iOS 26
iOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

آس پاس کے Apple ڈیوائسوں پر آئٹم بھیجنے کے لیے AirDrop کا استعمال کرنا

‏AirDrop کے ذریعے آپ نزدیکی iPhone، ‏iPad یا Mac پر وائرلیس طریقے سے تصاویر، ویڈیو، دستاویزات اور بہت کچھ بھیج سکتے ہیں۔ آپ اپنے ڈیوائسوں پر فائلیں بھیجنے یا دوسروں کے ساتھ فائلیں شیئر کرنے کے لیے AirDrop کا استعمال کر سکتے ہیں۔

آپ iPhone، ‏iPad اور Mac کے ساتھ AirDrop کا استعمال کر سکتے ہیں۔

سیکورٹی کے لیے ٹرانسفر انکرپٹ کیے جاتے ہیں اور وصول کنندہ ہر ایک ٹرانسفر کے آنے پر اسے قبول یا رد کر سکتا ہے۔

نوٹ: اگر آپ AirDrop ٹرانسفر شروع ہونے کے بعد Bluetooth یا Wi-Fi کی رینج سے باہر نکلتے ہیں تو ٹرانسفر انٹرنیٹ پر جاری رہتا ہے۔

ایک دم اوپر AirDrop پیغام دکھانے والی iPhone ہوم اسکرین۔

شروع کرنے سے پہلے

درج ذیل کو یقینی بنائیں:

  • دونوں ڈیوائسوں پر Wi-Fi اور ⁨Bluetooth®⁩ چالو ہوں۔

  • ڈیوائس ایک دوسرے سے 30 فٹ (10 میٹر) کے اندر ہیں۔

اگر آپ کسی VPN کا استعمال کر رہے ہیں تو یقینی بنائیں کہ اس کا کنفیگریشن مقامی نیٹ ورکنگ کو روکتا نہ ہو کیونکہ یہ کچھ کنٹینیوٹی فیچر میں خلل ڈال سکتا ہے۔

اگر آپ اپنے Apple ڈیوائسوں کے درمیان آئٹم بھیجنے کے لیے AirDrop کا استعمال کرنا چاہتے ہیں تو آئٹم کو آٹومیٹک طریقے سے قبول اور محفوظ کرنے کے لیے اپنے Apple اکاؤنٹ میں سائن اِن کریں۔

‏AirDrop چالو کرنا

  • ‏iPhone یا iPad پر: کنٹرول سینٹر کھولیں، کنٹرول کے اوپری دائیں گروپ کو ٹچ اور ہولڈ کریں پھر ‏AirDrop آئیکن پر ٹیپ کریں۔ آپ کس سے آئٹم موصول کرنا چاہتے ہیں یہ منتخب کرنے کے لیے ”صرف روابط“ یا ”10منٹ کے لیے ہر ایک“ پر ٹیپ کریں۔

    نوٹ: ”صرف روابط“ اور ”10منٹ کے لیے ہر ایک“ اختیارات صرف AirDrop کے لیے سسٹم کے کم سے کم تقاضے والے ڈیوائسوں پر دستیاب ہیں۔

  • ‏Mac پر: مینو بار میں کنٹرول سینٹر اسٹیٹس مینو پر کلک کریں پھر ‏AirDrop آئیکن پر کلک کریں۔ جب یہ نیلا ہو جائے تو اس کا مطلب ہے یہ چالو ہے۔

    یہ منتخب کرنے کے لیے کہ کون آپ کو آئٹم بھیج سکتا ہے، AirDrop کے آگے دائیں تیر پر کلک کریں، پھر ”صرف روابط“ یا ”ہر ایک“ پر کلک کریں۔

‏AirDrop کا استعمال کر کے آئٹم بھیجنا

‏AirDrop کے ذریعے کسی کو آئٹم بھیجنے کے لیے آپ اور آپ کے وصول کنندہ دونوں کو AirDrop چالو کرنا اور ”روابط“ یا ”ہر ایک“ سے آئٹم قبول کرنے کا انتخاب کرنا ہوگا۔ اگر کوئی وصول کنندہ صرف کسی رابطے سے آئٹم قبول کرنے کا انتخاب کرتا ہے تو آپ کا ان کے روابط کی فہرست میں ہونا ضروری ہے اور انھیں آپ کے رابطہ کارڈ میں آپ کا Apple اکاؤنٹ ای میل ایڈریس یا فون نمبر شامل کرنا ہوگا۔

پھر ذیل میں سے کوئی کام کریں:

  • ‏iPhone یا iPad پر: آئٹم کھولیں پھر ”شیئر کریں“ آئیکن پر ٹیپ کریں، ”شیئر کریں“، ‏AirDrop آئیکن یا دوسرے بٹن پر ٹیپ کریں (ایپ کے مطابق)۔ ‏AirDrop آئیکن پر ٹیپ کریں پھر اس وصول کنندہ پر ٹیپ کریں جس کے ساتھ آپ شیئر کرنا چاہتے ہیں۔ آپ کو نظر آنے والے وصول کنندگان وہ لوگ ہیں جو آپ کے آس پاس ہیں، جنھوں نے Wi-Fi اور Bluetooth چالو کیا ہوا ہے اور آپ کے ڈیوائس سے فائلیں قبول کرنے کے اہل ہیں۔

    تجویز: اگر آپ اپنے رابطے میں موجود کسی شخص کے نزدیکی رینج میں ہیں تو آپ جس فائل کو شیئر کرنا چاہتے ہیں اسے کھول کر، پھر اپنے iPhone کو اپنے رابطے کے iPhone کے نزدیک لے جا کر (iOS 17 یا بعد کے ورژن والے اعانت یافتہ ماڈلوں پر) AirDrop ٹرانسفر شروع کر سکتے ہیں۔

