iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhone స్క్రీన్‌పై జూమ్ ఇన్ చేయండి

చాలా యాప్‌లలో, మీరు నిర్దిష్ట ఐటెమ్‌లను జూమ్ ఇన్ లేదా జూమ్ ఔట్ చేయవచ్చు. ఉదాహరణకు, మీరు ఫోటోస్‌లో దగ్గరగా చూడటానికి డబల్ ట్యాప్ లేదా పించ్ చేయవచ్చు లేదా Safariలో వెబ్‌పేజీ కాలమ్‌లను విస్తరించవచ్చు. మీరు ఏం చేస్తున్నా సరే, స్క్రీన్‌ను పెద్దది చేయడానికి జూమ్ ఫీచర్‌ను ఉపయోగించవచ్చు. మీరు మొత్తం స్క్రీన్‌ను (ఫుల్ స్క్రీన్ జూమ్) పెద్దదిగా చేయవచ్చు లేదా రీసైజ్ చేయదగిన లెన్స్ (విండో జూమ్)తో స్క్రీన్‌లో కొంత భాగాన్ని మాత్రమే పెద్దదిగా చేయవచ్చు. అలాగే, మీరు VoiceOverతో కలిపి జూమ్‌ను ఉపయోగించవచ్చు.

స్క్రీన్‌పై ఒక భాగంలో జూమ్ చేసిన విండోతో హోమ్ స్క్రీన్‌ను చూపుతున్న iPhone.

జూమ్‌ను సెటప్ చేయడం

  1. సెట్టింగ్స్  > సౌలభ్య సాధనాలు > జూమ్‌కు వెళ్ళి, ఆపై జూమ్‌ను ఆన్ చేయండి.

  2. ఈ కింది వాటిలో దేనినైనా అడ్జస్ట్ చేయండి:

    • ఫోకస్‌ను అనుసరించండి: మీ ఎంపికలను, టెక్స్ట్ ఇన్సర్షన్ పాయింట్‌ను, మీ టైపింగ్‌ను ట్ర్యాక్ చేయండి.

    • స్మార్ట్ టైపింగ్: కీబోర్డ్ కనిపించినప్పుడు ’విండో జూమ్’కు మారండి.

    • కీబోర్డ్ షార్ట్‌కట్స్: ఎక్స్‌టర్నల్ కీబోర్డ్‌తో షార్ట్‌కట్‌లను ఉపయోగించి జూమ్‌ను నియంత్రించండి.

    • జూమ్ కంట్రోలర్: కంట్రోలర్‌ను ఆన్ చేసి, కంట్రోలర్ యాక్షన్‌లను సెట్ చేసి, రంగు, ఒపాసిటీని అడ్జస్ట్ చేయండి.

    • జూమ్ ప్రాంతం: ఫుల్ స్క్రీన్ జూమ్ లేదా విండో జూమ్‌ను ఎంచుకోండి.

    • జూమ్ ఫిల్టర్: ’ఏదీ లేదు’, ’ఇన్వర్టెడ్’, ’గ్రేస్కేల్’, ’గ్రేస్కేల్ ఇన్వర్టెడ్’ లేదా ’తక్కువ లైట్’ ఎంచుకోండి.

    • గరిష్ట జూమ్ స్థాయి: లెవల్‌ను అడ్జస్ట్ చేయడానికి స్లైడర్‌ను డ్రాగ్ చేయండి.

  3. మీరు పాయింటర్ డివైజ్‌తో iPhoneను ఉపయోగిస్తే, మీరు పాయింటర్ కంట్రోల్ దిగువన ఇవి కూడా సెట్ చేయవచ్చు:

    • జూమ్ పాన్: పాయింటర్‌తో స్క్రీన్ ఇమేజ్ ఎలా కదులుతుందో సెట్ చేయడానికి నిరంతర, కేంద్రపరమైన లేదా మూలలను ఎంచుకోండి.

    • జూమ్‌తో సైజ్‌ను అడ్జస్ట్ చేయండి: జూమ్‌తో పాయింటర్‌ను స్కేల్ చేయడానికి అనుమతించండి.

  4. సౌలభ్య సాధనాల షార్ట్‌కట్‌కు జూమ్‌ను జోడించడానికి, సెట్టింగ్స్ > సౌలభ్య సాధనాలు > సౌలభ్య సాధనాల షార్ట్‌కట్‌కు వెళ్ళి, ఆపై జూమ్‌ను ట్యాప్ చేయండి.

