iOS 26
iOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPhone پر کتاب ایپ میں مطالعے کے اہداف سیٹ کرنا

کتاب ایپ سے آپ کو اس چیز کا ٹریک رکھنے میں مدد ملتی ہے کہ آپ ہر دن کتنے منٹ پڑھتے ہیں اور آپ ہر سال کتنی کتابیں اور آڈیو بک مکمل کرتے ہیں۔ آپ پڑھنے میں زیادہ وقت گزارنے، نئی ریڈنگ اسٹریک سیٹ کرنے اور اپنے اہداف تک پہنچنے کی حوصلہ افزائی حاصل کرنے کے لیے اپنے اہداف کو حسب خواہش بنا سکتے ہیں۔

صارف کے لیے اعدادوشمار—جیسے آج کا مطالعہ، ہفتے کے لیے ان کے مطالعے کا ریکارڈ اور اس سال پڑھی گئی ان کی کتابیں دکھانے والی مطالعے کے اہداف کی اسکرین۔ نیچے کے حصے میں موجود ہوم (جو منتخب ہوتا ہے)، لائبریری، بُک اسٹور، آڈیو بُک اور تلاش کے ٹیب۔

اپنا یومیہ مطالعے کا ہدف تبدیل کرنا

آپ اپنے یومیہ مطالعے کے ہدف کو ایڈجسٹ کر سکتے ہیں جو اس بات پر منحصر ہے کہ آپ روزانہ کتنے منٹ پڑھنا چاہتے ہیں۔ اگر آپ اپنے یومیہ مطالعے کے ہدف کو حسب خواہش نہیں بناتے ہیں تو یہ ہر دن 5 منٹ پر سیٹ ہوتا ہے۔

  1. اپنے iPhone پر ”کتاب“ ایپ پر جائیں۔

  2. ہوم پر ٹیپ کریں، پھر اسکرین کے اوپری دائیں طرف موجود مطالعے کے اہداف کے بٹن پر ٹیپ کریں۔

  3. مطالعے کے ہدف کے ٹائمر پر ٹیپ کریں، پھر ”ہدف ایڈجسٹ کریں“ پر ٹیپ کریں۔

  4. ہر دن جتنے منٹ آپ پڑھنا چاہتے ہیں انہیں سیٹ کرنے کے لیے کاؤنٹر کو اوپر یا نیچے سلائیڈ کریں۔

    نوٹ: اپنے مطالعے کے ہدف میں PDF کو شمار کرنے کے لیے سیٹنگ  > ایپ > کتاب پر جائیں، پھر ”مطالعے کے اہداف“ کے نیچے ”PDF شامل کریں“ کو چالو کریں۔

اپنا سالانہ مطالعے کا ہدف تبدیل کرنا

جب آپ کسی کتاب کو پڑھنا یا آڈیو بک سننا مکمل کر لیتے ہیں تو اس کا کور ”اس سال پڑھی گئی کتابیں“ کے نیچے ڈسپلے کیا جاتا ہے۔ سالانہ مطالعے کا ڈیفالٹ ہدف ہر سال تین کتابیں ہے، لیکن آپ اپنے ہدف کو بڑھا سکتے یا کم کر سکتے ہیں جو اس بات پر منحصر ہے کہ آپ کتنی کتابیں مکمل کرنا چاہتے ہیں۔

  1. اپنے iPhone پر ”کتاب“ ایپ پر جائیں۔

  2. ہوم پر ٹیپ کریں، پھر اسکرین کے اوپری دائیں طرف موجود مطالعے کے اہداف کے بٹن پر ٹیپ کریں۔

  3. کتاب کے سرورق یا سرورق کے پلیس ہولڈر پر ٹیپ کریں، پھر ”ہدف ایڈجسٹ کریں“ پر ٹیپ کریں۔

  4. ہر سال جو کتابیں آپ پڑھنا چاہتے ہیں انہیں سیٹ کرنے کے لیے کاؤنٹر کو اوپر یا نیچے سلائیڈ کریں، پھر ”ہو گیا“ پر ٹیپ کریں۔

تجویز: آپ اپنی لائبریری میں موجود کتاب کا اسٹیٹس ”مکمل“ میں تبدیل کر سکتے ہیں۔ کتاب یا آڈیو بک کے سرورق کے آگے ”مزید معلومات“ کا بٹن پر ٹیپ کریں، پھر ”مکمل کے طور پر نشان زد کریں“ پر ٹیپ کریں۔

کوچنگ کی اطلاعات بند کرنا

آپ کے مطالعے کے اہداف مکمل کرنے میں آپ کی مدد کے لیے آپ کو ”کتاب“ کی طرف سے حوصلہ افزائی اور اشارے موصول ہوتے ہیں۔ آپ ان اطلاعات کو بند کر سکتے ہیں۔

  1. اپنے iPhone پر ”کتاب“ ایپ پر جائیں۔

  2. ”ہوم“ پر ٹیپ کریں، پھر اسکرین کے اوپری دائیں کونے میں موجود اپنے اکاؤنٹ بٹن پر ٹیپ کریں۔

  3. ”اطلاعات“ پر ٹیپ کریں، پھر ”کوچنگ“ بند کریں۔

  4. ”ہو گیا“ پر ٹیپ کریں۔

مطالعے کے اہداف کی اطلاعات بند کرنا

جب آپ مطالعے کا ہدف حاصل کرتے ہیں یا ریڈنگ اسٹریک سیٹ کرتے ہیں تو ”کتاب“ آپ کو اطلاعات بھیجتی ہے۔ آپ ان اطلاعات کو بند کر سکتے ہیں۔

  1. اپنے iPhone پر ”کتاب“ ایپ پر جائیں۔

  2. ”ہوم“ پر ٹیپ کریں، پھر اسکرین کے اوپری دائیں کونے میں موجود اپنے اکاؤنٹ بٹن پر ٹیپ کریں۔

  3. ”اطلاعات“ پر ٹیپ کریں، پھر ”ہدف کی تکمیل“ بند کریں۔

  4. ”ہو گیا“ پر ٹیپ کریں۔

مطالعے کے اہداف بند کرنا

سیٹنگ  >ایپ > کتاب پر جائیں، پھر ”مطالعے کے اہداف“ کو بند کریں۔

”مطالعے کے اہداف“ بند ہونے پر ”ہوم“ میں مطالعہ انڈیکیٹر پوشیدہ ہوتے ہیں اور آپ کو مطالعے کی اطلاعات موصول نہیں ہوتی ہیں۔

مطالعے کا ڈیٹا صاف کرنا

مطالعے میں گزارا گیا وقت، مطالعے کے اہداف اور ریڈنگ اسٹریک جیسے اپنے مطالعے کے ڈیٹا کو صاف کرنے کے لیے، سیٹنگ  > ایپ > کتاب پر جائیں، پھر ”مطالعے کے اہداف کا ڈیٹا صاف کریں“ پر ٹیپ کریں۔

یہ بھی دیکھیں‏iPhone پر کتابیں اور آڈیو بک خریدنا‏iPhone پر ”کتاب“ ایپ میں کتابیں پڑھنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.