iPadలోని హోమ్‌కు పరిచయం

మీరు లైట్‌లు, లాక్‌లు, థర్మోస్టాట్‌ల వంటి HomeKit మరియు Matter-ఎనేబల్ చేసిన యాక్సెసరీలను సురక్షితంగా జోడించడానికి, కంట్రోల్ చేయడానికి, అలాగే వాటిని ఆటోమేట్ చేయడానికి ‘హోమ్’ యాప్‌ని ఉపయోగించవచ్చు. మీరు HomeKit సురక్షిత వీడియోకు మద్దతు ఇచ్చే భద్రతా కెమెరాలను సెటప్ చేసినప్పుడు, మీరు వీడియోను క్యాప్చర్ చేయవచ్చు, అలాగే కెమెరా ఎవరినైనా గుర్తించినప్పుడు లేదా డోర్ వద్ద ప్యాకేజీని ఉంచినప్పుడు నోటిఫికేషన్‌ను అందుకోవచ్చు. మీరు ఒకే ఆడియోను ప్లేచేయడానికి పలు స్పీకర్‌లను గ్రూప్ చేయవచ్చు, అలాగే మద్దతుగల డివైజ్‌లలో ఇంటర్‌కామ్ సందేశాలను పంపవచ్చు, స్వీకరించవచ్చు.

నిర్దిష్ట సమయాల్లో ఆటోమేటిక్‌గా రన్ చేయడానికి, లేదా మీరు నిర్దిష్ట యాక్సెసరీని యాక్టివేట్ చేసినప్పుడు (ఉదాహరణకు, మీరు ముందు డోర్‌ను అన్‌లాక్ చేసినప్పుడు) ఆటోమేషన్‌లను క్రియేట్ చేయవచ్చు. హోమ్ హబ్—Apple TV 4K (4వ జనరేషన్ లేదా తర్వాతి జనరేషన్) లేదా HomePod స్పీకర్‌ల సహాయంతో మీరు మీ హోమ్‌ను రిమోట్ విధానంలో కంట్రోల్ చేయవచ్చు. ఇది మీరు, మీరు ఆహ్వానించే ఇతరులు, మీరు ఇంట్లో లేనప్పుడు మీ ఇంటిని సురక్షితంగా కంట్రోల్ చేయడానికి వీలు కల్పిస్తుంది.

నోట్: Matter ఎనేబల్ చేయబడిన యాక్సెసరీలకు HomePod స్పీకర్ లేదా Apple TV 4K వంటి హోమ్ హబ్ అవసరం. Thread యాక్సెసరీలకు Apple TV 4K (3 వ జనరేషన్) Wi-Fi + ఈథర్నెట్, HomePod mini, మద్దతు ఉన్న థర్డ్ పార్టీ బోర్డర్ రౌటర్ లేదా Thread పెయిరింగ్‌కు మద్దతు ఇచ్చే డివైజ్ వంటి Thread ఎనేబల్ చేయబడిన హోమ్ హబ్ అవసరం.

హోమ్ ఓవర్‌వ్యూ

మీ యాక్సెసరీలను సులభంగా నావిగేట్ చేయడానికి, కంట్రోల్ చేయడానికి హోమ్ యాప్ మీకు వీలు కల్పిస్తుంది. హోమ్ యాప్‌లో, దిగువ విభాగాలను చూపడానికి సైడ్‌బార్‌లోని హోమ్ ట్యాప్ చేయండి:

  • విభాగాలు: గది వారీగా ఏర్పాటు చేసిన అన్ని సంబంధిత యాక్సెసరీలను ఒకే స్క్రీన్‌పై చూపడానికి, లైట్‌లు, భద్రత, వాతావరణం, స్పీకర్‌లు లేదా నీళ్లు వంటి ఏదైనా విభాగాన్ని ట్యాప్ చేయండి.

  • కెమెరాలు: ‘కెమెరాలు’ విభాగంలో గరిష్టంగా నాలుగు కెమెరాలకు సంబంధించిన వీడియో కనిపిస్తుంది. మరిన్ని కెమెరాలను చూడటానికి ఎడమ వైపు స్వైప్ చేయండి.

