iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో వాతావరణాన్ని చెక్ చేయడం

మీ ప్రస్తుత లొకేషన్‌లోని వాతావరణాన్ని తెలుసుకోండి. రాబోయే ప్రతి గంటకు సంబంధించిన సమాచారం, అలాగే 10-రోజుల పాటు వాతావరణ సూచనలను చూడండి, తీవ్రమైన వాతావరణ పరిస్థితులతో పాటు, మరెన్నో తెలుసుకోండి.

ఎగువ నుండి దిగువ వరకు చూపుతోన్న వాతావరణం యాప్: లొకేషన్, ప్రస్తుత ఉష్ణోగ్రత, రోజులో గరిష్ఠ, కనిష్ఠ ఉష్ణోగ్రతలు, గంటల వారీగా వాతావరణ సూచన, 10 రోజుల వాతావరణ సూచనలో మొదటి కొన్ని రోజులు. దిగువ మధ్యలో ఉన్న చుక్కల వరుస లొకేషన్ జాబితాలోని ఇతర లొకేషన్‌లను సూచిస్తుంది. దిగువ-కుడివైపు మూలలో ఉన్నది లొకేషన్ జాబితా బటన్, దిగువ-ఎడమవైపు మూలలో ఉన్నది ‘మ్యాప్‌ను చూపండి’ బటన్

నోట్: కొన్ని వాతావరణం యాప్ ఫీచర్‌లు-అంటే తీవ్రమైన వాతావరణ హెచ్చరికలు, గాలి నాణ్యత, తదుపరి-గంటకు వర్షపాతం, అలాగే వార్తలు వంటివి-అన్ని దేశాలు, ప్రాంతాలలో అందుబాటులో ఉండవు. వాతావరణం యాప్ కొరకు డేటా సోర్స్‌ల గురించిన పూర్తి వివరాలు తెలుసుకోవడానికి, Apple మద్దతు ఆర్టికల్ వాతావరణం యాప్‌లోని ఫీచర్‌ల లభ్యత, డేటా సోర్స్‌లు చూడండి.

మీరు ప్రారంభించే ముందు

మీ ప్రస్తుత లొకేషన్ సంబంధిత వాతావరణ సూచనలను పొందడానికి వాతావరణం యాప్ ‘లొకేషన్ సర్వీస్‌లు’ విభాగాన్ని ఉపయోగిస్తుంది. వాతావరణ సూచనల ఖచ్చితత్వాన్ని పెంచడానికి మీరు ఖచ్చితమైన లొకేషన్‌ను ఆన్ చేయవచ్చు.

  1. సెట్టింగ్స్  > గోప్యత, భద్రత > లొకేషన్ సర్వీస్‌లు > వాతావరణానికి వెళ్ళండి.

  2. ఖచ్చితమైన లొకేషన్‌ను ఆన్ చేయండి.

స్థానిక వాతావరణ సూచనలు, పరిస్థితులను తెలుసుకోవడం

  1. మీ iPhoneలోని వాతావరణం యాప్ కు వెళ్ళండి.

    మీ ప్రస్తుత లొకేషన్ వివరాలు చూపించబడ్డాయి. వాతావరణం యాప్‌లో ఐకాన్‌లను గురించి తెలుసుకోవడం అనే ఆర్టికల్ చూడండి.

    మీరు తెలుసుకోవాలనుకుంటున్న లొకేషన్‌కు సంబంధించిన వివరాలు మీకు కనిపించకపోతే, లొకేషన్ జాబితా బటన్ ట్యాప్ చేసి, ఆపై ’నా లొకేషన్’ లేదా మరో లొకేషన్‌ను ట్యాప్ చేయండి.

  2. వీటిలో ఏదైనా చేయండి:

    • గంటకు సంబంధించిన సూచనలో వేర్వేరు సమయాలను చూడటానికి: ‘గంటల వారీగా అంచనా’ డిస్‌ప్లేను ఎడమ లేదా కుడి వైపు స్వైప్ చేయండి.

      నోట్: ఒక లొకేషన్‌లో గాలి నాణ్యత నిర్దిష్ట స్థాయికి చేరుకున్నప్పుడు, గాలి నాణ్యత స్కేల్ గంటల వారీ అంచనా కంటే ఎక్కువగా కనిపిస్తుంది. కొన్ని ప్రాంతాలలో గాలి నాణ్యత స్థాయి ఎల్లప్పుడూ గంటల వారీ అంచనా కంటే ఎక్కువగా కనిపిస్తుంది.

    • వర్షపాతం, అధిక, తక్కువ ఉష్ణోగ్రతల వంటి మరిన్ని ప్రమాదాలను చూడటానికి: ‘గంటల వారీగా వాతావరణ సూచనలు’ ట్యాప్ చేసి, ఆపై ప్రదర్శించబడిన వాతావరణ పరిస్థితిని మార్చడానికి చార్ట్ కండిషన్ బటన్ ట్యాప్ చేయండి.

