iOS 26
iOS 18
iOS 17
iOS 16
iOS 15
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone ရှိ Mail တွင် Hide My Email ကို အသုံးပြုခြင်း

iCloud+ ကို စာရင်းသွင်းမှတ်ပုံတင်သည့်အခါ Hide My Email သည် သင်၏ အီးမေးလ်လိပ်စာအစစ်ကို သီးသန့်လျှို့ဝှက်ထားနိုင်စေရန် သင့်အီးမေးလ်အကောင့်အစစ်သို့ အီးမေးလ်မက်ဆေ့ချ်များပေးပို့ရန်နှင့် လက်ခံရရှိရန် ခွင့်ပြုပေးသည်။ iOS 15.2 သို့မဟုတ် နောက်ပိုင်းအမျိုးအစားများတွင် Mail အက်ပ် တွင် ထူးခြားသော အီးမေးလ်လိပ်စာများကို အလိုရှိတိုင်းဖန်တီးနိုင်သည်။

အီးမေးလ်စာကြမ်းတစ်ခု ရေးပြီးပါပြီ။ ကိုယ်ပိုင်အီးမေးလ်လိပ်စာနှင့် Hide My Email အောက်တွင်စာရင်းပြထားသည့် ရွေးချယ်စရာနှစ်ခုဖြင့် From ကွက်လပ်ကို ရွေးချယ်ထားပါသည်။

Hide My Email ကို အသုံးပြု၍ အီးမေးလ်တစ်စောင်ပေးပို့ခြင်း

  1. Compose ခလုတ် ကိုနှိပ်ပါ။

  2. သင်၏အီးမေးလ်ကို လက်ခံရရှိမည့်လူနှင့် အကြောင်းအရာကို ထပ်ထည့်ပါ။

    မှတ်စု Hide My Emailကိုအသုံးပြု၍ မက်ဆေ့ချ်ကို တစ်ကြိမ်လျှင် လက်ခံရရှိမည့်လူ တစ်ယောက်ကိုသာ ပေးပို့နိုင်ပါသည်။

  3. From ကွက်လပ်ကိုနှိပ်ပါ၊ ၎င်းကိုထပ်မံနှိပ်ပါ၊ ထို့နောက် Hide My Emailကိုနှိပ်ပါ။

    From ကွက်လပ်တွင် ထူးခြားသော အီးမေးလ်လိပ်စာ အသစ်တစ်ခု ပေါ်လာသည်။

အကြံပြုချက် Hide My Email ဖြင့် သင်ပို့ထားသည့်အီးမေးလ်ကို လက်ခံရရှိသူက စာပြန်သည့်အခါ ၎င်းတို့ပြန်စာများကို သင့်အီးမေးလ်လိပ်စာအစစ်သို့ ထပ်ဆင့်ပို့ဆောင်ပေးသွားမည်။ Forward To လိပ်စာကို သတ်မှတ်ရန် Settings တွင် Hide My Email ကို ဖန်တီး၍စီမံလုပ်ဆောင်ခြင်းကိုကြည့်ပါ။

Hide My Email ကိုအသုံးပြုပြီး အီးမေးလ်တစ်စောင်ကို စာပြန်ခြင်း

သင်၏ သူများနှင့်မတူသောကျပန်းအီးမေးလ်လိပ်စာများထဲမှ တစ်ခုသို့ ပေးပို့လာသော အီမေးလ်တစ်စောင်ကို သင်လက်ခံရရှိသည့်အခါ ၎င်းအီးမေးလ်လိပ်စာကိုပင် အသုံးပြုပြီး သင်စာပြန်နိုင်ပါသည်။ ၎င်းသည် သင့်အား ဆက်လက်စကားပြောဆိုရန်နှင့် သင်၏အီးမေးလ်လိပ်စာအစစ်ကို သီးသန့်ထားရှိရန် ခွင့်ပြုသည်။ စာပြန်ရန် အောက်ပါတို့ကိုပြုလုပ်ပါ၊

  1. More Actions ခလုတ်ကိုနှိပ်ကာ Reply ကိုနှိပ်ပါ။

  2. သင့်ပြန်စာကို ရိုက်ထည့်ပါ။

    လက်ခံမည့်သူ မြင်နိုင်မည့် အီးမေးလ်လိပ်စာကို ကြည့်ရှုရန် From ကွက်လပ်ကို နှိပ်နိုင်သည်။

Hide My Email ဖြင့် ဖန်တီးထားသော လိပ်စာများကို စီမံခြင်း

Hide My Email ဖြင့် သင်ဖန်တီးထားသောကျပန်းလိပ်စာများကို ဖန်တီးခြင်း၊ အသက်မဲ့အောင်ပြုလုပ်ခြင်း၊ အသက်ဝင်အောင်ပြုလုပ်ခြင်းနှင့် စီမံခြင်းများကို လုပ်ဆောင်နိုင်သည်။ Settings တွင် Hide My Emailကို ဖန်တီးခြင်းနှင့်စီမံခြင်း ကိုကြည့်ပါ။

Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.