iPadOS 26
iPadOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPadలోని రిమైండర్స్‌లో వివరాలను జోడించడం

మీరు మీ రిమైండర్‌లకు నోట్స్, లింక్‌లు, గడువు తేదీలు, ఫోటోలు వంటి వివరాలను జోడించవచ్చు.

నోట్: మీరు iCloudలో అప్‌డేట్ చేయబడిన రిమైండర్స్ ఉపయోగిస్తే మాత్రమే ఈ గైడ్‌లో వివరించిన రిమైండర్స్ ఫీచర్‌లన్నీ అందుబాటులో ఉంటాయి. ఇతర ఖాతాలను ఉపయోగిస్తున్నప్పుడు కొన్ని ఫీచర్‌లు అందుబాటులో ఉండవు.

రిమైండర్స్ యాప్ ప్రతి రిమైండర్‌లో ఫోటోలతో కూడిన జాబితాను చూపుతుంది.

రిమైండర్‌కు నోట్, URL, ఇతర వివరాలను జోడించడం

  1. మీ iPadలోని రిమైండర్స్ యాప్ కు వెళ్ళండి.

  2. ఐటెమ్‌ను ట్యాప్ చేయండి.

  3. ‘నోట్‌ను జోడించండి’ని ట్యాప్ చేసి, ఆపై మరింత సమాచారాన్ని జోడించండి.

  4. ఐటెమ్ వివరాలను ఎడిట్ చేయడానికి ‘వివరాలను ఎడిట్ చేయండి’ బటన్ను ట్యాప్ చేయండి. ఉదాహరణకు, మీరు తేదీ, సమయాన్ని సెట్ చేయవచ్చు, లొకేషన్ ఆధారిత రిమైండర్‌ను సెట్ చేయవచ్చు, ముఖ్యమైన ఐటెమ్‌ను ఫ్లాగ్ చేయవచ్చు లేదా ఫోటోను జోడించవచ్చు.

ఎప్పుడు, ఎక్కడ గుర్తు చేయాలో సెట్ చేయడం

ఒక నిర్దిష్ట తేదీలో, ఒక నిర్దిష్ట సమయంలో లేదా లొకేషన్‌లో లేదా మీరు ‘సందేశాలు’లో ఎవరికైనా టెక్స్ట్ చేస్తున్నప్పుడు మీకు గుర్తు చేయవచ్చు.

  1. మీ iPadలోని రిమైండర్స్ యాప్ కు వెళ్ళండి.

  2. ‘ఐటెమ్’ను ట్యాప్ చేసి, ఆపై దిగువ పేర్కొన్న వాటిలో ఏదైనా చేయండి:

    • తేదీ, సమయాన్ని షెడ్యూల్ చేయడం: తేదీ, సమయం బటన్ను ట్యాప్ చేసి, ఆపై ఒక ఎంపికను ఎంచుకోండి.

      చిట్కా: గడువు తేదీ ఉన్న రిమైండర్‌లు క్యాలెండర్‌లో ‘రోజంతా’ ఇవెంట్‌లుగా కనిపిస్తాయి. క్యాలెండర్‌లో రిమైండర్‌లను ఉపయోగించడం అనే ఆర్టికల్ చూడండి.

    • రిమైండర్‌ను అత్యవసరమైనదిగా మార్క్ చేయడం: ‘వివరాలను ఎడిట్ చేయండి’ బటన్ ట్యాప్ చేసి, ఆపై రిమైండర్ గడువు ముగిసినప్పుడు అలారం పొందడానికి ‘అత్యవసరం’ను ఆన్ చేయండి. తేదీ, సమయం ఇప్పటికే సెట్ చేయబడకపోతే, అవి డిఫాల్ట్‌గా తదుపరి గంటకు సెట్ చేయబడతాయి. అలారం ఎప్పుడు యాక్టివేట్ అవ్వాలో మార్చడానికి మీరు తేదీ, సమయాన్ని ఎడిట్ చేయవచ్చు.

    • రిపీట్ అయ్యే రిమైండర్‌ను సెట్ చేయడం: ‘వివరాలను ఎడిట్ చేయండి’ బటన్ ట్యాప్ చేసి, తేదీ లేదా సమయాన్ని ఎనేబల్ చేసి, ’రిపీట్’ ట్యాప్ చేసి, ఆపై ఫ్రీక్వెన్సీని ఎంచుకోండి.

