iPadOS 26
iPadOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPadలో FaceTime కాల్స్ స్వీకరించడం

FaceTime యాప్‌లో, మీరు వీడియో, ఆడియో కాల్‌లకు సమాధానం ఇవ్వవచ్చు, కాల్‌లను తిరస్కరించవచ్చు, వీడియో సందేశాలను చూడవచ్చు లేదా వాయిస్‌మెయిల్‌లను వినవచ్చు, మీ కాల్ హిస్టరీ నుండి కాల్‌లను డిలీట్ చేయవచ్చు.

నోట్: లైవ్ వాయిస్ మెయిల్ అన్ని భాషలు లేదా ప్రాంతాలలో అందుబాటులో లేదు. iOS, iPadOS ఫీచర్ లభ్యత వెబ్‌సైట్ చూడండి.

FaceTime కాల్‌కు సమాధానం ఇవ్వడం

FaceTime కాల్ వచ్చినప్పుడు, దిగువ పేర్కొన్న వాటిలో వాటిలో ఏదైనా చేయండి:

  • కాల్‌ను ఆమోదించడం: వీడియో కాల్‌కు సమాధానం ఇవ్వడానికి, వీడియో బటన్ ట్యాప్ చేసి, ఆపై ‘చేరండి’ని ట్యాప్ చేయండి. ఆడియో కాల్‌కు సమాధానం ఇవ్వడానికి, ఆడియో బటన్ను ట్యాప్ చేయండి.

    స్లైడర్ కనిపిస్తే, మీరు సమాధానం ఇవ్వడానికి దానిని కుడివైపు డ్రాగ్ చేయవచ్చు.

  • కాల్‌ను తిరస్కరించడం: ’వీడియో కాల్‌ను తిరస్కరించండి’ బటన్ (వీడియో కాల్ కోసం) లేదా ’ఆడియో కాల్‌ను తిరస్కరించండి’ బటన్ (ఆడియో కాల్ కోసం) ట్యాప్ చేయండి.

    FaceTime ఆడియో కాల్‌ల కోసం, టెక్స్ట్ సందేశాన్ని పంపడానికి సందేశాన్ని ట్యాప్ చేయండి లేదా కాలర్‌ను వాయిస్‌మెయిల్‌కు పంపడానికి వాయిస్‌మెయిల్‌ను ట్యాప్ చేయండి. (ఈ ఎంపికలను చూడటానికి మీరు ఇన్‌కమింగ్ కాల్ బ్యానర్‌ను ట్యాప్ చేయాల్సి ఉంటుంది.)

  • ప్రస్తుత కాల్‌ను హోల్డ్‌లో పెట్టడం: ‘హోల్డ్ చేసి, ఆమోదించండి’ని ట్యాప్ చేయండి

    నోట్: మీరు FaceTime ఆడియో కాల్‌లో ఉండి, మీరు మరొక ఇన్‌కమింగ్ FaceTime ఆడియో కాల్‌ని స్వీకరిస్తే మాత్రమే ఈ ఎంపిక అందుబాటులో ఉంటుంది. లేకపోతే, ప్రస్తుత కాల్‌ను ముగించి, ఇన్‌కమింగ్ కాల్‌కు సమాధానం ఇవ్వడానికి మీరు ‘ముగించి, ఆమోదించండి’ని ట్యాప్ చేయవచ్చు.

చిట్కా: మీరు Siri అనౌన్స్ చేసే ఇన్‌కమింగ్ కాల్‌లను స్వీకరించవచ్చు, మీ వాయిస్‌ను ఉపయోగించి వాటిని ఆమోదించవచ్చు లేదా తిరస్కరించవచ్చు.

వీడియో సందేశాన్ని చూడటం లేదా వాయిస్‌మెయిల్‌ను వినడం

మీరు ఇన్‌కమింగ్ వీడియో కాల్ మిస్ అయ్యి, కాలర్ వీడియో సందేశాన్ని పంపిస్తే, మీరు వీడియో సందేశం గురించి నోటిఫికేషన్ అందుకుంటారు. వీడియో నుండి ఒక థంబ్‌నెయిల్ ఇమేజ్ మీ FaceTime కాల్ చరిత్రలో కూడా కనిపిస్తుంది. మీరు వీడియో సందేశాన్ని చూడటానికి నోటిఫికేషన్ లేదా ఇమేజ్‌ను ట్యాప్ చేయవచ్చు.

నోట్: మీరు వీడియో సందేశాలను సేవ్ చేసిన కాంటాక్ట్‌లు, మీరు కాల్ చేసిన వ్యక్తులు, Siri సూచించిన వ్యక్తుల నుండి మాత్రమే అందుకుంటారు.

మీరు ఇన్‌కమింగ్ ఆడియో కాల్ మిస్ చేసిన సందర్భంలో, మీరు సెట్టింగ్స్  > యాప్స్ > ఫోన్‌లో ‘లైవ్ వాయిస్‌మెయిల్’ను ఆన్ చేసి ఉంటే, అలాగే మీ iPhone, మీ iPad మాదిరిగా FaceTime యాప్‌లో అదే Apple ఖాతాతో సైన్ ఇన్ చేసి ఉంటే, కాలర్ మీకోసం వాయిస్‌మెయిల్‌ను పంపగలుగుతారు.

FaceTime కాల్ హిస్టరీ, గ్రూప్ FaceTime కాల్, ఆడియో కాల్, వీడియో సందేశం, ఆడియో సందేశం, FaceTime కాల్‌కు లింక్‌ను చూపుతుంది.

మీ కాల్ హిస్టరీ నుండి కాల్‌ను డిలీట్ చేయడం

  1. మీ iPadలో FaceTime యాప్ కి వెళ్ళండి.

  2. మీ కాల్ హిస్టరీలోని కాల్‌ను నొక్కి ఉంచి, ఆపై ’డిలీట్’ ట్యాప్ చేయండి.

చిట్కా: ఒక నిర్దిష్ట కాంటాక్ట్‌కు సంబంధించిన అన్ని వాయిస్ సందేశాలను లేదా వాయిస్‌మెయిల్‌లను త్వరగా యాక్సెస్ చేయడానికి, కాల్ హిస్టరీలో వారి పేరును ట్యాప్ చేసి, ఆపై వాయిస్ మెయిల్స్ బటన్ లేదా వీడియోల బటన్‌ను ట్యాప్ చేయండి.

దీన్ని కూడా చూడండిFaceTime కాల్‌ను బ్లాక్ చేసి, దానిని iPadలో స్పామ్‌గా నివేదించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.