iOS 26
iOS 18
iOS 17
iOS 16
iOS 15
iOS 14
iOS 13
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhoneတွင် မှတ်စုများကိုပိတ်ခြင်း

Notes အက်ပ် တွင် သင်၏အရေးကြီးသတင်းအချက်အလက်များကို ကာကွယ်ရန်စကားဝှက်တစ်ခုဖြင့် မှတ်စုများကို သော့ခတ်ထားနိုင်သည်။ မှတ်စုများသည် သင်၏စက်များအားလုံးရှိ အကောင့်တစ်ခုထဲမှ (ဥပမာ သင်၏ iCloud အကောင့်) သော့ခတ်ထားသည့် မှတ်စုအားလုံးအတွက် စကားဝှက်တစ်ခုတည်းသာ အသုံးပြုသည်။

သင်၏သော့ခတ်ထားသော မှတ်စုများကို ဝင်ရောက်ကြည့်ရှုရာတွင် လွယ်ကူမြန်စေမည့် နည်းလမ်းအနေနှင့် Face ID (Face ID ပါရှိသော iPhoneတွင်) သို့မဟုတ် Touch ID (Home ခလုတ်ပါရှိသော iPhone တွင်) ကိုအသုံးပြုပါ၊ သို့ရာတွင် သင်၏သော့ခတ်ထားသောမှတ်စုများကို သော့ဖွင့်ရန်နည်းလမ်းများကို Face ID သို့မဟုတ်Touch ID တစ်ခုတည်းမထားသင့်ပါ။ သင်၏ Face ID သို့မဟုတ် Touch ID ချိန်ညှိမှုများကို အဆင့်မြှင့်တင်လျှင် သို့မဟုတ် သင်၏ မှတ်စုများစကားဝှက်ကို ပြောင်းလဲလိုလျှင် သင်၏မှတ်စုများစကားဝှက်ကို ပြန်လည်ထည့်သွင်းရမည်။ ထိုအကြောင်းအရာအတွက် စကားဝှက်ကိုဖန်တီးချိန်တွင် စကားဝှက်အတွက်အရိပ်အမြွက်တစ်ခုပါ ထည့်သွင်းရန် အခိုင်အမာအကြံပြုအပ်ပါသည်။

သင်၏မှတ်စုများ စကားဝှက်ကိုစီမံခြင်း

သင်သတ်မှတ်သည့် လျှို့ဝှက်ကုတ်သည် ယခုအချိန်မှစ၍ သင်ပိတ်ထားသည့်မှတ်စုအားလုံးတွင် အသုံးပြုသည်။

  1. Settings  > Notes > Password သို့သွားပါ။

  2. သင့်တွင် တစ်ခုထက်ပိုသော အကောင့်များရှိပါက သင်စကားဝှက်ထည့်သွင်းလိုသော အကောင့်ကိုရွေးချယ်ပါ။

  3. စကားဝှက်တစ်ခုကို ဖြည့်ကာ ယင်းကို သင်မှတ်မိစေရန် အရိပ်အမြွက်တစ်ခုဖြည့်ပါ။

    ပိုမိုလွယ်ကူလျှင်မြန်စေရန် Face ID သို့မဟုတ် Touch ID ကိုလည်းဖွင့်နိုင်သည်။

အရေးကြီးသော သင်၏မှတ်စုများစကားဝှက်ကိုမေ့သွားပါက၊ သင်၏မှတ်စုများကိုဖွင့်ရန်၊ Face ID သို့မဟုတ် Touch ID ကိုသုံး၍မရပါ၊ သင်၏ပိတ်ထားသည့်မှတ်စုများကိုကြည့်၍ရနိုင်မည်မဟုတ်ဘဲ Apple သည် ၎င်းတို့၏ ပိတ်ထားသည့်မှတ်စုများသို့ ပြန်ဝင်ရောက်ရာတွင်အကူအညီမပေးနိုင်ပါ။

