iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలోని Mailలో, ఇమెయిల్‌లో అటాచ్‌మెంట్‌లను జోడించడం

మీరు ఫోటోలను, వీడియోలను, డాక్యుమెంట్‌లను ఇమెయిల్‌ సందేశానికి జోడించవచ్చు. మీరు పేపర్ డాక్యుమెంట్‌ను స్కాన్ చేసి, దానిని PDF అటాచ్‌మెంట్‌గా పంపవచ్చు లేదా నేరుగా సందేశంలో డ్రా చేసి, డ్రాయింగ్‌ను అటాచ్‌మెంట్‌గా పంపవచ్చు. ఫైల్ సైజ్‌ను బట్టి, అటాచ్‌మెంట్ సందేశంలోని టెక్స్ట్‌తో ఇన్‌లైన్‌గా లేదా సందేశం చివరిలో ఫైల్‌ను అటాచ్ చేయండి బటన్గా కనిపించవచ్చు.

కీబోర్డ్ పైన అటాచ్‌మెంట్ ఎంపికలతో కంపోజ్ చేయబడుతున్న డ్రాఫ్ట్ ఇమెయిల్.

ఇమెయిల్‌కు ఫోటో, వీడియో లేదా డాక్యుమెంట్‌ను జోడించడం

మీరు మీ ఇమెయిల్ సందేశాలలో డాక్యుమెంట్‌లు, వీడియోలు, ఫోటోలను జోడించి పంపవచ్చు, తద్వారా స్వీకర్తలు సులభంగా వాటిని డౌన్‌లోడ్ చేసుకుని, సేవ్ చేసుకోవచ్చు.

  1. మీ iPhoneలో Mail యాప్ కి వెళ్ళండి.

  2. మీరు సందేశంలో అటాచ్‌మెంట్‌ను చేర్చాలనుకుంటున్న చోట ట్యాప్ చేసి, ఆపై కీబోర్డ్ పైన ‘అటాచ్‌మెంట్‌ను చేర్చండి’ బటన్ను ట్యాప్ చేయండి.

  3. దిగువ పేర్కొన్న వాటిలో ఏదైనా చేయండి:

    • డాక్యుమెంట్‌ను జోడించడం: ‘ఫైల్‌ను అటాచ్ చేయండి’ ట్యాప్ చేసి, ఆపై ఫైల్స్లో డాక్యుమెంట్‌ను గుర్తించండి.

      ‘ఫైల్స్’లో, స్క్రీన్ దిగువన ఉన్న ‘ఇటీవలివి’, ‘షేర్ చేసినవి’ లేదా ‘బ్రౌజ్ చేయండి’ని ట్యాప్ చేసి, ఆపై దానిని తెరవడానికి ‘ఫైల్’, ‘లొకేషన్’ లేదా ‘ఫోల్డర్’ను ట్యాప్ చేయండి.

    • సేవ్ చేసిన ఫోటో లేదా వీడియోను జోడించడం: ఫోటో లైబ్రరీని ట్యాప్ చేసి, ఆపై ఫోటో లేదా వీడియోను ఎంచుకోండి. సందేశానికి తిరిగి రావడానికి ‘పూర్తి’ బటన్ ట్యాప్ చేయండి.

    • క్రొత్త ఫోటో లేదా వీడియోను తీసి, దానిని సందేశానికి జోడించడం: ’ఫోటో లేదా వీడియో తీయండి’ని ట్యాప్ చేసి, ఆపై కొత్త ఫోటో లేదా వీడియో తీయండి. మీ సందేశంలో ఫోటో లేదా వీడియోను జోడించడానికి ‘ఫోటోను ఉపయోగించండి లేదా వీడియోను ఉపయోగించండి’ని ట్యాప్ చేయండి, లేదా మీరు మళ్ళీ రీషూట్ చేయాలనుకుంటే ‘మళ్ళీ తీయండి’ని ట్యాప్ చేయండి.

నోట్: మీ ఇమెయిల్ ఖాతా అనుమతించిన గరిష్ట సైజ్ కంటే మీ ఫైల్ సైజ్ ఎక్కువ ఉంటే, Mail Drop ఉపయోగించి పంపడానికి స్క్రీన్‌పై కనిపించే సూచనలను ఫాలో అవ్వండి. Mail Drop పరిమితులు అనే Apple మద్దతు ఆర్టికల్‌ను చూడండి.

డాక్యుమెంట్‌ను స్కాన్ చేసి, ఇమెయిల్‌కు జోడించడం

మీరు పేపర్ డాక్యుమెంట్‌ను స్కాన్ చేసి, దానిని PDFగా పంపవచ్చు.

