iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ വെബ്സൈറ്റുകളിലും ആപ്പുകളിലും സൈൻ ഇൻ ചെയ്യാൻ പാസ്കീകൾ ഉപയോഗിക്കൂ

നിങ്ങളുടെ iPhone-ലെ പിന്തുണയ്ക്കുന്ന വെബ്സൈറ്റുകളിലേക്കും ആപ്പുകളിലേക്കും സൈൻ ഇൻ ചെയ്യാൻ ഉപയോഗിക്കുന്ന പാസ്‌വേഡുകൾക്ക് പകരംവയ്ക്കാൻ നിങ്ങൾക്ക് പാസ്കീകൾ സൃഷ്ടിക്കാനും സേവ് ചെയ്യാനും കഴിയും.

പാസ്‌വേഡുകളേക്കാൾ സുരക്ഷിതമാണ് പാസ്കീകൾ, കാരണം അവ നിങ്ങളുടെ സ്വന്തം ഡിവൈസ് വഴി ഓരോ അക്കൗണ്ടിനും അദ്വിതീയമായി ജനറേറ്റ് ചെയ്യപ്പെടുകയും ഫിഷിങ്ങിന് ഇരയാകാതിരിക്കുകയും ചെയ്യുന്നു. ഒരേ Apple അക്കൗണ്ടിൽ സൈൻ ഇൻ ചെയ്തിരിക്കുന്ന നിങ്ങളുടെ എല്ലാ ഡിവൈസുകളിലും അവ പ്രവർത്തിക്കുന്നു.

കൂടാതെ, വെബ്സൈറ്റുകൾക്കും ആപ്പുകൾക്കും നിങ്ങളുടെ അക്കൗണ്ടിനായി ഓട്ടോമാറ്റിക്കായി പാസ്കീകൾ സൃഷ്ടിക്കാൻ കഴിയും, അതുവഴി അടുത്ത തവണ സൈൻ ഇൻ ചെയ്യുമ്പോൾ നിങ്ങൾക്ക് പാസ്കീകൾ ഉപയോഗിക്കാം.

പാസ്‌വേഡുകൾ പോലെ, പാസ്കീകൾ എൻക്രിപ്റ്റ് ചെയ്യുകയും നിങ്ങളുടെ iCloud കീചെയിനിൽ സംഭരിക്കുകയും ചെയ്യുന്നു, അവിടെ അവ ആർക്കും ദൃശ്യമാകില്ല (Apple ഉൾപ്പെടെ).

കുറിപ്പ്: പാസ്കീകൾ ഉപയോഗിക്കാൻ, iCloud കീചെയിൻ, ടൂ-ഫാക്ടർ ഓതെന്റിക്കേഷൻ എന്നിവ ഓണാക്കണം.

നിങ്ങളുടെ iPhone ഉപയോഗിച്ച് ഒരു പാസ്കീ സൃഷ്ടിക്കുകയും സേവ് ചെയ്യുകയും ചെയ്യൂ

പാസ്കീകൾ പിന്തുണയ്ക്കുന്ന വെബ്സൈറ്റുകൾക്കും ആപ്പുകൾക്കുമായി നിങ്ങൾക്ക് അവ സൃഷ്ടിക്കാനും സേവ് ചെയ്യാനുമാകും.

കുറിപ്പ്: ഒരു പാസ്കീ സൃഷ്ടിക്കുന്നതിനും സേവ് ചെയ്യുന്നതിനുമുള്ള നിർദേശങ്ങൾ ആപ്പ്, വെബ്സൈറ്റ്, ബ്രൗസർ എന്നിവയെ ആശ്രയിച്ച് വ്യത്യാസപ്പെടാമെങ്കിലും അവ സാധാരണയായി ചുവടെ കൊടുത്തിരിക്കുന്നതിന് സമാനമായ ഘട്ടങ്ങൾ ഉൾക്കൊള്ളുന്നു.

  1. നിങ്ങളുടെ iPhone-ലെ പിന്തുണയ്ക്കുന്ന വെബ്സൈറ്റിനോ ആപ്പിനോ വേണ്ടി സൈൻ ഇൻ സ്ക്രീനിലേക്ക് പോയി, താഴെപ്പറയുന്നവയിൽ ഒന്ന് ചെയ്യൂ:

    • നിങ്ങൾ ഒരു പുതിയ അക്കൗണ്ട് സജ്ജീകരിക്കുകയാണെങ്കിൽ: പുതിയ അക്കൗണ്ടുകൾ സജ്ജീകരിക്കുന്നതിനുള്ള ബട്ടണോ ലിങ്കോ ടാപ്പ് ചെയ്യൂ, തുടർന്ന് സ്ക്രീനിൽ കാണുന്ന നിർദേശങ്ങൾ പാലിക്കൂ.