သင်၏မှတ်စုများစကားဝှက်ကို ပြန်လည်သတ်မှတ်နိုင်သော်လည်း ယခင်ပိတ်ထားသည့် မှတ်စုများအတွက် ၎င်းမှလမ်းကြောင်းမပေးထားပါ။ လျှို့ဝှက်ကုတ်အသစ်သည် ယခုအချိန်မှစ၍ သင်ပိတ်ထားသည့်မှတ်စုအားလုံးတွင် အသုံးပြုသည်။ Settings > Notes > Password > Reset Password သို့သွားပါ။

Apple အထောက်အကူပြုဆောင်းပါးရှိ သင်၏ iPhone၊ iPad၊ iPod touch ပေါ်တွင် မှတ်စုများပိတ်သည့်နည်း ကို ကြည့်ပါ။

မှတ်စုတစ်ခုအားပိတ်ခြင်း

သင့်စက်မှမှတ်စုများနှင့် iCloud ရှိ မှတ်စုများကိုသာလျှင် ပိတ်နိုင်သည်။ PDFs၊ အသံ၊ ဗီဒီယို၊ Keynote၊ Pages၊ တွဲဆက်ထားသည့် အချက်အလက် Numbers သို့မဟုတ် အခြားစာရင်းများနှင့်ချိန်ညှိထားသည့်မှတ်စုများရှိသည့် မှတ်စုများကိုပိတ်၍မရနိုင်ချေ။ တွဲဆက်လုပ်ကိုင်နေသူများရှိသည့် iCloud မှတ်စုတစ်ခုကို ပိတ်၍မရနိုင်ချေ။

  1. မှတ်စုကိုဖွင့်ကာ Note Actions ခလုတ် ကိုနှိပ်ပါ။

  2. Lock ကိုနှိပ်ပါ။

မှတ်စုတစ်ခုကို ပိတ်သည့်အခါ ခေါင်းစဉ်သည် မှတ်စုများစာရင်းတွင် ဆက်လက်မြင်နိုင်သည်။

မှတ်စုတစ်ခုမှာသော့ကိုဖယ်ရန် Note Actions ခလုတ် ကိုနှိပ်ပါ၊ ထို့နောက် Remove ကို နှိပ်ပါ။

ပိတ်ထားသည့် မှတ်စုတစ်ခုကိုဖွင့်ရန်

သော့ခတ်ထားသောမှတ်စုကို ဖွင့်လိုက်ခြင်းဖြင့် သင်၏သော့ခတ်ထားသောမှတ်စုများအားလုံးကို ပွင့်သွားမည်ဖြစ်သောကြောင့် သင်အခြားအက်ပ်များမှ သတင်းအချက်အလက်ကို အခြားမှတ်စုသို့ရွေ့ခြင်း ကူးယူခြင်းကပ်ခြင်းကို အလွယ်တကူပြုလုပ်နိုင်သည်။

  1. ပိတ်ထားသည့်မှတ်စုများကို နှိပ်ပါ၊ထို့နောက် View Note ကိုနှိပ်ပါ။

  2. ထိုမှတ်စုကိုဖွင့်ရန် Face ID၊ Touch ID သို့မဟုတ် Notes စကားဝှက်ကိုသုံးပါ။

သင်၏မှတ်စုများကို ထပ်မံသော့ခတ်ဖို့ရန် အောက်ပါတို့မှ နှစ်သက်ရာတစ်ခုကိုပြုလုပ်ပါ၊

  • ဖန်သားပြင်ထိပ်ပေါ်ရှိ သင်္ကေတကိုသော့ခတ်ပါ။

  • မှတ်စုများစာရင်းအောက်ခြေတွင် Lock Now ကိုနှိပ်ပါ။

  • Notes အက်ပ်ကို ပိတ်ပါ။

  • သင်၏ iPhone ကို သော့ပိတ်ပါ။

Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.