iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో మీ కాంటాక్ట్ సమాచారాన్ని, ఫోటోను జోడించడం లేదా ఎడిట్ చేయడం

కాంటాక్ట్స్ యాప్‌లో, నా కార్డ్ అని పిలువబడే మీ కాంటాక్ట్ కార్డ్‌ను సృష్టించడానికి iPhone మీ Apple ఖాతాను ఉపయోగిస్తుంది. మీరు మీ పేరు, అడ్రెస్, ఫోన్ నంబర్, పుట్టినరోజు, అలాగే కాంటాక్ట్ పోస్టర్‌తో (మీరు వ్యక్తులకు కాల్ చేసినప్పుడు లేదా వారికి సందేశం పంపినప్పుడు వారితో షేర్ చేసుకోవచ్చు) సహా, వివరాలను కూడా జోడించవచ్చు లేదా ఎడిట్ చేయవచ్చు.

‘నా కార్డ్’ను పూర్తి చేయడం లేదా ఎడిట్ చేయడం

  1. మీ iPhoneలో కాంటాక్ట్స్ యాప్ కి వెళ్ళండి.

  2. ఎగువన ఉన్న ‘నా కార్డ్’ను ట్యాప్ చేసి, ఆపై ‘ఎడిట్’ను ట్యాప్ చేయండి.

    మీకు ‘నా కార్డ్’ కనిపించకపోతే, జోడించండి బటన్ను ట్యాప్ చేసి, మీ సమాచారాన్ని నమోదు చేసి, ఆపై కాంటాక్ట్ లిస్ట్‌కు తిరిగి వచ్చి, మీ కాంటాక్ట్‌ను టచ్ చేసి ఉంచి, ‘దీనిని నా కార్డ్ చేయండి’ని ట్యాప్ చేయండి.

  3. మీ కాంటాక్ట్ సమాచారాన్ని నమోదు చేయండి.

    కాంటాక్ట్స్ యాప్ మీకు సహాయపడటానికి అడ్రెస్‌లు, ఫోన్ నంబర్‌లను సూచిస్తుంది.

చిట్కా: మీరు Siriకి మీ పేరును పలకడం కూడా నేర్పవచ్చు. మీ పేరును ఎలా చెప్పాలనేది Siriకి చెప్పండి చూడండి.

మీ ఇంటి అడ్రెస్‌ను జోడించడం లేదా ఎడిట్ చేయడం

  1. మీ iPhoneలో కాంటాక్ట్స్ యాప్ కి వెళ్ళండి.

  2. ఎగువన ఉన్న ‘నా కార్డ్’ను ట్యాప్ చేసి, ఆపై ‘ఎడిట్’ను ట్యాప్ చేయండి.

  3. ‘అడ్రెస్‌ను జోడించండి’ని ట్యాప్ చేసి, మీ అడ్రెస్‌ను జోడించండి.

  4. అడ్రెస్‌కు ఎడమ వైపున కనిపించే లేబల్‌ను ట్యాప్ చేసి, ఆపై ‘ఇల్లు’ను ఎంచుకోండి.

ఆన్‌లైన్ షాపింగ్ లేదా ఆన్‌లైన్ ఫారమ్‌ల వంటి వాటిలో మీ అడ్రెస్‌ను ఆటోమేటిక్‌గా ఫిల్ చేయడానికి మీరు Safariలో ‘ఆటోఫిల్’ను ఉపయోగించవచ్చు. మీరు మీ ‘నా కార్డ్’ను ఎడిట్ చేసినప్పుడు, మీ ఆటోఫిల్ సమాచారం ఆటోమేటిక్‌గా అప్‌డేట్ అవుతుంది. వ్యక్తిగత సమాచారాన్ని ఫిల్ చేయడం అనే ఆర్టికల్ చూడండి.

మీ ఫోటో, పోస్టర్‌ను జోడించడం లేదా ఎడిట్ చేయడం

మీరు ఇతరులకు కాల్ చేసినప్పుడు లేదా సందేశం పంపినప్పుడు ఆటోమేటిక్‌గా కనిపించే విధంగా ఫోటో, పోస్టర్‌ను సెట్ చేయవచ్చు.

  1. మీ iPhoneలో కాంటాక్ట్స్ యాప్ కి వెళ్ళండి.

  2. ఎగువన ఉన్న ‘నా కార్డ్’ను ట్యాప్ చేసి, ఆపై ‘ఎడిట్’ను ట్యాప్ చేయండి.

  3. మీ కాంటాక్ట్ ఫోటోను ట్యాప్ చేసి, ఆపై మీ ఫోటో, పోస్టర్‌ను ఎంచుకుని, కస్టమైజ్ చేయండి.

మీ పేరు, కాంటాక్ట్ ఇమేజ్‌ను షేర్ చేయడం

మీ కాంటాక్ట్‌లలో ఉన్న వ్యక్తులతో మీ అప్‌డేట్ చేయబడిన పేరు, ఫోటో, పోస్టర్‌ను ఆటోమేటిక్‌గా షేర్ చేయడాన్ని మీరు ఎంచుకోవచ్చు.