    • നിങ്ങൾക്ക് നിലവിലുള്ള ഒരു അക്കൗണ്ട് ഉണ്ടെങ്കിൽ: നിങ്ങളുടെ അക്കൗണ്ട് നെയിമും പാസ്‌വേഡും ഉപയോഗിച്ച് സൈൻ ഇൻ ചെയ്യൂ, തുടർന്ന് അക്കൗണ്ട് ക്രമീകരണങ്ങളിലേക്കോ മാനേജ്മെന്റ് സ്ക്രീനിലേക്കോ പോകൂ.

  2. അക്കൗണ്ടിനായി ഒരു പാസ്കീ സേവ് ചെയ്യാനുള്ള ഓപ്ഷൻ കാണുമ്പോൾ, ‘തുടരൂ’ ടാപ്പ് ചെയ്യൂ.

    നിങ്ങളുടെ പാസ്കീ സേവ് ചെയ്യപ്പെട്ടു.

    കുറിപ്പ്: നിങ്ങൾ ഒരു പാസ്കീ ഓപ്ഷൻ കാണുന്നില്ലെങ്കിൽ, വെബ്സൈറ്റോ ആപ്പോ നിലവിൽ പാസ്കീകളെ പിന്തുണയ്ക്കുന്നില്ല എന്നാണ് അർത്ഥം.

നിങ്ങൾ സൃഷ്ടിക്കുന്ന പാസ്കീകൾ നിങ്ങളുടെ iPhone-ൽ പാസ്‌വേഡ്സ് ആപ്പിൽ സംഭരിക്കപ്പെടുന്നു.

ഒരേ വെബ്സൈറ്റിനോ ആപ്പിനോ നിങ്ങൾക്ക് ഒരു പാസ്കീയും പാസ്‌വേഡും ഉണ്ടായിരിക്കാം, ഇവ രണ്ടും ‘പാസ്‌വേഡ്സ്’ ആപ്പിലെ ഒരേ അക്കൗണ്ടിന് കീഴിൽ കണ്ടെത്താം.

ഒരു ഹാർഡ്‌വെയർ സുരക്ഷാ കീയിലും നിങ്ങൾക്ക് ഒരു പാസ്കീ സേവ് ചെയ്യാനാകും. ‘മറ്റ് ഓപ്ഷനുകൾ’, ‘മറ്റൊരു ഡിവൈസിൽ സേവ് ചെയ്യൂ’ അല്ലെങ്കിൽ സമാനമായവ (ലഭ്യമാണെങ്കിൽ) ടാപ്പ് ചെയ്യൂ, എന്നിട്ട് ഒരു പാസ്കീ സേവ് ചെയ്യുന്നതിനുള്ള സ്ക്രീനിലെ നിർദേശങ്ങൾ പിന്തുടരൂ. നിങ്ങളുടെ Apple അക്കൗണ്ടിലേക്ക് സൈൻ ഇൻ ചെയ്യാൻ സുരക്ഷാ കീകൾ ഉപയോഗിക്കൂ എന്നത് കാണൂ.

നിങ്ങളുടെ iPhone-ൽ ഒരു വെബ്സൈറ്റിലേക്കോ ആപ്പിലേക്കോ സൈൻ ഇൻ ചെയ്യാൻ ഒരു പാസ്കീ ഉപയോഗിക്കൂ

ഒരു വെബ്സൈറ്റിനോ ആപ്പിനോ വേണ്ടി ഒരു പാസ്കീ സൃഷ്ടിച്ച് സേവ് ചെയ്ത ശേഷം, നിങ്ങൾ സൈൻ ഇൻ ചെയ്യുമ്പോഴെല്ലാം പാസ്കീ ഉപയോഗിക്കാം.

കുറിപ്പ്: ഒരു പാസ്കീ ഉപയോഗിച്ച് സൈൻ ഇൻ ചെയ്യുന്നതിനുള്ള നിർദേശങ്ങൾ ആപ്പ്, വെബ്സൈറ്റ്, ബ്രൗസർ എന്നിവയെ ആശ്രയിച്ച് വ്യത്യാസപ്പെടാമെങ്കിലും അവയിൽ സാധാരണയായി ചുവടെ കൊടുത്തിരിക്കുന്നതിന് സമാനമായ ഘട്ടങ്ങൾ ഉൾക്കൊള്ളുന്നു.

