iOS 26
iOS 18
iOS 17
iOS 16
iOS 15
iOS 14
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone ရှိ Health တွင် အိပ်စက်မှုအချိန်ဇယားများကို ထည့်သွင်းခြင်း သို့မဟုတ် ပြင်ဆင်ခြင်း

Health အက်ပ် တွင် သင်၏ ပထမဆုံးအိပ်စက်မှုအချိန်ဇယားကို သတ်မှတ်ပြီးပါက ထပ်တိုးအချိန်ဇယားများကို သတ်မှတ်နိုင်ရာ—ဥပမာ ကြားရက်များနှင့် ပိတ်ရက်များအတွက် အချိန်ဇယားသီးသန့်စီဖန်တီးနိုင်သည်။ သင်ဖန်တီးသော မည်သည့်အချိန်ဇယားကိုမဆို ပြုပြင်နိုင်ပေရာ—ဥပမာ အချိန်ဇယားတိုင်းအတွက် နိုးထချိန်နှိုးစက်ကို ပြောင်းလဲနိုင်သည်။

သင်၏ သော့ခတ်ထားသည့်ဖန်သားပြင်ကို ရိုးစင်းသောပုံစံပြင်ဆင်ပြီး Do Not Disturb ကိုဖွင့်ပေးသော အိပ်စက်မှုမုဒ်သည် သင်အချိန်ဇယားချထားသော အိပ်စက်ချိန်ရောက်သည်နှင့် အလိုအလျောက်စတင်သော်လည်း မအိပ်မီအပန်းဖြေချိန်တစ်ခုကိုသတ်မှတ်ခြင်းဖြင့် အိပ်စက်မှုမုဒ်ကို စောလျင်စွာစတင်ရန်သတ်မှတ်နိုင်သည်။

အိပ်စက်မှုအချိန်ဇယားကို ထည့်သွင်းခြင်း သို့မဟုတ် ပြင်ဆင်ခြင်း

  1. ညာဘက်အောက်နားရှိ Browse ကိုနှိပ်၍ Sleep ကိုနှိပ်ပါ။

  2. သင့်အချိန်ဇယားဆီသို့ ရွှေ့ဆင်းပါ၊ ထို့နောက် Full Schedule & Options ကိုနှိပ်ပါ။

  3. အောက်ပါတို့မှတစ်ခုကိုလုပ်ဆောင်ပါ၊

    • အိပ်စက်မှုအချိန်ဇယားတစ်ခုကို ပေါင်းထည့်ခြင်း၊ Add Schedule for Other Days ကိုနှိပ်ပါ။

    • အိပ်စက်မှုအချိန်ဇယားကို ပြောင်းလဲခြင်း၊ သင်ပြောင်းလဲလိုသည့် အချိန်ဇယားအတွက် Edit ကိုနှိပ်ပါ။

  4. အောက်ပါတို့မှနှစ်သက်ရာကိုလုပ်ဆောင်နိုင်သည်၊

    • သင့်အချိန်ဇယားအတွက် ရက်များကို သတ်မှတ်ပါ၊ သင့်အချိန်ဇယားသို့ပေါင်းထည့်ရန် သို့မဟုတ် ဖယ်ထုတ်ရန် မျက်နှာပြင်ထိပ်ဆုံးရှိ ရက်စွဲတစ်ခုကို နှိပ်ပါ။ အချိန်ဇယားသည် တစ်ရောင်တည်းခြယ်ထားသည့်စက်ဝိုင်းများဖြင့် ပြသနေသည့် ရက်စွဲများကိုသာ အကျုံးဝင်သည်။

    • သင်၏အိပ်စက်ချိန်နှင့် နိုးထချိန်အချိန်ဇယားကို ချိန်ညှိခြင်း၊ အိပ်စက်ချိန်ကိုပြုပြင်ရန် Bedtime ခလုတ် ကိုလည်းကောင်း၊ နိုးထချိန်ကိုပြုပြင်ရန် Wake ခလုတ် ကိုလည်းကောင်း သို့မဟုတ် အချိန်နှစ်ခုလုံးကို တစ်ပြိုင်နက်တည်းကူးပြောင်းရန် သင်္ကေတများကြားမှ စက်ဝိုင်းခြမ်းကိုလည်းကောင်း ဖိဆွဲပါ။

    • နှိုးစက်ထားမည့်နည်းလမ်းများကို သတ်မှတ်ခြင်း၊ Wake Up Alarm ကို ဖွင့်ခြင်း သို့မဟုတ် ပိတ်ခြင်း။

      Wake Up Alarm ကိုဖွင့်ထားသည့်အခါ အသံ၊ အတိုးအကျယ်၊ တုန်ခါမှုနှင့် ခဏမှေးချိန်ရွေးချယ်မှုတို့ကို ရွေးချယ်နိုင်သည်။

      မှတ်စု အိပ်စက်မှုအချိန်ဇယားပါ နှိုးစက်တစ်ခုအတွက် တေးသီချင်းရွေးချယ်၍မရနိုင်ပါ။ သို့သော် Clock အက်ပ် ဖြင့်သတ်မှတ်သော နှိုးစက်တစ်ခုအတွက် တေးသီးချင်းတစ်ပုဒ်ကို ရွေးချယ်နိုင်သည်။

