iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో మార్కప్‌తో డాక్యుమెంట్‌లలో రాయడం, డ్రా చేయడం

నోట్స్, ఫోటోస్ వంటి మద్దతు ఉన్న యాప్‌లలో, మీరు మీ డాక్యుమెంట్‌లను డ్రా, స్కెచ్ చేయడానికి మార్కప్ టూల్‌లను ఉపయోగించవచ్చు. మీరు స్క్రీన్‌షాట్‌లు, PDFలు, మరిన్నింటిలో యానటేట్ చేయడానికి కూడా మార్కప్ టూల్‌లను ఉపయోగించవచ్చు.

నోట్స్ యాప్‌లో నోట్ తెరవబడింది, స్క్రీన్ దిగువన మార్కప్ టూల్‌బార్ తెరవబడింది. ఎడమ నుండి కుడి వైపుకి చూపిన మార్కప్ టూల్‌లు: పెన్, మోనో లైన్, మార్కర్, ఎరేజర్, లాస్సో, రూలర్, పెన్సిల్, ఆపై రంగు ఎంపిక బటన్, ‘జోడించండి’ బటన్.

రాయడం, డ్రా చేయడం

  1. మద్దతు ఉన్న యాప్‌లో, మార్కప్ బటన్ లేదా ‘మార్కప్’ను ట్యాప్ చేయండి.

  2. మార్కప్ టూల్‌బార్‌లో, పెన్ను, మార్కర్ లేదా పెన్సిల్ టూల్‌ను ట్యాప్ చేసి, ఆపై మీ వేలితో రాయండి లేదా డ్రా చేయండి.

    డ్రాయింగ్ చేస్తున్నప్పుడు, దిగువ పేర్కొన్న వాటిలో ఏదైనా చేయండి:

    • లైన్ వెయిట్‌ను మార్చండి: టూల్‌బార్‌లో ఎంచుకున్న డ్రాయింగ్ టూల్‌ను ట్యాప్ చేసి, ఆపై ఒక ఎంపికను ట్యాప్ చేయండి.

    • ఒపాసిటీని మార్చడం: టూల్‌బార్‌లో ఎంచుకున్న డ్రాయింగ్ టూల్‌ను ట్యాప్ చేసి, ఆపై స్లైడర్‌ను డ్రాగ్ చేయండి.

    • రంగును మార్చడం: టూల్‌బార్‌లో రంగు ఎంపిక బటన్ను ట్యాప్ చేసి, ఆపై మీ రంగు ఎంపికను అడ్జస్ట్ చేయడానికి గ్రిడ్, స్పెక్ట్రమ్ లేదా స్లైడర్‌లను ట్యాప్ చేయండి.

    • అన్‌డూ చేయడం: అన్‌డూ బటన్ ట్యాప్ చేయండి.

    • సరళ రేఖను గీయడం: టూల్‌బార్‌లోని రూలర్ టూల్‌ను ట్యాప్ చేసి, ఆపై రూలర్ అంచున ఒక లైన్ గీయండి.

      • రూలర్ కోణాన్ని మార్చడానికి, రెండు వేళ్ళతో రూలర్‌ను టచ్ చేసి ఉంచి, ఆపై మీ వేళ్ళను తిప్పండి.

      • రూలర్ కోణాన్ని మార్చకుండా దానిని తరలించడానికి, దానిని ఒక వేలితో డ్రాగ్ చేయండి.

      • రూలర్‌ను దాచడానికి, టూల్‌బార్ రూలర్ టూల్‌ను మళ్ళీ ట్యాప్ చేయండి.

  3. మార్కప్ టూల్‌బార్‌ను మూసివేయడానికి, మార్కప్ బటన్ను లేదా ‘పూర్తి’ని ట్యాప్ చేయండి.

పొరపాటును ఎరేజ్ చేయడం

మద్దతు ఉన్న యాప్‌లో మార్కప్ టూల్‌బార్‌లో ఎరేజర్ టూల్‌ను ట్యాప్ చేసి, దిగువ పేర్కొన్న వాటిలో ఏదైనా చేయండి:

  • పిక్సెల్ ఎరేజర్‌తో ఎరేజ్ చేయడం: మీ వేలితో పొరపాటును స్క్రబ్ చేయండి.

  • ఆబ్జెక్ట్ ఎరేజర్‌తో ఎరేజ్ చేయడం: మీ వేలితో ఆబ్జెక్ట్‌ను టచ్ చేయండి.

  • పిక్సెల్, ఆబ్జెక్ట్ ఎరేజర్‌ల మధ్య మారడం: ఎరేజర్ టూల్‌ను మళ్ళీ ట్యాప్ చేసి, ఆపై పిక్సెల్ ఎరేజర్ లేదా ఆబ్జెక్ట్ ఎరేజర్‌ను ఎంచుకోండి.

నోట్: మీకు మార్కప్ టూల్‌బార్ కనిపించకపోతే, మార్కప్ బటన్ లేదా ‘మార్కప్’ను ట్యాప్ చేయండి. టూల్‌బార్ కుదించబడినట్లయితే, దాని కుదించబడిన వెర్షన్‌ను ట్యాప్ చేయండి.

మార్కప్ ఆబ్జెక్ట్‌లను మూవ్ చేయడం

  1. మార్కప్ టూల్‌బార్‌లో, లాస్సో టూల్‌ను (ఎరేజర్, రూలర్ టూల్‌ల మధ్య) ట్యాప్ చేసి, ఆపై మీరు తరలించాలనుకుంటున్న ఎలిమెంట్‌లను డ్రాగ్ చేయడానికి మీ వేలిని ఉపయోగించండి.

    నోట్: మద్దతు ఉన్న యాప్‌లో మీకు మార్కప్ టూల్‌బార్ కనిపించకపోతే, మార్కప్ బటన్ లేదా ‘మార్కప్’ను ట్యాప్ చేయండి. టూల్‌బార్ కుదించబడినట్లయితే, దాని కుదించబడిన వెర్షన్‌ను ట్యాప్ చేయండి.

  2. మీ వేలిని పైకి ఎత్తండి.

  3. ఎంచుకున్న ఎలిమెంట్‌ను టచ్ చేసి, ఆపై దానిని కొత్త లొకేషన్‌కు డ్రాగ్ చేయండి.

  4. లాస్సోను ఆఫ్ చేయడానికి స్క్రీన్‌ను ట్యాప్ చేయండి.

దీన్ని కూడా చూడండిiPhoneలోని డాక్యుమెంట్‌లకు టెక్స్ట్, ఆకారాలు, స్టిక్కర్‌లు, మరిన్నింటిని జోడించడానికి మార్కప్‌ను ఉపయోగించండిiPhoneలో ఫారమ్‌లను ఫిల్ చేయడం, డాక్యుమెంట్లపై సంతకం చేయడం, సంతకాలను సృష్టించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.