  1. നിങ്ങളുടെ iPhone-ലെ ഒരു വെബ്സൈറ്റിലേക്കോ ആപ്പിലേക്കോ പോയി സൈൻ ഇൻ സ്ക്രീനിലെ അക്കൗണ്ട് നെയിം ഫീൽഡിൽ ടാപ്പ് ചെയ്യൂ.

  2. സ്ക്രീനിന്റെ താഴെയോ കീബോർഡിന്റെ മുകളിലോ ദൃശ്യമാകുന്ന നിർദേശിക്കപ്പെട്ട അക്കൗണ്ടിന്റെ പേര് ടാപ്പ് ചെയ്യൂ. അക്കൗണ്ടിന്റെ പേര് ദൃശ്യമാകുന്നില്ലെങ്കിൽ, അല്ലെങ്കിൽ നിങ്ങൾക്ക് മറ്റൊന്ന് ഉപയോഗിക്കണമെങ്കിൽ, അത് നൽകൂ.

  3. സൈൻ ഇൻ പൂർത്തിയാക്കാൻ Face ID അല്ലെങ്കിൽ Touch ID ഉപയോഗിക്കൂ. നിങ്ങളുടെ iPhone-ൽ Face ID അല്ലെങ്കിൽ Touch ID സജ്ജീകരിച്ചിട്ടില്ലെങ്കിൽ, നിങ്ങളുടെ ഡിവൈസ് പാസ്കോഡ് (iPhone അൺലോക്ക് ചെയ്യാൻ നിങ്ങൾ ഉപയോഗിക്കുന്ന കോഡ്) നൽകൂ.

    നിങ്ങൾ സേവ് ചെയ്ത പാസ്കീ ഓട്ടോമാറ്റിക്കായി സൈൻ ഇൻ പൂർത്തിയാക്കുന്നു.

നിങ്ങളുടെ iPhone-ൽ സേവ് ചെയ്തിരിക്കുന്ന ഒരു പാസ്കീ മറ്റൊരു ഡിവൈസിൽ സൈൻ ഇൻ ചെയ്യുന്നതിനായി ഉപയോഗിക്കൂ

നിങ്ങളുടെ Apple അക്കൗണ്ടുമായി ബന്ധമില്ലാത്ത ഒരു ഡിവൈസ് നിങ്ങൾ ഉപയോഗിക്കുകയും (ഒരു പൊതു ലൈബ്രറിയിലെ കമ്പ്യൂട്ടർ, ഒരു ഇന്റർനെറ്റ് കഫെ, അല്ലെങ്കിൽ ഒരു സുഹൃത്തിന്റെ വീട് എന്നിവ പോലുള്ളവ), നിങ്ങളുടെ iPhone കയ്യിൽ ഉണ്ടാവുകയും ചെയ്യുന്നുവെങ്കിൽ, നിങ്ങൾക്ക് ആ ഡിവൈസിലെ വെബ്സൈറ്റുകളിലേക്കോ ആപ്പുകളിലേക്കോ അവയ്ക്കായി സൃഷ്ടിച്ച പാസ്കീകൾ ഉപയോഗിച്ച് സൈൻ ഇൻ ചെയ്യാം.

കുറിപ്പ്: മറ്റൊരു ഡിവൈസിൽ ഒരു പാസ്കീ ഉപയോഗിക്കുന്നതിനുള്ള നിർദേശങ്ങൾ ആപ്പ്, വെബ്സൈറ്റ്, ബ്രൗസർ എന്നിവയെ ആശ്രയിച്ച് വ്യത്യാസപ്പെടാമെങ്കിലും അവയിൽ സാധാരണയായി ചുവടെ കൊടുത്തിരിക്കുന്നതിന് സമാനമായ ഘട്ടങ്ങൾ ഉൾക്കൊള്ളുന്നു.

  1. മറ്റൊരു ഡിവൈസിൽ, വെബ്സൈറ്റിലേക്കോ ആപ്പിലേക്കോ പോയി സൈൻ ഇൻ സ്ക്രീനിലെ അക്കൗണ്ട് നെയിം ഫീൽഡിൽ നിങ്ങളുടെ യൂസർ നെയിം നൽകൂ.