  • ‏Mac پر: آئٹم کو Mac پر کھولیں، ٹول بار میں ”شیئر کریں“ آئیکن پر کلک کریں، پھر AirDrop پر کلک کریں۔ اس وصول کنندہ کو منتخب کریں جس کے ساتھ آپ شیئر کرنا چاہتے ہیں۔ آپ کو نظر آنے والے وصول کنندگان وہ لوگ ہیں جو آپ کے نزدیک ہیں، جنھوں نے Wi-Fi اور Bluetooth چالو کیا ہوا ہے اور آپ کے ڈیوائس سے فائلیں قبول کرنے کے قابل ہیں۔

    تجویز: آپ Finder میں AirDrop کے ساتھ بھی آئٹم شیئر کر سکتے ہیں۔ ‏Finder پر جائیں، سائڈ بار میں AirDrop پر کلک کریں، پھر جس آئٹم کو آپ شیئر کرنا چاہتے ہیں اسے اُس وصول کنندہ تک، جسے آپ اسے بھیجنا چاہتے ہیں، ڈریگ کریں۔

‏iPhone، ‏iPad یا Mac کا استعمال کرنے والے کسی شخص کے ساتھ محفوظ طریقے سے ایپ اور ویب سائٹ کے پاس ورڈ شیئر کرنے کے لیے AirDrop کا استعمال کرنے کے لیے ‏iPhone پر اپنے معتبر لوگوں کے ساتھ پاس ورڈ یا پاس کِی شیئر کرنا دیکھیں۔

‏AirDrop کے ذریعے آئٹم موصول کرنا

اپنے ڈیوائس پر، AirDrop کی اطلاع پر ”قبول کریں“ پر ٹیپ یا کلک کریں۔

زیادہ تر آئٹم اس ایپ میں محفوظ کیے جاتے ہیں جس سے انھیں بھیجا جاتا ہے۔ مثال کے طور پر اگر کوئی شخص تصویر ایپ سے آپ کو تصویر بھیجنے کے لیے AirDrop کا استعمال کرتا ہے تو یہ آپ کے ڈیوائس پر تصویر ایپ میں محفوظ ہوگی۔

ڈیوائس کے مطابق آپ اپنی فائلیں دوسری جگہوں پر تلاش کر سکتے ہیں۔ ‏iPhone یا iPad پر کچھ آئٹم فائل ایپ میں محفوظ کیے جا سکتے ہیں۔ ‏Mac پر کچھ آئٹم آٹومیٹک طریقے سے ڈاؤنلوڈ فولڈر میں محفوظ ہو جاتے ہیں۔ آپ کے پاس یہ انتخاب کرنے کا اختیار بھی ہو سکتا ہے کہ آئٹم کو کہاں محفوظ کرنا ہے۔

نوٹ: اگر آپ نے Mac پر Finder میں AirDrop کھولا ہے تو قبول کرنے یا رد کرنے کی اطلاع مرکز اطلاعات کے بجائے یہاں ظاہر ہوں گی۔

اگر آپ اپنے ایک Apple ڈیوائس سے دوسرے پر (مثال کے طور پر اپنے Mac سے اپنے iPhone پر) آئٹم بھیجتے ہیں اور آپ نے دونوں ڈیوائسوں پر ایک ہی Apple اکاؤنٹ میں سائن اِن کیا ہے تو آئٹم کو آٹومیٹک طریقے سے قبول اور محفوظ کیا جاتا ہے۔

‏AirDrop کے لیے موبائل ڈیٹا بند کرنا

جب آپ AirDrop کا استعمال کرتے ہیں تو موبائل ڈیٹا کا چارج لاگو ہوسکتا ہے۔

اگر آپ Bluetooth یا Wi-Fi کی رینج سے باہر ہونے پر موبائل ڈیٹا کا استعمال نہیں کرنا چاہتے ہیں تو سیٹنگ  > عام > AirDrop پر جائیں پھر ”موبائل ڈیٹا استعمال کریں“ بند کریں۔

عام طور پر یہ ایک بار کی جانے والی سیٹنگ ہے لیکن مثال کے طور پر، اگر آپ سفر کر رہے ہیں اور رومنگ کے اخراجات سے بچنا چاہتے ہیں تو آپ اسے تبدیل کر سکتے ہیں۔

اگر AirDrop کام نہیں کر رہا ہے

اپنے رابطے کی معلومات کو تیزی سے شیئر کرنے کے لیے، دیکھیں ‏iPhone پر NameDrop کا استعمال کرنا۔

ڈیوائسوں کے درمیان فائلوں کے چھوٹے انتخاب کو شیئر کرنے کے لیے AirDrop سب سے اچھا ہے۔ اگر آپ اپنے Mac اور دیگر Apple ڈیوائسوں کے درمیان کئی فائلیں شیئر کرنا چاہتے ہیں تو دیکھیں ‏iPhone سے اسٹوریج ڈیوائس، سرور یا کلاؤڈ میں فائل ٹرانسفر کرنا۔

یہ بھی دیکھیںتمام Apple ڈیوائسوں پر کام کرنے کے لیے کنٹینیوٹی کا استعمال کرنااپنے iPhone اور دیگر Apple ڈیوائسوں کے درمیان کاپی اور پیسٹ کرنااپنے iPhone اور اپنے دیگر ڈیوائسوں کے درمیان ٹاسک کو ہینڈ آف کرنااپنے Mac اور iPhone، ‏iPad ، یا iPod touch کے درمیان مواد سِنک کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.