iPadOS 26
iPadOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPadలోని ఆరోగ్యం యాప్‌లో గర్భధారణను నమోదు చేయడం

మీరు ఆరోగ్యం యాప్‌లో గర్భధారణ వివరాలను నమోదు చేసినప్పుడు, మీ గర్భధారణ వయస్సును చూడవచ్చు, అలాగే గర్భధారణ సమయంలో తరచుగా కనిపించే లక్షణాలను నమోదు చేయవచ్చు. మీ శారీరక, మానసిక ఆరోగ్యంలో మార్పులను ప్రతిబింబించేలా సర్దుబాట్లు, సిఫార్సులు చేయడం ద్వారా గర్భధారణ సమయంలో మీ డేటాను బాగా అర్థం చేసుకోవడానికి ఆరోగ్యం యాప్ మీకు సహాయపడుతుంది.

స్క్రీన్ ఎగువన వారం పాటు గర్భధారణ టైమ్‌లైన్‌ను చూపుతోన్న రుతుచక్ర ట్ర్యాకింగ్ స్క్రీన్. టైమ్‌లైన్‌లో మొదటి 7 రోజులను మార్క్ చేస్తోన్న లేత ఆకుపచ్చ రంగు ఓవల్స్, పర్పుల్ డాట్స్. టైమ్‌లైన్‌లో మిగిలిన రోజులను మార్క్ చేస్తున్న డ్యాష్ చేయబడిన లేత పచ్చ రంగు ఓవల్స్. టైమ్‌లైన్‌కు దిగువన ఉన్నది గర్భధారణ వయస్సు, ప్రారంభ తేదీ, అంచనా వేయబడిన గడువు తేదీ వంటి గర్భధారణ సంబంధిత సారాంశం. గర్భధారణ సారాంశానికి దిగువన ఉన్నవి, గర్భధారణ సమయంలో రక్తస్రావం, లక్షణాలు మరెన్నో వాటికి సంబంధించిన సమాచారాన్ని జోడించే ఎంపికలు.

గర్భధారణను నమోదు చేయడం

  1. మీ iPadలో ఆరోగ్యం యాప్ కు వెళ్ళండి.

  2. సైడ్‌బార్ బటన్ ట్యాప్ చేసి, ఆపై రుతుచక్ర ట్ర్యాకింగ్‌ను ట్యాప్ చేయండి.

  3. దిగువకు స్క్రోల్ చేసి, ఫ్యాక్టర్‌లను ట్యాప్ చేసి, ఆపై జోడించండి బటన్ ట్యాప్ చేయండి.

  4. గర్భధారణను ట్యాప్ చేసి, ఆపై ‘ప్రారంభించండి’ని ట్యాప్ చేయండి.

  5. దిగువ పేర్కొన్న వాటిలో ఏదైనా చేయండి:

    • మీ చివరి పీరియడ్‌లోని మొదటి రోజును నమోదు చేయడానికి: చివరి రుతుచక్ర కాలాన్ని ట్యాప్ చేయండి.

    • అంచనా వేయబడిన గడువు తేదీని నమోదు చేయండి: అంచనా గడువు తేదీని ట్యాప్ చేయండి.

    • గర్భధారణ సమయాన్ని వారాలలో నమోదు చేయండి: అంచనా గర్భధారణ కాలాన్ని ట్యాప్ చేయండి.

    • IVF సమయంలో పిండం బదిలీ చేయబడినప్పుడు లాగ్ చేయండి: పిండం బదిలీ తేదీని ట్యాప్ చేయండి.

    నోట్: మునుపటి గర్భధారణను లాగ్ చేయడానికి, ‘మునుపటి గర్భధారణను లాగ్ చేయండి’ని ట్యాప్ చేయండి.

  6. తర్వాత ట్యాప్ చేసి, స్క్రీన్‌పై కనిపించే సూచనలను అనుసరించి, ఆపై తర్వాత ట్యాప్ చేయండి.

  7. ’తర్వాత’ ట్యాప్ చేసి, ఆపై ఈ కింద పేర్కొన్న విధంగా చేయండి:

    • మానసిక ఆరోగ్య ప్రశ్నాపత్ర రిమైండర్‌లను ఆన్ చేయడం (ఐచ్ఛికం): ’నోటిఫికేషన్లను ఆన్ చేయండి’ట్యాప్ చేయండి.

    • మీ మెడికల్ IDకి మీ గర్భధారణను జోడించడం (ఐచ్ఛికం): ’నోటిఫికేషన్లను ఆన్ చేయండి’ట్యాప్ చేయండి.

    • మీ మందుల సమాచారాన్ని రివ్యూ చేయడం: మీ గర్భధారణపై ఏదైనా ప్రభావం పడే అవకాశం గురించి తెలుసుకోవడానికి ’మందు గురించి మరింత తెలుసుకోండి’ ట్యాప్ చేసి, ఆపై ’తర్వాత’ను ట్యాప్ చేయండి.

  8. రుతుచక్ర కాలక్రమాన్ని రివ్యూ చేసి, ఆపై పూర్తి ట్యాప్ చేయండి.