  1. మీ iPhoneలో కాంటాక్ట్స్ యాప్ కి వెళ్ళండి.

  2. ఎగువ భాగంలో ’నా కార్డ్’ను ట్యాప్ చేసి, ’ఎడిట్’ ట్యాప్ చేసి, ఆపై మీ కాంటాక్ట్ ఫోటోను ట్యాప్ చేయండి.

  3. మీ కాంటాక్ట్ ఫోటో, పోస్టర్‌ను ఇతరులతో షేర్ చేయడం ప్రారంభించడానికి, ‘పేరు, ఫోటో షేరింగ్’ను ఆన్ చేయండి. (మీరు కిందికి స్క్రోల్ చేయాల్సి ఉంటుంది.)

    మీరు కాంటాక్ట్‌లతో మాత్రమే ఆటోమేటిక్‌గా షేర్ చేయవచ్చు లేదా మీ పేరు, ఫోటో, పోస్టర్‌ను ఎవరితోనైనా షేర్ చేయడానికి ముందు ‘ఎల్లప్పుడూ అడగండి’ అని ప్రాంప్ట్ కనిపించడాన్ని ఎంచుకోవచ్చు.

కాంటాక్ట్ సర్వనామాలను జోడించడం లేదా ఎడిట్ చేయడం

ఒలివియా రికో అనే కాంటాక్ట్ దిగువన ఫోటో, ఆమె, ఆవిడ, తను అనే సర్వనామాలు ఆమె పేరు దిగువన సందేశం పంపడానికి, కాల్ చేయడానికి, మెయిల్ చేయడానికి, Apple Payను ఉపయోగించడానికి బటన్‌లు. స్క్రీన్ దిగువన కాంటాక్ట్ మొబైల్ నంబర్, ఇమెయిల్ అడ్రెస్.

మీరు కాంటాక్ట్స్ యాప్‌లో మీ సర్వనామాలను లేదా మరొక కాంటాక్ట్ సర్వనామాలను జోడించవచ్చు లేదా ఎడిట్ చేయవచ్చు.

  1. మీ iPhoneలో కాంటాక్ట్స్ యాప్ కి వెళ్ళండి.

  2. మీ సర్వనామాలను జోడించడానికి ఎగువన ఉన్న ‘నా కార్డ్’ను ట్యాప్ చేయండి లేదా వాటిని జోడించడానికి వేరే కాంటాక్ట్‌ను ఎంచుకోండి.

  3. ‘ఎడిట్’ ట్యాప్ చేసి, ఆపై ‘సర్వనామాలను జోడించండి’ని ట్యాప్ చేయండి.

  4. మీ భాషను ఎంచుకోండి, ఆపై సరైన సర్వనామాలను జోడించండి.

    మీరు ‘సర్వనామాలను జోడించండి’ని మళ్ళీ ట్యాప్ చేయడం ద్వారా ఇతర భాషలలో కూడా సర్వనామాలను జోడించవచ్చు.

  5. ‘జోడించండి’ ట్యాప్ చేయండి.

నోట్: మీరు కాంటాక్ట్స్ లేదా NameDrop ద్వారా మీ కాంటాక్ట్ సమాచారాన్ని షేర్ చేసినప్పుడు, డిఫాల్ట్‌గా మీ సర్వనామాలు షేర్ చేయబడవు. మీరు మరొక కాంటాక్ట్ సమాచారాన్ని షేర్ చేస్తున్నప్పుడు, వారి సర్వనామాలు ఎప్పుడూ షేర్ చేయబడవు.

మీ మెడికల్ IDని సృష్టించడం లేదా ఎడిట్ చేయడం

ఎమర్జెన్సీ సమయంలో ముఖ్యంగా ఉపయోగపడే మెడికల్ సమాచారం అంటే మీ గురించిన అలర్జీలు, మెడికల్ సమస్యలు ఇంకా మీ ఎమర్జెన్సీ కాంటాక్ట్‌ల వంటి సమాచారాన్ని మెడికల్ ID అందిస్తుంది.

  1. మీ iPhoneలో కాంటాక్ట్స్ యాప్ కి వెళ్ళండి.

  2. మీ కాంటాక్ట్‌ల జాబితా ఎగువన ఉన్న ’నా కార్డ్’ను ట్యాప్ చేసి, ఆపై’ఎడిట్’ ట్యాప్ చేయండి.

  3. దిగువకు స్క్రోల్ చేసి, ఆపై ’మెడికల్ IDని సృష్టించండి’ లేదా ’మెడికల్ IDని ఎడిట్ చేయండి’ని ట్యాప్ చేయండి.

దీన్ని కూడా చూడండిiPhoneలో మీ కాంటాక్ట్ సమాచారాన్ని షేర్ చేయడానికి Namedropను ఉపయోగించడంమీ మెడికల్ IDని సెటప్ చేసి, చూడండి
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.