  1. మీ iPhoneలో Mail యాప్ కి వెళ్ళండి.

  2. మీరు సందేశంలో, స్కాన్ చేసిన డాక్యుమెంట్‌ను జోడించాలనుకుంటున్న చోట ట్యాప్ చేసి, ఆపై కీబోర్డ్ పైన ‘అటాచ్‌మెంట్‌ను చేర్చండి’ బటన్ను ట్యాప్ చేయండి.

  3. ‘డాక్యుమెంట్‌ను స్కాన్ చేయండి’ ట్యాప్ చేయండి.

  4. డాక్యుమెంట్ పేజీ స్క్రీన్‌పై కనిపించేలా iPhoneను ఉంచండి—iPhone ఆటోమేటిక్‌గా పేజీని క్యాప్చర్ చేస్తుంది.

    పేజీని మాన్యువల్‌గా క్యాప్చర్ చేయడానికి పిక్చర్ తీయండి బటన్ను లేదా వాల్యూమ్ బటన్‌ను ట్యాప్ చేయండి. ఫ్లాష్‌ను ఆన్ లేదా ఆఫ్ చేయడానికి, ఫ్లాష్ సెట్టింగ్స్‌ను చూపండి బటన్ను ట్యాప్ చేయండి.

  5. ‘రీటేక్ లేదా అలాగే స్కాన్ చేయండి’ని ట్యాప్ చేసి, ఫోటో లేదా వీడియో తీయడం లేదా స్కాన్ చేయడం పూర్తయ్యాక ‘సేవ్ చేయండి’ని ట్యాప్ చేయండి.

  6. సేవ్ చేసిన స్కాన్‌కు మార్పులు చేయడానికి, దానిని ట్యాప్ చేసి, ఆపై దిగువ పేర్కొన్న వాటిలో ఏదైనా చేయండి:

    • ఇమేజ్‌ను క్రాప్ చేయడం: క్రాప్ బటన్ ట్యాప్ చేయండి.

    • ఫిల్టర్‌ను వర్తింపజేయండి: ’ఫిల్టర్‌లను చూపండి’బటన్ ట్యాప్ చేయండి.

    • ఇమేజ్‌ను తిప్పండి: తిప్పండి బటన్ ట్యాప్ చేయండి.

    • స్కాన్ చేసిన దానిని డిలీట్ చేయడం: ‘స్కాన్ చేసిన దానిని డిలీట్ చేయండి’ బటన్ ట్యాప్ చేయండి.

డ్రాయింగ్‌ను సృష్టించి, దానిని ఇమెయిల్‌కు జోడించడం

మాటల్లో చెప్పడానికి కష్టంగా ఉన్న ఆలోచనలను డ్రాయింగ్ రూపంలో వ్యక్తపరచడానికి మీరు ఇమెయిల్‌ సందేశంలో డ్రాయింగ్‌ను ఉపయోగించవచ్చు. స్వీకర్తలు మీ డ్రాయింగ్‌‌ని చూసి, డౌన్‌లోడ్ చేయడానికి వీలుగా అది సందేశానికి అటాచ్‌మెంట్‌గా జోడించబడుతుంది.

  1. మీ iPhoneలో Mail యాప్ కి వెళ్ళండి.

  2. మీరు డ్రాయింగ్‌ను సందేశంలో చేర్చాలనుకునే చోట ట్యాప్ చేసి, ఆపై కీబోర్డ్ పైన ‘డ్రాయింగ్‌ను చేర్చండి’ బటన్ను ట్యాప్ చేయండి.

  3. డ్రాయింగ్ టూల్‌ను, రంగును ఎంచుకుని, ఆపై మీ వేలితో రాయండి లేదా డ్రా చేయండి.

    మార్కప్‌తో డాక్యుమెంట్‌లలో రాయడం, గీయడం ఎలానో చూడండి.

  4. మీరు పూర్తి చేసిన తర్వాత, ‘పూర్తి’ బటన్ ట్యాప్ చేసి, ఆపై ‘డ్రాయింగ్‌ను చేర్చండి’ని ట్యాప్ చేయండి.

డ్రాయింగ్‌లో పనిని తిరిగి ప్రారంభించడానికి, సందేశంలోని డ్రాయింగ్‌ను ట్యాప్ చేసి, కనిపించే మెన్యూలో డిస్‌క్లోజర్ బాణం ట్యాప్ చేయండి, ఆపై ’మార్కప్’ ట్యాప్ చేయండి.

దీన్ని కూడా చూడండిiPhoneలోని Mailలో ఇమెయిల్ అటాచ్‌మెంట్‌లను డౌన్‌లోడ్ చేయడంiPhoneలో అటాచ్‌మెంట్‌లను యానటేట్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.