  5. ပြင်ဆင်၍ပြီးစီးလျှင် Add သို့မဟုတ် Done ကိုနှိပ်ပါ။

    Done ကိုနှိပ်သည့်အခါ ထိုပြင်ဆင်မှုများသည် အချိန်ဇယားရှိ နေ့ရက်တိုင်းအတွက်သက်ရောက်သည်။

နောက်လာရန်ရှိသော သင်၏အချိန်ဇယားကိုသာ ပြင်ဆင်ခြင်း

အိပ်စက်မှုအချိန်ဇယားကို ယာယီပြောင်းလဲမှုတစ်ခု ပြုလုပ်နိုင်သည်။

  1. ညာဘက်အောက်နားရှိ Browse ကိုနှိပ်၍ Sleep ကိုနှိပ်ပါ။

  2. Your Schedule သို့ရွှေ့ဆင်းပါ၊ ထို့နောက် Edit (Next အောက်နားရှိ) ကိုနှိပ်ပါ။

  3. အိပ်စက်ချိန်ကိုပြုပြင်ရန် Bedtime ခလုတ် ကိုလည်းကောင်း၊ နိုးထချိန်ကိုပြုပြင်ရန် Wake ခလုတ် ကိုလည်းကောင်း သို့မဟုတ် အချိန်နှစ်ခုလုံးကို တစ်ပြိုင်နက်တည်းကူးပြောင်းရန် သင်္ကေတများကြားမှ စက်ဝိုင်းခြမ်းကိုလည်းကောင်း ဖိဆွဲပါ။

  4. နှိုးစက်ရွေးချယ်မှုများကို ရွေးချယ်ပါ၊

    Wake Up Alarm ကိုဖွင့်ထားသည့်အခါ အသံ၊ အတိုးအကျယ်၊ တုန်ခါမှုနှင့် ခဏမှေးချိန်ရွေးချယ်မှုတို့ကို ရွေးချယ်နိုင်သည်။

  5. Done ကိုနှိပ်ပါ။

အိပ်စက်ချိန်ကို ယနေ့ည 10:00 နာရီ နှင့် နိုးထချိန်ကို မနက်ဖြန်မနက် 6:00 နာရီ သတ်မှတ်ထားရှိကြောင်းပြသနေသည့် ဖန်သားပြင်။ အိပ်ရာထရန်နှိုးစက်ကို ဖွင့်ထားပြီး နှိုးစက်သံသည် Early Riser ဖြစ်သည်။

မှတ်စု သင်၏နောက်ထပ်မြည်မည့်အိပ်ရာထနှိုးစက်ကိုပြောင်းလဲ ရန် Clock အက်ပ် ကိုလည်း အသုံးပြုနိုင်သည်။

သင်၏နောက်လာမည့်အိပ်ရာထနှိုးစက်မြည်ပြီးနောက် သင်၏ပုံမှန်အချိန်ဇယားက ပြန်လည်စတင်ပါသည်။

အပန်းဖြေချိန်နှင့် လှုပ်ရှားမှုများကို ပြောင်းလဲခြင်း

အပန်းဖြေအချိန်တစ်ခုသတ်မှတ်ခြင်းအားဖြင့် အိပ်စက်ချိန်မတိုင်မီ အိပ်စက်မှုမုဒ်ကိုစတင်စေရန် အချိန်ဇယားဆွဲနိုင်သည်။ iPhone ကို အသုံးပြုရင်း စာဖတ်ခြင်း သို့မဟုတ် သီချင်းနားထောင်ခြင်းတို့ကဲ့သို့သော လုပ်ဆောင်မှုများလုပ်ရင်း အနားယူလေ့ရှိပါက သင်၏ iPhone ကို အိပ်စက်မှုမုဒ်ထားရှိစဉ် ထိုလုပ်ဆောင်မှုများအတွက် အလွယ်သုံးပုံစံများ ရွေးချယ်နိုင်သည်။

  1. ညာဘက်အောက်နားရှိ Browse ကိုနှိပ်၍ Sleep ကိုနှိပ်ပါ။

  2. Your Schedule ဆီသို့ ရွှေ့ဆင်းပြီးနောက် Full Schedule & Options ကိုနှိပ်၍ အောက်ပါတို့မှ တစ်ခုကိုလုပ်ဆောင်ပါ၊

    • အချိန်ဇယားပါအိပ်စက်ချိန်မတိုင်မီ အိပ်စက်မှုမုဒ်ကို ဖွင့်ရမည့်အချိန် ပြောင်းလဲခြင်း၊ Wind Down ကိုနှိပ်၍ မိနစ်များ သို့မဟုတ် နာရီများအတွက် နံပါတ်တစ်ခုရွေးချယ်ပါ။

    • အနားယူခြင်းအတွက် လှုပ်ရှားမှုတစ်ခုကို ပေါင်းထည့်ခြင်း သို့မဟုတ် ဖယ်ရှားခြင်း၊ Wind Down Shortcuts ကိုနှိပ်ပါ၊ ထို့နောက် Add Another Shortcut သို့မဟုတ် Delete ခလုတ် ကိုနှိပ်ပါ။

ဒါကိုလည်းကြည့်ပါအိပ်စက်မှုအချိန်ဇယားများနှင့် နှိုးစက်များကိုပိတ်ခြင်းအိပ်စက်မှုအချိန်ဇယားတစ်ခုနှင့် ၎င်းရှိနှိုးစက်များကို ဖျက်သိမ်းခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.