  • సీన్‌లు: ట్యాప్ చేయడం లేదా Siriని రిక్వెస్ట్ చేయడం ద్వారా పలు యాక్సెసరీలను కంట్రోల్ చేయడానికి సీన్‌లను సృష్టించండి-ఉదాహరణకు, బ్లైండ్‌లను మూసివేసి, సాయంత్రం లైట్‌లను ఆన్ చేయడానికి సీన్‌ను ట్యాప్ చేయండి.

  • ఇష్టపడినవి: మీరు ఎక్కువగా ఉపయోగించే యాక్సెసరీలను హోమ్ ట్యాబ్ నుండి త్వరగా కంట్రోల్ చేయడానికి, వాటిని ‘ఇష్టపడినవి’కు జోడించండి.

  • రూమ్‌లు: మీకు అవసరమైన యాక్సెసరీని కనుగొనే అవకాశాన్ని కల్పించడానికి, యాక్సెసరీలు రూమ్ ఆధారంగా నిర్వహించబడతాయి.

ఎగువ ఎడమవైపుకి దగ్గరగా హోమ్, ఆటోమేషన్, కనుగొనండి ట్యాబ్స్ చూపుతూ, ఎడమ వైపు సైడ్‌బార్‌‌తో కూడిన హోమ్ యాప్. హోమ్‌లోని విభాగాలు, గదులు దిగువన కనిపిస్తాయి. సైడ్‌బార్‌కు కుడివైపున ఎగువ భాగంలో ఇంటర్‌కామ్, జోడించండి, మరిన్ని ఎంపికలు బటన్‌లు ఉంటాయి. ఎగువకు దగ్గరగా ఉన్న విభాగం సంబంధిత బటన్‌లు క్రింద ఉన్నవి సీన్‌లు, కెమెరా ఇమేజ్‌లు, అలాగే అన్ని యాక్సెసరీలతో కూడిన గది.

హోమ్‌ను ఎడిట్ చేయడం

మీకు తగిన విధంగా మీరు హోమ్ యాప్‌ను నిర్వహించవచ్చు.

సైడ్‌బార్‌లోని హోమ్ ట్యాప్ చేసి, ‘మరిన్ని’ బటన్ను ట్యాప్ చేసి, ఆపై దిగువ వాటిలో ఏదైనా చేయండి.

  • ఐటెమ్‌ల ఆర్డర్ మార్చండి: ‘హోమ్ వీక్షణను ఎడిట్ చేయండి’ని ఎంచుకుని, ఆపై టైల్‌లను వేరే స్థానానికి డ్రాగ్ చేయండి. మీ పని పూర్తయిన తర్వాత ‘పూర్తి’ని ట్యాప్ చేయండి.

  • విభాగాల ఆర్డర్ మార్చండి: హోమ్ స్క్రీన్‌లో అమర్చబడిన విభాగాల క్రమాన్ని మార్చడానికి, విభాగాలను క్రమాన్ని తిరిగి మార్చండి ఎంచుకోండి, ఆపై ఒక విభాగం పక్కన ఉన్న ఆర్డర్ మార్చే బటన్ను కొత్త స్థానానికి డ్రాగ్ చేయండి. మీ పని పూర్తయిన తర్వాత ‘పూర్తి’ని ట్యాప్ చేయండి.

  • ఐకాన్‌ల సైజ్ మార్చండి: ‘హోమ్ వీక్షణను ఎడిట్ చేయండి’ని ఎంచుకుని, టైల్‌ను ట్యాప్ చేసి, ‘సైజ్ మార్చండి’ బటన్ను ట్యాప్ చేసి, ఆపై ‘పూర్తి’ని ట్యాప్ చేయండి.

మీ Apple డివైజ్‌లతో స్మార్ట్ హోమ్‌ను ఎలా సృష్టించాలో, యాక్సెసరైజ్ చేయాలో మరింత తెలుసుకోవడానికి, సైడ్‌బార్‌లో కనుగొనండి ట్యాప్ చేయండి.

దీన్ని కూడా చూడండిApple హోమ్‌ను అప్‌డేట్ చేయండిiPadలోని హోమ్‌లో భద్రతా కెమెరాలను సెటప్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.