      చిట్కా: రాబోయే రోజుల కోసం అదే సమాచారాన్ని చూడటానికి ఎడమ వైపు స్వైప్ చేయండి.

    • మరిన్ని వాతావరణ వివరాలను చూడండి: ప్రతి లొకేషన్ వాతావరణ పేజీలో వివరణాత్మక సమాచారం ఉంటుంది, ఇందులో తీవ్రమైన వాతావరణ అలర్ట్‌లు, వాతావరణ సంబంధిత వార్తలు, గాలి నాణ్యత, UV ఇండెక్స్, గాలి, దృశ్యమానత, చంద్ర దశలు, ఇంకా మరెన్నో ఉంటాయి.

      వర్షపాతం లేదా కొన్ని తీవ్రమైన వాతావరణ సంఘటనల గురించి నోటిఫికేషన్‌లను స్వీకరించడానికి, వాతావరణ నోటిఫికేషన్‌లను నిర్వహించడం అనే ఆర్టికల్ చూడండి.

      చిట్కా: నేటి ఉష్ణోగ్రత లేదా వర్షపాతం చారిత్రక సగటుతో ఎలా పోల్చబడిందనే దాని గురించి మరింత సమాచారం తెలుసుకోవడానికి సగటు వాతావరణ వివరాలను ట్యాప్ చేయండి.

      పైన ప్రస్తుత లొకేషన్‌ను, దాని కింద ప్రస్తుత ఉష్ణోగ్రత, వాతావరణ పరిస్థితులను చూపుతున్న వాతావరణ యాప్. స్క్రీన్ మిగిలిన భాగంలో UV సూచీ, గాలి, వర్షపాతం వంటి వాతావరణం వివరాలు ఉంటాయి.

వాతావరణ యూనిట్‌లను కస్టమైజ్ చేయడం

మీరు వాతావరణ డేటాలో ఉపయోగించిన యూనిట్‌లను మార్చవచ్చు. వీటిలో ఉష్ణోగ్రత కోసం ఫారన్‌హీట్ లేదా సెల్సియస్, గంటకు మైళ్ళు, గంటకు కిలోమీటర్లు, నాట్‌లు లేదా గాలి కోసం బ్యూఫోర్ట్ ఉంటాయి.

  1. మీ iPhoneలోని వాతావరణం యాప్ కు వెళ్ళండి.

  2. లొకేషన్ జాబితా బటన్ ట్యాప్ చేయండి.

  3. మరిన్ని బటన్ ట్యాప్ చేసి, యూనిట్‌లు ట్యాప్ చేయండి, ఆపై దిగువ వాటిలో ఏదైనా చేయండి:

    • ఉష్ణోగ్రత యూనిట్‌లను మార్చడానికి: ఫారన్‌హీట్, సెల్సియస్ లేదా ‘సిస్టమ్ సెట్టింగ్‌ను ఉపయోగించండి’ ట్యాప్ చేయండి.

    • గాలి, అవపాతం, పీడనం లేదా దూరం యూనిట్‌లను మార్చడానికి: ప్రస్తుత కొలత యూనిట్‌కు పక్కనున్న యాక్షన్ బటన్ మెన్యూ ట్యాప్ చేసి, ఆపై ఒక ఎంపికను ఎంచుకోండి.

వాతావరణ సంబంధిత రిపోర్ట్‌ను పంపడం

మీ ప్రాంతంలోని వాతావరణ పరిస్థితులు, ’వాతావరణం’ యాప్‌లో చూపిన విధంగా సరిపోలనట్లయితే దాన్ని నివేదించవచ్చు.

  1. మీ iPhoneలోని వాతావరణం యాప్ కు వెళ్ళండి.

  2. లొకేషన్ జాబితా బటన్ ట్యాప్ చేసి, మరిన్ని బటన్ ట్యాప్ చేసి, ఆపై ‘సమస్యను నివేదించండి’ ట్యాప్ చేయండి.

  3. మీరు ఉన్న ప్రాంతంలో వాతావరణ పరిస్థితులను సరిగ్గా వివరించే ఎంపికలను ట్యాప్ చేసి, ఆపై ‘సబ్మిట్ చేయండి’ ట్యాప్ చేయండి.

మీరు Appleతో షేర్ చేసే సమాచారం, మీ Apple ఖాతాతో అనుబంధించబడలేదు.

దీన్ని కూడా చూడండిiPhoneలో ఇతర ప్రాంతాలలోని వాతావరణాన్ని చెక్ చేయడంiPhoneలో వాతావరణ మ్యాప్‌లను చూడటంiPhoneలో వాతావరణ విడ్జెట్‌లను ఉపయోగించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.