  2. ‘മറ്റ് ഓപ്ഷനുകൾ’, ‘അടുത്തുള്ള ഡിവൈസിൽ നിന്നുള്ള പാസ്കീ’ അല്ലെങ്കിൽ സമാനമായവ (ലഭ്യമാണെങ്കിൽ) സെലക്റ്റ് ചെയ്യൂ, എന്നിട്ട് സ്ക്രീനിൽ QR കോഡ് കാണിക്കുന്നതിന് സ്ക്രീനിലെ നിർദേശങ്ങൾ പിന്തുടരൂ.

  3. QR കോഡ് സ്കാൻ ചെയ്യാൻ iPhone ക്യാമറ ഉപയോഗിക്കൂ.

    ‘iCloud കീചെയിനി’ൽ സേവ് ചെയ്ത പാസ്കീ ഓട്ടോമാറ്റിക്കായി സൈൻ ഇൻ പൂർത്തിയാക്കുന്നു.

നിങ്ങളുടെ സ്വന്തമല്ലാത്ത ഒരു ഡിവൈസിൽ ഒരു പാസ്കീ സൃഷ്ടിക്കൂ

നിങ്ങളുടെ iPhone നിങ്ങളുടെ പക്കലുണ്ടെങ്കിൽ, നിങ്ങളുടെ Apple അക്കൗണ്ടുമായി ബന്ധമില്ലാത്ത ഒരു ഡിവൈസ് ഉപയോഗിക്കുമ്പോൾ (ഒരു പൊതു ലൈബ്രറിയിലെ കമ്പ്യൂട്ടർ, ഒരു ഇന്റർനെറ്റ് കഫെ, അല്ലെങ്കിൽ ഒരു സുഹൃത്തിന്റെ വീട് പോലുള്ളവ) നിങ്ങൾക്ക് ഒരു പാസ്കീ സൃഷ്ടിക്കാനും നിങ്ങൾ ഉപയോഗിക്കുന്ന ഡിവൈസിന് പകരം iCloud കീചെയിനിൽ സേവ് ചെയ്യാനും കഴിയും.

കുറിപ്പ്: ഒരു പാസ്കീ സൃഷ്ടിക്കുന്നതിനുള്ള നിർദേശങ്ങൾ ആപ്പ്, വെബ്സൈറ്റ്, ബ്രൗസർ എന്നിവയെ ആശ്രയിച്ച് വ്യത്യാസപ്പെടാമെങ്കിലും അവ സാധാരണയായി ചുവടെ കൊടുത്തിരിക്കുന്നതിന് സമാനമായ ഘട്ടങ്ങൾ ഉൾക്കൊള്ളുന്നു.

  1. മറ്റേ ഡിവൈസിൽ, പിന്തുണയ്ക്കുന്ന വെബ്സൈറ്റിനോ ആപ്പിനോ വേണ്ടി സൈൻ ഇൻ പേജിലേക്ക് പോകൂ, എന്നിട്ട് താഴെപ്പറയുന്നവയിലൊന്ന് ചെയ്യൂ:

    • നിങ്ങൾ ഒരു പുതിയ അക്കൗണ്ട് സജ്ജീകരിക്കുകയാണെങ്കിൽ: പുതിയ അക്കൗണ്ടുകൾ സജ്ജീകരിക്കുന്നതിനുള്ള ബട്ടണോ ലിങ്കോ ടാപ്പ് ചെയ്യൂ, തുടർന്ന് ഒരു പുതിയ യൂസർ നെയിം നൽകൂ.

    • നിങ്ങൾക്ക് ഇതിനകം ഒരു അക്കൗണ്ട് ഉണ്ടെങ്കിൽ: നിങ്ങളുടെ അക്കൗണ്ട് നെയിമും പാസ്‌വേഡും ഉപയോഗിച്ച് സൈൻ ഇൻ ചെയ്യൂ, തുടർന്ന് അക്കൗണ്ട് ക്രമീകരണങ്ങളിലേക്കോ മാനേജ്മെന്റ് സ്ക്രീനിലേക്കോ പോകൂ.

  2. അക്കൗണ്ടിനായി ഒരു പാസ്കീ സേവ് ചെയ്യാനുള്ള ഓപ്ഷൻ കാണുമ്പോൾ, ‘മറ്റ് ഓപ്ഷനുകൾ’, ‘മറ്റൊരു ഡിവൈസിൽ സേവ് ചെയ്യൂ’ അല്ലെങ്കിൽ സമാനമായത് (‘തുടരൂ’ എന്നതിന് പകരം) സെലക്റ്റ് ചെയ്യൂ.