జూమ్‌ను ఉపయోగించడం

  1. జూమ్‌ను ఆన్ చేయడానికి మూడు వేళ్ళతో స్క్రీన్‌ను డబల్ ట్యాప్ చేయండి లేదా సౌలభ్య సాధనాల షార్ట్‌కట్‌ను ఉపయోగించండి.

  2. మరిన్ని స్క్రీన్‌లను చూడటానికి, ఈ దిగువ వాటిలో ఒకదాన్ని చేయండి:

    • మాగ్నిఫికేషన్‌ను అడ్జస్ట్ చేయండి: మూడు వేళ్ళతో స్క్రీన్‌ను డబల్ ట్యాప్ చేయండి (రెండవ ట్యాప్ తర్వాత మీ వేళ్ళను పైకి ఎత్తకుండా), ఆపై పైకి లేదా క్రిందికి డ్రాగ్ చేయండి. లేదా మూడు వేళ్ళతో ట్రిపల్-ట్యాప్ చేసి, ఆపై జూమ్ లెవల్ స్లైడర్‌ను డ్రాగ్ చేయండి.

    • జూమ్ లెన్స్‌ను తరలించండి: (విండో జూమ్) జూమ్ లెన్స్ దిగువన ఉన్న హ్యాండిల్‌ను డ్రాగ్ చేయండి.

    • మరో ప్రాంతానికి పాన్ చేయండి: (ఫుల్ స్క్రీన్ జూమ్) మూడు వేళ్ళతో స్క్రీన్‌ను డ్రాగ్ చేయండి.

  3. జూమ్ మెన్యూతో సెట్టింగ్‌లను అడ్జస్ట్ చేయడానికి, మూడు వేళ్ళతో ట్రిపల్-ట్యాప్ చేసి, ఆపై ఈ దిగువ వాటిలో ఒకదాన్ని అడ్జస్ట్ చేయండి:

    • ప్రాంతాన్ని ఎంచుకోండి: ఫుల్ స్క్రీన్ జూమ్ లేదా విండో జూమ్‌ను ఎంచుకోండి.

    • లెన్స్ సైజ్ మార్చండి: (విండో జూమ్) ‘లెన్స్ సైజ్ మార్చండి’ ట్యాప్ చేసి, ఆపై కనిపించే గుండ్రని హ్యాండిల్‌లను డ్రాగ్ చేయండి.

    • ఫిల్టర్‌ను ఎంచుకోండి: ’ఇన్వర్టెడ్’, ’గ్రేస్కేల్’, ’గ్రేస్కేల్ ఇన్వర్టెడ్’ లేదా ’తక్కువ లైట్’ ఎంచుకోండి.

    • కంట్రోలర్‌ను చూపించండి: జూమ్ కంట్రోలర్‌ను చూపించండి.

  4. జూమ్ కంట్రోలర్‌ను ఉపయోగించడానికి, ఈ దిగువ వాటిలో ఒకటి చేయండి:

    • జూమ్ మెన్యూని చూపండి: కంట్రోలర్‌ను ట్యాప్ చేయండి.

    • జూమ్ ఇన్ లేదా జూమ్ ఔట్ చేయడం: కంట్రోలర్‌ను డబల్-ట్యాప్ చేయండి.

    • పాన్ చేయడం: జూమ్ ఇన్ చేసినప్పుడు, కంట్రోలర్‌ను డ్రాగ్ చేయండి.

Magic Keyboardతో జూమ్‌ను ఉపయోగిస్తున్నప్పుడు, జూమ్ ప్రాంతం ఇన్సర్షన్ పాయింట్‌ను అనుసరించి, దానిని స్క్రీన్ మధ్యలో ఉంచుతుంది. iPhoneతో Magic Keyboardను పెయిర్ చేయడం చూడండి.

జూమ్‌ను ఆఫ్ చేయడానికి, మూడు వేళ్ళతో స్క్రీన్‌ను డబల్ ట్యాప్ చేయండి లేదా సౌలభ్య సాధనాలు షార్ట్‌కట్‌ను ఉపయోగించండి.

దీన్ని కూడా చూడండిiPhone డిస్‌ప్లే, టెక్స్ట్ సెట్టింగ్‌లను అడ్జస్ట్ చేయండిiPhoneలోని మాగ్నిఫైయర్‌తో మీ చుట్టూ ఉన్న విషయాలను మాగ్నిఫై చేయడం లేదా వివరించడంiPhoneలో విజన్ కోసం సౌలభ్య సాధనాల ఫీచర్‌లు
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.