍ତୁ, ତା'ପରେ “ହୋମ୍ ସ୍କ୍ରୀନ୍‌ରେ ଯୋଡ଼ନ୍ତୁ”ରେ ଟାପ୍‌ କରନ୍ତୁ।

ଆପଣଙ୍କ ପାଇଁ ଠିକ୍ ହେବା ପରି ଆପଣଙ୍କ ହୋମ୍ ସ୍କ୍ରୀନ୍‌କୁ ପୁନଃ ବ୍ଯବସ୍ଥିତ କରିବା ପାଇଁ ଆପ୍ ଏବଂ ୱିଜେଟ୍ ମୂଭ୍ କରନ୍ତୁ ଦେଖନ୍ତୁ।

ଏହା ମଧ‍୍ୟ ଦେଖନ୍ତୁiPadରେ ଥିବା Mail ଆପ୍‌ରେ ଆପଣଙ୍କ ଇମେଲ୍ ଯାଞ୍ଚ କରନ୍ତୁiPadରେ ଥିବା Mail ଆପ୍‌ରେ ଇମେଲ୍ ପଠାନ୍ତୁiPadରେ ଥିବା iCloud Mailରେ ଏକ କଷ୍ଟମ୍ ଇମେଲ୍ ଡୋମେନ୍ ସେଟ୍ ଅପ୍ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.