    കുറിപ്പ്: നിങ്ങൾ ഒരു പാസ്കീ ഓപ്ഷൻ കാണുന്നില്ലെങ്കിൽ, വെബ്സൈറ്റോ ആപ്പോ നിലവിൽ പാസ്കീകളെ പിന്തുണയ്ക്കുന്നില്ല എന്നാണ് അർത്ഥം.

  3. ‘ക്യാമറ ഉപയോഗിച്ച് ഒരു ഡിവൈസിൽ ഒരു പാസ്കീ സേവ് ചെയ്യൂ’ അല്ലെങ്കിൽ സമാനമായവ സെലക്റ്റ് ചെയ്യൂ, തുടർന്ന് സ്ക്രീനിൽ ഒരു QR കോഡ് പ്രദർശിപ്പിക്കാൻ സ്ക്രീനിലെ നിർദേശങ്ങൾ പാലിക്കൂ.

  4. QR കോഡ് സ്കാൻ ചെയ്യാൻ iPhone ക്യാമറ ഉപയോഗിക്കൂ.

    നിങ്ങളുടെ iPhone, iCloud കീചെയിൻ എന്നിവയിലേക്ക് പാസ്കീ സേവ് ചെയ്തിരിക്കുന്നു.

ഒരു പാസ്കീ മാറ്റൂ

നിലവിലുള്ള പാസ്കീ മാറ്റിസ്ഥാപിക്കാൻ നിങ്ങൾക്ക് ഒരു പുതിയ പാസ്കീ സൃഷ്ടിക്കേണ്ടിവന്നേക്കാം (ഉദാഹരണത്തിന്, നിങ്ങൾ തുടർന്ന് ആക്സസ് നൽകാൻ ആഗ്രഹിക്കാത്ത ഒരാളുമായി മുൻപ് പങ്കിട്ടിട്ടുണ്ടെങ്കിൽ).

ഒരു പാസ്കീ മാറ്റുന്നതിന്, ഒരു പാസ്കീ സൃഷ്ടിക്കൂ, സേവ് ചെയ്യൂ അല്ലെങ്കിൽ നിങ്ങളുടെ സ്വന്തമല്ലാത്ത ഒരു ഡിവൈസിൽ ഒരു പാസ്കീ സൃഷ്ടിക്കൂ എന്നതിൽ നിലവിലുള്ള അക്കൗണ്ടിനായുള്ള ഘട്ടങ്ങൾ പിന്തുടരൂ.

ഒരു പാസ്കീ ഡിലീറ്റ് ചെയ്യൂ

  1. നിങ്ങളുടെ iPhone-ലെ പാസ്‌വേഡ്സ് ആപ്പിലേക്ക് പോകൂ.

  2. ‘പാസ്കീകളി’ൽ ടാപ്പ് ചെയ്യൂ, തുടർന്ന് നിങ്ങൾ ഡിലീറ്റ് ചെയ്യാൻ ആഗ്രഹിക്കുന്ന പാസ്കീയ്ക്കായുള്ള അക്കൗണ്ടിൽ ടാപ്പ് ചെയ്യൂ.

  3. ‘എഡിറ്റ് ചെയ്യൂ’ ടാപ്പ് ചെയ്യൂ.

  4. ‘ഡിലീറ്റ് ചെയ്യൂ’ ടാപ്പ് ചെയ്യൂ, തുടർന്ന് സ്ഥിരീകരിക്കാൻ ‘പാസ്കീ ഡിലീറ്റ് ചെയ്യൂ’ ടാപ്പ് ചെയ്യൂ.

നിങ്ങൾ ഒരു പാസ്കീ ഡിലീറ്റ് ചെയ്യുകയാണെങ്കിൽ, നിങ്ങൾക്ക് എപ്പോൾ വേണമെങ്കിലും പുതിയത് സൃഷ്ടിക്കാം.

ഇതും കാണൂഒരു പാസ്‌വേഡോ പാസ്കീയോ ഉപയോഗിച്ച് ഒരു അക്കൗണ്ടിനായി കുറിപ്പുകൾ ചേർക്കൂനിങ്ങളുടെ iPhone, iCloud കീചെയിൻ എന്നിവയിൽ നിന്ന് ഒരു പാസ്‌വേഡോ പാസ്കീയോ നീക്കം ചെയ്യൂApple പിന്തുണാ ലേഖനം: പാസ്കീകളുടെ സുരക്ഷ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.