మీరు గర్భధారణను నమోదు చేసినప్పుడు మీరు వివిధ రకాల నోటిఫికేషన్‌లను స్వీకరించవచ్చు, మీరు గర్భధారణ సమయంలో లేదా ఆ తర్వాత వాటిని ఆన్ లేదా ఆఫ్ చేయండి:

  • నడక స్థిరత్వం: ఆన్ చేయాల్సిందిగా సిఫార్సు చేయబడింది. మూడవ త్రైమాసికంలో, మీరు పడిపోయే ప్రమాదం ఎక్కువగా పొంచి ఉన్నప్పుడు నడక స్థిరత్వం మిమ్మల్ని అత్యంత త్వరగా అలర్ట్ చేస్తుంది.

  • అధిక హార్ట్ రేట్ (Apple Watch మాత్రమే): మీ గరిష్ట హార్ట్ రేట్ నోటిఫికేషన్ పరిమితి నిమిషానికి 120 బీట్స్ (bpm) కంటే తక్కువకు సెట్ చేసినట్లయితే దాన్ని రివ్యూ చేసి, అడ్జస్ట్ చేయమని మిమ్మల్ని అడగడం జరుగుతుంది.

  • కార్డియో ఫిట్‌నెస్ (Apple Watch మాత్రమే): మీ గర్భధారణ సమయంలో, అలాగే గర్భధారణ ముగిసిన తర్వాత 12 వారాల వరకు కార్డియో ఫిట్‌నెస్ నోటిఫికేషన్‌లను ఆఫ్ చేయవలసిందిగా సిఫార్సు చేయడమైనది.

మీ ఆరోగ్య నోటిఫికేషన్ సెట్టింగ్‌లను రివ్యూ చేయడానికి, iPhone యూజర్ గైడ్‌లో మీ ఆరోగ్య చెక్‌లిస్ట్‌ను రివ్యూ చేయడం అనే ఆర్టికల్ చూడండి.

రక్తస్రావం, ఇతర లక్షణాలను నమోదు చేయడం

  1. మీ iPadలో ఆరోగ్యం యాప్ కు వెళ్ళండి.

  2. శోధన బటన్ ట్యాప్ చేసి, ఆపై రుతుచక్ర ట్ర్యాకింగ్‌ను ట్యాప్ చేయండి.

  3. రోజును ఎంచుకోవడానికి స్వైప్ చేయండి, ఆపై ఈ దిగువ వాటిలో ఏదైనా చేయండి:

    • రక్తస్రావం వివరాలు నమోదు చేయండి: ‘గర్భధారణ సమయంలో రక్తస్రావం’ ట్యాప్ చేసి, ‘రక్తస్రావం అయింది’ ట్యాప్ చేసి, రక్తస్రావం స్థాయిని ఎంచుకుని, ఆపై ’పూర్తయింది’ని ట్యాప్ చేయండి.

      నోట్: మీరు గర్భధారణ సమయంలో రక్తస్రావం వివరాలను నమోదు చేసినప్పుడు, మీరు మీ డాక్టర్ లేదా వైద్య బృందాన్ని సంప్రదించమని సిఫార్సు చేసే నోటిఫికేషన్‌ను అందుకుంటారు.

    • లక్షణాలు లేదా ఇతర సమాచారాన్ని నమోదు చేయండి: రోజును ఎంచుకోవడానికి టైమ్‌లైన్‌ను స్వైప్ చేసి, ఒక విభాగాన్ని (ఇతర డేటాకు దిగువన) ట్యాప్ చేయండి, సమాచారాన్ని అందించండి, ఆపై ‘పూర్తి’ ట్యాప్ చేయండి.

డేటా లాగింగ్ స్క్రీన్‌కు విభాగాలను జోడించడానికి, లాగ్ పక్కన ఉన్న ఎంపికలను ట్యాప్ చేయండి, ఆపై లాగ్‌కు దిగువన ఉన్న వర్గాల నుండి ఎంచుకోండి.

మీ గర్భధారణ సైకిల్ టైమ్‌లైన్‌ను చూడటం

శోధన బటన్ ట్యాప్ చేసి, ఆపై రుతుచక్ర ట్ర్యాకింగ్‌ను ట్యాప్ చేయండి.

స్క్రీన్ ఎగువన కనిపించే టైమ్‌లైన్ ఈ కింది ఐకాన్‌లను చూపుతుంది.

ఐకాన్

వివరణ

లేత ఆకుపచ్చ ఓవల్

మీరు గర్భం దాల్చిన రోజు.

డ్యాష్ చేయబడి ఉన్న లేత ఆకుపచ్చ ఓవల్

భవిష్యత్తులో మీరు ఇంకా గర్భవతిగా ఉండగల రోజు.

ముదురు ఆకుపచ్చ ఓవల్

మీ అంచనా వేసిన గడువు తేదీ.

వేర్వేరు రోజులను ఎంచుకోవడానికి, టైమ్‌లైన్‌ను స్వైప్ చేయండి.

మీ గర్భధారణ వివరాలను ఎడిట్ చేయడం

  1. మీ iPadలో ఆరోగ్యం యాప్ కు వెళ్ళండి.

