iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలోని మ్యాప్స్‌లో వాకింగ్ దిశలను పొందడం

మీరు మీ గమ్యస్థానానికి వెళ్ళడానికి వాకింగ్ సూచనలను వివరంగా పొందవచ్చు. మీరు మీ వాకింగ్ కోసం సముద్ర మట్టానికి ఎంత ఎత్తులో ఉన్నారో ప్రివ్యూ చూడవచ్చు, అలాగే కొండలు, మెట్లు, లేదా రద్దీగా ఉండే రోడ్లను నివారించే మార్గాన్ని ఎంచుకోవచ్చు.

నోట్: అన్ని దేశాలు లేదా ప్రాంతాలలో ప్రతి మలుపులో మాటల్లో ఆదేశాలు, లీనమయ్యే నడక సూచనలు అందుబాటులో ఉండవు. iOS, iPadOS ఫీచర్ లభ్యత వెబ్‌సైట్లో చూడండి.

వాకింగ్ మార్గాన్ని చూపుతున్న మ్యాప్. దిగువన ఉన్న మార్గం కార్డ్, అంచనా వేసిన ప్రయాణ సమయం, ఎత్తులో మార్పులతో సహా మార్గం వివరాలను అందిస్తుంది. వివరాలకు కుడివైపున ‘వెళ్ళండి’ బటన్ కనిపిస్తుంది.

వాకింగ్ దిశలను పొందడం

  1. మీ iPhoneలో మ్యాప్స్ యాప్ కి వెళ్ళండి.

  2. మ్యాప్‌లో ఎక్కడైనా నొక్కి ఉంచి లేదా శోధన ఫీల్డ్‌లో అడ్రెస్‌ను నమోదు చేసి, ఆపై దిశలు లేదా ట్రావెల్ మోడ్ బటన్ను ట్యాప్ చేయండి.

  3. మీరు వెళ్లాలనుకుంటున్న మార్గం కోసం ‘వెళ్ళండి’ లేదా దశలను ట్యాప్ చేయండి.

    మీరు ‘వెళ్ళండి’ ట్యాప్ చేస్తే, మీరు మీ మార్గంలో నడుస్తున్నప్పుడు, మ్యాప్ మెట్లు ఎక్కడం వంటి మలుపులు, యుక్తుల కోసం వాకింగ్ సంబంధిత దిశలను తెలియజేస్తుంది.

Siri: అలాగే మీరు కూడా ఇలా ఏదైనా Siriని అడగవచ్చు, “Give me walking directions home.” Siriని ఉపయోగించడం ఎలాగో తెలుసుకోండి.

U.S. అంతటా ఉన్న పార్కుల్లోని వేలాది మార్గాల కోసం, మీరు వాటి పొడవును తెలుసుకోవచ్చు, సముద్ర మట్టానికి అవి ఎంత ఎత్తులో ఉన్నాయో తెలియజేసే సమాచారం ప్రివ్యూ చూడవచ్చు, ఫోటోలను చూడవచ్చు, మరెన్నో చేయవచ్చు. హైక్‌లను బ్రౌజ్ చేసి, సేవ్ చేయడం చూడండి.

కొండలు, రద్దీగా ఉండే రోడ్లు లేదా మెట్ల మార్గాలను నివారించడం

  1. మీ iPhoneలో మ్యాప్స్ యాప్ కి వెళ్ళండి.

  2. మ్యాప్‌లో ఎక్కడైనా నొక్కి ఉంచి లేదా శోధన ఫీల్డ్‌లో అడ్రెస్‌ను నమోదు చేసి, ఆపై దిశలు లేదా ట్రావెల్ మోడ్ బటన్ను ట్యాప్ చేయండి.

  3. ‘నివారించండి’ (గమ్యస్థానానికి దిగువన) ట్యాప్ చేసి, మీ ఎంపికలను ఎంచుకొని, ఆపై ‘పూర్తి’ బటన్ ట్యాప్ చేయండి.

ఆగ్మెంటెడ్ రియాలిటీలో దిశలను ఆటోమేటిక్‌గా చూడటం

మీరు ఎక్కడ తిరగాలో చూపించడానికి iPhone కెమెరా, ఆగ్మెంటెడ్ రియాలిటీని ఉపయోగించే లీనమయ్యే నడక సూచనలను చూడవచ్చు.

  1. మీ iPhoneలో సెట్టింగ్స్ యాప్ కి వెళ్ళండి.

  2. యాప్స్‌ను ట్యాప్ చేసి, ఆపై మ్యాప్స్‌ను ట్యాప్ చేయండి.

  3. దిశల కింద, ‘వాకింగ్’ ట్యాప్ చేసి, ఆపై ‘చూడటానికి పెంచండి’ ఎంపికను ఆన్ చేయండి.

  4. పైన పేర్కొన్న విధంగా, నడక దిశలను పొందండి.

  5. iPhoneను పైకి ఎత్తి పట్టుకుని, పాదచారుల AR బటన్ను ట్యాప్ చేసి, ఆపై స్క్రీన్‌పై కనిపించే సూచనలను ఫాలో అవ్వండి.

మ్యాప్‌కు తిరిగి రావడానికి, మూసివేయండి బటన్ను ట్యాప్ చేయండి.

వాకింగ్ చేస్తున్నప్పుడు iPhone మీ లొకేషన్‌ను ఎంత ఖచ్చితంగా నిర్ణయిస్తుందో అనే దానిని మెరుగుపరచడం

మీ iPhone మీ లొకేషన్‌ను ఎంత ఖచ్చితంగా తెలియజేస్తుందో, మీరు వాకింగ్ చేస్తున్నప్పుడు ఏ వైపు చూస్తున్నారో అనే అంశాల విషయాలలో మీరు మెరుగైన ఫలితాలు పొందేలా చేయవచ్చు. ఈ ఫీచర్ కెమెరా, మోషన్ సెన్సర్‌లను ఉపయోగిస్తుంది (Face ID గల మోడల్, iPhone SE రెండవ జనరేషన్, అలాగే తర్వాతి జనరేషన్).

  1. మీ iPhoneలో సెట్టింగ్స్ యాప్ కి వెళ్ళండి.

  2. యాప్స్‌ను ట్యాప్ చేసి, ఆపై మ్యాప్స్‌ను ట్యాప్ చేయండి.

  3. దిశల కింద, ‘వాకింగ్’ ట్యాప్ చేసి, ఆపై ‘మెరుగుపరచబడినవి’ ఆన్ చేయండి.

బ్యాటరీ వినియోగాన్ని తగ్గించడానికి మీరు ఈ ఫీచర్‌ను ఆఫ్ చేయవచ్చు.

దీన్ని కూడా చూడండిiPhoneలోని మ్యాప్స్‌లో వాక్‌లు లేదా హైక్‌లను సేవ్ చేయడంiPhoneలోని మ్యాప్స్‌లో ప్రదేశాలను చూడటంiPhoneలోని మ్యాప్స్‌లో ప్రజా రవాణా దిశలను పొందడంiPhoneలోని మ్యాప్స్‌లో రైడ్‌లను బుక్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.