    • షెడ్యూల్ చేసిన తేదీ, సమయానికి ముందే రిమైండర్‌ను పొందడం: ‘వివరాలను ఎడిట్ చేయండి’ బటన్ను ట్యాప్ చేసి, ‘ముందస్తు రిమైండర్’ను ట్యాప్ చేసి, ఆపై మీకు ఎప్పుడు గుర్తు చేయాలో ఎంచుకోండి. ఉదాహరణకు, “5 నిమిషాల ముందు”, “2 రోజుల ముందు” లేదా మరో ఎంపిక.

    • లొకేషన్‌ను జోడించడం: లొకేషన్ బటన్ను ట్యాప్ చేసి, ఆపై మీకు ఎక్కడ గుర్తు చేయాలో ఎంచుకోండి-ఉదాహరణకు, మీ iPadకు Bluetooth® కనెక్షన్‌తో మీరు ఇంటికి వచ్చినప్పుడు లేదా కారులో ఎక్కినప్పుడు గుర్తుచేసేలా సెట్ చేయవచ్చు.

      నోట్: లొకేషన్ ఆధారిత రిమైండర్‌లను స్వీకరించడానికి, మీరు మీ ఖచ్చితమైన లొకేషన్‌ను ఉపయోగించడానికి తప్పనిసరిగా రిమైండర్స్‌ను అనుమతించాలి. సెట్టింగ్స్  > గోప్యత, భద్రత > 'లొకేషన్ సర్వీస్‌లు'కు వెళ్ళండి. ‘లొకేషన్ సర్వీస్‌లు’ ఆన్ చేసి, ‘రిమైండర్స్’ను ట్యాప్ చేసి, ‘యాప్‌ను ఉపయోగిస్తున్నప్పుడు’ను ఎంచుకుని, ఆపై ‘ఖచ్చితమైన లొకేషన్’ను ఆన్ చేయండి.

    • ‘సందేశాలు’లో రిమైండర్‌ను పొందడం: ‘వివరాలను ఎడిట్ చేయండి’ బటన్ను ట్యాప్ చేసి, ‘సందేశం పంపుతున్నప్పుడు’ ఆన్ చేయండి, ఆపై మీ కాంటాక్ట్‌ల జాబితా నుండి ఎవరినైనా ఎంచుకోండి. మీరు తదుపరి సారి ‘సందేశాలు’లో ఆ వ్యక్తితో చాట్ చేసినప్పుడు రిమైండర్ కనిపిస్తుంది.

  3. ‘పూర్తి’ బటన్ ట్యాప్ చేయండి.

ఫ్లాగ్, ప్రాధాన్యతను సెట్ చేయడం

  1. మీ iPadలోని రిమైండర్స్ యాప్ కు వెళ్ళండి.

  2. ఐటెమ్‌ను ట్యాప్ చేయండి.

  3. దిగువ పేర్కొన్న వాటిలో ఏదైనా చేయండి:

    • ముఖ్యమైన ఐటెమ్‌ను ఫ్లాగ్ చేయడం: ఫ్లాగ్ బటన్ను ట్యాప్ చేయండి.

    • ప్రాధాన్యతను సెట్ చేయడం: ‘వివరాలను ఎడిట్ చేయండి’ బటన్ను ట్యాప్ చేసి, ‘ప్రాధాన్యత’ను ట్యాప్ చేసి, ఆపై ‘తక్కువ’, ‘మధ్యస్థం’ లేదా ‘ఎక్కువ’ను ఎంచుకోండి.

ఫోటోను జోడించడం లేదా డాక్యుమెంట్‌ను స్కాన్ చేయడం

  1. మీ iPadలోని రిమైండర్స్ యాప్ కు వెళ్ళండి.

  2. ఐటెమ్‌ను ట్యాప్ చేసి, ఆపై ‘వివరాలను ఎడిట్ చేయండి’ బటన్ను ట్యాప్ చేయండి.

  3. ‘ఇమేజ్ జోడించండి’ ట్యాప్ చేసి, ఆపై కింది వాటిలో ఏదైనా చేయండి:

    • కొత్త ఫోటో తీయండి.

    • డాక్యుమెంట్‌ను స్కాన్ చేయండి.

    • మీ ఫోటో లైబ్రరీ నుండి ఫోటోను ఎంచుకోండి.

దీన్ని కూడా చూడండిiPadలోని రిమైండర్‌లలో ఐటెమ్‌లను పూర్తి చేయడంiPadలోని రిమైండర్స్‌లో స్మార్ట్ జాబితాలను ఉపయోగించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.