iOS 26
iOS 18
iOS 17
iOS 16
iOS 15
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် အတည်ပြုကုဒ်နံပါတ်တွင် အလိုအလျောက်ဖြည့်ခြင်း

အချို့ဝက်ဘ်ဆိုက်များနှင့် အက်ပ်များသည် အထောက်အထားနှစ်ရပ် အတည်ပြုချက် (အကြောင်းအရာမျိုးစုံအတည်ပြုချက်ဟုလည်းခေါ်သည်) ပေးသည်၊ ယင်းသည် သင့်စကားဝှက်များကို တခြားသူများသိပါက သင့်အကောင့်များသို့ သူတို့ဝင်ရောက်ခြင်းမှ ကာကွယ်ရန် အထောက်အကူပြုသည်။ စကားဝှက်များသည် ပထမဆုံးအတည်ပြုချက် အဆင့်ဖြစ်ပြီး ယာယီ၊ တစ်ကြိမ်အတည်ပြုချက်ကုဒ်နံပါတ်များသည် အများအားဖြင့် ဒုတိယအဆင့်ဖြစ်ကာ၊ iPhone သည် SMS မက်ဆေ့ချ်များ သို့မဟုတ် ထပ်တိုးအက်ပ်များတွင် သင့်မှီခိုမှုမပါဘဲ ထိုအတည်ပြုချက်ကုဒ်နံပါတ်များကို အလိုအလျောက်ဖန်တီးနိုင်သည်။

QR ကုဒ်တစ်ခုစကန်ဖတ်ခြင်းဖြင့် ဝက်ဘ်ဆိုက်တစ်ခု သို့မဟုတ် အက်ပ်တစ်ခုအတွက် အလိုအလျောက် အတည်ပြုချက်ကုဒ်များ သတ်မှတ်ခြင်း

ကွန်ပျူတာ သို့မဟုတ် iPad လိုဖန်သားပြင်တစ်ခုနှင့် နောက်ထပ်စက်ပစ္စည်းတစ်ခုရှိပါက ဝက်ဘ်ဆိုက် သို့မဟုတ် အက်ပ်တစ်ခုမှ QR ကုဒ်တစ်ခုပြရန် ၎င်းကိုသုံးနိုင်သည်၊ ထို့နောက် ထိုကုဒ်ကိုစကန်ဖတ်ရန် iPhone ကင်မရာကိုသုံးပါ။

  1. သင်၏အခြားစက်ပစ္စည်းတွင် သင့်အကောင့်ကိုစီမံလုပ်ဆောင်သည့် ဝက်ဘ်ဆိုက် သို့မဟုတ် အက်ပ်၏နေရာသို့ဝင်ရောက်ပါ၊ ထို့နောက် အထောက်အထားနှစ်ရပ် အတည်ပြုချက်နှင့် အတည်ပြုအက်ပ်ကိုလုပ်ဆောင်ရန် ရွေးစရာများကိုရွေးချယ်ပါ။

    အတည်ပြုအက်ပ်တစ်ခုကို ကူညီထည့်သွင်းရန် QR ကုဒ်တစ်ခုပေါ်လာသည်။

  2. iPhone တွင် ထို QR ကုဒ်ကိုစကန်ဖတ်ရန် ကင်မရာကိုသုံးပါ။

  3. iPhone တွင် ထိုဝက်ဘ်ဆိုက် သို့မဟုတ် အက်ပ်အတွက် သင့်အကောင့်ကိုရွေးချယ်ပါ။

    အတည်ပြုကုဒ်နံပါတ်တစ်ခုသည် User Name နှင့် Password နေရာများအောက်တွင်ပေါ်လာသည်။

  4. သင့်အခြားစက်ပစ္စည်းတွင် သင့် iPhone တွင်ပေါ်သည့် အတည်ပြုကုဒ်နံပါတ်ကိုဖြည့်ပါ။

သတ်မှတ်ထားသည့်အချက်အလက်တစ်ခုကိုဖြည့်ပြီး ဝက်ဘ်ဆိုက် သို့မဟုတ် အက်ပ်တစ်ခုအတွက် အလိုအလျောက် အတည်ပြုကုဒ်နံပါတ်များထည့်ခြင်း