  2. శోధన బటన్ ట్యాప్ చేసి, ఆపై రుతుచక్ర ట్ర్యాకింగ్‌ను ట్యాప్ చేయండి.

  3. గర్భధారణ ప్రాంతాన్ని ట్యాప్ చేసి, ఆపై దిగువ వాటిలో ఏదైనా చేయండి:

    • అంచనా పద్ధతిని మార్చండి: ‘మార్చండి’ ట్యాప్ చేసి, ఆపై ‘అంచనా పద్ధతి’ ట్యాప్ చేయండి.

    • మీ అంచనా పద్ధతిని ఎడిట్ చేయండి: మార్పు చేయడానికి ఫీల్డ్‌ను ట్యాప్ చేయండి.

    • మీ గర్భధారణ సమాచారాన్ని డిలీట్ చేయండి: ఆరోగ్యం యాప్ నుండి ‘ఫ్యాక్టర్‌ను డిలీట్ చేయండి’ ట్యాప్ చేయండి.

  4. మీరు పూర్తి చేసిన తర్వాత, ‘పూర్తి’ బటన్ను ట్యాప్ చేయండి.

మీ ఆరోగ్య డేటా, గోప్యత సంబంధిత సమాచారం

మీరు ఆరోగ్యం యాప్‌లో జోడించే మీ సమాచారం మీ వినియోగం, షేరింగ్ ప్రయోజనాల కోసం మాత్రమే. మీరు ఆరోగ్యం యాప్‌లో స్టోర్ చేయవలసిన సమాచారాన్ని, దాన్ని ఎవరు యాక్సెస్ చేయగలరు అనేది నిర్ణయించవచ్చు.

మీరు మెడికల్ IDకి గర్భధారణను జోడించాలని ఎంచుకుంటే, ‘iPhoneలో ఎనేబల్ చేయబడిన లాక్ చేయబడి ఉన్నప్పుడు చూపండి’ ఆన్‌లో ఉన్నప్పుడు, మీ గర్భధారణ స్టేటస్ లాక్ స్క్రీన్‌లో కూడా యాక్సెస్ చేయబడుతుంది. ‘ఎమర్జెన్సీ కాల్ సమయంలో షేర్ చేయండి’ ఎనేబల్ చేయబడి ఉన్నప్పుడు, ఎమర్జెన్సీ కాల్ సమయంలో మొదటగా స్పందించే వారికి మీ గర్భధారణ స్టేటస్ కూడా షేర్ చేయబడుతుంది. మీరు మీ iPhoneలోని ఆరోగ్యం యాప్ ప్రొఫైల్కు వెళ్లి, ఎప్పుడైనా మీ మెడికల్ ID సెట్టింగ్‌లను మార్చవచ్చు. మీ స్టేటస్ మారితే, మీరు మీ గర్భధారణ స్టేటస్‌ను మెడికల్ ID నుండి తొలగించవచ్చు లేదా అప్‌డేట్ చేయవచ్చు.

మీ iPad Face ID, Touch ID లేదా పాస్‌కోడ్ లాక్ చేయబడినప్పుడు, మీ మెడికల్ ID కాకుండా ఆరోగ్యం యాప్‌లోని మీ ఆరోగ్యం, ఫిట్‌నెస్ డేటా మొత్తం ఎన్‌క్రిప్ట్ చేయబడుతుంది. iCloudకు సింక్ చేయబడిన ఏదైనా ఆరోగ్య డేటా ట్రాన్సిట్‌లో, అలాగే Apple సర్వర్‌లలో ఎన్‌క్రిప్ట్ చేయబడుతుంది. మీరు డిఫాల్ట్‌గా రెండు-దశల ప్రామాణీకరణ, పాస్‌కోడ్‌తో కూడిన iPadOS, iOS, watchOS వెర్షన్ (మీరు రుతుచక్ర ట్ర్యాకింగ్ కోసం iPhone, Apple Watchను ఉపయోగిస్తున్నట్లయితే) కలిగి ఉన్నట్లయితే, మీ ఆరోగ్యం, యాక్టివిటి సంబంధిత డేటా Apple చదవలేని విధంగా స్టోర్ చేయబడుతుంది.

అంటే, మీరు రుతుచక్ర ట్ర్యాకింగ్ ఫీచర్, ఇంకా రెండు-దశల ప్రామాణీకరణను ఉపయోగించినప్పుడు, iCloudకు సింక్ చేయబడిన మీ ఆరోగ్య డేటా ఎండ్-టు-ఎండ్ ఎన్‌క్రిప్ట్ చేయబడుతుంది, అలాగే Appleకి డేటాను డీక్రిప్ట్ చేసే కీ ఉండదు, కావున దాన్ని చదవలేదని అర్థం.

దీన్ని కూడా చూడండిiPadలోని ఆరోగ్యం యాప్‌లో మీ ఆరోగ్యం వివరాలను పూరించడంiPadలోని ఆరోగ్యం యాప్‌లో మానసిక ఆరోగ్యాన్ని అంచనా వేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.