iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ ഫോട്ടോ ലൈബ്രറി തരംതിരിച്ച് ഫിൽട്ടർ ചെയ്യൂ

നിങ്ങൾ തിരയുന്ന ഫോട്ടോകളും വീഡിയോകളും കണ്ടെത്താൻ നിങ്ങളെ സഹായിക്കുന്നതിന്, ലൈബ്രറിയിലെ ഇനങ്ങൾ എങ്ങനെ തരംതിരിക്കുന്നു എന്നത് മാറ്റാനും പ്രത്യേക ഇനങ്ങൾ മാത്രം കാണിക്കുന്നതിന് ലൈബ്രറി ഫിൽട്ടർ ചെയ്യാനും ചില ഇനങ്ങൾ മറയ്ക്കാനും നിങ്ങൾക്കാകും.

ലൈബ്രറി തരം തിരിക്കൂ

നിങ്ങളുടെ ഫോട്ടോ ലൈബ്രറിയിലെ ഇനങ്ങൾ അവ ചേർത്ത തീയതിയോ അവ എടുത്ത തീയതിയോ അനുസരിച്ച് ദൃശ്യമാകാൻ നിങ്ങൾക്ക് അവ തരംതിരിക്കാം.

  1. നിങ്ങളുടെ iPhone-ലെ ഫോട്ടോസ് ആപ്പിലേക്ക് പോകൂ.

  2. തരം തിരിക്കലും ഫിൽട്ടറും ബട്ടൺ ടാപ്പ് ചെയ്യൂ, തുടർന്ന് ഇനിപ്പറയുന്ന ഓപ്ഷനുകളിലൊന്ന് തിരഞ്ഞെടുക്കൂ:

    • അടുത്തിടെ ചേർത്തവ അനുസരിച്ച് തരം തിരിക്കാൻ: നിങ്ങൾ ഏറ്റവും അടുത്തിടെ ചേർത്ത ഫോട്ടോകളും വീഡിയോകളും ലൈബ്രറിയുടെ താഴെ കാണാം.

    • കാപ്ചർ ചെയ്ത തീയതി അനുസരിച്ച് തരം തിരിക്കാൻ: ഫോട്ടോകളും വീഡിയോകളും ലൈബ്രറിയിൽ ചേർത്ത തീയതിക്ക് പകരം അവ എടുത്ത തീയതിക്കനുസരിച്ചാണ് തരംതിരിക്കുന്നത്.

ലൈബ്രറി ഫിൽട്ടർ ചെയ്യൂ

വീഡിയോകൾ, പ്രിയപ്പെട്ടവ, അല്ലെങ്കിൽ ആൽബത്തിൽ ഇല്ലാത്തവ പോലുള്ള പ്രത്യേക ഇനങ്ങൾ മാത്രം പ്രദർശിപ്പിക്കാനും മറ്റെല്ലാം താൽക്കാലികമായി മറയ്ക്കാനും നിങ്ങളുടെ ഫോട്ടോ ലൈബ്രറിയിൽ ഫിൽട്ടറുകൾ പ്രയോഗിക്കാവുന്നതാണ്.

  1. നിങ്ങളുടെ iPhone-ലെ ഫോട്ടോസ് ആപ്പിലേക്ക് പോകൂ.

  2. തരം തിരിക്കലും ഫിൽട്ടറും ബട്ടൺ ടാപ്പ് ചെയ്ത്, ‘ഫിൽട്ടറി’ൽ ടാപ്പ് ചെയ്യൂ.

  3. നിങ്ങൾ പ്രയോഗിക്കാൻ ആഗ്രഹിക്കുന്ന ഫിൽട്ടർ ടാപ്പ് ചെയ്യൂ.

    നുറുങ്ങ്: നിങ്ങൾക്ക് ഒരേ സമയം ഒന്നിലധികം ഫിൽട്ടറുകൾ പ്രയോഗിക്കാവുന്നതാണ്. ഉദാഹരണത്തിന്, നിങ്ങൾ എഡിറ്റ് ചെയ്ത ഫോട്ടോകൾ മാത്രം കാണാൻ ഫോട്ടോസ് ടാപ്പ് ചെയ്ത് ‘എഡിറ്റ് ചെയ്തവ’ സെലക്റ്റ് ചെയ്യൂ.

  4. ഫിൽട്ടറുകൾ നീക്കം ചെയ്ത് പൂർണ്ണ ലൈബ്രറിയിലേക്ക് മടങ്ങാൻ ‘എല്ലാ ഇനങ്ങളും’ ടാപ്പ് ചെയ്യൂ.

നിങ്ങളുടെ Mac-ൽ നിന്നുള്ള സ്ക്രീൻഷോട്ടുകളും ഇനങ്ങളും നിങ്ങളുമായി പങ്കിട്ട ഇനങ്ങളും മറയ്ക്കൂ

ഡിഫോൾട്ടായി, നിങ്ങളുടെ Mac-ൽ നിന്ന് സിങ്ക് ചെയ്ത സ്ക്രീൻഷോട്ടുകൾ, ഫോട്ടോകൾ, വീഡിയോകൾ, സന്ദേശങ്ങൾ ആപ്പിൽ നിങ്ങളുമായി പങ്കിട്ട ഫോട്ടോകൾ, വീഡിയോകൾ എന്നിവ നിങ്ങളുടെ ഫോട്ടോ ലൈബ്രറിയിൽ ഓട്ടോമാറ്റിക്കായി ദൃശ്യമാകും. ക്ലട്ടർ കുറയ്ക്കാൻ നിങ്ങൾക്ക് ഈ ഇനങ്ങൾ മറയ്ക്കാവുന്നതാണ്.

  1. നിങ്ങളുടെ iPhone-ലെ ഫോട്ടോസ് ആപ്പിലേക്ക് പോകൂ.

  2. തരം തിരിക്കലും ഫിൽട്ടറും ബട്ടൺ ടാപ്പ് ചെയ്ത് ‘ഓപ്ഷനുകൾ കാണൂ’ ടാപ്പ് ചെയ്യൂ.

  3. സ്ക്രീൻഷോട്ടുകൾ, ’എന്റെ Mac-ൽ നിന്ന്’ അല്ലെങ്കിൽ ‘നിങ്ങളുമായി പങ്കിട്ടവ’ എന്നിവയിൽ ടാപ്പ് ചെയ്ത് നിങ്ങളുടെ ലൈബ്രറിയിൽ ഈ ഇനങ്ങൾ മറയ്ക്കൂ. അവ മറയ്ക്കുന്നത് നിർത്താൻ, ഓപ്ഷനിൽ വീണ്ടും ടാപ്പ് ചെയ്യൂ.

ഇതും കാണൂiPhone-ലെ ആൽബങ്ങളിൽ ഫോട്ടോകളും വീഡിയോകളും ഫിൽട്ടർ ചെയ്ത് തരംതിരിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.