နောက်ထပ်ဖန်သားပြင်မှ QR ကုဒ်တစ်ခုစကန်မဖတ်နိုင်ပါက သတ်မှတ်ထားသည့် အချက်အလက်တစ်ခုကို ကိုယ်တိုင်ဖြည့်နိုင်သည်။

  1. သင့်အကောင့်ကို စီမံလုပ်ဆောင်သည့် ဝက်ဘ်ဆိုက် သို့မဟုတ် အက်ပ်၏နေရာသို့ဝင်ရောက်ပါ၊ ထို့နောက် အထောက်အထားနှစ်ရပ် အတည်ပြုချက်နှင့် အတည်ပြုအက်ပ်ကိုလုပ်ဆောင်ရန် ရွေးစရာများကိုရွေးချယ်ပါ။

  2. သတ်မှတ်ထားသည့် အချက်အလက်တစ်ခုကို ကိုယ်တိုင်သုံးရန် ထိုရွေးစရာကိုရွေးချယ်ပါ (သို့မဟုတ် သတ်မှတ်ကုဒ် သို့မဟုတ် အလားတူ)၊ ထို့နောက် ထိုသတ်မှတ်ထားသည့်အချက်အလက်ကို ရွေးချယ်ပြီးကူးယူပါ။

  3. Settings  > Passwords သို့သွားပါ၊ ထို့နောက် ထိုဝက်ဘ်ဆိုက် သို့မဟုတ် အက်ပ်အတွက် သင့်အကောင့်ကိုရွေးချယ်ပါ။

  4. Set Up Verification Code ကိုနှိပ်ပါ၊ ထို့နောက် Enter Setup Key ကိုနှိပ်ပါ။

  5. Setup Key နေရာကိုနှိပ်ပါ၊ Paste ကိုနှိပ်ပါ၊ ထို့နောက် OK ကိုနှိပ်ပါ။

  6. Verification Code နေရာကိုနှိပ်ပါ၊ ထို့နောက် Copy Verification Code ကိုနှိပ်ပါ။

  7. ထိုဝက်ဘ်ဆိုက် သို့မဟုတ် အက်ပ်သို့ပြန်သွားပါ၊ ထို့နောက်အတည်ပြုကုဒ်နံပါတ်ကို တိုက်ရိုက်ကူးထည့်ပါ။

ဝက်ဘ်ဆိုက်တစ်ခု သို့မဟုတ် အက်ပ်တစ်ခုတွင် အတည်ပြုချက် ကုဒ်နံပါတ်တစ်ခုကိုသုံးခြင်း

  1. ထိုဝက်ဘ်ဆိုက် သို့မဟုတ် အက်ပ်သို့ဝင်ရောက်ပါ။

  2. ပေါ်လာပါက အတည်ပြုအက်ပ်တစ်ခုကိုသုံးရန် ထိုရွေးစရာကိုရွေးချယ်ပါ။

  3. အတည်ပြုကုဒ်တစ်ခုတောင်းသည့်အခါ စာရိုက်ခလုတ်ခုံအထက်တွင်ပေါ်လာသည့် အကြံပြုချက်ကိုနှိပ်ပါ။

    အကြံပြုချက်မပေါ်ပါက Settings  > Passwords သို့သွားပါ၊ ထိုဝက်ဘ်ဆိုက် သို့မဟုတ် အက်ပ်အတွက် သင့်အကောင့်ကိုရွေးပါ၊ ထိုအတည်ပြုကုဒ်နံပါတ်ကိုနှိပ်ပါ၊ ထို့နောက် Copy Verification Code ကိုနှိပ်ပါ။ ထိုဝက်ဘ်ဆိုက် သို့မဟုတ် အက်ပ်သို့ပြန်သွားပါ၊ ထို့နောက်အတည်ပြုကုဒ်နံပါတ်ကို ထိုနေရာသို့ကူးထည့်ပါ။

Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.